Ինֆոթեգեր
hy en ru
Նվիրաբերել

ՀՖՖ

Հայաստանի ֆուտբոլի ֆեդերացիան (ՀՖՖ) հայկական ֆուտբոլը կառավարող մարմինն է։ Հիմնադրվել է 1992-ի հունվարի 18-ին։ ՖԻՖԱ-ի անդամ է 1992թ․-ից, ՈՒԵՖԱ-ի լիիրավ անդամ՝ 1993թ․-ից։

ՀՖՖ բարձրագույն մարմինը համագումարն է, որը 4 տարով ընտրում է նախագահ եւ գործադիր կոմիտեի անդամներ։ Աշխատանքային մարմինը գործկոմն է։ 2018թ․ սեպտեմբերի 22-ից ֆեդերացիայի նախագահ է ընտրվել ԱԱԾ տնօրեն, գնդապետ Արթուր Վանեցյանը։ 2019թ. դեկտեմբերի 23-ին ՀՖՖ նախագահ  է ընտրվել Արմեն Մելիքբեկյանը։

+37411 888 808
Հայաստան-Խորվաթիա խաղի մեկնարկային կազմերը հայտնի են

Հայաստան-Խորվաթիա խաղի մեկնարկային կազմերը հայտնի են

Ֆուտբոլի Եվրոպայի առաջնության ընտրական փուլի Հայաստան-Խորվաթիա խաղի մեկնարկային կազմերը հայտնի են: Հայաստանի ֆուտբոլի ազգային թիմի գլխավոր մարզիչ Ալեքսանդր Պետրակովը մեկնարկային կազմում ընդգրկել է հետևյալ ֆուտբոլիստներին` Չանչարեւիչ, Հարությունյան, Կալիսիր, Մկրտչյան, Տիկնիզյան, Իվու, Դաշյան, Բիչախչյան, Սպերցյան, Ռանոս, Սելարայան։ Խաղը կմեկնարկի Երևանի ժամանակով 20:00-ին: Մրցաշարային աղյուսակի առաջատարը Թուրքիան է, որն ունի 10-ը միավոր: 7-ական միավոր ունեն Հայաստանը և Խորվաթիան: Ուելսը հավաքել է 4, իսկ Լատվիան միավոր չունի:
19:19 - 11 սեպտեմբերի, 2023
Հայաստանի հավաքականը որակյալ ֆուտբոլ է ցուցադրում․ Խորվաթիայի հավաքականի մարզիչ |tert.am|

Հայաստանի հավաքականը որակյալ ֆուտբոլ է ցուցադրում․ Խորվաթիայի հավաքականի մարզիչ |tert.am|

tert.am: Խորվաթիայի հավաքականի գլխավոր մարզիչ Զլատկո Դալիչը խոսել է Եվրո-2024-ի ընտրական փուլի 5-րդ տուրում Լատվիայի ընտրանու նկատմամբ հաղթանակի (5-0) և Հայաստանի հավաքականի հետ առաջիկա խաղի մասին։ «Մենք ասացինք, որ առաջին րոպեներից պետք է լուրջ լինենք, և այդպես էլ կա, և բարեբախտաբար վաղ գոլը հեշտացրեց մեր գործը։ Մենք որոշ խաղացողների հանգիստ էինք տվել: Կովաչիչն ու Մայերը մկանային խնդիրներ են զգացել, բայց կարծում եմ, որ դա մեծ խնդիր չէ և նրանք պատրաստ կլինեն Հայաստանի հավաքականի դեմ խաղին։ Մենք չէինք ուզում ռիսկի դիմել: Այժմ մեզ սպասվում է արտագնա խաղ, թերևս՝ ամենադժվարը: Երկուշաբթի օրը նույնպես պետք է լուրջ լինենք։ Հայաստանի հավաքականը որակյալ ֆուտբոլ է ցուցադրում։ Նրանք հաղթել էին նաև Ուելսին: Մեզ համար նրանց ոչ-ոքին լավ արդյունք է, բայց և արդյունք, որը ապացուցում է, որ պետք չէ թերագնահատել Հայաստանի հավաքականը և այնտեղ պետք է շատ զգույշ խաղալ»,- մեջբերում է Դալիչին Խորվաթիայի հավաքականի մամուլի ծառայությունը։ Հաջորդ՝ 6-րդ տուրում, Հայաստանի հավաքականը սեպտեմբերի 11-ին Երևանում կընդունի Խորվաթիայի ընտրանուն։ Երկու թիմերն էլ իրենց ակտիվում ունեն 7-ական միավոր։
12:16 - 09 սեպտեմբերի, 2023
Թուրքիա-Հայաստան հանդիպումը ոչ-ոքի է ավարտվել․ Պետրակովը գոհ է ֆուտբոլիստների նվիրվածությունից |panarmenian.net|

