Իդլիբ

Իդլիբը քաղաք է Սիրիայի Արաբական Հանրապետության հյուսիսարեւմտյան մասում։ Սահմնակից է Թուրքիային։ Համանուն մարզի վարչական կենտրոնն է։ Ունի 165000 բնակչություն։ Գտնվում է Հալեպից 40 կմ հեռավորության վրա։

2011 թվականին՝ Դառաայի մարզում տեղի ունեցած ապստամբությունից հետո, հակակառավարական ցույցեր եղան նաեւ Իդլիբի գավառում։ Պետական պաշտոնյաների վրա զինված հարձակումներ այստեղ տեղի էին ունեցել դեռ ապրիլին։ Հունիսի 6-ի իրադարձությունները Սիրիայի պատմության մեջ մտան որպես «Ջիսր ալ-Շուղուրի սպանդ»։ Այդ օրը սիրիական զորքերը միայն պաշտոնական տվյալներով այս քաղաքում տվեցին 120 սպանված։ Դրանց երկու երրորդը դաժանորեն սպանվել էր քաղաքային ոստիկանության ու հատուկ ուժերի գրասենյակի վրա հարձակման ժամանակ։ Սիրիայի քաղաքացիական պատերազմի ժամանակ քաղաքը գրավվել է ապստամբերի կողմից։ Նրանք քաղաքի վերահսկողությունն իրենց ձեռքում պահեցին մի քանի ամիս։ 2012 թվականի մարտի 13-ին Սիրիայի պետական զորքերը գրավեցին Իդլիբ քաղաքը։ Սակայն նույն տարվա հուլիսին Իդլիբի գավառի մեծ մասը նորից անցավ ապստամբների վերահսկողության տակ։

Երկու թուրք զինվորական է սպանվել սիրիական Իդլիբում

|armenpress.am|

Երկու թուրք զինվորական է սպանվել սիրիական Իդլիբում |armenpress.am|

armenpress.am: Սիրիական Իդլիբում զոհվել է 2, վիրավորվել 3 թուրք զինվորական: Ինչպես հայտնում է «ՌԻԱ Նովոստի»-ն՝ Թուրքիայի պաշտպանության նախարարությունը հաղորդել է, թե զինվորականները զոհվել են սիրիական Իդլիբում հարձակման հետևանքով: Թե կոնկրետ ինչպես է դա տեղի ունեցել, չի հաղորդվում:

14:08 - 11 սեպտեմբերի, 2021

Զինված հարձակում Իդլիբում |ermenihaber.am|

Զինված հարձակում Իդլիբում |ermenihaber.am|

ermenihaber.am: Սիրիայի Իդլիբի շրջանում գտնվող Քաֆր Թախհարիմ բնակավայրում ռումբով բեռնված մեքենա է պայթեցվել, որի հետևանքով սպանվել է մեկ դատավոր։ Եվս 5 հոգի ստացել են մարմնական վնասվածքներ, այդ թվում և այդ պահին փողոցով անցնող երեք երեխա։ Պայթյունի հետևանքով նաև հրդեհ է բռնկվել, որից հետո քաղաքացիական պաշտպանության խմբավորումները դեպքի վայր են ժամանել։ Նրանք վիրավորներին անմիջապես հիվանդանոց են տեխափոխել, իսկ դատավորը տեղում մահացել է։

17:08 - 14 ապրիլի, 2020

Թուրքական զինուժը մարդկային ուժի կորուստներ ունի Իդլիբում |ermenihaber.am|

Թուրքական զինուժը մարդկային ուժի կորուստներ ունի Իդլիբում |ermenihaber.am|

ermenihaber.am: Թուրքիայի պաշտպանության նախարարությունը հաստատել է, որ Սիրիայի Իդլիբ նահանգում թուրքական զինուժի ուղղությամբ իրականացված հարձակման հետևանքով 2 թուրք զինծառայող է սպանվել, 1-ը՝ վիրավորվել։ Բացի այդ նշվում է, որ Իդլիբում սրտի կաթվածից մահացել է նաև 1 թուրք զինվորական։ Նախարարության պաշտոնական հաղորդագրության մեջ ասվում է․ «Իդլիբի ապառազմականացված գոտում մեր ստորաբաժանումների ուղղությամբ ծայրահեղական որոշ խմբավորումների կողմից իրականացված հարձակման հետևանքով մեր զինծայողներից 2֊ը զոհվել, 1-ը վիրավորվել է»։ Նախարարությունը տեղեկացրել է, որ թուրքական զինուժը պատասխան կրակ է բացել թիրախների վրա։

