Գուրգեն Արսենյան

Գուրգեն Արսենյանն 8-րդ գումարման խորհրդարանի «Քաղաքացիական պայմանագիր» խմբակցության պատգամավոր է։

Ծնվել է 1959թ.։ 1981-1982թթ. ծառայել է խորհրդային բանակում: 1989թ. անդամակցել է Անկախության բանակին:

1980թ. ավարտել է Երևանի ժողովրդական տնտեսության ինստիտուտը: 1990-1994թթ. եղել է ՀՀԿ անդամ, 1991-1992թթ.` ՀՀԿ քաղաքական խորհրդի անդամ: 2002 թվականից Միավորված աշխատանքային կուսակցության հիմնադիր ղեկավարն է:

2000-2003թթ. եղել է ԱԺ պատգամավոր, 2001-2003թթ.` ԱՊՀ միջխորհրդարանական վեհաժողովի իրավական հարցերի հանձնաժողովի փոխնախագահ: 2003-2007թթ. եղել է ԱԺ պատգամավոր (համամասնական ընտրակարգ, ՄԱԿ): 2012-2017թթ. եղել է ԱԺ պատգամավոր (համամասնական ընտրակարգ, «Բարգավաճ Հայաստան» կուսակցության ընտրական ցուցակ):

2021թ. հունիսի 20-ին ԱԺ պատգամավոր է ընտրվել «Քաղաքացիական պայմանագիր» կուսակցության համապետական ընտրական ցուցակով:

Արսենյանը Հայաստանը կներկայացնի Մոսկվայում ԱՊՀ երկրների անվտանգության խորհուրդների քարտուղարների հանդիպմանը |news.am|

news.am: ՌԴ-ում Հայաստանի դեսպան Գուրգեն Արսենյանը ներկա կլինի ԱՊՀ երկրների անվտանգության խորհուրդների քարտուղարների հանդիպմանը, որը տեղի կունենա նոյեմբերի 7-ին։ Այս մասին տեղեկացրել է ՌԴ Անվտանգության խորհրդի աշխատակազմի մամուլի ծառայությունը։ Նշվել է, որ ԱՊՀ երկրների անվտանգության խորհուրդների քարտուղարների 12-րդ ամենամյա հանդիպումը տեղի կունենա ՌԴ Անվտանգության խորհրդի քարտուղար Սերգեյ Շոյգուի նախագահությամբ։ «Շոյգուն հանդես կգա զեկույցով միջազգային, տարածաշրջանային եւ ազգային անվտանգության ոլորտի իրավիճակի մասին, կտեղեկացնի կատարված աշխատանքի մասին ԱՊՀ տարածքում մարտահրավերներին եւ սպառնալիքներին դիմակայելու ոլորտում»,- նշված է հաղորդագրությունում։ Հանդիպման ընթացքում քննարկվելու են տեղեկատվական անվտանգության եւ Աֆղանստանի հետ փոխգործակցության խնդիրները։ Օրակարգում ներառված են նաեւ հարցեր ԱՊՀ մասնակից պետությունների համատեղ միջոցների մասին Հայրենական մեծ պատերազմի պատմական հիշողության պահպանման վերաբերյալ։ Հանդիպմանը կմասնակցեն ԱՊՀ անդամ պետությունների ազգային անվտանգության խորհուրդների քարտուղարները, ԱՊՀ գլխավոր քարտուղար Սերգեյ Լեբեդեւը եւ ՀԱՊԿ գլխավոր քարտուղար Իմանղալի Տասմագամբետովը, Մոլդովայի սոցիալիստների կուսակցության նախագահ Մարչել Չենուշան։

