Մանե Թանդիլյան

Արցախի Հանրապետության աշխատանքի, սոցիալական և բնակարանային հարցերի նախարար, ՀՀ ԱԺ նախկին պատգամավոր՝ ընտրված «Լուսավոր Հայաստան» կուսակցության ցուցակով։

Ծնվել է 1978թ. ապրիլի 3-ին։ 1999 թվականին ավարտել է Հայկական պետական մանկավարժական համալսարանի պատմական ֆակուլտետը։ 2002 թվականին ավարտել է Հայաստանի ամերիկյան համալսարանի բիզնեսի կառավարման բաժինը՝ ստանալով բիզնեսի կառավարման մագիստրոսի աստիճան։ 2003 - 2004 թվականներին աշխատել է «Գառնի Ինվեստմենթ ընդ Դիվելոփմենթ» ՓԲԸ-ում, որպես ֆինանսական վերլուծաբան։ 2004 թվականին եղել է հաշվապահ «Արարատ Գոլդ Ռիքավորի Քոմփանի» ՍՊԸ-ում։

2004 - 2006 թվականներին աշխատել է «Հովնանյան Ինտերնեյշնլ» ՍՊԸ-ում որպես գլխավոր հաշվապահ, 2006 - 2008 թվականներին նույն պաշտոնը ստանձնել է տեղեկատվական տեխնոլոգիաների ոլորտի «Մենթոր Գրաֆիկս Դիվելոփմենթ Սերվիսիս» ՓԲԸ-ում։ 2009 - 2017թթ. աշխատել է «Սինոփսիս Արմենիա» ՓԲԸ-ում որպես ֆինանսական տնօրենի տեղակալ, գլխավոր հաշվապահ։ 2015 թվականի դեկտեմբերի 15-ից «Լուսավոր Հայաստան» կուսակցության անդամ է։ Նույն թվականի դեկտեմբերի 21-ին ընտրվել է կուսակցության խորհրդի քարտուղար։ 2017 թվականին «Ելք» դաշինքի ցուցակով ընտրվել է ՀՀ 6-րդ գումարման Ազգային ժողովի պատգամավոր։ Եղել է այդ ընտրություններում ռեյտինգային ընտրակարգով ընտրված միակ կին պատգամավորը։ Եղել է ԱԺ ֆինանսավարկային և բյուջետային հարցերի մշտական հանձնաժողովի փոխնախագահը: 2018 թվականի փետրվարի 19-ին ԼՀԿ կառավարման խորհրդի նիստում ընտրվել է ԼՀԿ փոխնախագահ։

2018 թվականի մայիսի 11-ին նշանակվել է Հայաստանի Հանրապետության աշխատանքի և սոցիալական հարցերի նախարար: 2018 թվականի հունիսի 12-ին, դեմ լինելով կառավարության կողմից կուտակային կենսաթոշակային համակարգի պարտադիր բաղադրիչի ներդրմանը, հրաժարական է ներկայացրել նախարարի պաշտոնից։ Հունիսի 21-ին կառավարության նիստում վարչապետ Նիկոլ Փաշինյանը հայտնել է, որ չի ընդունել Մանե Թանդիլյանի հրաժարականը և վերջինս շարունակել է պաշտոնավարել։ 2018 թվականի նոյեմբերի 14-ին հրաժարական է տվել ՀՀ Աշխատանքի և սոցիալական հարցերի նախարարի պաշտոնից դեկտեմբերի 9-ին կայանալիք ԱԺ արտահերթ ընտրություններին մասնակցելու համար: ԼՀԿ համապետական ցուցակում զբաղեցրել է երկրորդ տեղը, ինչպես նաև ռեյտինգային ընտրակարգով առաջադրվել է Երևանի Կենտրոն, Նորք-Մարաշ, Էրեբունի և Նուբարաշեն վարչական շրջաններն ընդգրկող թիվ 4 ընտրատարածքում: 

2020թ. դեկտեմբերի 2-ին նշանակվել է Արցախի Հանրապետության աշխատանքի, սոցիալական և բնակարանային հարցերի նախարար:

Խիստ դատապարտելի է Ռուսաստանի դիրքորոշումը, որի միակ նպատակը խաղաղության առաքելության առկայության մենաշնորհն է Արցախում․ Մանե Թանդիլյան

Խիստ դատապարտելի է Ռուսաստանի դիրքորոշումը, որի միակ նպատակը խաղաղության առաքելության առկայության մենաշնորհն է Արցախում․ Մանե Թանդիլյան

ՄԱԿ ԱԽ նիստում մի շարք երկրներ հերթական անգամ ցուցաբերեցին հայանպաստ դիրքորոշում, սակայն ինչպես միշտ, դրանք շարունակում են մնալ հայտարարությունների մակարդակի վրա։ Այս մասին ֆեյսբուքյան իր էջում գրել է «Ապրելու երկիր» կուսակցության նախագահ Մանե Թանդիլյանը։   «Միևնույն ժամանակ, խիստ դատապարտելի է Ռուսաստանի դիրքորոշումը, ում միակ նպատակը խաղաղության առաքելության առկայության մենաշնորհն է Արցախում։   Սակայն ամենացավալին այն է, որ Ադրբեջանի ներկայացուցիչը մեջբերում է Նիկոլ Փաշինյանին։ Սա առաջին անգամ չէ, երբ Նիկոլ Փաշինյանի անհասկանալի կամ գուցե միտումնավոր խոսքերը դառնում են Հայաստանի և Արցախի դեմ քարոզչական և դիվանագիտական զենք։   Նիկոլ Փաշինյանի դիվանագիտական խայտառակ քաղաքականությունը մեզ ամեն օր ավելի ծանր վիճակում է դնում, որը հետագայում շտկելու համար մեծ ջանքեր է պահանջելու։   Նիկոլ Փաշինյանի և իր թիմի հեռանալն այլընտրանք չունի, սակայն կա ավելի կարևոր և ավելի բարդ, գրեթե անհնար մի բան. մինչև դա Նիկոլ Փաշինյանը պետք է լռի», - նշել է Թանդիլյանը։
14:01 - 22 սեպտեմբերի, 2023
Մանե Թանդիլյանը երևանցիներին կոչ է անում անպայման մասնակցել Երևանի ավագանու ընտրությունների քվեարկությանը
 |armenpress.am|