10:56 - 20 մարտի, 2020

Իդլիբում իրականացել է Թուրքիայի և Ռուսաստանի առաջին համատեղ պարեկությունը |ermenihaber.am|

Իդլիբում իրականացել է Թուրքիայի և Ռուսաստանի առաջին համատեղ պարեկությունը |ermenihaber.am|

ermenihaber.am: Ռուսաստանի և Թուրքիայի ստորաբաժանումները մարտի 15-ին առաջին համատեղ պարեկությունն են իրականացրել Սիրիայի Իդլիբ նահանգում M4 մայրուղու վրա: Այս մասին հայտնել է Թուրքիայի պաշտպանության նախարարությունը։ «Մոսկվայի համաձայնագրի շրջանակում Իդլիբի M4 մայրուղու հատվածում ցամաքային ստորաբաժանումների և օդուժի մասնակցությամբ իրականացվել է ռուս-թուրքական ցամաքային պարեկապահակային ծառայություն»,֊ասվում է հայտարարության մեջ։ Ավելի վաղ Ռուսաստանն այդ նպատակով ռազմական ոստիկանության ուժեր և զրահամեքենաներ էր ուղարկել Իդլիբ։

17:47 - 16 մարտի, 2020

Ռուսաստանը և Թուրքիան պայմանավորվածություն են ձեռք բերել Իդլիբի շուրջ |tert.am|

Ռուսաստանը և Թուրքիան պայմանավորվածություն են ձեռք բերել Իդլիբի շուրջ |tert.am|

tert.am: Թուրքիայի և Ռուսաստանի ռազմական պատվիրակությունները Իդլիբի դեէսկալացիայի գոտու շուրջ բանակցությունների արդյունքում ստորագրել են Սիրիայի շուրջ պայմանավորվածության տեքստը: Դրա իրականացման ճանապարհին առաջին քայլը կլինի մարտի 15-ին Մ4 մայրուղու վրա համատեղ պարեկությունը: Այս մասին հայտնում է «Անադոլու» գործակալությունը՝ Թուրքիայի ազգային պաշտպանության նախարար Հուլուսի Աքարի հայտարարությանը հղումով։Նրա խոսքով՝ Թուրքիան և Ռուսաստանը Սիրիայում իրենց գործողությունները կհամակարգեն համատեղ համակարգող կենտրոնների միջոցով:Թուրքիայի պաշտպանության նախարարը նշել է, որ «Սիրիայի հյուսիս-արևմուտքից դրական հաղորդագրություններ են ստացվում հարկադիր վերաբնակների հոսքի դադարեցման և անգամ սիրիացիների՝ իրենց տները վերադառնալու մասին»:«Թուրքիան հանդես է գալիս Իդլիբում երկարատև հրադադարի ապահովման օգտին և ձեռնարկել է այդ ուղղությամբ անհրաժեշտ բոլոր քայլերը։ Ռուսական կողմը կառուցողական դիրքորոշում ունի այս հարցում»,-ասել է նա։

21:49 - 13 մարտի, 2020

Ռուսաստանն ու Թուրքիան Իդլիբի հարցով բանակցությունները կշարունակեն մարտի 13-ին Անկարայում |tert.am|

Ռուսաստանն ու Թուրքիան Իդլիբի հարցով բանակցությունները կշարունակեն մարտի 13-ին Անկարայում |tert.am|

tert.am: Ռուս և թուրք զինվորականներն Անկարայում մարտի 13-ին կշարունակեն քննարկել սիրիական Իդլիբի հարցը: Ինչպես փոխանցում է ТАСС գործակալությունը, այս մասին հայտնել է Թուրքիայի Ազգային պաշտպանության նախարարությունը: «Թուրքիայի և Ռուսաստանի ռազմական պատվիրակություններն ավարտել են Ազգային պաշտպանության նախարարության շենքում անցկացվող բանակցությունների երրորդ օրը: Բանակցությունները կշարունակվեն վաղը»,- ասվում է հաղորդագրության մեջ: Կողմերը քննարկում են Սիրիայի Իդլիբ նահանգի М-4 ավտոմայրուղու մոտ համատեղ հերթապահության հարցը, որն, ինչպես ակնկալվում է, պետք է սկսվի մարտի 15-ին:

21:10 - 12 մարտի, 2020

Թուրքիան խախտում է հրադադարի ռեժիմը․ Ասադի խորհրդական |ermenihaber.am|

Թուրքիան խախտում է հրադադարի ռեժիմը․ Ասադի խորհրդական |ermenihaber.am|

ermenihaber.am: Սիրիայի Արաբական Հանրապետության նախագահ Բաշար ալ-Ասադի խորհրդական Բուսեյնա Շաբանը Թուրքիային մեղադրել է Սիրիայի Իդլիբ նահանգում կողմերի միջև հաստատված հրադադարը խախտելու մեջ: «Նույնիսկ Ռուսաստանի ու Թուրքիայի նախագահներ Վլադիմիր Պուտինի ու Ռեջեփ Թայիփ Էրդողանի հանդիպումից հետո Թուրքիայի կողմից հրադադարի մի շարք խախտումներ են եղել»,- ասել է Շաբանը: Վերջինս նշել է, որ Սիրիայի կառավարությունը հավատարիմ է հրադադարի ռեժիմին. Անդրադառնալով Սիրիայում Թուրքիայի գործողություններին՝ Ասադի խորհրդականն ասել է, որ իրենք ակնկալում են, որ ՆԱՏՕ-ն ու Եվրամիությունը պետք է դատապարտեն միջազգային իրավունքների նորմերին հակասող Թուրքիայի գործողությունները: «Սիրիան անկախ պետություն է, սակայն տուժում է Թուրքիայի ագրեսիայից ու միջամտությունից: ՆԱՏՕ-ից, ԵՄ-ից ու աշխարհի բոլոր պետություններից մեր սպասելիքն այն է, որ առնվազն քննադատեն Թուրքիայի անօրինական գործողությունները»,- ասել է Շաբանը:

13:09 - 12 մարտի, 2020

Ռուսական պատվիրակության հետ շարունակվում են կառուցողական բանակցությունները․ Թուրքիայի պաշտպանության նախարար Հուլուսի Աքար |ermenihaber.am|

Ռուսական պատվիրակության հետ շարունակվում են կառուցողական բանակցությունները․ Թուրքիայի պաշտպանության նախարար Հուլուսի Աքար |ermenihaber.am|

ermenihaber.am: Թուրքիայի պաշտպանության նախարար Հուլուսի Աքարն իշխող «Արդարություն և զարգացում» կուսակցության խորհրդարանական խմբակցության նիստից առաջ պատասխանել է լրագրողների հարցերին: Աքարն, անդրադառնալով Մոսկվայի հուշագրով Սիրիայի Իդլիբ նահանգում հաստատված հրադադարից հետո վերջին զարգացումներին, նշել է, որ ցայժմ իրավիճակը հանգիստ է: Նրա խոսքով`թուրքական զինուժը շարունակում է պահպանել իր ներկայությունը Իդլիբ նահանգում: Աքարը հայտնել է, որ Թուրքիա մեկնած ռուսական զինվորական պատվիրակության հետ բանակցությունները դրական և կառուցողական հունով են ընթանում: Մարտի 10-ին Աքարն անձամբ հեռախոսազրույց է ունեցել Ռուսաստանի պաշտպանության նախարար Սերգեյ Շոյգուի հետ: «Երեկ երեկոյան ժամանել է ռուսական զինվորական պատվիրակությունը, բանակցություննեը սկսվել են, այսօր նույնպես շարունակվելու են: Մանրամասն քննարկվելու է, թե հուշագրի հիմնական կետերից ելնելով ինչ միջոցներ կարող են գործի դրվել»,-տեղեկացրել է Աքարը: Նա նաև ասել է, որ աշխատանքներ են իրականացնում մարտի 15-ին միջազգային M4 մայրուղու հատվածում Ռուսաստանի հետ համատեղ պարեկապահակային ծառայության կազմակերպման ուղղությամբ:

15:57 - 11 մարտի, 2020

Անկարայում մեկնարկում են ռուս և թուրք զինվորականների բանակցություններն Իդլիբի թեմայով |ermenihaber.am|

