Ժոզեպ Բորել

Բայրամովը Բորելի հետ քննարկել է հայ-ադրբեջանական հարաբերությունների կարգավորման հարցը

 |aravot.am|

Բայրամովը Բորելի հետ քննարկել է հայ-ադրբեջանական հարաբերությունների կարգավորման հարցը |aravot.am|

aravot.am: Ադրբեջանի արտգործնախարար Ջեյհուն Բայրամովը Լեհաստանում ընթացող ԵԱՀԿ արտգործնախարարների խորհրդի 29-րդ նիստի շրջանակում հանդիպել է Եվրամիության խորհրդի արտաքին քաղաքականության և անվտանգության հարցերով բարձր հանձնակատար Ժոզեպ Բորելի հետ՝ քննարկելով երկկողմ օրակարգը և հայ-ադրբեջանական հարաբերությունների կարգավորման հարցը: Ինչպես հաղորդվում է Ադրբեջանի ԱԳՆ տարածած հաղորդագրության մեջ, Բայրամովն ու Բորելը քննարկել են էներգետիկայի ոլորտում պայմանավորվածությունների կատարման հետ կապված հարցեր, կարծիքներ փոխանակել հայ-ադրբեջանական հարաբերությունների կարգավորման գործընթացում առաջընթացի հասնելու ջանքերի և այդ գործընթացում ԵՄ դերի վերաբերյալ: Բայրամովը հանդիպմանն ասել է, թե իբր Հայաստանը խոչընդոտում է Ադրբեջանի հետ հարաբերությունների կարգավորմանը, խուսափում է երկու երկրների առաջնորդների ձեռք բերած պարտավորությունների կատարումից, փորձում է «խաբուսիկ կարծիք» ձևավորել կարգավորման գործընթացի վերաբերյալ:  
11:53 - 02 դեկտեմբերի, 2022
Եվրամիությունը հավատարիմ է Բաքվի և Երևանի միջև խաղաղ բանակցություններին նպաստելուն. Բորել
 |news.am|

Եվրամիությունը հավատարիմ է Բաքվի և Երևանի միջև խաղաղ բանակցություններին նպաստելուն. Բորել |news.am|

news.am: ԵՄ արտաքին գործերի եւ անվտանգության քաղաքականության բարձրագույն ներկայացուցիչ Ժոզեպ Բորելը թվիթերյան իր միկրոբլոգում անդրադարձել է նախօրեին ՀՀ ԱԳ նախարար Արարատ Միրզոյանի հետ հանդիպմանը: Նա, մասնավորապես, նշել է. «Հայաստանի արտգործնախարար Արարատ Միրզոյանի հետ քննարկել ենք տարածաշրջանում խաղաղության կառուցման և հակամարտությունների կայուն կարգավորման ուղիները: Եվրամիությունը հավատարիմ է Բաքվի և Երևանի միջև խաղաղ բանակցություններին նպաստելուն»: Հիշեցնենք, որ երեկ՝ դեկտեմբերի 1-ին, ԵԱՀԿ նախարարական 29-րդ համաժողովի շրջանակներում ՀՀ ԱԳ նախարարը հանդիպել է ԵՄ արտաքին գործերի ու անվտանգության քաղաքականության հարցերով Բարձր ներկայացուցիչ Ժոզեպ Բորելին։ Հանդիպման ընթացքում Արարատ Միրզոյանի և Ժոզեպ Բորելի ուշադրության կենտրոնում են եղել տարածաշրջանային կայունության և անվտանգության հարցերը։
10:42 - 02 դեկտեմբերի, 2022
Ադրբեջանի առավելապաշտական նկրտումները նպաստում են էսկալացիայի հավանականության բարձրացմանը. Արարատ Միրզոյանը՝ Ժոզեպ Բորելին

Ադրբեջանի առավելապաշտական նկրտումները նպաստում են էսկալացիայի հավանականության բարձրացմանը. Արարատ Միրզոյանը՝ Ժոզեպ Բորելին