Թուրքիա-Հայաստան հանդիպումը ոչ-ոքի է ավարտվել․ Պետրակովը գոհ է ֆուտբոլիստների նվիրվածությունից |panarmenian.net|

panarmenian.net: Սեպտեմբերի 8-ին թուրքական Էսքիշեհիր քաղաքում Եվրո-2024-ի ընտրական փուլի շրջանակում Հայաստանի և Թուրքիայի հավաքականների ֆուտբոլային հանդիպումն ավարտվել է ոչ-ոքի՝ 1։1 հաշվով։ Առաջին խաղակեսում թիմերից ոչ մեկին չի հաջողվել բացել հաշիվը։ Հայաստանի հավաքականից դեպի դարպաս հարվածներով աչքի ընկան Բիչախչյանն ու Սպերցյանը։ Թուրքերը ևս մի քանի անգամ փորձեցին առաջ անցնել հաշվի մեջ, այստեղ էլ աչքի ընկավ դարպասապահ Չանչարևիչը։ Վերջինիս ուղղությամբ խաղի ընթացքում տրիբունայից շիշ նետեցին, ինչը առաջացրեց դարպասապահի բողոքը, որի հետևանքով նա մրցավարից նկատողություն ստացավ։ Երկրպագուների բողոքի առիթն այն էր, թե Չանչարևիչը երկար էր պահում գնդակը մինչ փոխանցում կատարելը։ Երկրորդ խաղակեսի մեկնարկին գոլի հեղինակ է դարձել Արտակ Դաշյանը, ինչից հետո սկսվեց Թուրքիայի հավաքականի հակահարձակումների շղթան։ Հայաստանի հավաքականը մի քանի անգամ խույս տվեց գոլից, լավ պաշտպանություն կազմակերպեց, սակայն 88-րդ րոպեին թուրքերին հաջողվեց հավասարեցնել հաշիվը։ Հայաստանի ազգային հավաքականի գլխավոր մարզիչ Ալեքսանդր Պետրակովը հետխաղային ասուլիսում ասել է, որ ֆուտբոլիստներից որևէ մեկն ուրախ չէր, բավարարված չէր հաշվով։ «Կարծում եմ՝ ոչ-ոքին այն արդյունքն էր, որը պետք է լիներ։ Գոհ եմ տղաների նվիրվածությունից։ Խաղից հետո, երբ մտա հանդերձարան, նրանք տխուր էին, գոհ չէին խաղից, բայց կարծում եմ, որ ճիշտ ուղու վրա ենք, ֆուտբոլիստները վստահում են մարզչական շտաբին ու կատարում են մեր ասածները»,- նշել է նա, հայտնում է Aysor.am-ը: Թուրք երկրպագուները սուլում և աղմկում էին Հայաստանի օրհներգի ժամանակ, նրանք նաև ամբողջ հանդիպման ընթացքում շշեր էին նետում հայ ֆուտբոլիստների ուղղությամբ։ Հայաստանի հետ ֆուտբոլային խաղից առաջ թուրք երկրպագուներին 32,000 դրոշ էր բաժանվել՝ մարզադաշտի նստատեղերի քանակով։ Նախաձեռնությունը իրականացվել էր Թուրքիայի ֆուտբոլի ֆեդերացիայի կողմից։ Հավաքականների առաջին հանդիպումը Երևանում ավարտվել էր Թուրքիայի ընտրանու հաղթանակով 1-2 հաշվով։ 4 խաղից հետո Հայաստանի հավաքականը 7 միավորով խմբի 2-3-րդ տեղերն է կիսում Խորվաթիայի ընտրանու հետ, որը նույնքան միավոր ունի 3 հանդիպումից հետո: Խմբի առաջատարը Թուրքիայի հավաքականն է՝ 10 միավորով։
10:56 - 09 սեպտեմբերի, 2023
Հայաստանի հետ խաղից առաջ թուրք երկրպագուներին բաժանվելու է 32․000 հատ Թուրքիայի դրոշ |factor.am|