Անկարայում մեկնարկում են ռուս և թուրք զինվորականների բանակցություններն Իդլիբի թեմայով |ermenihaber.am|

ermenihaber.am: Մարտի 10-ին՝ Անկարայում Թուրքիայի և Ռուսաստանի զինվորականների միջև տեղի կունենան բանակցությունները Սիրիայի Իդլիբ նմահանգի հարցով, որի շուրջ մի քանի օր առաջ պայմանավորվածություն էր ձեռք բերվել երկու երկրների նախագահների միջև։ Ըստ Ռուսաստանի ՊՆ-ի՝ բանակցությունների ժամանակ քննարկվելու է Հալեպը Լաթաքիային կապող M-4 ավտոմայրուղու հարցը, որտեղ ըստ համաձայնության՝ մարտի 15-ից սկսած Ռուսաստանի ու Թուրքիայի զինուժը համատեղ պարեկապահակային ծառայություն են իրականացնելու։ Թուրքիան և Ռուսաստանը Մոսկվայում շուրջ 6 ժամ տևած բանակցություններից հետո Իդլիբի ապառազմականացված գոտում հրադադար հաստատելու վերաբերյալ արձանագրություն են ստորագրել: Ըստ արձանագրության` • Մարտի 6-ի կեսգիշերից սկսած Իդլիբի ապառազմականացված գոտու ամբողջ շփման գծի երկայնքով դադարեցվելու են բոլոր ռազմական գործողությունները: • M4 մայրուղուց 6կմ հարավ և 6կմ հյուսիս ձևավորվելու է անվտանգության միջանցք, որի մասին վերջնական սկզբունքները և ընթացակարգրեը Ռուսաստանի և Թուրքիայի պաշտպանության նախարարությունները պետք է հստակեցնեն 7 օրվա ընթացքում։ • Ռուսաստանը և Թուրքիան մարտի 15-ից պարեկություն են իրականացնելու M4 մայրուղու Տրումբա (Սարաքիբ շրջանից 2 կմ արևմուտք) - Այն ալ-Հավր հատվածում։

14:30 - 09 մարտի, 2020

Պուտինն ու Էրդողանը պայմանավորվել են դադարեցնել ռազմական գործողություններն Իդլիբում և մարտի 15-ից համատեղ հերթապահություն սկսել |tert.am|

Պուտինն ու Էրդողանը պայմանավորվել են դադարեցնել ռազմական գործողություններն Իդլիբում և մարտի 15-ից համատեղ հերթապահություն սկսել |tert.am|

tert.am: Ռուսաստանի նախագահ Վլադիմիր Պուտինը թուրք պաշտոնակից Ռեջեփ Թայիփ Էրդողանի հետ բանակցությունների ավարտին հայտնել է, որ կողմերն ընդունելի լուծում են գտել սիրիական Իդլիբ նահանգում իրավիճակի լարվածության կարգավորման համար: «Մենք միշտ չէ, որ համաձայն ենք մեր թուրք գործընկերների հետ Սիրիայում տեղի ունեցող իրադարձությունների իրենց գնահատականի հարցում, սակայն ամեն անգամ դժվարին պահերին, հենվելով երկկողմ հարաբերություններում ձեռք բերված բարձր մակարդակի վրա, մեզ մինչ օրս հաջողվել է շփման եզրեր գտնել ի հայտ եկող վիճահարույց թեմաների շուրջ և հանգել ընդունելի որոշումների: Այդպես տեղի է ունեցել նաև այս անգամ»,- Պուտինին մեջբերում է ТАСС գործակալությունը: ՌԴ ղեկավարը հայտնել է, որ բանակցությունների արդյունքում կողմերը համատեղ փաստաթուղթ են կազմել, որում շարադրված են այն որոշումները, որոնք ընդունվել են ավելի քան 6 ժամ տևած քննարկումների ժամանակ: РИА Новости-ի փոխանցմամբ՝ փաստաթուղթը ներառում է հետևյալ կետերը. բոլոր ռազմական գործողությունների դադարեցումը՝ սկսած մարտի վեցի կեսգիշերից, Ռուսաստանի և Թուրքիայի կողմից 6 կմ երկարությամբ անվտանգության միջանցք ստեղծելը Սիրիայում և մարտի 15-ից համատեղ հերթապահություն իրականացնելը М-4 մայրուղու երկայնքով: Պուտինը վստահություն է հայտնել, որ ձեռք բերված պայմանավորվածությունները հիմք կդառնան Իդլիբում իրավիճակի կարգավորման համար:

22:09 - 05 մարտի, 2020

Սիրիական բանակը Դամասկոս-Հալեպ մայրուղում հետ է մղում ահաբեկիչների հարվածները |armenpress.am|