Դեկտեմբերի 1-ին ԵԱՀԿ նախարարական 29-րդ համաժողովի շրջանակներում ՀՀ ԱԳ նախարարը հանդիպել է ԵՄ արտաքին գործերի ու անվտանգության քաղաքականության հարցերով Բարձր ներկայացուցիչ Ժոզեպ Բորելին։ Զրուցակիցները գոհունակություն են հայտնել Հայաստան-Եվրամիություն գործընկերության դինամիկ զարգացման կապակցությամբ, մտքեր փոխանակել երկկողմ օրակարգի ընդլայնման շուրջ: Հանդիպման ընթացքում Արարատ Միրզոյանի և Ժոզեպ Բորելի ուշադրության կենտրոնում են եղել տարածաշրջանային կայունության և անվտանգության հարցերը։ Նախարար Միրզոյանն ընդգծել է Հարավային Կովկասում խաղաղություն հաստատելու հայկական կողմի հանձնառությունը և բարձր գնահատել այս ուղղությամբ ԵՄ աջակցությունը: ՀՀ ԱԳ նախարարն շեշտել է, որ Ադրբեջանի ոչ կառուցողական դիրքորոշումն ու առավելապաշտական նկրտումները խոչընդոտում են խաղաղության հասնելու նպատակով գործադրվող ջանքերին և նպաստում էսկալացիայի հավանականության բարձրացմանը: Շեշտվել է ՀՀ ինքնիշխան տարածքի նկատամամբ ադրբեջանական ագրեսիաների հետևանքների վերացման անհրաժեշտությունը: Զրուցակիցները կարևորել են ԵՄ դիտորդական առաքելության տեղակայումը Հայաստանում և քննարկել դրա գործունեությանը վերաբերող հարցեր:
18:55 - 01 դեկտեմբերի, 2022
Սերբիան և Կոսովոն համաձայնության են հասել ավտոմեքենաների համարանիշների խնդրի շուրջ. Բորել
 |1lurer.am|

Սերբիան և Կոսովոն համաձայնության են հասել ավտոմեքենաների համարանիշների խնդրի շուրջ. Բորել |1lurer.am|

1lurer.am: Սերբիայի և չճանաչված Կոսովոյի ներկայացուցիչները Բրյուսելում կայացած հանդիպման ժամանակ համաձայնության են հասել ավտոմեքենաների համարանիշների խնդրի հարցում, ինչը թույլ կտա խուսափել էսկալացիայից՝ հայտարարել է Եվրամիության արտաքին և անվտանգության քաղաքականության հարցերով բարձր ներկայացուցիչ Ժոզեպ Բորելը։ Նրա խոսքով՝ Սերբիան համաձայնել է դադարեցնել Կոսովոյի քաղաքների կոդերով համարների տրամադրումը, իսկ Կոսովոն՝ սերբական համարներով մեքենաների հարկադիր վերագրանցման փորձերը: «Առաջիկա օրերին կողմերին կհրավիրեմ քննարկելու հետագա քայլերը»,- նշել է դիվանագետը: Ավելի վաղ չճանաչված Կոսովոյի վարչապետ Ալբին Կուրտին Պրիշտինայում ԱՄՆ դեսպան Ջեֆրի Հովենյերի խնդրանքով 48 ժամով հետաձգել էր Սերբիայի ավտոմոբիլային գրանցման նշանները չփոխած սերբ բնակիչներից տուգանքների գանձման մասին որոշման կիրառումը, երբ Եվրամիության միջնորդությամբ Բելգրադի և Պրիշտինայի բանակցությունները արդյունք չէին տվել:
12:38 - 24 նոյեմբերի, 2022
Կենտրոնական Ասիայում աշխարհաքաղաքականությունը փոխվում է. Բորել
 |azatutyun.am|