Մանե Թանդիլյանը երևանցիներին կոչ է անում անպայման մասնակցել Երևանի ավագանու ընտրությունների քվեարկությանը |armenpress.am|

armenpress.am: «Ապրելու երկիր» կուսակցության քաղաքապետի թեկնածու Մանե Թանդիլյանը իր քաղաքացիական պարտքը կատարեց Երևանի ավագանու ընտրություններում։ Քվեարկությունից հետո լրագրողների հետ զրույցում Թանդիլյանը երևանցիներին կոչ արեց անպայման մասնակցել քվեարկությանը, քանի որ չմասնակցելը իշխանության օգտին է։ Անդրադառնալով դիտարկմանը, որ ընտրողների մասնակցության ցուցանիշն այս պահին ցածր է՝ Թանդիլյանը կարծիք հայտնեց, որ դա կարող է պայմանավորված լինել նրանով, որ մարդիկ զբաղված են իրենց անձնական  գործերով։ Մասնավորապես, նա նշեց, որ այսօր մարդիկ նաև գերեզմանատներ են այցելու, ինչը կարող է նաև նրանց տրամադրության վրա ազդել։ Այնուամենայնիվ, Թանդիլյանը կոչ արեց անձնական գործերն ավարտելուց հետո անպայման գնալ և մասնակցել քվեարկությանը։ Նա ընդգծեց, որ իրենց շտաբում տարբեր ընտրախախտումների մասին լուրեր կան, այս պահին իրենք դեռևս հավաքագրում են այդ ահազանգերը, որպեսզի նաև նկատի ունենան դրանց ազդեցության չափը։ «Այս պահին այդպիսի լուրջ արձանագրում չկա, բայց ամբողջ օրն առջևում է»,- ասաց Թանդիլյանը։ Մանե Թանդիլյանը նաև նշեց, որ բարձր է գնահատում իր շանսերը։ «Ես նորից եմ ուզում կրկնել՝ միակ մտավախությունս մասնակցության ցուցանիշն է։ Երևանցիները պետք է հաղթեն, հետևաբար՝ պետք է մասնակցեն»,- նշեց Թանդիլյանը։ Նա նաև ասաց, որ քվեարկել է հանուն ինքնիշխանության, հետևաբար՝ նաև հանուն իշխանափոխության։  
14:23 - 17 սեպտեմբերի, 2023
«Ապրելու երկիր». Մենք Հայաստանը չենք տեսնում միութենական պետությունում
 |news.am|

«Ապրելու երկիր». Մենք Հայաստանը չենք տեսնում միութենական պետությունում |news.am|

news.am: Մենք Հայաստանը չենք տեսնում միութենական պետությունում (նրա մեջ մտնում են Ռուսաստանն ու Բելառուսը - խմբ.), մենք բազմիցս խոսել ենք այդ մասին։ Այս մասին այսօր՝ սեպտեմբերի 15-ին, լրագրողների հետ հանդիպմանն ասաց «Ապրելու երկիր» կուսակցության Երեւանի քաղաքապետի թեկնածու Մանե Թանդիլյանը։ «Մեզ համար առաջնայինը Հայաստանի շահն է՝ անկախ աշխարհաքաղաքական իրավիճակից եւ ուժային կենտրոններից»,-նշեց նա։ Թանդիլյանը նկատեց, որ Հայաստանի ներկայիս իշխանությունները հնարավորություն են ստեղծել, որպեսզի հակառակորդը ոտնձգություն կատարի երկրի ինքնիշխանության նկատմամբ:  «Այսօր մեր ինքնիշխան տարածքներում ադրբեջանական զորքեր են գտնվում։ Փաշինյանի վարած քաղաքականությունը կործանարար է մեր պետականության համար։ Մենք չպետք է Հայաստանը դարձնենք բախման գոտի, եթե չենք ուզում, որ մեր պետությունը վերանա։ Հիմա իշխանությունները, անհեռատես քաղաքականություն վարելով, հենց դրանով են զբաղված։ Ընդ որում, նրանք վախենում են, որ մենք ժողովրդավարական ճանապարհով կգանք իշխանության»,-հավելեց Թանդիյանը։
14:41 - 15 սեպտեմբերի, 2023
«Ապրելու երկիր»-ը Երևանում հյուրընկալել է  քաղաքային ճոպանուղիների նախագծման և կառուցման համաշխարհային առաջատար ընկերություններից մեկին

«Ապրելու երկիր»-ը Երևանում հյուրընկալել է  քաղաքային ճոպանուղիների նախագծման և կառուցման համաշխարհային առաջատար ընկերություններից մեկին

«Ապրելու երկիր» կուսակցությունը Երևանում հյուրընկալել է  քաղաքային ճոպանուղիների նախագծման և կառուցման համաշխարհային առաջատար ընկերություններից մեկի՝ շվեյցարական «Բարտոլետ» ընկերության ներկայացուցիչներին: Այս մասին հայտնում են «Ապրելու երկիր» կուսակցությունից։ «Այցելեցինք Երևանի մի քանի կարևոր վայրեր, որտեղ նախատեսում ենք ճոպանուղային հանգույցներ կառուցել, ուսումնասիրեցինք և դիտարկեցինք մեր մայրաքաղաքի ռելիեֆային և տարածքային առանձնահատկությունները։ Երևանը ճոպանուղու համակարգ կունենա։ Ծրագիրը իրականացնելու ենք համաշխարհային առաջատար ընկերությունների հետ համագործակցության շնորհիվ՝ միջազգային լավագույն չափանիշներին համապատասխան»,- ասված է հաղորդագրության մեջ։ 
17:02 - 14 սեպտեմբերի, 2023
Մենք տեսնում ենք, որ Արցախում առաջնորդության խնդիր կա, բայց պետք է անցնցում հանգուցալուծել իրավիճակը․ Մանե Թանդիլյան |tert.am|