16:03 - 06 նոյեմբերի, 2024

Ադրբեջանում պահվող հայ գերիների ազատ արձակումը մեծապես կօգնի Երևանի և Բաքվի հաշտեցմանը․ Գուրգեն Արսենյան |armenpress.am|

armenpress.am: Ադրբեջանում պահվող հայ գերիների ազատ արձակումը մեծապես կօգնի Երևանի և Բաքվի հաշտեցմանը։ Ինչպես հայտնում է ՏԱՍՍ գործակալությունը, լրագրողների հետ զրույցում այդ մասին ասել է Ռուսաստանում Հայաստանի դեսպան Գուրգեն Արսենյանը։ «Այդպիսի քայլը մեծապես կնպաստի հաշտեցմանը»,- ասել է Արսենյանն ու հավելել, որ պահվող անձանց ազատ արձակման հետ կապված մնացած հարցերը պետք է ուղղել ադրբեջանական կողմին։ Դեսպանն ընդգծել է՝ եթե Երևանն ու Բաքուն գնում են խաղաղության պայմանագիր կնքելու ճանապարհով, պատրաստվում են ամբողջ աշխարհին հայտարարել, որ երկու պետությունները, ազգերը ապրելու են խաղաղության և համագործակցության պայմաններում, ապա պետք է սկսեն քայլերից, որոնք կգնահատվեն։ Ադրբեջանը պաշտոնապես հաստատել է իր մոտ 23 հայ գերիների և այլ պահվող անձանց առկայությունը, որոնց թվում են Լեռնային Ղարաբաղի նախկին ռազմաքաղաքական ղեկավարության ներկայացուցիչները։

17:41 - 05 նոյեմբերի, 2024

Վլադիմիր Պուտինն ընդունել է ՌԴ-ում ՀՀ նոր դեսպան Գուրգեն Արսենյանի հավատարմագրերը

ՌԴ նախագահ Վլադիմիր Պուտինն ընդունել է ՌԴ-ում ՀՀ նոր դեսպան Գուրգեն Արսենյանի հավատարմագրերը։ ՌԴ նախագահը հայտարարել է, որ Ռուսաստանն արել և անում է ամեն ինչ հայ-ադրբեջանական հարաբերությունները կարգավորելու և Անդրկովկասում կայուն խաղաղություն ապահովելու համար։ «Մենք կշարունակենք աջակցել խաղաղության պայմանագրի, պետական սահմանի սահմանազատման և տնտեսական ու տրանսպորտային կապերի ապաշրջափակման աշխատանքներին՝ 2020-2022 թվականների ամենաբարձր մակարդակով հայտնի եռակողմ համաձայնագրերին համապատասխան», - ասել է Պուտինը դեսպանների ընդունելության ժամանակ։ Վլադիմիր Պուտինը այսօր Կրեմլում ընդունել է 28 նոր դեսպանների։

15:26 - 05 նոյեմբերի, 2024

Պուտինը նոյեմբերի 5-ին կընդունի Գուրգեն Արսենյանի հավատարմագրերը |tert.am|

tert.am: Նոյեմբերի 5-ին ՌԴ նախագահ Վլադիմիր Պուտինը կընդունի 28 նոր դեսպանների, այդ թվում` ՀՀ դեսպան Գուրգեն Արսենյանի հավատարմագրերը, հայտնել է Կրեմլի մամուլի ծառայությունը։ Արարողությունը, ավանդույթի համաձայն, տեղի կունենա Կրեմլի պալատի Ալեքսանդրյան սրահում: Պուտինին իրենց հավատարմագրերը կհանձնեն նաև Ադրբեջանի, Արգենտինայի, Իտալիայի, Իսպանիայի, Նոր Զելանդիայի, Իռլանդիայի, Դանիայի, Բելգիայի դեսպանները: Հիշեցնենք, որ օգոստոսին ՀՀ նախագահ Վահանգն Խաչատուրյանի հրամանագրով Վաղարշակ Հարությունյանը հետ էր կանչվել Ռուսաստանում Հայաստանի դեսպանի պաշտոնից։ Նախագահի մեկ այլ հրամանագրով Գուրգեն Արսենյանը նշանակվել էր Ռուսաստանում Հայաստանի դեսպան:

14:45 - 04 նոյեմբերի, 2024

ՌԴ-ում ՀՀ դեսպանը և Շվեյցարիայի դեսպանատան Վրաստանի շահերի բաժնի ղեկավարը քննարկել են ՀՀ և Վրաստանի համար հետաքրքրություն ներկայացնող հարցեր

Ռուսաստանի Դաշնությունում Հայաստանի Հանրապետության դեսպան Գուրգեն Արսենյանը հոկտեմբերի 29-ին հանդիպում է ունեցել ՌԴ-ում Շվեյցարիայի դեսպանատան Վրաստանի շահերի բաժնի ղեկավար Մամուկա Մերկվիլաձեի հետ։ «Արմենպրես»-ի հաղորդմամբ՝ Ռուսաստանում Հայաստանի դեսպանության «Ֆեյսբուք»-ի էջը տեղեկացնում է, որ ջերմ և բարեկամական մթնոլորտում կողմերը քննարկել են Հայաստանի և Վրաստանի համար երկուստեք հետաքրքրություն ներկայացնող հարցեր։ Մտքեր են փոխանակվել ՌԴ-ում ՀՀ դեսպանության և Շվեյցարիայի դեսպանատան Վրաստանի շահերի բաժնի միջև հետագա համագործակցության հնարավորությունների և ուղղությունների վերաբերյալ։ «Դեսպան Արսենյանը շնորհավորել է գործընկերոջը Վրաստանի խորհրդարանական ընտրություններում «Վրացական երազանք» կուսակցության տպավորիչ հաղթանակի առիթով»,- ասվում է հաղորդագրության մեջ։

18:49 - 30 հոկտեմբերի, 2024

Լավրովը ՌԴ–ում ՀՀ նորանշանակ դեսպանի հետ քննարկել է հայ-ռուսական հարաբերություններին առնչվող հարցեր |tert.am|

tert.am: Ռուսաստանի Դաշնության արտաքին գործերի նախարար Սերգեյ Լավրովն ընդունել է Ռուսաստանում Հայաստանի Հանրապետության արտակարգ և լիազոր դեսպան Գուրգեն Արսենյանին: Այս մասին հայտնում են ՌԴ ԱԳՆ պաշտոնական կայքից։ Ըստ հաղորդագրության՝ Սերգեյ Լավրովը շնորհավորել է Գուրգեն Արսենյանին դեսպան նշանակվելու կապակցությամբ ու մաղթել հաջողություններ՝ աշխատանքում։ ՌԴ ԱԳՆ-ից հայտնում են նաև, որ քննարկվել են հայ-ռուսական հարաբերություններին վերաբերող հարցեր, ինչպես նաև որոշ հարցեր՝ տարածաշրջանային օրակարգից։

21:50 - 04 հոկտեմբերի, 2024

ՌԴ-ում ՀՀ դեսպանը և ՌԴ Դաշնային Խորհրդի միջազգային գործերի կոմիտեի նախագահը քննարկել են հայ-ռուսական հարաբերությունների ներկա վիճակը

Ռուսաստանի Դաշնության Դաշնային Խորհրդի միջազգային գործերի կոմիտեի նախագահ Գրիգորի Կարասինը հանդիպում է ունեցել Ռուսաստանի Դաշնությունում Հայաստանի Հանրապետության արտակարգ և լիազոր դեսպան Գուրգեն Արսենյանի հետ: Աայս մասին հաղորդագրություն է տարածել ՌԴ խորհրդի լրատվական ծառայությունը։ Նշվում է, որ զրույցին մասնակցել է Դաշնության խորհրդի միջազգային հարցերով կոմիտեի նախագահի առաջին տեղակալ, Ռուսաստանի Դաշնության Դաշնային ժողովի և Հայաստանի Հանրապետության Ազգային ժողովի համագործակցության միջխորհրդարանական հանձնաժողովի անդամ Վլադիմիր Ջաբարովը: Հանդիպման ընթացքում քննարկվել է հայ-ռուսական հարաբերությունների ներկա վիճակը, մտադրություն է հայտնվել նպաստել դրանց զարգացմանը: Գրիգորի Կարասինն ընդգծել է Ռուսաստանի և Հայաստանի հարաբերությունների դաշնակցային բնույթը, որոնք անհրաժեշտ է ամրապնդել՝ ի շահ երկու երկրների ժողովուրդների: Սենատորի խոսքով՝ խորհրդարանականները կոչված են պահպանելու երկկողմ կապերի առողջ մթնոլորտը եւ միշտ պատրաստ են երկխոսության: Հանդիպման ընթացքում կարևորվել են կանոնավոր շփումները Ռուսաստանի Դաշնության Դաշնային ժողովի և Հայաստանի Հանրապետության Ազգային ժողովի համագործակցության միջխորհրդարանական հանձնաժողովի գծով: Կողմերը պայմանավորվել են շարունակել փոխգործակցությունը և պարբերաբար կարծիքներ փոխանակել երկկողմ հարաբերությունների և տարածաշրջանային անվտանգության խնդիրների շուրջ: Published by Armenpress, original at https://armenpress.am/hy/article/1201453