Կենտրոնական Ասիայում աշխարհաքաղաքականությունը փոխվում է. Բորել |azatutyun.am|

azatutyun.am: Եվրամիության դիվանագիտության ղեկավար Ժոզեպ Բորելի խոսքով՝ Ուկրաինայում պատերազմի և Չինաստանի ջանքերի ֆոնին Կենտրոնական Ասիայի տարածաշրջանը ձգտում է հարաբերությունների դիվերսիֆիկացման և Եվրամիությանը դիտարկում է որպես առավել հարմար գործընկեր։ «Ակնհայտ է, որ Ռուսաստանը, ինչպես նաև Չինաստանը խաղացել և շարունակում են կարևոր դեր խաղալ։ Միևնույն ժամանակ, ակնհայտ է, որ տարածաշրջանը ձգտում է դիվերսիֆիկացնել իր հարաբերությունները և Եվրամիությանը դիտարկում է որպես առավել հարմար գործընկեր»,- Եվրամիության պաշտոնական կայքէջում հրապարակված հոդվածում գրել է Բորելը, որն անցած շաբաթ այցելել էր Սամարղանդ՝ «Եվրամիություն-Ասիա» նախարարական հանդիպմանը մասնակցելու նպատակով: Հոկտեմբերի վերջին էլ Եվրամիության խորհրդի նախագահ Շառլ Միշելն էր այցելել Ղազախստան և Տոկաևի վարչակազմի հետ քննարկել էներգետիկ և պարենային անվտանգության, «կանաչ» տնտեսության զարգացման, տրանսպորտի և բեռնափոխադրումների հարցեր:
16:41 - 21 նոյեմբերի, 2022
Բորելը հայտարարել է, որ ԵՄ քաղաքացիական դիտորդական առաքելության թիմն արդեն Հայաստանում է. ՏԱՍՍ |armenpress.am|

Բորելը հայտարարել է, որ ԵՄ քաղաքացիական դիտորդական առաքելության թիմն արդեն Հայաստանում է. ՏԱՍՍ |armenpress.am|

armenpress.am: Հայ-ադրբեջանական սահմանին տեղակայելու համար ստեղծված ԵՄ քաղաքացիական դիտորդական առաքելության թիմն արդեն Հայաստանում է, և այն օպերատիվորեն կտեղակայվի: Ինչպես հաղորդում է  ՏԱՍՍ-ը,այս մասին հոկտեմբերի 17-ին հայտարարել է ԵՄ արտաքին քաղաքականության և անվտանգության հարցերով բարձր հանձնակատար Ժոզեպ Բորելը Լյուքսեմբուրգում ԵՄ երկրների ԱԳ նախարարների հանդիպման արդյունքներին վերաբերող մամուլի ասուլիսին: «Մեր թիմն արդեն Հայաստանում է: Առաքելությունն արագ կիրագործվի»,-նշել է նա: ԵՄ նախագահ Շառլ Միշելն էլ ողջունել է առաքելության օպերատիվությունն ու նշել, որ այն կարող է ամրապնդել վստահությունը, (Հայաստանի և Ադրբեջանի միջև) և ԵՄ-ին հնարավորություն տալ առավել աջակցել սահմանային հանձնաժողովներին, որոնք շուտով կհանդիպեն Բրյուսելում:
20:34 - 17 հոկտեմբերի, 2022
ԵՄ-ն 40 դիտորդ կտեղակայի հայ-ադրբեջանական սահման. ԵՄ խորհուրդ