Մենք տեսնում ենք, որ Արցախում առաջնորդության խնդիր կա, բայց պետք է անցնցում հանգուցալուծել իրավիճակը․ Մանե Թանդիլյան |tert.am|

tert.am: Արցախի Անկախության օրվա առիթով «Ապրելու երկիր» կուսակցության անդամները, կուսակցության համահիմնադիր, Երևանի քաղաքապետի թեկնածու Մանե Թանդիլյանի գլխավորությամբ այցելել են Հայաստանում Արցախի Հանրապետության մշտական ներկայացուցչություն, որտեղ վերջիններիս դիմավորել է Արցախի ԱԳ նախարար Սերգեյ Ղազարյանը։ «Ապրելու Երկիրի» կուսակցության համահիմնադիր Մանե Թանդիլյանը լրագրողների հետ զրույցում նշեց, որ Արցախի անկախության 32-ամյակին հայտնվել ենք ծանրագույն ժամանակաշրջանում։ Արցախի տոնի առիթվ շնորհավորելով հանդերձ քաղաքական գործիչն ընդգծեց, որ յուրաքանչյուրս պետք է հանձնառու լինենք, պատասխանատվություն զգանք իրավիճակ փոխելու՝ ինչպես, երբ և ովքեր, դա, ըստ նրա, այլ հարց է։ «Համոզված եմ, որ Արցախի ժողովուրդն իր բաժին անելիքն այսօր Արցախում անում է լիարժեք և մենք պարտավոր ենք այդ կամքի իրացնողը դառնալու»,- հավելեց նա։ Անդրառնալով Արայիկ Հարությունյանի հրաժարականին՝ Մանե Թանդիլյանն արձանագրեց, որ նախքան Ռուբեն Վարդանյանի մեկնելն էր Արայիկ Հարությունյանը պարբերաբար հրաժարական տալու ցանկություն հայտնել։ «Մենք այսօր պարտավոր ենք ցնցումների չենթարկել իրավիճակը, Արցախում կա հրաժարական, կա սահմանադրություն, որն այդ իրավիճակում լուծումներ է առաջարկում։ Պետք է անցնցում հանգուցալուծել իրավիճակը։ Մենք տեսնում էինք, որ առաջնորդության խնդիր կա և դա ոչ ոքի համար գաղտնիք չէր։ Ես հույս ունեմ, որ Արցախի խոհեմ ժողովուրդը լուծելու է հարցն իրավական ճանապարհով՝ առանց ավելորդ լարվածության և այստեղից էլ պետք չէ բենզին լցնել»,- նկատեց Թանդիլյանը։ Շարունակությունը՝ սկզբնաղբյուր կայքում
17:07 - 02 սեպտեմբերի, 2023
Երեւանի ընտրություններն ուղիղ կապ ունեն անկախության հետ. Մանե Թանդիլյան |news.am|

Երեւանի ընտրություններն ուղիղ կապ ունեն անկախության հետ. Մանե Թանդիլյան |news.am|

news.am: «Ապրելու երկիր» կուսակցությունը այսօր՝ օգոստոսի 23-ին, մեկնարկել է Երեւանի ավագանու նախընտրական քարոզարշավը: Ելույթի խոսքերով են հանդես եկել կուսակցության թիմակիցները եւ վերջում ելույթ է ունեցել նաեւ կուսակցության առաջին համար Մանե Թանդիլյանը: Նա խոսել է նախ օրվա խորհրդի՝ անկախության 33-րդ տարեդարձի մասին. «Սահմանադիրը՝ հայ ժողովուրդը, չի չեղարկել անկախության հռչակագիրը եւ չի չեղարկելու ինչքան էլ դրան ձգտողները անչափ լինեն: Սա նշանակում է, որ հայ ժողովուրդն անփոփոխ է իր կամքում եւ որոշումներում»: Նրա խոսքով՝ Երեւանի ընտրություններն ուղիղ կապ ունեն անկախության հետ: Կուսակցության առաջին համարը շեշտել է, որ Երեւանի ավագանու ընտրությունները երբեք այսքան քաղաքական չեն եղել, որքան այս անգամ է. «Եվ չեն եղել այսքան համահայկական, որքան այս անգամ է: Մենք պարտավոր ենք այս գիտակցումով գնալ քարոզարշավի: Իմ ամբողջ քաղաքական կենսագրությունը դրել եմ այս ընտրությունների այս խաղասեղանին, որովհետեւ համոզված եմ, թե որքան ճակատագրական են նրանք, եւ որքան կարեւոր է, որ որեւէ մեկս այստեղ գտնվող նվիրում ու ջանք չխնայենք այս ամենը մեր սիրելիս երեւանցիներին բացատրելու եւ հորդորելու: Պատրաստ եմ կյանքիս հաջորդ 10 տարին նվիրել մեր երկրին՝ անվերապահորեն»: Թանդիլյանի խոսքով՝ կուսակցության վրա այժմ ծանր բեռ է՝ խոսել յուրաքանչյուր երեւանցու հետ, գնալ բակից բակ, թակել յուրաքանչյուրի դուռը, եւ ասել, թե ինչու է այսքան կարեւոր Երեւանի ընտրությունները. «Ինչու է այն լինելու բեկումնային Հայաստանի, Արցախի, Երեւանի ճակատագրի մեջ: Թե ինչպես է արտաքօն ազդակներ գնալու Երեւանից, որ Հայաստանում համաձայն չեն այն ուղու հետ, որը որդեգրել է այսօրվա իշխանությունը»: Նա իր խոսքում ուղերձ է հղել նաեւ երեւանցիներին ու իր թիմակիցներին. «Սիրելի երեւանցիներ, ականջալուր եղեք մեր թիմակիցներին եւ լսեք՝ ինչքան կարեւոր է ձեր մասնակցությունն այս ընտրություններին: Սիրելի թիմակիցներ, կբացատրեք նրանց, թե ինչպես է հնարավոր ընտրություններով հաղթել, փոխել, չէ՞ որ դուք արդեն 2 տարի շարունակ արել եք դա, գուցե նրանք տեղյակ չեն, օգնենք մեր համաքաղաքացիներին դուրս գալ այդ հուսահատությունից եւ ցույց տալ, թե ինչպես ենք մեկ քվեով հաղթել Տաթեւում: Պատմեք նրանց, թե ինչքան է նայում մեր արցախցի հայրենակիցը եւ ինչքան է նա սպասում այս ընտրություններում իշխանափոխության արդյունքին: Մենք ջանք չենք խնայելու, որ ձեզ ապացուցենք, որ մենք արժանի ենք ձեր վստահությանը, որովհետեւ անվերապահ նվիրված ենք մեր անելիքին: Կիսվեք նրանց հետ մեր երազանքի Երեւանի տեսլականով, պատմեք նրանց, թե ինչպիսի Երեւան ենք մենք տեսնում՝ ազատագրված փոսերից ու աղբից, Երեւան, որի բնակիչները ճախրում են ճոպանուղիով, առանց խցանումների հասնում են մի կետից մյուսը, Երեւանը մեզ համար հոգատար ու հասանելի քաղաք է, որտեղ յուրաքանչյուրը կարող է իր ցանկացած վայրը գնալ, քաղաք ենք կառուցելու մայրերի, հաշմանդամություն ունեցող անձանց, տարեց ընկերների եւ բոլորի համար»:
11:53 - 23 օգոստոսի, 2023
Նորմալ մրցակից եմ համարում Հայկ Մարությանին, դրական եմ գնահատում իր նախաձեռնությունը․ Մանե Թանդիլյան |tert.am|