Հայաստանի հետ խաղից առաջ թուրք երկրպագուներին բաժանվելու է 32․000 հատ Թուրքիայի դրոշ |factor.am|

factor.am: Այսօր՝ ժամը 22։45-ին, թուրքական Էսքիշեհիր քաղաքի մարզադաշտում Հայաստանի Ազգային հավաքականը Եվրո-2024-ի  ընտրական փուլի շրջանակներում հանդիպելու է Թուրքիայի ընտրանուն։ Տեղական լրատվամիջոցները հայտնում են, որ մարզադաշտում ավելի քան 32,000 դրոշ է բաժանվելու երկրպագուներին՝ նստատեղերի քանակով։ Նախաձեռնությունը իրականացվում է Թուրքիայի ֆուտբոլի ֆեդերացիայի կողմից։ «Մեր երկրպագուները, որոնք 32 հազար թուրքական դրոշներով կլցնեն տրիբունաները, կրկին կաջակցեն «Մեր երեխաներին»(նկատի ունեն ֆուտբոլի հավաքականին), որոնք հպարտությամբ կրում են կիսալուսինն ու աստղանշանը կրծքին»,- ասվում է հայտարարության մեջ։ Նշվում է, որ ներկայացվելու է Թուրքիայի Հանրապետության հիմնադրման 100-ամյակին նվիրված շոու։ Հիշեցնենք, որ ավելի վաղ մամուլում տեղեկություններ էին տարածվել, որ Թուրքիայի ֆուտբոլի ֆեդերացիան արգելել է Ադրբեջանի դրոշներով մուտքը մարզադաշտ, ոստիկանությունը խստորեն հսկելու է՝ դրանց մուտքը թույլ չտալու համար։
15:39 - 08 սեպտեմբերի, 2023
Պատրաստ ենք Թուրքիայի հետ հանդիպմանը. Ալեքսանդր Պետրակով

Պատրաստ ենք Թուրքիայի հետ հանդիպմանը. Ալեքսանդր Պետրակով

«Բոլորս էլ գիտենք, թե որքան կարևոր խաղ է սա մեզ համար: Այս պահին մենք մրցաշարային աղյուսակի 2-րդ հորիզոնականում ենք: Այս խաղը կարևոր է նաև մրցաշարային աղյուսակի տեսանկյունից»,- ՈՒԵՖԱ Եվրոպայի 2024 թվականի առաջնության որակավորման խմբային փուլի Թուրքիա-Հայաստան հանդիպմանն ընդառաջ՝ սեպտեմբերի 7-ին «Յենի Էսքիշեհիր» մարզադաշտի մամուլի ասուլիսների սրահում կայացած նախախաղային մամուլի ասուլիսում ասել է Հայաստանի ազգային հավաքականի կիսապաշտպան Էդուարդ Սպերցյանը։ Հարցին՝ վաղը մարզադաշտը լեփ-լեցուն է լինելու, և բոլորը երկրպագելու են մրցակցին, հայ երկրպագուներ ներկա չեն լինելու խաղին, դա որևէ ճնշում կամ ազդեցություն կունենա՞ ձեր խաղի վրա, նա պատասխանել է.  «Ընդհանրապես ֆուտբոլիստները միշտ էլ սիրում են խաղալ լեփ-լեցուն տրիբունաների ներքո: Հուսով ենք, որ այն փաստը, որ վաղը մարզադաշտը լի է լինելու երկրպագուներով, մեզ վրա մեծ ազդեցություն չի թողնի: Մենք ունենք մեր խաղի պլանը և կփորձենք խաղալ հենց մեր ֆուտբոլը: Հայաստանի ազգային հավաքականի գլխավոր մարզիչ Ալեքսանդր Պետրակովն ասել է. «Կարծում եմ, որ շատ կարևոր խաղ է վաղը մեզ սպասվում: Եթե Թուրքիայի հավաքականը կարողանա հաղթել, ապա 90 տոկոսով կկարողանա լուծել Եվրո-2024-ի եզրափակիչ դուրս գալու հարցը: Իսկ այդ պարագայում մենք կբարդացնենք մեր խնդիրը»։  Նա նշել է, որ բոլոր խաղացողներն առողջ են և պատրաստ են վաղվա հանդիպմանը: Եվրո-2024-ի ընտրական փուլի 5-րդ տուրում Հայաստանի հավաքականը կհյուրընկալվի Թուրքիային։ Հանդիպումը կկայանա սեպտեմբերի 8-ին և կմեկնարկի Երևանի ժամանակով 22։45-ին։ Սեպտեմբերի 11-ին արդեն Երևանում մեր ընտրանին կխաղա Խորվաթիայի դեմ:
09:52 - 08 սեպտեմբերի, 2023
Տիգրան Բարսեղյանը չի մասնակցի Թուրքիայի և Խորվաթիայի դեմ խաղերի