ԵՄ-ն 40 դիտորդ կտեղակայի հայ-ադրբեջանական սահման. ԵՄ խորհուրդ

ԵՄ խորհուրդը Հայաստանում՝ Ադրբեջանի հետ միջազգային սահմանի երկայնքով, դիտորդական առաքելություն է տեղեկայում տարածաշրջանային իրավիճակի մշտադիտարկում իրականացնելու, ինչպես նաև նպաստելու խաղաղության և անվտանգության վերականգնմանը։ Տեղակայվելու է մինչև 40 դիտորդ: Այս մասին տեղեկանում ենք ԵՄ խորհրդի կայքէջից։  ԵՄ բարձր ներկայացուցիչ Ժոզեպ Բորելը հայտնել է, որ դիտորդական առաքելությունը կփորձի վստահություն ստեղծել անկայուն իրավիճակում, որը ռիսկի տակ է դնում կյանքեր և վտանգում հակամարտության կարգավորման գործընթացը: Սա ևս մեկ ապացույց է Հարավային Կովկասում կայուն խաղաղության հասնելու վերջնական նպատակին նպաստելու ԵՄ լիակատար հանձնառության։ «ԵՄ դիտորդական առաքելության արագ տեղակայումն ապահովելու նպատակով որոշվել է, որ դիտորդները ժամանակավորապես կտեղակայվեն Վրաստանում Եվրամիության դիտորդական առաքելությունից:  Դիտորդական առաքելությունը կունենա ժամանակավոր բնույթ և սկզբունքորեն երկու ամսից ավելի չի տևի»,- նշված է ԵՄ խորհրդի հաղորդագրության մեջ։ Հիշեցնենք, որ հոկտեմբերի 6-ին Պրահայում տեղի է ունեցել Նիկոլ Փաշինյանի, Իլհամ Ալիևի, Էմանուել Մակրոնի և Շառլ Միշելի քառակողմ հանդիպումը։ Հանդիպման արդյունքներով ընդունվել է հայտարարություն։ Ըստ հայտարարության՝ Հայաստանն ու Ադրբեջանը  ճանաչում են միմյանց տարածքային ամբողջականությունն ու ինքնիշխանությունը, Հայաստանն իր համաձայնությունն է հայտնել՝ խրախուսելու ԵՄ քաղաքացիական առաքելությունը Ադրբեջանի հետ սահմանի երկայնքով: Առաքելության նպատակը կլինի վստահության կառուցումը, և իր զեկույցների միջոցով, սահմանային հանձնաժողովներին աջակցելը։  
13:28 - 17 հոկտեմբերի, 2022
Ժոզեպ Բորելն Ադրբեջանի ԱԳ նախարարին տեղեկացրել է ԵՄ առաքելության նախապատրաստման մասին
 |armtimes.com|

Ժոզեպ Բորելն Ադրբեջանի ԱԳ նախարարին տեղեկացրել է ԵՄ առաքելության նախապատրաստման մասին |armtimes.com|

armtimes.com: ԵՄ արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելը հեռախոսազրույց է ունեցել Ադրբեջանի ԱԳ նախարար Ջեյհուն Բայրամովի հետ, հայտնում են Ադբեջանի ԱԳՆ-ից։  Քննարկվել են հոկտեմբերի 6-ին Պրահայում կայացած Փաշինյան-Միշել-Մակրոն-Ալիև քառակողմ հանդիպման արդյունքները, ինչպես նաև տարածաշրջանում տիրող իրավիճակը: Բորելը Բայրամովին տեղեկացրել է Եվրոպական միության առաքելության նախապատրաստման մասին՝ բարձր գնահատելով Պրահայի հանդիպման արդյունքները: Հիշեցնենք, որ հոկտեմբերի 6-ին Պրահայում տեղի է ունեցել Նիկոլ Փաշինյանի, Իլհամ Ալիևի, Էմանուել Մակրոնի և Շառլ Միշելի քառակողմ հանդիպումը։ Հանդիպման արդյունքներով ընդունվել է հայտարարություն։ Ըստ հայտարարության՝ Հայաստանն ու Ադրբեջանը  ճանաչում են միմյանց տարածքային ամբողջականությունն ու ինքնիշխանությունը, Հայաստանն իր համաձայնությունն է հայտնել՝ խրախուսելու ԵՄ քաղաքացիական առաքելությունը Ադրբեջանի հետ սահմանի երկայնքով: Առաքելության նպատակը կլինի վստահության կառուցումը, և իր զեկույցների միջոցով, սահմանային հանձնաժողովներին աջակցելը։
10:28 - 11 հոկտեմբերի, 2022
Ովքեր կարող են նախաձեռնել սանկցիաներ ԵՄ-ում. Բորելի խուսափողական պատասխանը մանիպուլյատիվ է