Նորմալ մրցակից եմ համարում Հայկ Մարությանին, դրական եմ գնահատում իր նախաձեռնությունը․ Մանե Թանդիլյան |tert.am|

tert.am: v id="news-content-container"> Դրական եմ գնահատում Երևանի նախկին քաղաքապետ Հայկ Մարությանի ընտրություններին մասնակցելու նախաձեռնությունը, ինչքան մասնակցությունը շատ լինի, այնքան երևանցիները ընտրության հնարավորություն կունենան, և այնքան մենք հնարավորություն կունենանք Երևանում իշխանափոխություն իրականացնել այլ ուժերի միջոցով։ Այս մասին լրագրողների հետ ճեպազրույցում ասաց «Ապրելու երկիր» կուսակցության նախագահ, քաղաքապետի թեկնածու Մանե Թանդիլյանը։ Նա նախկին քաղաքապետին նորմալ մրցակից է համարում։ Լրագրողների հարցին՝ մտավախություն չունե՞ք, որ ընտրություններն Ավինյան-Մարության տրամաբանության մեջ կանցկացվեն և դուք դուրս կմնաք ընտրապայքարից՝ Մանե Թանդիլյանն արձագանքեց, որ նման մտավախություն չունի։ Անդրադառնալով սոցցանցերում քննարկվող սցենարին, ըստ որի՝ Երևանի փոխքաղաքապետ Տիգրան Ավինյանը Հայկ Մարությանի մասնակցելու դեպքում չի կարողանա 50+ ձայն հավաքել և Մարությանը «Ապրելու երկրի» հետ ստիպված կմիավորվի՝ իշխանության հասնելու համար, Թանդիլյանը պատասխանեց. «Ոչ ոք ստիպված չէ համագործակցել ինչ-որ մեկի հետ: Դա արվում է կամովի և արդյունքների հետևանքով»: Միևնույն ժամանակ չբացառեց, որ հետընտրական դաշինքներ կլինեն, սակայն մինչ այդ պետք է տեսնեն, թե ինչպես են երևանցիները քվեարկել։ Շարունակությունը՝ սկզբնաղբյուր կայքում  
13:41 - 09 օգոստոսի, 2023
Երևանի տրանսպորտային գլխավոր ռեֆորմը պետք է դառնա ճոպանուղու ցանցը. Մանե Թանդիլյան

Երևանի տրանսպորտային գլխավոր ռեֆորմը պետք է դառնա ճոպանուղու ցանցը. Մանե Թանդիլյան

Երևանի տրանսպորտային գլխավոր ռեֆորմը պետք է դառնա ճոպանուղու ցանցը: Ֆեյսբուքյան էջում գրել է «Ապրելու երկիր» կուսակցության նախագահ, Երևանի ավագանու ընտրություններում կուսակցության քաղաքապետի թեկնածու Մանե Թանդիլյանը․ Քաղաքների երեք «տարածությունների» միաժամանակյա արդյունավետ օգտագործումը միայն կարող է հնարավորություն տալ լուծել Երևանի առջև ծառացած մի շարք խնդիրները, այդ թվում, տրանսպորտային և հետիոտնի անխոչընդոտ տեղաշարժին վերաբերողները։  Առաջին «տարածությունը»՝ գետինը, գրեթե սպառել է իրեն և Երևանի բնակչության և տնտեսության զարգացման տեմպերի համար ունի սակավ հնարավորություններ լուծելու քաղաքի խնդիրները։ Նոր ճանապարհների, փողոցների կառուցման հնարավորությունները սահմանափակ են։  Երկրորդ՝ ստորգետնյա «տարածությունը» բավական քիչ է օգտագորված։ Ունենք շատ քիչ թունելներ, գետնանցումներ։ Միևնույն ժամանակ, Երևանի ռելիեֆը և ստորգետնյա ենթակառուցվածների առկայությունները նույնպես թույլ չեն տալիս քաղաքը դարձնել լիարժեք «երկհարկանի»։ Սակայն, այստեղ նույնպես ունենք սկզբունքային խնդիր։ Օբյեկտիվ և սուբյեկտիվ պատճառներով գետնանցումները չեն դառնում մարդկանց հիմնական ճանապարհը, որը նաև անվտանգության խնդիրներ է առաջացնում։ Քաղաքը, նախ և առաջ, պետք է լինի մարդկանց համար, հետևաբար Երևանի մի շարք գետնանցումներ պետք է վերածվեն թունելի՝ մեքենաների համար, իսկ մարդիկ քայլեն գետնի վրայով։ Միևնույն ժամանակ, Երևանում առկա են մի շարք հնարավորություններ փոքր թունելների շնորհիվ ունենալ նոր հետիոտնային հատվածներ։ Երրորդ՝ վերգետնյա, օդային «տարածությունը» գրեթե չի օգտագործվում։ Վերնանցումները շարունակում են մնալ անհարմար մարդկանց համար, իսկ 1-2 էստակադաները չեն լուծում քաղաքի տրանսպորտային խնդիրները։  Հաշվի առնելով Երևանի ռելիեֆային առանձնահատկությունը՝ քաղաքի տրանսպորտային գլխավոր ռեֆորմը պետք է դառնա ճոպանուղու ցանցը։  Քաղաքային ճոպանուղին ունի հետևյալ առավելությունները՝ ✔️Մարդկային մեծ հոսքերի տեղափոխման հնարավորություն ✔️Կանգառներում սպասելու բացակայություն ✔️Էկոլոգիապես մաքուր՝ օդի աղտոտվածության բացակայություն ✔️Ամենաանվտանգ տրանսպորտային միջոցը աշխարհում  ✔️Ամենակարճ ճանապարհների ստեղծում՝ ուղիղ գծի շնորհիվ ✔️Հաշմանդամություն ունեցող անձանց համար այն բացառիկ հարմար ✔️Նոր, ազատ տարածությունների օգտագործման հնարավորություն ✔️Կայարանների կառուցման համար փոքր տարածքների անհրաժեշտություն ✔️Արագ կառուցման հնարավորություն՝ չխոչընդոտելով առկա տրանսպորտային ուղիները շինարարական աշխատանքների ժամանակ Առաջիկայում կներկայացնենք Երևանի ճոպանուղու համակարգի ներդրման նախագիծը»,-գրել է Թանդիլյանը։
17:06 - 09 հունիսի, 2023
«Ապրելու երկիր» կուսակցությունը Մանե Թանդիլյանին կառաջադրի Երևանի քաղաքապետի թեկնածու
 |armenpress.am|