Տիգրան Բարսեղյանը չի մասնակցի Թուրքիայի և Խորվաթիայի դեմ խաղերի

Տիգրան Բարսեղյանը չի մասնակցի Թուրքիայի և Խորվաթիայի դեմ խաղերին: Այս մասին տեղեկացնում են ՀՖՖ-ից։ Բարսեղյանը հավաքական էր ժամանել վնասվածքով: Մեր կիսապաշտպանը «Սլովանի» կազմում վերջին հանդիպումներին ևս մասնակցել էր վնասվածքով: Ազգային հավաքականի բուժանձնակազմի կողմից մանրակրկիտ զննման արդյունքում, ցավոք, պարզ դարձավ, որ Տիգրան Բարսեղյանը վնասվածքի պատճառով չի կարողանա մասնակցել Թուրքիայի և Խորվաթիայի դեմ խաղերին: Տիգրան Բարսեղյանն արդեն լքել է հավաքականի ճամբարը: Ավելի վաղ, Հայաստանի Մ-21 հավաքականին էր միացել Սերգեյ Մուրադյանը: Այսպիսով, ազգային հավաքականը շարունակում է մարզական հավաքը 23 ֆուտբոլիստներով:
17:38 - 06 սեպտեմբերի, 2023
Հայաստանի ազգային հավաքականը սկսել է մարզական հավաքը Թուրքիայի և Խորվաթիայի հետ խաղերին ընդառաջ

Հայաստանի ազգային հավաքականը սկսել է մարզական հավաքը Թուրքիայի և Խորվաթիայի հետ խաղերին ընդառաջ

Հայաստանի ազգային հավաքականը սկսել է մարզական հավաքը ՀՖՖ Տեխնիկական կենտրոն/Ֆուտբոլի ակադեմիայում:  Այս մասին հաղորդագրություն է տարածել Հայաստանի ֆուտբոլի ֆեդերացիան։  Սեպտեմբերի 3-ին հավաքին միացել էին հետևյալ ֆուտբոլիստները՝ Օգնյեն Չանչարևիչ - «Ալաշկերտ»  Արսեն Բեգլարյան - «Արարատ-Արմենիա»  Վարազդատ Հարոյան - «Աստանա»Կամո Հովհաննիսյան - «Աստանա»Ժիրայր Մարգարյան - «Ուրարտու» Էրիկ Փիլոյան - «Ուրարտու» Սերգեյ Մուրադյան - «Նոա» Տարոն Ոսկանյան - «Ալաշկերտ»Վբեյմար Անգուլո - «Ալաշկերտ» Արտակ Դաշյան - «Փյունիկ» Հովհաննես Հարությունյան - «Փյունիկ» Արթուր Սերոբյան - «Կասա-Պիա»Ավելի ուշ թիմին միացել են Գեորգի Հարությունյանը (Կրասնոդար), Էդուարդ Սպերցյանը (Կրասնոդար), Ուգոչուկվու Իվուն (Ռուբին) և Ստանիսլավ Բուչնևը (Փյունիկ)։ Սեպտեմբերի 4-ին թիմին կմիանան Հրանտ-Լեոն Ռանոսը (Բորուսիա), Նաիր Թիկնիզյանը (Լոկոմոտիվ), Լուկաս Սելարայանը (Ալ-Ֆաթեհ) և Նորբերտո Բրիասկո Բալեկյանը (Բոկա Խունիորս): Սեպտեմբերի 5-ին հավաքականի շարքերը կհամալրեն Անդրե Չալըշըրը (Բրոմապոյկարնա), Ստյոպա Մկրտչյանը (Օսիեկ), Տիգրան Բարսեղյանը (Սլովան), Վահան Բիչախչյանը (Պոգոն) և Սարգիս Ադամյանը (Քյոլն): Ֆուտբոլի Եվրոպայի առաջնության որակավորման փուլի շրջանակներում Հայաստանի ազգային հավաքականը սեպտեմբերի 8-ին մրցակցի հարկի տակ կխաղա Թուրքիայի հավաքականի դեմ, իսկ սեպտեմբերի 11-ին սեփական հարկի տակ կընդունի Խորվաթիայի հավաքականին։ 
11:26 - 04 սեպտեմբերի, 2023
Հայաստանի ֆուտբոլի ընտրանին ՖԻՖԱ-ի աղյուսակում առաջադիմել է 7 հորիզոնականով