Ովքեր կարող են նախաձեռնել սանկցիաներ ԵՄ-ում. Բորելի խուսափողական պատասխանը մանիպուլյատիվ է

Հոկտեմբերի 5-ին Եվրոպական միության արտաքին գործերի և անվտանգության քաղաքականության հարցերով բարձր ներկայացուցիչ Ժոզեֆ Բորելը Եվրոպական խորհրդարանի անդամների հետ հարցուպատասխանի ընթացքում խուսափողական պատասխան տվեց Ադրբեջանի դեմ սանկցիաներ (պատժամիջոցներ) կիրառելու մասին հարցին։  Նա, մասնավորապես, նշեց, որ ԵՄ անդամ երկրներից որևէ մեկը դեռևս նման առաջարկ չի ներկայացրել։  «Սանկցիաները ԵՄ անդամ երկրների գործն են»,- հայտարարեց Բորելը։    Ինչպես են ընդունվում ԵՄ սանկցիաները Ժոզեֆ Բորելի կարճ պատասխանից կարելի է ենթադրել, թե ԵՄ-ը սանկցիաներ չի ընդունում առանց անդամ երկրներից եկող առաջարկների։ ԵՄ սանկցիաները կարող են լինել կա՛մ ՄԱԿ Անվտանգության խորհրդի ընդունած որոշումների շրջանակում, կա՛մ որպես այդ որոշումների լրացում, կա՛մ ընդունվել ԵՄ սեփական նախաձեռնությամբ։ ԵՄ պատժամիջոցներն ընդունվում են միաձայն՝ Խորհրդի որոշմամբ, և պարտադիր են անդամ բոլոր  պետությունների համար: Եթե ​​որոշումը նախատեսում է երրորդ երկրի հետ տնտեսական և ֆինանսական հարաբերությունների ամբողջական կամ մասնակի կրճատում կամ ընդհատում, ապա ԵՄ կանոնակարգն ընդունվում է որակյալ մեծամասնությամբ՝ Հանձնաժողովի և Միության արտաքին գործերի գերագույն ներկայացուցչի համատեղ առաջարկով։ Գործնականում, սակայն, այս որոշումները ընունվում են կոնսենսուսով։  Նույն կերպ այս տարվա սեպտեմբերի 28-ին Ժոզեֆ Բորելը և Ուրսուլա Ֆոն դեր Լեյենը հայտարարեցին սանկցիաների հերթական փաթեթի առաջարկի մասին։ Ժոզեֆ Բորելի ելույթից ժամեր առաջ ԵՄ անդամ երկրները հաստատեցին այս փաթեթը։  Մինչև փաթեթի ընդունումը, սակայն, Մալթան, Կիպրոսը և Հունաստանը դեմ էին արտահայտվում ռուսական գազի վրա դրվող նոր սահմանափակումներին՝ հայտարարելով իրենց համար սպասվող տնտեսական խնդիրների մասին։  Ըստ ԵՄ կանոնադրության՝ ԵՄ սանկցիաները կամ սահմանափակող միջոցները նախատեսված են՝ համաձայն ԵՄ Ընդհանուր արտաքին և անվտանգության քաղաքականության (CFSP)։ Ըստ դրա՝ նման միջոցների կիրառության առաջարկ անում է Միության արտաքին գործերի և անվտանգության քաղաքականության Խորհրդի  Գերագույն ներկայացուցիչը (High Representative)։ Հենց այս պաշտոնն է զբաղեցնում Ժոզեֆ Բորելը։  Առաջարկը քննում են տարբեր մարմիններ, և հաստատում և/կամ վերանայում է ԵՄ Խորհուրդը միաձայն, իսկ Եվրոպական խորհրդարանը տեղեկացվում է ընդունված որոշման մասին։ ԵՄ Արտգործնախարարությունը՝ EEAS-ը, օգնում է Բորելին սանկցիաների առաջարկների կազմման, պահպանման կամ վերանայման գործում։  Խորհրդի ընդունած սանկցիաները կարող են արգելել անձի մուտքը ԵՄ տարածք, կասեցնել ընկերությունների աշխատանքը կամ սառեցնել ֆիզիկական կամ իրավաբանական անձանց հաշիվները։ Դրանք պարտադիր են դառնում ընդունման պահից։ Բորելի հայտարության այն մասը, որ ԵՄ անդամ երկրները կարող են առաջարկել պատժամիջոցներ, սխալ չէ։ Մի շարք դեպքերում անդամ պետությունները իրենց երկրներում ընդունված պատժամիջոցները  առաջարկում են ընդունել ԵՄ մակարդակով։ Այսպես, այս տարվա ամռանը Լիտվան առաջարկել էր ԵՄ մուտքի արգելք սահմանել Ռուսաստանի պատրիարք Կիրիլի նկատմամբ, սակայն Հունգարիան դեմ էր արտահայտվել։  Եթե փորձենք այս ամենը կարճ ներկայացնել, ապա պատժամիջոցների դեպքում սովորաբար տեղի է ունենում Բորելի ասածի հակառակ գործընթացը․ ԵՄ խորհուրդն առաջարկում է սանկցիաներ, իսկ անդամ երկրները հաստատում են դրանք կամ մերժում։   Գլխավոր լուսանկարում՝ Բորելը Անի Ավետիսյան
11:50 - 07 հոկտեմբերի, 2022
Բորելը հայտարարել է, որ Ադրբեջանը հրետակոծել և օկուպացրել է Հայաստանի տարածքը, այնպիսի հատվածներ, որոնք Հայաստանի խորքում են