Սիրիական բանակը Դամասկոս-Հալեպ մայրուղում հետ է մղում ահաբեկիչների հարվածները |armenpress.am|

armenpress.am: Սիրիայի կառավարական բանակը Դադիխ բնակավայրում, որը գտնվում է Իդլիբ նահանգի М5 մայրուղու վրա, հետ է մղում ահաբեկիչների հարձակումները: Այդ մասին տեղեկացնում է «Ռիա-նովոստի»-ն: Ահաբեկիչները փորձում են գրոհել բանակի առաջավոր դիրքերը: Կրակի տակ է գտնվում ինչպես մայրուղին, այնպես էլ Սարակեբ քաղաքի բնակավայրերի շրջակայքը: Ահաբեկիչների հիմնական հարվածներն ուղղված են Դադիխ բնակավայրին: Սիրիական բանակի հրետանին հուժկու կրակ է բացել ահաբեկիչների տեխնիկայի և կենդանի ուժի ուղղությամբ:

20:51 - 05 մարտի, 2020

Պեսկովը պատմել է Պուտինի և Էրդողանի բանակցությունների մասին |tert.am|

Պեսկովը պատմել է Պուտինի և Էրդողանի բանակցությունների մասին |tert.am|

tert.am: Ռուսաստանի և Թուրքիայի նախագահներ Վլադիմիր Պուտինը և Ռեջեփ Թայիփ Էրդողանը երեք ժամ շփվել են առանձնազրույցի ձևաչափով, կես ժամ առաջ նրանց են միացել պատվիրակությունները: РИА Новости-ի փոխանցմամբ՝ այս մասին հայտնել է ՌԴ նախագահի մամլո քարտուղար Դմիտրի Պեսկովը: Երկու երկրի առաջնորդների բանակցությունների հիմնական թեման սիրիական Իդլիբում տիրող լարված իրավիճակն է: Կրեմլում առաջնորդների հանդիպումը մեկնարկել է տեղի ժամանակով 14:06-ին: Ավելի վաղ ՌԴ ԱԳ նախարար Սերգեյ Լավրովը հայտնել էր, որ Թուրքիան չի կարողացել կատարել Իդլիբի հարցով պայմանավորվածության մի քանի հիմնարար պարտականություններ, մասնավորապես՝ թուրքական կողմը չի կարողացել զսպել սիրիական զինված ընդդիմությանը:

20:05 - 05 մարտի, 2020

Ադանայում 15 օրով արգելվել են բոլոր տեսակի հանրահավաքների, երթերի ու մամուլի ասուլիսների կազմակերպումը |ermenihaber.am|

Ադանայում 15 օրով արգելվել են բոլոր տեսակի հանրահավաքների, երթերի ու մամուլի ասուլիսների կազմակերպումը |ermenihaber.am|

ermenihaber.am: Թուրքիայում Ադանայի նահանգում 15 օրով արգելվում են բոլոր տեսակի հանրահավաքների, երթերի ու մամուլի ասուլիսների կազմակերպումը: Ադանայի նահանգապետարանը հայտարարություն է տարածել, որ արգելքը գործում է 2020թ. մարտի 5-ից և կապված է Սիրիայի Իդլիբ նահանգում թուրքական զինուժի կողմից սիրիական բանակի դեմի իրականացվող «Գարնանային վահան» ռազմագործողության հետ։ Հայտարարության մեջ ասվում է, որ արգելքը սահմանվել է անվտանգության նկատառումներից ելնելով, ինչպես նաև «հնարավոր ահաբեկչական hարձակումները և սադրիչ գործողությունները կանխելու, բնակիչների կյանքի ու գույքի անվտանգությունն ապահովելու և բռնարարքների տարածումը թույլ չտալու» նպատակով: «Մեր նահանգի վարչական սահմաններից ներս 2020թ. մարտի 5-ից մինչև հունվարի 30-ը ներառյալ 15 օրով արգելվում են բոլոր տեսակի հավաքները, ցույցերը, քայլերթերը, մամուլի ասուլիսները, բողոքի միջոցառումները, ստորագրահավաքները, նստացույցերը, հացադուլերը և նմանատիպ գործողությունները»,- ասված է հայտարարության մեջ։

17:37 - 05 մարտի, 2020

Պուտինը հուսով է, որ Իդլիբում ստեղծված իրավիճակը չի խարխլի ռուս-թուրքական հարաբերությունները |tert.am|