21:58 - 03 հոկտեմբերի, 2024

ՌԴ ԱԳ փոխնախարարն ընդունել է ՀՀ դեսպան Գուրգեն Արսենյանի հավատարմագրերի պատճենը

Սեպտեմբերի 11-ին Ռուսաստանի Դաշնության արտաքին գործերի նախարարի տեղակալ Միխայիլ Գալուզինն ընդունել է ՌԴ-ում ՀՀ դեսպան Գուրգեն Արսենյանի հավատարմագրերի պատճենը, հայտնում է ՌԴ ԱԳՆ-ն: Զրույցի ընթացքում քննարկվել են ռուս-հայկական հարաբերությունների վիճակն ու հեռանկարները։ Գալուզինը հաջողություն է մաղթել դեսպանին Մոսկվայում իր առաքելության իրականացման գործում:

18:34 - 11 սեպտեմբերի, 2024

Ձգտել եմ իմ համեստ ավանդը ներդնել ՀՀ քաղաքական և տնտեսական զարգացման գործում. Գուրգեն Արսենյան

ԱԺ նախկին պատգամավոր, ՌԴ-ում ՀՀ դեսպան Գուրգեն Արսենյանը նշանակումից հետո գրառում է արել «Ֆեյսբուքի» իր էջում՝ նշելով. «Հանրապետության Վարչապետի առաջարկությամբ` Հանրապետության Նախագահի հրամանագրով նշանակվել եմ Ռուսաստանի Դաշնությունում Հայաստանի Հանրապետության արտակարգ և լիազոր դեսպան: Այդ կապակցությամբ արդեն վայր եմ դրել Ազգային ժողովի պատգամավորի մանդատը, ինչպես նաև դադարեցրել եմ Միավորված աշխատանքային կուսակցության (ՄԱԿ) նախագահի լիազորությունները և կուսակցության անդամությունը: Հարգելի հայրենակիցներ, ես գիտակցում եմ, որ քաղաքական զսպվածության սկզբունքը սահմանափակում է ներքաղաքական հարցերի վերաբերյալ կարծիք հայտնելու, հրապարակային քննարկումներում հանդես գալու դիվանագետի հնարավորությունները: Ուստի թույլ տվեք իմ գործունեության այս հանգրվանում, նախ, շնորհակալություն հայտնել ՄԱԿ-ի անդամներին և նրա հազարավոր համակիրներին` հանուն Հայրենիքի շենացման մեր համատեղ աշխատանքի համար: 1988 թվականից ի վեր` Հայաստանի անկախության նվաճման և ամրապնդման համար պայքարում ձգտել եմ իմ համեստ ավանդը ներդնել Հայաստանի Հանրապետության քաղաքական և տնտեսական զարգացման գործում: Առանձնապես կարևոր եմ համարում Ազգային ժողովում իմ 15-ամյա խորհրդարանական գործունեության շրջանը, երբ հանդես գալով, նախ` որպես ընդդիմադիր պատգամավոր, իսկ վերջին տարիներին` որպես իշխանության ներկայացուցիչ, ձգտել եմ նպաստել արդյունավետ պետական կառավարման համակարգի կայացմանը և հանրային համերաշխության ու համաձայնության հաստատմանը: Անկեղծ երախտագիտություն եմ հայտնում «Քաղաքացիական պայմանագիր» խորհրդարանական խմբակցության իմ գործընկերներին` արգասաբեր և ներդաշնակ թիմային աշխատանքի համար: Հայաստանի Հանրապետության հարգելի քաղաքացիներ, սիրելի ժողովուրդ, մեր անհատական ու խմբային ջանքերը որևէ արդյունք չէին տա, եթե չլիներ Ձեր հավատը, վստահությունը և բոլորանվեր աջակցությունը, որ ստացել ենք հատկապես մեր երկրի համար վճռորոշ ու ճակատագրական պահերին: Իմ որդիական խոնարհումը Ձեզ»: Հիշեցնենք, որ Գուրգեն Արսենյանը նշանակվել է ՌԴ-ում Հայաստանի արտակարգ և լիազոր դեսպան:

11:28 - 16 օգոստոսի, 2024

ԱԺ-ում Գուրգեն Արսենյանին կփոխարինի Արմենուհի Ղազարյանը

Օգոստոսի 15-ին ՀՀ կենտրոնական ընտրական հանձնաժողովը գումարել է հերթական նիստ՝ ԱԺ պատգամավորի մանդատի տրամադրման օրակարգով։ Այս մասին հայտնում են ՀՀ կենտրոնական ընտրական հանձնաժողովից։ Կենտրոնական ընտրական հանձնաժողովն օգոստոսի 13-ին ստացել է ԱԺ պատգամավոր Գուրգեն Արսենյանի՝ պատգամավորի լիազորությունները դադարած համարելու վերաբերյալ արձանագրությունը։ ԱԺ «Քաղաքացիական պայմանագիր» կուսակցության ընտրական ցուցակից ընտրված և լիազորությունները վաղաժամկետ դադարած պատգամավորի մանդատը տրամադրվել է «Քաղաքացիական պայմանագիր» կուսակցության ընտրական ցուցակի առաջին մասի հերթական հաջորդ թեկնածու Արմենուհի Նշանի Ղազարյանին։ Հիշեցնենք, որ Գուրգեն Արսենյանը ՀՀ նախագահի հրամանագրով նշանակվել է ՌԴ-ում ՀՀ դեսպան։

15:39 - 15 օգոստոսի, 2024

Գուրգեն Արսենյանը նշանակվել է Ռուսաստանում ՀՀ դեսպան

Գուրգեն Արսենյանը նշանակվել է Ռուսաստանում ՀՀ դեսպան։ Համապատասխան հրամանագիրը ստորագրել է ՀՀ նախագահը՝ մեկ այլ հրամանագրով նշված պաշտոնից ազատելով Վաղարշակ Հարությունյանին։ «Հիմք ընդունելով վարչապետի առաջարկությունը` համաձայն Սահմանադրության 132-րդ հոդվածի 1-ին մասի 2-րդ կետի և «Դիվանագիտական ծառայության մասին» օրենքի 13-րդ հոդվածի 3-րդ մասի և 14-րդ հոդվածի.Գուրգեն ԱՐՍԵՆՅԱՆԻՆ նշանակել Ռուսաստանի Դաշնությունում Հայաստանի Հանրապետության արտակարգ և լիազոր դեսպան (նստավայրը՝ Մոսկվա)»,- ասված է հրամանի մեջ։ Հիշեցնենք, որ օգոստոսի 6-ին Գուրգեն Արսենյանը «Քաղաքացիական պայմանագիր» կուսակցության պատգամավորական մանդատից հրաժարվելու դիմում էր ներկայացրել։

11:21 - 15 օգոստոսի, 2024

ԱԺ նախագահը ստորագրել է Գուրգեն Արսենյանի՝ պատգամավորի լիազորությունները դադարած համարելու մասին արձանագրությունը

