Մանե Թանդիլյան

Արցախի Հանրապետության աշխատանքի, սոցիալական և բնակարանային հարցերի նախարար, ՀՀ ԱԺ նախկին պատգամավոր՝ ընտրված «Լուսավոր Հայաստան» կուսակցության ցուցակով։

Ծնվել է 1978թ. ապրիլի 3-ին։ 1999 թվականին ավարտել է Հայկական պետական մանկավարժական համալսարանի պատմական ֆակուլտետը։ 2002 թվականին ավարտել է Հայաստանի ամերիկյան համալսարանի բիզնեսի կառավարման բաժինը՝ ստանալով բիզնեսի կառավարման մագիստրոսի աստիճան։ 2003 - 2004 թվականներին աշխատել է «Գառնի Ինվեստմենթ ընդ Դիվելոփմենթ» ՓԲԸ-ում, որպես ֆինանսական վերլուծաբան։ 2004 թվականին եղել է հաշվապահ «Արարատ Գոլդ Ռիքավորի Քոմփանի» ՍՊԸ-ում։

2004 - 2006 թվականներին աշխատել է «Հովնանյան Ինտերնեյշնլ» ՍՊԸ-ում որպես գլխավոր հաշվապահ, 2006 - 2008 թվականներին նույն պաշտոնը ստանձնել է տեղեկատվական տեխնոլոգիաների ոլորտի «Մենթոր Գրաֆիկս Դիվելոփմենթ Սերվիսիս» ՓԲԸ-ում։ 2009 - 2017թթ. աշխատել է «Սինոփսիս Արմենիա» ՓԲԸ-ում որպես ֆինանսական տնօրենի տեղակալ, գլխավոր հաշվապահ։ 2015 թվականի դեկտեմբերի 15-ից «Լուսավոր Հայաստան» կուսակցության անդամ է։ Նույն թվականի դեկտեմբերի 21-ին ընտրվել է կուսակցության խորհրդի քարտուղար։ 2017 թվականին «Ելք» դաշինքի ցուցակով ընտրվել է ՀՀ 6-րդ գումարման Ազգային ժողովի պատգամավոր։ Եղել է այդ ընտրություններում ռեյտինգային ընտրակարգով ընտրված միակ կին պատգամավորը։ Եղել է ԱԺ ֆինանսավարկային և բյուջետային հարցերի մշտական հանձնաժողովի փոխնախագահը: 2018 թվականի փետրվարի 19-ին ԼՀԿ կառավարման խորհրդի նիստում ընտրվել է ԼՀԿ փոխնախագահ։

2018 թվականի մայիսի 11-ին նշանակվել է Հայաստանի Հանրապետության աշխատանքի և սոցիալական հարցերի նախարար: 2018 թվականի հունիսի 12-ին, դեմ լինելով կառավարության կողմից կուտակային կենսաթոշակային համակարգի պարտադիր բաղադրիչի ներդրմանը, հրաժարական է ներկայացրել նախարարի պաշտոնից։ Հունիսի 21-ին կառավարության նիստում վարչապետ Նիկոլ Փաշինյանը հայտնել է, որ չի ընդունել Մանե Թանդիլյանի հրաժարականը և վերջինս շարունակել է պաշտոնավարել։ 2018 թվականի նոյեմբերի 14-ին հրաժարական է տվել ՀՀ Աշխատանքի և սոցիալական հարցերի նախարարի պաշտոնից դեկտեմբերի 9-ին կայանալիք ԱԺ արտահերթ ընտրություններին մասնակցելու համար: ԼՀԿ համապետական ցուցակում զբաղեցրել է երկրորդ տեղը, ինչպես նաև ռեյտինգային ընտրակարգով առաջադրվել է Երևանի Կենտրոն, Նորք-Մարաշ, Էրեբունի և Նուբարաշեն վարչական շրջաններն ընդգրկող թիվ 4 ընտրատարածքում:

2020թ. դեկտեմբերի 2-ին նշանակվել է Արցախի Հանրապետության աշխատանքի, սոցիալական և բնակարանային հարցերի նախարար:

Մանե Թանդիլյանը և մյուս երկու քաղաքացիները հացադուլը դադարեցնում են

Մանե Թանդիլյանը դադարեցնում է հացադուլը։ Թանդիլյանը նշեց՝ խոսել են Ռուբեն Վարդանյանի ընտանիքի անդամների հետ, նրանք հորդորել են դադարեցնել հացադուլը։ «Մեզ խնդրել են դադարեցնել հացադուլը, խնդրել են ուժեղ պահել Ռուբենին, որպեսզի մեր քայլով նա հանկարծ իրեն վատ չզգա այնտեղ, այնտեղ ամուր-ուժեղ լինի նաև մեզանով», - նշեց Թանդիլյանը հրավիրված ասուլիսի ընթացքում։ Հացադուլը դադարեցնում են նաև Վարդան Ավագյանն ու Արտավազդ Լալայանը։ Մանե Թանդիլյանը հայտարարեց՝ անցնում են գործողությունների ակտիվ փուլի։ Նրա խոսքով՝ նախանշել են իրականացնել 2 ծրագիր՝ երկարաժամկետ և կարճաժամկետ։ Կարճաժամկետ ծրագրով նախատեսվում է անել գործողություններ, որոնք թույլ կտան Ռուբեն Վարդանյանին դադարեցնել հացադուլը։ Այդ նպատակով մարտի 14-ին ժամը 13։00-ին ՄԱԿ-ի գրասենյակի մոտ ակցիա տեղի կունենա․ պահանջը դատերին միջազգային ներկայության ապահովումն է։ Երկարաժամկետ ծրագիրը բոլոր 23 գերիների տուն վերադարձի մասին է։ Թանդիլյանը նշեց՝ այս իշխանությունները գերիների հարցով կզբաղվեն միայն մի դեպքում․ երբ զգան, որ հայ ժողովրդի օրակարգում է գերիների վերադարձի հարցը և դա իրենց համար իշխանական աթոռ է արժենալու․ «Այս կառավարությունը պետք է իմանա, որ հանգիստ չենք տալու իրենց, քանի դեռ մեր որդիներին ետ չեն բերել»։ Մանե Թանդլիյանը մարտի 1-ից հացադուլ էր հայտարարել Ազատության հրապարակում` հաջակցություն Բաքվի բանտում ապօրինաբար պահվող Ռուբեն Վարդանյանի: Նա հույս էր հայտնել, որ իր այս ծայրահեղ քայլով կստիպի Վարդանյանին դադարեցնել հացադուլը:Այս օրերի ընթացքում Մանե Թանդիլյանի ինքնազգացողությունը մի քանի անգամ վատացել է, տեղափոխել են հիվանդանոց, ապա վերադարձել է հացադուլի վայր:

17:19 - 12 մարտի, 2025

Մանե Թանդիլյանը հիվանդանոցից կրկին վերադարձել է Ազատության հրապարակ` շարունակելու հացադուլը |news.am|

news.am: «Ապրելու երկիր» կուսակցության համահիմնադիր Մանե Թանդիլյանը հիվանդանոցից վերադարձել է Ազատության հրապարակ` շարունակելու հացադուլը։ Այս մասին ասել է «Ապրելու երկիր» կուսակցության համահիմնադիր Մերոպ Առաքելյանը։«Առողջական վիճակը լավ չէ, թույլ է զգում իրեն, բայց բժիշկների հորդորները չլսեց ու կրկին վերադարձավ հրապարակ՝ շարունակելու հացադուլը», – ասել է նա։ Ավելի վաղ հայտնել էինք, որ արդեն 9 օր շարունակ հացադուլ անող Մանե Թանդիլյանի առողջական վիճակը երեկ երեկոյան վատթարացել էր, նա տեղափոխվել էր հիվանդանոց։

17:41 - 09 մարտի, 2025

Երեկ կրկին հիվանդանոց տեղափոխված Մանե Թանդիլյանը բժիշկների հսկողության տակ է |factor.am|

factor.am: «Ապրելու երկիր» կուսակցության համահիմնադիր Մանե Թանդիլյանին երեկ գիշեր շտապօգնության մեքենայով կրկին տեղափոխել են հիվանդանոց: Այս մասին Factor.am-ին հայտնել է «Ապրելու երկիր» կուսակցության համահիմնադիր Մերոոպ Առաքելյանը նշելով, որ Թանդիլյանը բժիշկների հսկողության տակ է:Մանե Թանդլիյանը մարտի 1-ից հացադուլ է հայտարարել Ազատության հրապարակում` հաջակցություն Բաքվի բանտում ապօրինաբար պահվող Ռուբեն Վարդանյանի: Նա հույս ունի, որ իր այս ծայրահեղ քայլով կստիպի Վարդանյանին դադարեցնել հացադուլը: Ինը օրերի ընթացքում Մանե Թանդիլյանի ինքնազգացողությունը մի քանի անգամ վատացել է, տեղափոխել են հիվանդանոց, ապա վերադարձել է հացադուլի վայր: Թանդլիյանին հորդորում են դադարեցնել հացադուլը, բայց «Ապրելու երկիր» կուսակցության համահիմնադիրը կոչ է անում այդ հորդորներն ուղղեն Արցախի նախկին պետնախարար Ռուբեն Վարդանյանին:

11:30 - 09 մարտի, 2025

Ռուբեն Վարդանյանի ձայնագրությունից հետո էլ Մանե Թանդիլյանը չի դադարեցնում հացադուլը

Ռուբեն Վարդանյանի ձայնագրությունից հետո էլ Մանե Թանդիլյանը չի դադարեցնում հացադուլը։ Այս մասին «Ազատությանը» տված հարցազրույցում ասել է Թանդիլյանը։ «Սա խնդրանք է Ռուբեն Վարդանյանին, և բոլոր հանրային գործիչներին, բժիշկներին պիտի խնդրեմ՝ դուք էլ խոսեք, դուք էլ եք չէ քաղաքացի այս երկրի, հրապարակեք սոցիալական կայքերում գոնե մեկ հայտարարություն, ստատուս, որտեղ բողոքի ակցիա կա, գնացեք, թույլ մի տվեք, որ մոռացության մատնվեն այդ մարդիկ։ Հավատացնում եմ ձեզ՝ ես այդքան կարեւոր չեմ հայ ժողովրդի համար, որքան Ռուբեն Վարդանյանը, եկեք պայքարենք, որ այդ մարդիկ հետ գան»։ Հարցին, թե իշխանության ներկայացուցիչներ իրեն այցելե՞լ են, Թանդիլյանը պատասխանեց․ «Ես շատ հույս ունեմ, որ չեն էլ համարձակվի այս տարածքով անցնել նույնիսկ, նրանք շատ լավ գիտեն իմ վերաբերմունքը այն ամենին, ինչ նրանք անում են, ամենեւին մտքներով չանցնի, քանի որ այս ամեն մեղսակից են իրենք, գիտեմ՝ չեն էլ գա․․․ »։ Անդրադառնալով ՄԻՊ-ի այցելությանը, Թանդիլյանը նշեց՝ նա նույնպես իր համար ՔՊ-ի ներկայացուցիչ է և վատագույն ՄԻՊ-ը Հայաստանի․ «Քննարկելիք, խոսելիք չունեմ նրա հետ, թող գերիների հարցով զբաղվի»։ Թանդիլյանը նշեց՝ ՄԻՊ-ը եկել է, ինքը, սակայն, չի հանդիպել նրա հետ։

16:43 - 07 մարտի, 2025

Գրավոր հրաժարվել եմ բժշկական միջամտությունից և վերադարձել Ազատության հրապարակ. Մանե Թանդիլյան

Գրավոր հրաժարվել եմ բժշկական միջամտությունից և վերադարձել Ազատության հրապարակ: Այս մասին իր ֆեյսբուքյան էջում գրել է «Ապրելու երկիր» կուսակցության նախագահ Մանե Թանդիլյանը. «Սիրելի ընկերներ, Նախ, ուզում եմ շնորհակալություն հայտնել բազմաթիվ զանգերի, նամակների համար, անհանգստանալով իմ առողջության համար։ Տեղեկացնեմ, որ այսօր առավոտյան ինքնազգացողությունս կտրուկ վատացել է և տեղափոխվել եմ հիվանդանոց։ Բժիշկները հորդորել են դադարեցնել հացադուլը և իրականացնել համապատասխան բուժում։ Գոհունակությունս հայտնելով Թիվ 1 համալսարանական հիվանդանոցի անձնակազմին՝ գրավոր հրաժարվել եմ բժշկական միջամտությունից և վերադարձել Ազատության հրապարակ։ Իմ և մեր ընկերների խնդրանքը շարունակում է մնալ նույնը՝ ուղղված Ռուբեն Վարդանյանին դադարեցնելու հացադուլը։ Նաև շնորհակալություն եմ հայտնում ԶԼՄ-ներին՝ Ռուբեն Վարդանյանի և մեր մյուս հայրենակիցների թեման անընդհատ բարձրաձայնելու համար։ Հուսով եմ ըմբռնումով են մոտենում այն լրագրողները, ում հետ այս օրերին չի ստացվել զրուցել։ Վաղը օրվա ընթացքում պատրաստ կլինեմ հանդիպել և զրուցել լրագրողների հետ»:

21:01 - 05 մարտի, 2025

Մանե Թանդիլյանը հիվանդանոցում շարունակում է հացադուլը |factor.am|

factor.am: «Ապրելու երկիր» կուսակցության համահիմնադիր Մանե Թանդիլյանը դեռևս հիվանդանոցում է: Այս մասին Factor.am-ի հարցին ի պատասխան՝ ասաց Մեսրոպ Առաքելյանը: Նրա տեղեկացմամբ` Թանդիլյանը չի դադարեցրել հացադուլը, շարունակում է` առանց բժիշկների միջամտության: Հիշեցնենք, որ մարտի 1-ից հացադուլ հայտարարած «Ապրելու երկիր» կուսակցության համահիմնադիր Մանե Թանդիլյանի ինքնազգացողությունն այսօր առավոտյան կրկին վատացել էր, նրան շտապօգնության մեքենայով տեղափոխել էին հիվանդանոց:

18:35 - 05 մարտի, 2025

Հացադուլ անող Մանե Թանդիլյանին տեղափոխել են հիվանդանոց

Հացադուլ անող Մանե Թանդիլյանին տեղափոխել են հիվանդանոց: Տեղեկությունը Factor.am-ի հետ զրույցում հաստատել է «Ապրելու երկիր» կուսակցության համահիմնադիր Մեսրոպ Առաքելյանը՝ նշելով, որ Թանդիլյանի ինքնազգացողությունը այսօր դարձյալ վատացել է: Մանե Թանդիլյանը Ազատության հրապարակում հացադուլ է սկսել մարտի 1-ից, նրան միացել են նաև ՀՀ քաղաքացիներ Վարդան Ավագյանն ու Արտավազդ Լալայանը։ Լուսանկարը՝ Panorama.am-ի

12:01 - 05 մարտի, 2025

Մանե Թանդիլյանը ողջունել է ՄԱԿ Մարդու իրավունքների Բարձր հանձնակատարի ելույթը

«Ապրելու երկիր» կուսակցության համահիմնադիր Մանե Թանդիլյանն արձագանքել է ՄԱԿ Մարդու իրավունքների Բարձր հանձնակատարի ելույթին, որով նա պահանջել է Ադրբեջանում կամայականորեն պահվող հայազգի անձանց անհապաղ ազատ արձակումը։ «Ողջունում եմ ՄԱԿ Մարդու իրավունքների Բարձր հանձնակատար ելույթը, որով նա պահանջել է Ադրբեջանում կամայականորեն պահվող հայազգի անձանց անհապաղ ազատ արձակումը: Միջազգային հանրությունը պետք է մեծացնի իր ճնշումները Ադրբեջանի նկատմամբ՝ հասկանալով, որ պետք է դադարի լռությամբ աջակցել Բաքվի վայրագություններին։ Հայ ժողովուրդը պատասխանատու է մեր հայրենակիցների համար»,- գրել է Թանդիլյանը։ Հիշեցնենք՝ օրեր առաջ Մանե Թանդիլյանն Ազատության հրապարակում հացադուլ է սկսել` խնդրելով Ռուբեն Վարդանյանին հրաժարվել հացադուլից։

20:53 - 03 մարտի, 2025

Մանե Թանդիլյանի համար շտապօգնություն են կանչել. նրա մոտ արտահայտված հաճախասրտություն է |arm.sputniknews.ru|