«Ապրելու երկիր» կուսակցությունը Մանե Թանդիլյանին կառաջադրի Երևանի քաղաքապետի թեկնածու |armenpress.am|

armenpress.am: «Ապրելու երկիր» կուսակցությունը քաղաքական խորհրդի նիստում հաստատել է Երևանի ավագանու առաջիկա ընտրություններում քաղաքապետի պաշտոնի համար կուսակցության թեկնածուին՝ Մանե Թանդիլյանին: Այս մասին հայտարարեց «Ապրելու երկիր» կուսակցության քաղաքական խորհրդի անդամ Տիգրան Սահակյանը՝ քաղաքական խորհրդի ընդլայնված նիստից հետո հրավիրված ասուլիսում: « «Ապրելու երկիր» կուսակցության քաղխորհրդի կողմից առաջադրվել և հաստատվել է Երևանի ավագանու առաջիկա ընտրություններում քաղաքապետի թեկնածու Մանե Թանդիլյանի թեկնածությունը»,-ասաց Սահակյանը: Ըստ նրա՝ այդ որոշումը հիմնված է եղել վերջին ամիսներին Երևանի բնակիչների հետ իրենց ակտիվ շփումների, սոցիոլոգիական հարցումների, ինչպես նաև  կուսակցության անդամների կարծիքների հիման վրա: Սահակյանը հայտնեց՝ հավատարիմ են իրեն որդեգրած դիրքորոշմանը՝ համապետական ընտրություններից զատ, ակտիվորեն պատրաստվել և մասնակցել բոլոր ՏԻՄ ընտրություններին: «Մենք վստահ ենք, որ ՏԻՄ մակարդակում ևս քաղաքական ուժերը պետք է լուրջ քաղաքական ծրագրեր ներկայացնեն, ստանձնեն պատասխանատվություն և ընթացիկ օպերարտիվ խնդիրներից զատ, իրական զարգացում ապահովեն համայնքներում»,-ասաց Սահակյանը: Ըստ նրա՝ Մանե Թանդիլյանի առաջադրումը ևս մեկ անգամ ընդգծում է իրենց վճռականությունը՝ ոչ միայն մասնակցելու, այլ նաև հաղթելու Երևանի ավագանու ընտրություններում: «Ես հավաստիացնում եմ, որ այս ընտրություններում մեր մասնակցությունն ու հաղթանակը երկրում արմատական ու խորքային փոփոխությունների առաջնորդության անշրջելի հայտ է մեր կողմից»,-ասաց նա: Երևանի ավագանու ընտրությունները, նախատեսվում է, որ տեղի կունենան սեպտեմբեր ամսին:
13:56 - 08 հունիսի, 2023
«Ապրելու երկիր»-ը պահանջում է Երևանի ավագանու արտահերթ ընտրություններ

«Ապրելու երկիր»-ը պահանջում է Երևանի ավագանու արտահերթ ընտրություններ

«Ապրելու երկիր» կուսակցությունը պահանջում է Երևանի ավագանու արտահերթ ընտրություններ անցկացնել, քանի որ «ստեղծված իրավիճակում օրենսդրությունն է այդպես նախատեսում»։ Այդ մասին Ֆեյսբուքի իր էջում գրել է կուսակցության նախագահ, Երևանի ավագանու առաջիկա ընտրություններում «Ապրելու երկրի» քաղաքապետի թեկնածու Մանե Թանդիլյանը։ Նա հիշեցնում է, որ Երևանի քաղաքապետ Հրաչյա Սարգսյանի հրաժարականից 2 շաբաթ անցել է, բայց գործող ավագանին իր կազմից այդպես էլ չի ընտրել նոր քաղաքապետ։ «Այս իրավիճակում, ըստ օրենսդրական կարգավորումների, Կառավարությունը պետք է կրճատի ավագանու լիազորությունների ժամկետն ու, միաժամանակ, նշանակի ավագանու արտահերթ ընտրություններ։ Սակայն երևանցիների կողմից չընտրված, բայց Երևանի «ճակատագիրը» իր քվեին ծառայեցնող քաղաքապետի պաշտոնին հավակնողի խոսքից ու գործողությունների տրամաբանությունից արդեն ակնհայտ է, որ ակնհայտ փորձ է կատարվում շրջանցելու օրենսդրությունը՝ չկատարելով օրենքի պահանջը»,- գրել է նա։ Թանդիլյանի կարծիքով՝ արտահերթ ընտրությունները «Քաղաքացիական պայմանագրին» և կուսակցության քաղաքապետի թեկնածու Տիգրան Ավինյանին ձեռնտուն չեն՝ «գահավիժող անվստահության և հիասթափության ֆոնին»։ «Իրենք վախենում են արտահերթ ընտրություններ անցկացնելուց, քանի որ շատ լավ գիտեն, որ օրինական ժամկետում ընտրություններ անցկացնելու պարագայում երևանցին իրենց մերժելու է։ Այս մարդիկ ամեն ինչի ընդունակ են՝ թքած ունենալով օրենսդրության, մարդկանց պահանջների, իրավունքների վրա։ Պարոնայք, մոռանում եք «բումերանգի էֆեկտի» մասին, թողեք, որ վաղն էլ ձեզ օրենքով դատեն։ Ինչևէ, դեռ սպասում ենք Կառավարության խելամտությանն ու պահանջում, որ օրենքը վեր դասեն քաղաքական նպատակահարմարություններից, այլապես, ինչպես արդեն հայտարարել եմ, մեր հանդիպման վայրը դատարանն է լինելու։ Այլևս պատվի հարց է՝ Երևանը պետք է ունենա օրինական ճանապարհով ընտրված օրինական իշխանություն»,- նշում է Մանե Թանդիլյանը։
11:17 - 27 ապրիլի, 2023
Քաղաքական ուժերը մանրամասներ են հայտնել ՏԻՄ ընտրություններից հետո կոալիցիա կազմելու հարցի վերաբերյալ |armenpress.am|