ՀՀ ԱԺ նախագահ Ալեն Սիմոնյանն արձանագրություն է ստորագրել Գուրգեն Արսենյանի՝ պատգամավորի լիազորությունները դադարեցնելու մասին: «Հիմք ընդունելով պատգամավորի հրաժարականի մասին դիմումը և առաջնորդվելով «Ազգային ժողովի կանոնակարգ» սահմանադրական օրենքի 154-րդ հոդվածի 1-ին մասի 6-րդ կետի և 155-րդ հոդվածի 2-րդ մասի 2-րդ կետի պահանջներով՝ դադարած համարել «Քաղաքացիական պայմանագիր» կուսակցության համապետական ընտրական ցուցակով ընտրված պատգամավոր Գուրգեն Արսենյանի՝ պատգամավորի լիազորությունները»,- նշված է ԱԺ նախագահի ստորագրած արձանագրության մեջ:

17:25 - 13 օգոստոսի, 2024

Գուրգեն Արսենյանը մանդատից հրաժարվելու դիմում է ներկայացրել

«Քաղաքացիական պայմանագիր» կուսակցության Գուրգեն Արսենյանը մանդատից հրաժարվելու դիմում է ներկայացրել։ Այս մասին News.am-ին հայտնել են ԱԺ-ից։ Գուրգեն Արսենյանն ԱԺ պատգամավոր է ընտրվել «Քաղաքացիական պայմանագիր» կուսակցության համապետական ընտրական ցուցակով 2021թ. հունիսի 20-ին : Հիշեցնենք, որ դեռ հոկտեմբերի վերջին Գուրգեն Արսենյանը հայտնել էր, որ ՌԴ-ում Հայաստանի դեսպանի պաշտոնում ներկայացվել է իր թեկնածությունը։ Նա նաև նշել էր, որ իր փաստաթղթերն արդեն գտնվում են ՌԴ-ում, բայց պատասխան դեռ չի եկել։ ՀՀ ԱԳՆ-ից էլ հայտնել էին, որ դեսպանների հավատարմագրման գործընթացը ոչ հանրային բնույթի դիվանագիտական ընթացակարգ է, որի արդյունքների ամփոփումից հետո հանրությունը կիրազեկվի։ Առայժմ հայտնի չէ՝ ՌԴ-ից Արսենյանի թեկնածությունը հաստատել են, թե ոչ։

11:58 - 06 օգոստոսի, 2024

ՌԴ-ում դեսպանի փոփոխությունը Հայաստանի առանձնաշնորհն է․ Գալուզին |azatutyun.am|

azatutyun.am: Ռուսաստանի փոխարտգործնախարար Միխայիլ Գալուզինը, պատասխանելով Ռուսաստանում Հայաստանի դեսպանի փոփոխության մասին լրագրողների հարցին, ասել է, որ «ուղարկող երկրի առանձնաշնորհն է որոշել այս կամ այն երկրում դեսպանի թեկնածությունը»։ «Տվյալ դեպքում խոսքը Ռուսաստանի Դաշնությունում դեսպանին փոխելու Հայաստանի ղեկավարության մտադրության մասին է», - ասել է նա։ Ազգային ժողովի խոսնակ Ալեն Սիմոնյանն այսօր հայտարարեց, որ Հայաստանը Ռուսաստանում շուտով նոր դեսպան է ունենալու, թեկնածությունն արդեն ներկայացված է, սպասում են նշանակմանը։ Մամուլն ավելի վաղ գրել էր խորհրդարանի «Քաղաքացիական պայմանագիր» խմբակցության պատգամավոր Գուրգեն Արսենյանի թեկնածության մասին։ Դեռ 2023-ի հոկտեմբերի վերջին Արսենյանը հաստատել էր, որ իր թեկնածությունն է ներկայացվել Ռուսաստանում Հայաստանի դեսպանի պաշտոնի համար և իր «փաստաթղթերը գտնվում են Ռուսաստանում»։