arm.sputniknews.ru: «Ապրելու երկիր» կուսակցության համահիմնադիր Մանե Թանդիլյանի մոտ, որն արդեն 3-րդ օրն է՝ հացադուլի մեջ է գտնվում, արտահայտված հաճախասրտություն է՝ սրտխփոցով։ Sputnik Արմենիայի հետ զրույցում այս մաին ասաց նրա ընկերն ու բժիշկը` Կարեն Մաթևոսյանը։ Մարտի 1-ին հայտնի դարձավ, որ Մանե Թանդիլյանը հացադուլ է սկսում` ի պաշտպանություն Բաքվում ապօրինի դատվող հայերի, իր այդ քայլով կոչ անելով նաև Արցախի նախկին պետնախարար, բարերար Ռուբեն Վարդանյանին դադարեցնել հացադուլը։ «Հաճախասրտությունը պարբերաբար կրկնվում է բարձր թվերի վրա։ Առավոտյան ինքներս կառավարեցինք, բայց քիչ առաջ ստիպված եղանք շտապօգնություն հրավիրել, սիրտը հետազոտեցինք»,- նշեց Մաթևոսյանը։ Այս պահին Թանդիլյանի վիճակը կարգավորված է, սակայն ընկերներն անհանգստացած են նրա առողջական վիճակով։ Մաթևոսյանի խոսքով՝ արդեն հացադուլի օրերի ազդեցությունն է արտահայտվում, սակայն Թանդիլյանն այս պահին չի դիտարկում հացադուլը դադարեցնելու հարցը։ Հունվարի 17-ից Ադրբեջանում ընթանում է Արցախի նախկին ռազմաքաղաքական առաջնորդների գործով «դատավարությունը»: Մեղադրյալների թվում են նախկին նախագահներ Արկադի Ղուկասյանը, Բակո Սահակյանը, Արայիկ Հարությունյանը, պաշտպանության բանակի նախկին հրամանատար Լևոն Մնացականյանը, նախկին արտգործնախարար Դավիթ Բաբայանը և այլք: Նախկին պետնախարար և բարերար Ռուբեն Վարդանյանի գործը քննվում է առանձին վարույթով: Չնայած գործի նյութերը մյուսների հետ միավորելու նրա խնդրանքին` դատարանը որոշել է 422 հատորներից 400-ը դիտարկել առանձին: Փետրվարի 26-ին, հայտնի դարձավ,, որ Ռուբեն Վարդանյանի առողջական վիճակը կտրուկ վատացել է, քանի որ նա ադրբեջանական բանտում փետրվարի 19-ից հացադուլ է սկսել։

17:06 - 03 մարտի, 2025

Հացադուլում գտնվող Մանե Թանդիլյանի ինքնազգացողությունը վատացել է |azatutyun.am|

azatutyun.am: Ազատության հրապարակում արդեն երկրորդ օրը հացադուում գտնվող «Ապրելու երկիր» կուսակցության նախագահ Մանե Թանդիլյանի ինքնազգացողությունը վատացել է։ Թանդիլյանի կուսակից ընկեր Վարդան Ավագյանն «Ազատության»-ը փոխանցեց, որ շտապօգնություն է եկել, ճնշման տատանում է արձանագրել և առաջարկել դադարեցնել հացադուլը։ Թանդիլյանը մարտի 1-ին հացադուլ սկսեց՝ որպես խնդրանք Արցախի նախկին պետնախարար Ռուբեն Վարդանյանին՝ «դադարեցնելու իր կյանքի համար անդառնալի սպառնալիք հանդիսացող հացադուլը»։ Իր նկատմամբ ապօրինությունների դեմ բողոքող Վարդանյանը փետրվարի 18-ին հացադուլ հայտարարեց: Նրա ամերիկացի փաստաբանը հայտարարում է, որ «քաղբանտարկյալ Ռուբեն Վարդանյանի առողջությունը վտանգված է Ադրբեջանում»:

13:04 - 03 մարտի, 2025

Մանե Թանդիլյանի հացադուլին միացել է ևս 2 մարդ. ինչպես են նրանք անցկացրել շատ ցուրտ գիշերը |arm.sputniknews.ru|

arm.sputniknews.ru: «Ապրելու երկիր» կուսակցության համահիմնադիր Մանե Թանդիլյանի հացադուլին միացել են նաև ՀՀ քաղաքացիներ Վարդան Ավագյանն ու Արտավազդ Լալայանը։ Երեկ հայտնի դարձավ, որ Մանե Թանդիլյանը հացադուլ է սկսում` խնդրելով Բաքվի բանտում գտնվող Արցախի նախկին պետնախարար, բարերար Ռուբեն Վարդանյանին դադարեցնել հացադուլը և ի պաշտպանություն Բաքվում ապօրինի դատվող հայերի։ Երեկ երեկոյան շտապօգնություն են հրավիրել, որովհետև տղաներից մեկի վերջույթները թմրել էին։ Գիշերը շատ ցուրտ է եղել, և ոստիկանները թույլ են տվել փակել վրանը։ Հացադուլին միացած Վարդան Ավագյանն ասում է, որ ցուրտ է, բայց իրենց պայմանները շատ ավելի լավն են, քան Ռուբեն Վարդանյանի պայմաններ են այնտեղ։ Մանե Թանդիլյանի ընկեր, բժիշկ Կարեն Մաթևոսյանը նշել է, որ հացադուլից առաջ երեք հացադուլավորներն էլ բժշկական զննություն անցել են։ Նա նաև հավելել է՝ իրենք մտահոգ են տիկին Թանդիլյանի առողջության համար և զգուշացրել են հնարավոր վտանգների մասին, սակայն սա նրա գիտակցված որոշումն է։ Շարունակությունը՝ սկզբնաղբյուր կայքում։Լուսանկարը՝ Մարիաննա Փայտյանի։