Քաղաքական ուժերը մանրամասներ են հայտնել ՏԻՄ ընտրություններից հետո կոալիցիա կազմելու հարցի վերաբերյալ |armenpress.am|

armenpress.am: Հայաստանի տարբեր մարզերում տեղեկան ինքնակառավարման մարմինների ընտրությունների արդյունքներով որոշ համայնքներում քաղաքական ուժերը չեն ձևավորվել մեծամասնություն (50+1) և ստիպված են լինելու կոալիցիա կազմել կամ համագործակցել անցողիկ շեմը անցած քաղաքական ուժերի հետ։ Այս կապակցությամբ «Արմենպրես»-ը փորձեց պարզել, թե արդյոք քաղաքական ուժերը պատրաստ են համագործակցել և կոալիցիա կազմել մյուս քաղաքական ուժերի հետ, ո՞ր քաղաքական ուժերի հետ նրանք որևէ դեպքում կոալիցիա չեն կազմելու։ «Քաղաքացիական պայմանագիր» կուսակցությունը մեծամասնություն չի ձևավորել Թալին, Արաքս, Վարդենիս, Արարատ, Ախուրյան, Ամասիա, Արթիկ, Վայք և Նոյեմբերյան համայնքներում։ «Քաղաքացիական պայմանագիր» խմբակցության պատգամավոր Վահագն Ալեքսանյանը նշեց, որ իրենք բանակցում են միայն առողջ քաղաքական ուժերի հետ։ «Հենց այս պահի դրությամբ առողջ ուժերի հետ բանակցություններ վարվում են, և դրանք բավականին հաջող ընթանում են»,- հավելեց Ալեքսանյանը։ Ալեքսանյանն ընդգծեց՝ ՔՊ-ն բացառում է ՀՀ երկրորդ նախագահ Ռոբերտ Քոչարյանի ու ՀՀ երրորդ նախագահ Սերժ Սարգսյանի և նրանց հետ առնչվող քաղաքական ուժերի հետ բանակցություններ վարելը։ «Բարգավաճ Հայաստան» կուսակցությանը հաջողվել է հաղթել Աբովյան համայնքում, սակայն ԲՀԿ-ն նույնպես մեծամասնություն չի ձևավորել։ Կուսակցության անդամ Արման Աբովյանը բացառում է իշխող քաղաքական ուժի հետ կոալիցիա կազմելը, որն Աբովյանում գրավել է երկրորդ տեղը։ Համայնքում անցողիկ շեմը հաղթահարել են նաև «Հանրապետություն» կուսակցությունը և ՀՅԴ-ն: «Կմեջբերեմ նախընտրական ցուցակի առաջին համար Էդուարդ Բաբայանի խոսքերը, ով բացառել է իշխանության հետ կոալիցիա կազմելու հարցը, իսկ մնացած ուժերի հետ համագործակցելու առումով զերծ կմնամ ներկայումս ինչ-որ բան ասել»,- ասաց Աբովյանը։ «Մամիկոն Ասլանյան» դաշինքը հաղթանակ է տոնել Վանաձորում և այնտեղ նույնպես որոշիչ դեր են ունենալու անցողիկ շեմը հաղթահարած քաղաքական ուժերը։ Դաշինքի քաղաքապետի թեկնածու Մամիկոն Ասլանյանը նշեց, որ պատրաստ են համագործակցել ցանկացած քաղաքական ուժի հետ, սակայն քաղաքական կոալիցիա չեն պատրաստվում կազմել։ «Կաշխատենք, կտեսնենք: Ում հետ ինչ պայմանավորվածություն ձեռք բերենք, ըստ այդմ առաջ կշարժվենք, սակայն քաղաքական կոալիցիաներ չենք պատրաստվում կազմել։ Բնականաբար, համագործակցելու ենք բոլոր քաղաքական ուժերի հետ. 5 տարի միասին աշխատելու ենք, ինչպե՞ս կարող ենք չհամագործակցել»,- ընդգծեց Ասլանյանը։ «Ապրելու երկիր» կուսակցությունը իր հերթին հաջողության է հասել Փարաքար համայնքում։ Կուսակցության նախագահ Մանե Թանդիլյանն ասաց, որ ներկայումս ամփոփիչ աշխատանքներ են տարվում։ «Ամփոփումը կավարտենք, կհասկանանք իրավիճակը, որից հետո կհայտարարենք՝ որտեղ ինչպես ենք անելու»,- հավելեց Թանդիլյանը։ «Իմ հզոր համայնք» կուսակցության և «Վերակազմյալ սոցիալ-դեմոկրատ հնչակյան» կուսակցության ներկայացուցիչների հետ չհաջողվեց կապ հաստատել, որոնք հաջողության էին հասել համապատասխանաբար Վեդի և Նաիրի համայնքներում՝ չձևավորելով մեծամասնություն։
11:21 - 07 դեկտեմբերի, 2021
Մանե Թանդիլյանը հեռանում է Արցախի Աշխատանքի, սոցիալական և միգրացիայի հարցերի նախարարի պաշտոնից

Մանե Թանդիլյանը հեռանում է Արցախի Աշխատանքի, սոցիալական և միգրացիայի հարցերի նախարարի պաշտոնից