Հայաստանի ֆուտբոլի ընտրանին ՖԻՖԱ-ի աղյուսակում առաջադիմել է 7 հորիզոնականով

ՖԻՖԱ-ն հրապարակել է ազգային հավաքականների դասակարգման վարկանիշային աղյուսակը։ Հայաստանի ազգային հավաքականն առաջադիմել է 7 հորիզոնականով և զբաղեցնում է 90-րդ հորիզոնականը։ Աղյուսակի առաջին հորիզոնականը զբաղեցնում է աշխարհի չեմպիոն Արգենտինան։ Նրան հաջորդում են Ֆրանսիան, Բրազիլիան, Անգլիան և Բելգիան։
13:29 - 29 հունիսի, 2023
ՀՖՖ-ն տուգանել է 7 ակումբի

ՀՖՖ-ն տուգանել է 7 ակումբի

Հայաստանի ֆուտբոլի ֆեդերացիայի Կարգապահական և էթիկայի կոմիտեն տուգանել է «Արարատ-Արմենիա ՖԱ» ԲԲԸ-ին, «Շիրակ ՖԱ» ՀԿ-ին, «Փյունիկ ՖԱ» ՀԿ-ին, «ՖԱ Ուրարտու» Մարզական ՀԿ-ին, «Արարատ ՖԱ» Հ/Ձ ՓԲԸ-ին, «Լեռնային Արցախ ՖԱ» ՍՊԸ-ին, «Նոա ՖԱ» ՀԿ-ին ՀՖՖ Ակումբների արտոնագրման կանոնակարգի հոդված 19-ով սահմանված չափանիշներին չբավարարելու համար։ (Հոդված 19.  Ֆուտզալի թիմը19.01. Արտոնագրման թեկնածուն իր կազմում պետք է ունենա առնվազն մեկ ֆուտզալի թիմ, որը մասնակցում է ՀՖՖ կողմից կազմակերպված ազգային, շրջանային կամ տեղական մակարդակով կազմակերպած պաշտոնական մրցաշարի): Նշված ակումբները տուգանվել են մինչև նվազագույն աշխատավարձի երկուհազարապատիկի (2,000,000 ՀՀ դրամ) չափով։
13:22 - 27 հունիսի, 2023
Թիկնիզյանը ստացել է 7,9 միավոր և ճանաչվել Հայաստան-Լատվիա հանդիպման լավագույն ֆուտբոլիստ |shantnews.am|