13:22 - 02 մարտի, 2025

«Ապրելու երկիր» կուսակցության համահիմնադիր Մանե Թանդիլյանը Ազատության հրապարակում սկսում է հացադուլ

«Ապրելու երկիր» կուսակցության համահիմնադիր Մանե Թանդիլյանը Ազատության հրապարակում սկսում է հացադուլ։ Այս մասին գրում է նա իր ֆեյսբուքյան էջում նշելով, որ նա դա անում է՝ որպես խնդրանք, որպեսզի Ռուբեն Վարդանյանը դադարեցնի իր հացադուլը։ «Այսօր արդեն 12-րդ օրն է Ռուբեն Վարդանյանը գտնվում է հացադուլի մեջ։ Յուրաքանչյուր մեկ ավել օր հացադուլը իր առողջության համար անշրջելի հետք է թողնում՝ կյանքի անդառնալի սպանալիքով։Դժվար է պատկերացնել, թե ինչերի միջով է անցնում Ռուբենը, սակայն մի բան ակնհայտ է և ինքնախաբեության տեղիք չի թողնում․ Ռուբենի կողմից այս քայլին գնալը խոսում է այն մասին, որ սպառվել են մնացած գործիքները։Սա քայլ է՝ հրավիրելու միջազգային հանրության ուշադրությունը Բաքվի բանտերում պահվող հայ գերիների նկատմամբ իրականացվող ապօրինի դատավարական ֆարսին։ Ռուբենն ու մեր մյուս գերիները պայքարում են հանուն Հայաստանի և հայ ժողովրդի արժանապատվության, որի համար կրում են անպատկերացնելի զրկանքներ՝ մնալով հոգեպես և բարոյապես շատերիցս ուժեղ ու ամուր։ Ես ամաչում եմ հենց միայն այն գիտակցումից, որ դուք դեռ գտնվում եք Բաքվի բանտերում, ու որևէ ջանք չի ունենում իր ազդեցությունը գոնե այնքանով, որ դուք ստիպված չլինեք դիմել այսպիսի ծայրահեղ քայլերի։Բայց ուզում եմ իմանաք․ մեր հայրենիքը ձեզ սպասում է, վերադարձեք Հայաստան` ողջ և առողջ։Լիովին սատարելով Ռուբեն Վարդանյանի հացադուլի հիմքում ընկած պահանջները, այս պահից Ազատության հրապարակում սկսում եմ հացադուլ՝ որպես խնդրանք Ռուբենին՝ դադարեցնելու իր կյանքի համար անդառնալի սպառնալիք հանդիսացող այս հացադուլը։ Ռուբե՛ն, հայ ժողովրդի արժանի զավակ, հայրենիքդ քո կարիքն ունի և քեզ սպասում են այստեղ...», - նշված է քաղաքական գործչի հայտարարությունում։Հիշեցնենք, որ փետրվարի 19-ին Ռուբեն Վարդանյանը կրկին հացադուլ էր հայտարարել: Ընտանիքի հետ հեռախոսազրույցի ժամանակ փոխանցել էր միջազգային հանրությանն ուղղված իր հայտարարությունը՝ ի նշան կեղծ «դատավարության» դեմ բողոքի։

21:11 - 01 մարտի, 2025

Ռուբեն Վարդանյանը մաhանnւմ է Բաքվի բանտում. նրան ցմահ են դատելու. արդյո՞ք մենք դա մարսելու ենք. Մանե Թանդիլյան |news.am|