Արցախի Աշխատանքի, սոցիալական և միգրացիայի հարցերի նախարար Մանե Թանդիլյանը թողնում է պաշտոնը։ Այդ մասին նա տեղեկացրել է ֆեյսբուքյան իր էջում։ Գրառումը` ստորև․ «Սիրելի արցախցիներ, հարգելի հայրենակիցներ,Ժամանակն անցնում է և Արցախի առջև ծառացած մարտահրավերները մտնում են նոր փուլ։ Եթե վերջին օրերին եղել եք Արցախում, ապա նկատած կլինեք, որ Արցախում կյանքը վերադարձել է բնականոն հուն՝ առօրեական իմաստով։ Եվ սա արցախցու՝ իր հողում ապրելու որոշման և հանձնառության ուժի շնորհիվ է՝ էլ ավելի ուժեղ դառնալով սահմռկեցուցիչ ցավից և այս հողի համար կյանք չխնայած հերոսների նկատմամբ պարտքի զգացումից։ Արցախի բնակչության շուրջ ութսուն տոկոսը վերադարձել է Արցախ՝ ապրելու։ Սա նշանակում է, որ Արցախը թոթափում է հետպատերազմյան սոցիալ-հոգեբանական բեռը և կանգնում զարգացման և ուժեղացման ճանապարհին, ինչը հնարավոր է դարձել աշխատանքի, հանձնառության և ոչ մի դեպքում չկոտրվելու կամքի շնորհիվ։ Այժմ եկել է երկարաժամկետ ծրագրերի և տնտեսական զարգացման խթանման ժամանակը։Արձանագրելով, որ սոցիալական հարցերի ամբողջական և լիարժեք հաղթահարման բանալին յուրաքանչյուր երկրում զարգացած տնտեսության մեջ է, այսօր Արցախի ուժեղացմանը և մարդկանց այնտեղ ապրելուն կարող են նպաստել տնտեսության զարգացումը՝ բնակարանաշինության և քաղաքացիներին օր առաջ տներով ապահովելու աշխատանքներին զուգընթաց։ Այսպիսով, թույլ տվեք տեղեկացնել, որ Արցախի Հանրապետության նախագահ Արայիկ Հարությունյանի հետ մեր նախնական պայմանավորվածության համաձայն, իմ պաշտոնավարումը որպես Արցախի Հանրապետության Աշխատանքի, սոցիալական և միգրացիայի հարցերի նախարար մոտենում է ավարտին։ Սեպտեմբերի 1-ից իմ ծառայությունը Արցախին շարունակելու եմ «Ապրելու Արցախ» հիմնադրամի գործունեության շրջանակներում, որի միջոցով Արցախում իրականացվելու են բազմաթիվ ծրագրեր, և առաջին հերթին, մեր գործընկերների ուղղակի և գործուն մասնակցությամբ, Արցախի Դահրավ գյուղի մոտ կառուցվում է 100 տուն ունեցող նոր բնակավայր, որտեղ կարող են կյանքը շարունակել տեղահանված մեր արցախցի հայրենակիցները։ Համոզված եմ, որ եթե Արցախի մասին խոսող յուրաքանչյուր ոք գոնե մեկ անգամ այս ընթացքում գա Արցախ, մնա այստեղ, գտնի իր անելիքը, ապա մենք լիովին այլ իրականություն կստեղծենք շատ կարճ ժամանակամիջոցում։ Շնորհակալ եմ Արցախի Հանրապետության Կառավարության իմ գործընկերներին, նախարարության մեր բոլոր աշխատակիցներին փոխադարձ վստահության մթնոլորտում աշխատելու և Արցախին ծառայելու ինձ ընձեռնված հնարավորության համար, որը նորովի կշարունակեմ հետայսու, քանզի միշտ փնտրելու եմ և գտնելու եմ ամենաարդյունավետ միջոցները մեր միասնական հայրենիքին ծառայելու գործում՝ ինչ էլ որ դա նշանակի»։
23:14 - 27 օգոստոսի, 2021
Մանե Թանդիլյանը Ներքին Խնձորեսկում հանդիպել է տեղահանված արցախցիների հետ

Մանե Թանդիլյանը Ներքին Խնձորեսկում հանդիպել է տեղահանված արցախցիների հետ

«Երեկ այցելել էի Սյունիքի մարզի Ներքին Խնձորեսկ համայնք»,- գրել է ԱՀ աշխատանքի, սոցիալական և միգրացիայի հարցերի նախարար Մանե Թանդիլյանը Ֆեյսբուքի իր պաշտոնական էջում:   «Սահմանամերձ այս բնակավայրում ժամանակավորապես ապաստանել են նաև Արցախից տեղահանված մեր արցախցիները: Այցելության նպատակը հստակ էր՝ տեղում ծանոթանալու և լսելու նրանց հուզող խնդիրները: Այցելության շրջանակում եղա նաև «Ավրորա» մարդասիրական նախաձեռնության և «Նիյր իսթ ֆաունդեյշնի» համաֆինանսավորմամբ հիմնադրված «Հայի ուժը» սոցիալական ձեռնարկությունում, որտեղ էլ հանդիպեցի տեղահանված մեր արցախցիներին, ովքեր բազմաթիվ դժվարությունների հաղթահարման միջոց ընտրել են աշխատանքը:   Գոտեպնդող ու ոգեշնչող է արցախցու անկոտրուն ու վճռական կամքը՝ ապրելու ու ապրեցնելու մեր երկիրը»,- գրել է Մանե Թանդիլյանը:  
16:03 - 22 օգոստոսի, 2021
«Ապրելու երկիր» կուսակցության նախագահ է ընտրվել Մանե Թանդիլյանը |hetq.am|