Թիկնիզյանը ստացել է 7,9 միավոր և ճանաչվել Հայաստան-Լատվիա հանդիպման լավագույն ֆուտբոլիստ |shantnews.am|

shantnews.am:  Ըստ WhoScored-ի՝ Հայաստան-Լատվիա հանդիպման լավագույն ֆուտբոլիստ է ճանաչվել Նաիր Թիկնիզյանը. նա ստացել է այս խաղում 7,9 միավոր գնահատական։ Երկրորդ ամենաբարձր գնահատականը ստացել է Արտակ Դաշյանը՝ 7,7 միավոր, իսկ երրորդը՝ Էդուարդ Սպերցյանը՝ 7,4 միավորով։ Հիշեցնենք, որ երեկ Հայաստանի ազգային հավաքականը սեփական հարկի տակ 2։1 հաշվով հաղթանակ տարավ Լատվիայի ընտրանու դեմ։  Մեր հավաքականում գոլերով աչքի ընկան Նաիր Տիկնիզյանը եւ Տիգրան Բարսեղյանը։
11:51 - 20 հունիսի, 2023
Նրանք բնավորություն ցույց տվեցին. Պետրակովը՝ Լատվիայի դեմ խաղի մասին |armenpress.am|

Նրանք բնավորություն ցույց տվեցին. Պետրակովը՝ Լատվիայի դեմ խաղի մասին |armenpress.am|

armenpress.am: Հայաստանի ֆուտբոլի ազգային թիմի գլխավոր մարզիչ Ալեքսանդր Պետրակովը Լատվիայի դեմ տոնած հաղթանակը կապում է ֆուտբոլիստների համառության հետ: «Տղաների համար շատ ծանր էր: Բայց ես շատ շնորհակալ եմ նրանց: Նրանք բնավորություն ցույց տվեցին: Չեղավ այնպես, որ հանձնվեին, ինչպես առաջ պատահում էր»,-«Արմենպրես»-իհաղորդմամբ՝  հետխաղյա մամուլի ասուլիսի ժամանակ ասաց Պետրակովը: Մասնագետը նաև խոսեց վնասվածք ստացած Բալեկյանից՝ ընդգծելով՝ լիահույս է, որ վնասվածքը լուրջ չէ: «Մենք անելու ենք մեր առավելությունը Գերմանիայում կայանալիք Եվրոպայի առաջնությանը մասնակցելու համար: Իհարկե, ես նրանց գովեցի հանդերձարանում և շնորհակալություն հայտնեց աշխատանքի համար »,-ասաց նա: Եվրոպայի առաջնության ընտրական փուլի երրորդ խաղում Հայաստանի հավաքականը՝ սեփական հարկի տակ ընդունելով Լատվիային, առավելության հասավ 2:1 հաշվով: Ընտրանին երկրորդ անընդմեջ հաղթանակը տոնեց ընտրական փուլում:
09:19 - 20 հունիսի, 2023
Հաստատվել է Հայաստան-Լատվիա հանդիպումը սպասարկող մրցավարական անձնակազմը

Հաստատվել է Հայաստան-Լատվիա հանդիպումը սպասարկող մրցավարական անձնակազմը

Հայաստան-Լատվիա հանդիպումը կսպասարկի մրցավարական անձնակազմը Սլովակիայից։ Այդ մասին հայտնում են ՀՖՖ-ից։ Հանդիպման մրցավար է նշանակվել Պետեր Կրալովիչը։ Մրցավարի օգնականներն են Միլան Շտրբոն և Տոմաշ Վորելը, 4-րդ պաշտոնյան է Մարտին Դոհալը։ VAR-ի մրցավար է նշանակվել Սյորեն Ստորկսը (Գերմանիա), VAR-ի մրցավարի օգնական՝ Պասկալ Մյուլլերը (Գերմանիա): Հիշեցնենք, որ Հայաստան-Լատվիա հանդիպումը կկայանա հունիսի 19-ին՝ Երևանի ժամանակով ժամը 20։00-ին։
16:26 - 18 հունիսի, 2023
Խորեն Բայրամյանը հեռացել է հավաքականի ճամբարից