news.am: Տարբեր մարդիկ տարբեր վայրերում կազմակերպում են հավաքներ, որովհետև իրենց սիրտը ցավում է: Այս մասին, այսօր՝ փետրվարի 28-ին, ի պաշտպանություն Բաքվում պահվող ռազմագերիների ու պատանդների կազմակերպված բողոքի ակցիայի ժամանակ ասաց «Ապրելու երկիր» կուսակցության հիմնադիր Մանե Թանդիլյանը: «Ուզում եմ ձեզ խնդրել այս մարդկանց նկարների ներքո, Ռուբեն Վարդանյանի ձայնի, մտքի, հորդորի ներքո, որ հրաշքներ չեն լինելու, ամենքս այսօր որոշենք, որ այս մարդկանց համար այլևս մենք ենք պատասխանատու, որպես հայ ազգ, որ չի կորցրել իր արժանապատվությունը: Որևէ մեկը թող այսօրվանից իր համար որոշի ու հասկանա, որ սա կուսակցության մասին չէ, որևէ մեկի քաղաքական դիվիդենտի մասին չէ և չի լինելու: Հայե՛ր, սա ձեր մասին է, եթե դուք կարողանում եք գիշերը քնել՝ իմանալով, որ Ադրբեջանի բանտում հայորդի է խոշտանգվում, ես երևի ձեզ հետ խոսելու բան չունեմ: Այս շենքում են հիմա այն մարդիկ, որոնք կարողանում են քնել գիշերը, որոնք, լինելով պատասխանատու, որևէ բան չեն անում: Դուք վախկոտների նման ծվարել էիք, երբ Արցախի ժողովուրդը մտածում էր, դուք մոռացել եք իրենց: Այո, մոռացել էիք ու մոռացության եք փորձում մատնել նաև այս մարդկանց, որոնք մինչև վերջին շունչը Արցախում պայքարել են: Ստոր եք բոլորդ, ովքեր հարցնում եք՝ բա ինչո՞ւ չեք կռվել։ Դուք ո՞վ եք։ Դուք գիտեիք այնտեղ ինչ է կատարվում։ Այնքան զոհ, ինչքան արցախցին տվեց այդ մի քանի օրը... Դուք ուղղակի երազում էինք նրանք չգան, ձեզ համար գլխացավանք չլինեն, որ կարողանաք վայելեք ձեր շրջագայությունները, ձվածեղները, հեծանիվները, իշխանությունը ձեզ դրա համար է պետք: Նիկո՛լ Փաշինյան, ՔՊ, դուք հանցակից եք՝ ձեր լռությամբ, ձեր վարքով: Ռուբեն Վարդանյանն այլևս այստեղ քնել չէր կարող, որովհետև գիտեր, ինչ է կատարվում Արցախում, սա է ձեր պատկերը: Սա է՝ ինչ այսօր կատարվում է ու սրա մասին է լուռ ճչում Ռուբեն Վարդանյանը՝ իր հացադուլով, ստորացումներով ու խոշտագումներով, նա պաշտպանում է ՀՀ-ն: Ռուբեն Վարդանյանը մահանում է ադրբեջանական բանտում գոռալով, որ ֆարս է տեղի ունենում»,- ասաց Թանդիլյանը: «Ռուբեն Վարդանյանը մահանում է ադրբեջանական բանտում՝ գոռալով, որ ֆարս է այնտեղ տեղի ունենում։ Նրան ցմահ են դատելու։ Արդյո՞ք մենք դա մարսելու ենք։ Մենք մեր լավագույն հայորդուն կորցնում ենք ադրբեջանական բանտում։ Մեզ ամոթ կլինի։ Սթափվեք»,- նշեց նա։

15:12 - 28 փետրվարի, 2025

Խիստ դատապարտելի է Ռուսաստանի դիրքորոշումը, որի միակ նպատակը խաղաղության առաքելության առկայության մենաշնորհն է Արցախում․ Մանե Թանդիլյան

ՄԱԿ ԱԽ նիստում մի շարք երկրներ հերթական անգամ ցուցաբերեցին հայանպաստ դիրքորոշում, սակայն ինչպես միշտ, դրանք շարունակում են մնալ հայտարարությունների մակարդակի վրա։ Այս մասին ֆեյսբուքյան իր էջում գրել է «Ապրելու երկիր» կուսակցության նախագահ Մանե Թանդիլյանը։ «Միևնույն ժամանակ, խիստ դատապարտելի է Ռուսաստանի դիրքորոշումը, ում միակ նպատակը խաղաղության առաքելության առկայության մենաշնորհն է Արցախում։ Սակայն ամենացավալին այն է, որ Ադրբեջանի ներկայացուցիչը մեջբերում է Նիկոլ Փաշինյանին։ Սա առաջին անգամ չէ, երբ Նիկոլ Փաշինյանի անհասկանալի կամ գուցե միտումնավոր խոսքերը դառնում են Հայաստանի և Արցախի դեմ քարոզչական և դիվանագիտական զենք։ Նիկոլ Փաշինյանի դիվանագիտական խայտառակ քաղաքականությունը մեզ ամեն օր ավելի ծանր վիճակում է դնում, որը հետագայում շտկելու համար մեծ ջանքեր է պահանջելու։ Նիկոլ Փաշինյանի և իր թիմի հեռանալն այլընտրանք չունի, սակայն կա ավելի կարևոր և ավելի բարդ, գրեթե անհնար մի բան. մինչև դա Նիկոլ Փաշինյանը պետք է լռի», - նշել է Թանդիլյանը։