«Ապրելու երկիր» կուսակցության նախագահ է ընտրվել Մանե Թանդիլյանը |hetq.am|

hetq.am: Oգոստոսի 15-ին տեղի է ունեցել «Ապրելու երկիր» կուսակցության անդրանիկ համաժողովը: Կուսակցությունը տարածել է հաղորդագրություն, որի մեջ նշված է․ «Նորաստեղծ քաղաքական ուժի համաժողովը մեկնարկեց մեկ րոպե լռությամբ՝ ի հիշատակ արցախյան 44-օրյա պատերազմի զոհերի: Այնուհետև՝ բացման խոսքով հանդես եկան «Ապրելու երկիր» կուսակցության հիմնադիրներ Մեսրոպ Առաքելյանը և Մանե Թանդիլյանը։  «Այսուհետ, մեր ապրած ամեն օրը որոշիչ է, մեր ապրած օրվանից է կախված, թե վաղն ինչպիսի հասարակություն կունենանք, ինչպիսի հայրենիք ու ինչպիսի երկիր։ Մենք ուզում ենք ունենալ ապրելու երկիր։ Վստահ ենք, որ ունենք նվիրում պետության ու հասարակության նկատմամբ և ունենք համոզմունք, որ ի վիճակի ենք համախմբել այլ մարդկանց, ովքեր մեզ նման են մտածում, կիսում են մեր գաղափարները, խելացի են, պրոֆեսիոնալ, նվիրված և պատրաստ են իրենց ամբողջ ներուժով գործել ապրելու երկիր կառուցելու համար»,- նշեց Մեսրոպ Առաքելյանը։  Իր ելույթում Առաքելյանն անդրադարձավ նաև Կուսակցության հռչակագրում ամրագրված դրույթներին. «Ապրելու երկիր» կուսակցությունը ստանձնում է հանձնառություն ներդնել իր համակիրների ջանքերը, ինչպես նաև միավորել բոլոր կարող անհատներին և ուժերին հանուն հայ ժողովրդի և Հայաստանի Հանրապետության՝ ամրագրելով հետևյալ  առաջնահերթությունները. ամուր և երկարաժամկետ անվտանգություն, արտաքին քաղաքականություն, սփյուռքի հետ արդյունավետ համագործակցություն, ազատ Արցախ, որակյալ կրթություն, մրցունակ գիտություն և մարդկային կապիտալի զարգացում, անհատի առողջության և բարեկեցության ապահովում, բնակչության աճ և զարգացում, նոր և արդյունավետ հանրային կառավարման համակարգի ստեղծում, օրենքի գերակայություն և անկախ դատական համակարգ, Հայաստանի ազգային-մշակութային արժեքների պահպանում և զարգացում»։ Մեսրոպ Առաքելյանի հավաստմամբ՝ այս առաջնահերթություններին հասնելու և իրապես ապրելու երկիր կառուցելու հիմքում պետք է ընկած լինի հայրենիքին նվիրումը, պրոֆեսիոնալիզմը և գործունակությունը։  «Ապրելու երկիր» կուսակցության հիմնադիր-անդամ Մանե Թանդիլյանն իր ելույթում նշեց. «Ապրելու երկիր պետք է դառնա յուրաքանչյուրիս միջավայրը՝ մեր տունը, բակը, աշխատավայրը, գյուղն ու քաղաքը։ Բոլորս հանձնառու ենք գյուղ առ գյուղ, քաղաք առ քաղաք բացահայտել այն խնդիրներն ու խոչընդոտները, որոնք լուծելու համար մենք ունենք ցանկություն, նվիրում և հնարավորություն։ Մենք հավատում ենք, որ ունենալու ենք հզոր պետություն, կայուն անվտանգություն, բարեկեցիկ և ստեղծագործ հասարակություն։ Մենք հավատում ենք, որ հայ լինելը և Հայաստանում ապրելը ոչ թե շարունակելու է լինել ճակատագրի կամ բնության որոշում, այլ հենց մարդու անբեկանելի կամք։ Հենց հայ լինելու և Հայաստանում ապրելու հաստատակամությունն է մեզ տալիս պատասխանատվություն՝ միավորելու հազարավոր մեր հայրենակիցների ջանքերը՝ կերտելու երազանքներն ու նպատակները»։ Անդրադառնալով ուժերի համախմբման անհրաժեշտությանը՝ Մանե Թանդիլյանը մասնավորապես կարևորեց «Ապագա հայկականը» նախաձեռնության կողմից իրականացվող աշխատանքները և վերջինիս հետ համագործակցության  պատրաստակամություն հայտնեց։ «Ապրելու Երկիր» կուսակցությունը պատրաստակամ է համագործակցել «Ապագա հայկականը» նախաձեռնության հետ՝ համադրելով մեր հռչակած նպատակները և ձգտելով ավելի մեծ համախմբման։ Շնորհակալ ենք «Ապագա հայկականը» նախաձեռնողներից որակապես այլ միջավայրի ձևավորման համար, որն առկա վստահության խորը ճգնաժամի պայմաններում ստեղծում է անտարբերությունը կոտրելու հնարավորություններ»,- նշեց Թանդիլյանը։ Ապրելու երկիր» կուսակցության համաժողովի ընթացքում ընդունվեց  Կուսակցության նոր կանոնադրությունը, ծրագրային հռչակագիրը, տեղի ունեցավ Կուսակցության խորհրդի անդամների, վերահսկիչ հանձնաժողովի և նախագահի ընտրություն։ Կուսակցության նախագահ միաձայն ընտրվեց Մանե Թանդիլյանը»։
11:02 - 16 օգոստոսի, 2021
Արցախում ապրող հայերն են որոշիչ դեր խաղում Արցախի կարգավիճակի համար

Արցախում ապրող հայերն են որոշիչ դեր խաղում Արցախի կարգավիճակի համար

Արցախցու՝ իր հողում ապրելու իրավունքը անբեկանելի է, որն էլ հենց Արցախի կարգավիճակի գլխավոր գործոնն է։ Այս մասին իր ֆեյսբուքյան էջում գրել է Արցախի Հանրապետության Աշխատանքի, սոցիալական և միգրացիայի հարցերի նախարար Մանե Թանդիլյանը: «Իլհամ Ալիևը հայտարարել է, որ Արցախում ապրում է 25,000 հայ, և այդքան փոքրաթիվ բնակչության համար տրամաբանական չէ կարգավիճակի հարցի քննարկումը՝ փաստացի խոստովանելով, որ Արցախում ապրող հայերն են որոշիչ դեր խաղում Արցախի կարգավիճակի համար։ Պատերազմի ավարտից անմիջապես հետո արցախցիների բացառիկ կամքի և նվիրման շնորհիվ՝ Արցախում շատ արագ իրականացվել է տեղահանվածների վերադարձ և այս պահին Արցախում ապրում է ավելի քան 120,000 հայ։ Արցախցու՝ իր հողում ապրելու իրավունքը անբեկանելի է, որն էլ հենց Արցախի կարգավիճակի գլխավոր գործոնն է։ Արցախն ապրում է բնական կյանքով՝ բազմաթիվ սոցիալական, կրթական, մշակութային ծրագրերի շնորհիվ։ Հուսով եմ, Հայաստանի իշխանությունները միջազգային գործընկերներին պատշաճ և ամբողջական ներկայացնում են Արցախում հայկական կյանքի բնական ընթացքի մասին տեղեկություն»,- գրել է նա։
22:31 - 24 հուլիսի, 2021