Խորեն Բայրամյանը հեռացել է հավաքականի ճամբարից

Հայաստանի ֆուտբոլի ազգային թիմի կիսապաշտպան Խորեն Բայրամյանը հեռացել է հավաքականի ճամբարից վնասվածքի պատճառով: Այս մասին հայտնում է ՀՖՖ-ն: Բայրամյանը վնասվածք ստացել է հավաքի ընթացքում` մարզման ժամանակ: Նա արդեն իսկ հեռացել է ընտրանու ճամբարից և վերադարձել Դոնի Ռոստով: Հայաստանի ֆուտբոլի ազգային ընտրանին սկսել է նախապատրաստվել Եվրոպայի առաջնության ընտրական փուլի Ուելսի և Լատվիայի դեմ հերթական խաղերին: Հունիսի 11-ին հավաքականին կմիանա Անդրե Չալըշըրը, հունիսի 12-ին՝ Էդուարդ Սպերցյանն ու Գեորգի Հարությունյանը: Լուկաս Սելարայանը և Նորբերտո Բրիասկո Բալեկյանը թիմին կմիանան Ուելսում հունիսի 14-ին: 
11:29 - 11 հունիսի, 2023
Ալեքսանդր Պետրակովը հրապարակել է ազգային հավաքական հրավիրված ֆուտբոլիստների ցուցակը

Ալեքսանդր Պետրակովը հրապարակել է ազգային հավաքական հրավիրված ֆուտբոլիստների ցուցակը

ՈՒԵՖԱ Եվրոպայի 2024 թվականի առաջնության որակավորման փուլի առաջիկա հանդիպումներին ընդառաջ՝ Հայաստանի ազգային հավաքականի գլխավոր մարզիչ Ալեքսանդր Պետրակովը հրապարակել է հավաքական հրավիրված ֆուտբոլիստների ցուցակը․ԴարպասապահներՕգնյեն Չանչարևիչ - «Ալաշկերտ»Արսեն Բեգլարյան - «Ուրարտու»Ստանիսլավ Բուչնև - «Փյունիկ»ՊաշտպաններՎարազդատ Հարոյան - «Աստանա» (Ղազախստան)Կամո Հովհաննիսյան - «Աստանա» (Ղազախստան)Գեորգի Հարությունյան - «Կրասնոդար» (Ռուսաստան)Նաիր Թիկնիզյան - «Լոկոմոտիվ» (Մոսկվա, Ռուսաստան)Անդրե Չալըշըր - «Բրոմապոյկարնա» (Շվեդիա)Ժիրայր Մարգարյան - «Ուրարտու»Էրիկ Փիլոյան - «Ուրարտու»Դավիդ Դավիդյան - «Փյունիկ»Սերգեյ Մուրադյան - «Նոա»Տարոն Ոսկանյան - «Ալաշկերտ»Ստյոպա Մկրտչյան - ԲԿՄԱԿիսապաշտպաններ/ ՀարձակվողներԷդուարդ Սպերցյան - «Կրասնոդար» (Ռուսաստան)Խորեն Բայրամյան - «Ռոստով» (Ռուսաստան)Տիգրան Բարսեղյան - «Սլովան» (Սլովակիա)Վահան Բիչախչյան - «Պոգոն» (Լեհաստան)Ժիրայր Շաղոյան - ԲԿՄԱ Սոֆիա (Բուլղարիա)Լուկաս Սելարայան - «Քոլամբուս Քրյու» (ԱՄՆ)Արտակ Դաշյան - «Փյունիկ»Հովհաննես Հարությունյան - «Փյունիկ»Ուգոչուկվու Իվու - «Ուրարտու»Վբեյմար Անգուլո - «Ալաշկերտ»Արթուր Սերոբյան - «Արարատ-Արմենիա»Հրանտ-Լեոն Ռանոս - «Բորուսիա» (Մյոնխենգլադբախ, Գերմանիա)Նորբերտո Բալեկյան - «Բոկա Խունիորս» (Արգենտինա)Արթուր Միրանյան - «Ալաշկերտ»Հայաստանի ֆուտբոլի ֆեդերացիայից հայտնում են, որ Հայաստանի ազգային հավաքականը հունիսի 8-14-ը մարզական հավաք կանցկացնի ՀՖՖ Տեխնիկական կենտրոն/Ֆուտբոլի ակադեմիայում, որից հետո կմեկնի Ուելս, որտեղ հունիսի 16-ին ուժերը կչափի Ուելսի ընտրանու հետ: Հունիսի 19-ին արդեն Երևանում մեր ընտրանին կխաղա Լատվիայի հավաքականի հետ:
12:40 - 03 հունիսի, 2023
Մարզիչների վեճից հետո ՀՖՖ կարգապահական կոմիտեն կարգապահական վարույթներ է հարուցել