14:01 - 22 սեպտեմբերի, 2023

Մանե Թանդիլյանը երևանցիներին կոչ է անում անպայման մասնակցել Երևանի ավագանու ընտրությունների քվեարկությանը |armenpress.am|

armenpress.am: «Ապրելու երկիր» կուսակցության քաղաքապետի թեկնածու Մանե Թանդիլյանը իր քաղաքացիական պարտքը կատարեց Երևանի ավագանու ընտրություններում։ Քվեարկությունից հետո լրագրողների հետ զրույցում Թանդիլյանը երևանցիներին կոչ արեց անպայման մասնակցել քվեարկությանը, քանի որ չմասնակցելը իշխանության օգտին է։ Անդրադառնալով դիտարկմանը, որ ընտրողների մասնակցության ցուցանիշն այս պահին ցածր է՝ Թանդիլյանը կարծիք հայտնեց, որ դա կարող է պայմանավորված լինել նրանով, որ մարդիկ զբաղված են իրենց անձնական գործերով։ Մասնավորապես, նա նշեց, որ այսօր մարդիկ նաև գերեզմանատներ են այցելու, ինչը կարող է նաև նրանց տրամադրության վրա ազդել։ Այնուամենայնիվ, Թանդիլյանը կոչ արեց անձնական գործերն ավարտելուց հետո անպայման գնալ և մասնակցել քվեարկությանը։ Նա ընդգծեց, որ իրենց շտաբում տարբեր ընտրախախտումների մասին լուրեր կան, այս պահին իրենք դեռևս հավաքագրում են այդ ահազանգերը, որպեսզի նաև նկատի ունենան դրանց ազդեցության չափը։ «Այս պահին այդպիսի լուրջ արձանագրում չկա, բայց ամբողջ օրն առջևում է»,- ասաց Թանդիլյանը։ Մանե Թանդիլյանը նաև նշեց, որ բարձր է գնահատում իր շանսերը։ «Ես նորից եմ ուզում կրկնել՝ միակ մտավախությունս մասնակցության ցուցանիշն է։ Երևանցիները պետք է հաղթեն, հետևաբար՝ պետք է մասնակցեն»,- նշեց Թանդիլյանը։ Նա նաև ասաց, որ քվեարկել է հանուն ինքնիշխանության, հետևաբար՝ նաև հանուն իշխանափոխության։

14:23 - 17 սեպտեմբերի, 2023

«Ապրելու երկիր». Մենք Հայաստանը չենք տեսնում միութենական պետությունում |news.am|

news.am: Մենք Հայաստանը չենք տեսնում միութենական պետությունում (նրա մեջ մտնում են Ռուսաստանն ու Բելառուսը - խմբ.), մենք բազմիցս խոսել ենք այդ մասին։ Այս մասին այսօր՝ սեպտեմբերի 15-ին, լրագրողների հետ հանդիպմանն ասաց «Ապրելու երկիր» կուսակցության Երեւանի քաղաքապետի թեկնածու Մանե Թանդիլյանը։ «Մեզ համար առաջնայինը Հայաստանի շահն է՝ անկախ աշխարհաքաղաքական իրավիճակից եւ ուժային կենտրոններից»,-նշեց նա։ Թանդիլյանը նկատեց, որ Հայաստանի ներկայիս իշխանությունները հնարավորություն են ստեղծել, որպեսզի հակառակորդը ոտնձգություն կատարի երկրի ինքնիշխանության նկատմամբ: «Այսօր մեր ինքնիշխան տարածքներում ադրբեջանական զորքեր են գտնվում։ Փաշինյանի վարած քաղաքականությունը կործանարար է մեր պետականության համար։ Մենք չպետք է Հայաստանը դարձնենք բախման գոտի, եթե չենք ուզում, որ մեր պետությունը վերանա։ Հիմա իշխանությունները, անհեռատես քաղաքականություն վարելով, հենց դրանով են զբաղված։ Ընդ որում, նրանք վախենում են, որ մենք ժողովրդավարական ճանապարհով կգանք իշխանության»,-հավելեց Թանդիյանը։

14:41 - 15 սեպտեմբերի, 2023