Պուտինը հուսով է, որ Իդլիբում ստեղծված իրավիճակը չի խարխլի ռուս-թուրքական հարաբերությունները |tert.am|

tert.am: Ռուսաստանի Դաշնության նախագահ Վլադիմիր Պուտինը հուսով է, որ Իդլիբում ստեղծված իրավիճակը չի խարխլի ռուս-թուրքական հարաբերությունները, որոնք կողմերը շատ բարձր են գնահատում: Այս մասին գրում է ТАСС գործակալությունը: Թուրք գործընկեր Ռեջեփ Թայիփ Էրդողանի հետ հանդիպման սկզբում ՌԴ նախագահը շեշտել է սիրիական նահանգում իրավիճակի սրման ֆոնին Թուրքիայի նախագահի հետ դեմառդեմ զրուցելու անհրաժեշտությունը: «Մենք միշտ էլ խոսելու թեմա ունենք, բայց հիմա հայտնի գոտում` Իդլիբում, իրավիճակն այնքան է սրվել, որ այն պահանջում է մեր ուղիղ շփումը»,-ասել է Պուտինը` բացելով ռուս-թուրքական բանակցությունները: Ռուսաստանի առաջնորդն իր ցավակցություններն է հայտնել Էրդողանին Իդլիբում թուրք զինծառայողների մահվան կապակցությամբ և վստահեցրել է, որ սիրիացի զինվորականները տեղյակ չեն եղել նրանց գտնվելու վայրի մասին: «Ես ցանկանում եմ ևս մեկ անգամ իմ ցավակցություննեը հղել Սիրիայում ձեր զինծառայողների մահվան կապակցությամբ»,-դիմել է Ռուսաստանի նախագահն իր թուրք գործընկերոջը: Պուտինը նշել է, որ «մարդկանց մահը միշտ մեծ ողբերգություն է»: «Ցավոք, ինչպես ես արդեն ասել եմ հեռախոսազրույցի ժամանակ, ոչ ոք, այդ թվում սիրիացի զինծառայողները, տեղյակ չեն եղել նրանց գտնվելու վայրի մասին»,-նշել է Պուտինը: Նրա խոսքով` «այս ընթացքում տուժել են նաև սիրիացի զինծառայողները, սիրիական բանակը լուրջ կորուստներ ունի»:

16:06 - 05 մարտի, 2020

Մոսկվա ենք գնում համաձայնության հասնելու հույսով․ Էրդողանի խոսնակ |ermenihaber.am|

Մոսկվա ենք գնում համաձայնության հասնելու հույսով․ Էրդողանի խոսնակ |ermenihaber.am|

ermenihaber.am: Սիրիայի Իդլիբ նահանգում տեղի ունեցող բախումները և հնարավոր հրադադարի պայմանները քննարկելու նպատակով մարտի 5-ին Մոսկվայում տեղի կունենա Թուրքիայի ու Ռուսաստանի նախագահներ Ռեջեփ Թայիփ Էրդողանի և Վլադիմիր Պուտինի հանդիպումը: Մոսկվա մեկնելուց առաջ Թուրքիայի նախագահականում մամուլի ասուլիս է տվել Էրդողանի մամուլի խոսնակ Իբրահիմ Քալընը՝ ներկայացնելով Թուրքիայի սպասելիքներն այդ հանդիպումից։ «Մոսկվա գնալիս մեր հիմնական դիրքորոշումն այն է, որ Ռուսաստանի Դաշնության հետ Իդլիբի վերաբերյալ մեր ստորագրած համաձայնագրի շրջանակներում հրադադար հաստատվի,- ասել է Քալընն ու ավելացրել,- «Գնում ենք Իդլիբում տեղի ունեցող իրադարձությունների շրջանակում երկկողմանի համաձայնության հասնելու հույսով»:

14:03 - 05 մարտի, 2020

Եվրամիության ղեկավարներն այցելել են Թուրքիա |azatutyun.am|

Եվրամիության ղեկավարներն այցելել են Թուրքիա |azatutyun.am|

azatutyun.am: Եվրոպայի խորհրդի նախագահ Շառլ Միշելը և արտաքին հարաբերությունների բարձր հանձնակատար Ժոզեպ Բորելն այսօր ժամանել են Անկարա: Թուրքիայի նախագահ Ռեջեփ Էրդողանի և արտգործնախարար Մևլութ Չավուշօղլուի հետ նրանք քննարկել են Սիրիայի Իդլիբ նահանգի իրավիճակն ու դեպի Եվրոպա փախստականների վերսկսված հոսքի խնդիրները, որոնք առաջացել են Թուրքիայի կողմից սահմանները բացելու հետևանքով:

19:51 - 04 մարտի, 2020