Մարզիչների վեճից հետո ՀՖՖ կարգապահական կոմիտեն կարգապահական վարույթներ է հարուցել

Fastex Հայաստանի Գավաթի՝ մայիսի 13-ին կայացած «Շիրակ»-«Ուրարտու» և Fastex Հայաստանի Պրեմիեր Լիգայի՝ մայիսի 15-ին կայացած «Նոա»-«Փյունիկ» խաղերի ընթացքում տեղի ունեցած կարգապահական խախտումների վերաբերյալ ՀՖՖ կարգապահական և էթիկայի կոմիտեի կողմից հարուցվել են կարգապահական վարույթներ։ Նշված վարույթների շրջանակներում կարգապահական խախտումների վերաբերյալ ծանուցումներ են ներկայացվել համապատասխան ակումբներին՝ տրամադրելով դիրքորոշում ներկայացնելու ժամանակ։ Կոմիտեի՝ վարույթների արդյունքներն ամփոփելուց հետո որոշումները կհրապարակվեն ՀՖՖ պաշտոնական կայքում։
11:49 - 17 մայիսի, 2023
Հայաստանի հավաքականը նահանջել է 2 հորիզոնական |hetq.am|

Հայաստանի հավաքականը նահանջել է 2 հորիզոնական |hetq.am|

hetq.am: ՖԻՖԱ-ն այսօր հրապարակել է ազգային հավաքականների դասակարգման վարկանիշային հերթական ցուցակը: Հայաստանի ընտրանին դեկտեմբեր ամսվա համեմատ, երբ հրապարակվել էր նախորդ աղյուսակը, նահանջել է 2 հորիզոնական ու հիմա 97-րդն է 211 հավաքականների շարքում:  Հիշեցնենք, որ հաշվետու ժամանակահատվածում մեր ընտրանին «Եվրո-2024»-ի ընտրական փուլի շրջանակներում Երեւանում 1-2 հաշվով պարտվել է Թուրքիային, ապա 2-2 խաղացել Կիպրոսի հետ:  Համաշխարհային ցուցակը գլխավորում է աշխարհի չեմպիոն Արգենտինան, որին հաջորդում են փոխչեմպիոն Ֆրանսիան, ապա՝ Բրազիլիան, Բելգիան, Անգլիան, Նիդերլանդները, Խորվաթիան, Իտալիան, Պորտուգալիան, Իսպանիան։ «Եվրո-2024»-ի ընտրական փուլում մեր մրցակիցներից լավագույնը, ինչպես տեսնում ենք, աշխարհի առաջնության բրոնզե մեդալակիր Խորվաթիան է, որը նախորդ ցուցակի համեմատ պահպանել է իր 7-րդ հորիզոնականը: Ուելսը հայտնվել է 26-րդ տեղում (+2), Թուրքիան՝ 43-րդ (+1), Լատվիան՝ 132-րդ (+1): Փաստորեն, Հայաստանն այս խմբում միակն է, որ նախորդ ցուցակի համեմատ նահանջել է:  Նախկին ԽՍՀՄ երկրներից լավագույն ցուցանիշն ունի Ուկրաինան, որը 30-րդն է, Ռուսաստանը, որը զրկված է միջազգային մրցաշարերին մասնակցելու իրավունքից, 37-րդն է, Ուզբեկստանը՝ 74-րդը, Վրաստանը՝ 77-րդը, Ղրղզստանը՝ 96-րդը, մյուսները մեր ընտրանուց ավելի ցածր հորիզոնականներում են։ Տարածաշրջանում մեր հարեւաններից ամենաբարձր վարկանիշն ունի Իրանը, որը 24-րդն է, Թուրքիան ու Վրաստանը, ինչպես ասվեց, 43-րդ եւ 77-րդ տեղերում են, իսկ Ադրբեջանը՝ 124-րդ։   Հաջորդ վարկանիշային աղյուսակը կհրապարակվի հուլիսի 20-ին: Մինչ այդ՝ հունիսի 16-ին, մեր թիմն արտագնա հանդիպում կանցկացնի Ուելսի հետ, ապա հունիսի 19-ին տանը կընդունի Լատվիային:
14:00 - 06 ապրիլի, 2023