14:45 - 05 հուլիսի, 2024

«Ամփոփումից հետո կլինի իրազեկում»․ ԱԳՆ-ն ՌԴ-ում ՀՀ դեսպանի թեկնածու Գուրգեն Արսենյանի ագրեմանի մասին |azatutyun.am|

azatutyun.am: Դեսպանների հավատարմագրման գործընթացը ոչ հանրային բնույթի դիվանագիտական ընթացակարգ է, «Ազատության» հարցին ի պատասխան հայտարարում են Հայաստանի արտգործնախարարությունից՝ նշելով՝ արդյունքների ամփոփումից հետո կիրազեկեն։ «Ազատությունը», մասնավորապես, հետաքրքրվել էր արտաքին քաղաքական գերատեսչությունից, թե ե՞րբ է Մոսկվա ուղարկվել Ռուսաստանում Հայաստանի դեսպանի թեկնածու Գուրգեն Արսենյանի ագրեմանը, ե՞րբ է ետ կանչվել դեսպան Վաղարշակ Հարությունյանը և ռուսական կողմը որևէ բացատրություն ներկայացրել է, թե ինչո՞ւ այդ ագրեմանը դեռ չի ընդունում։ «Դեսպանների հավատարմագրման գործընթացը ոչ հանրային բնույթի դիվանագիտական ընթացակարգ է, որի արդյունքների ամփոփումից հետո սահմանված կարգով ապահովվում է հանրային իրազեկում», - ասված է պատասխանում։ Արտգործնախարարությունից նաև տեղեկացրել են, որ Վաղարշակ Հարությունը մինչև 2023-ի նոյեմբերի 6-ը եղել է արձակուրդում, այդ ընթացքում նրան փոխարինել է Ռուսաստանում Հայաստանի դեսպանության գործերի ժամանակավոր հավատարմատարը, իսկ ռուսաստանյան կողմը պաշտոնապես տեղեկացվել է այդ մասին։ Դեռ հոկտեմբերի վերջին ԱԺ «Քաղաքացիական պայմանագիր» խմբակցության պատգամավոր Գուրգեն Արսենյանը հաստատեց, որ իր թեկնածությունը ներկայացվել է Ռուսաստանում Հայաստանի դեսպանի պաշտոնի համար և իր «փաստաթղթերը գտնվում են Ռուսաստանում»։ Մինչ այս պահը հայտնի չէ՝ Մոսկվան հաստատել, թե մերժել է Արսենյանի ագրեմանը։

12:05 - 08 նոյեմբերի, 2023

Ապատեղեկատվություն է. Արսենյանը՝ ՀՀ դեսպանի պաշտոնում իր թեկնածությունը մերժելու մասին |armeniasputnik.am|

armeniasputnik.am: ՀՀ ԱԺ «Քաղաքացիական պայմանագիր» խմբակցության պատգամավոր Գուրգեն Արսենյանը ապատեղեկատվություն որակեց այն լուրը, թե ՌԴ մերժել է իր թեկնածությունը այդ երկրում նոր դեսպանի պաշտոնում։ «Չունեմ պարզաբանում, որովհետև ապատեղեկատվության պարզաբանումով ես չեմ զբաղվում»,- ասաց նա։ «Իրավունք» թերթն այսօր գրել էր, որ Հայաստանի իշխանությունները որոշել են փոխել Ռուսաստանում ՀՀ դեսպան Վաղարշակ Հարությունյանին։ Ըստ պարբերականի` Ռուսաստանը, սակայն, մերժել է խորհրդարանի գործող պատգամավոր Գուրգեն Արսենյանի թեկնածությունը նոր դեսպանի պաշտոնում։ Արսենյանը հաստատեց, որ իրեն առաջարկ արվել է, ավելին` իր փաստաթղթերն արդեն գտնվում են Ռուսաստանի Դաշնությունում, բայց պատասխան դեռ չի եկել։

14:09 - 24 հոկտեմբերի, 2023