Բորելը հայտարարել է, որ Ադրբեջանը հրետակոծել և օկուպացրել է Հայաստանի տարածքը, այնպիսի հատվածներ, որոնք Հայաստանի խորքում են

ԵՄ-ն արել է հնարավոր ամեն բան՝ կողմերին երկխոսության կոչ անելու, հրադադար հաստատելու համար։ Այս մասին հայտարարել է ԵՄ արտաքին քաղաքականության ղեկավար Ժոզեպ Բորելը` ելույթ ունենալով Եվրախորհրդարանի անդամների առջև Ստրասբուրգում լիագումար նիստում՝ անդրադառնալով Հայաստանի և Ադրբեջանի միջև լարվածության սրմանը, գրում է armradio.am-ը։ «Հստակ է, որ Թուրքիան շարունակում է աջակցել Ադրբեջանին»,- ասել է Բորելը՝ հավելելով, որ իրենք խնդրել են Անկարային օգտագործել իր ազդեցությունը երկու երկրների միջև լարվածությունը թուլացնելու համար։ Բորելն ընդգծել է Հայաստան-Թուրքիա սահմանի բացման կարևորությունը, որը, ըստ նրա, նույնպես կարող է օգնել լարվածության մեղմմանը։ «Ես կցանկանայի, որ մենք կարողանայինք հասնել խաղաղության Կովկասյան տարածաշրջանում և այլ շատ տեղերում, որտեղ դրա կարիքը կա։ Դժբախտաբար, մենք միայն ունենք այն միջոցները, որոնք ունենք, և դա քաղաքական ազդեցությունն է։ Մենք տարածաշրջանում հատուկ բանագնաց ունենք, որը մշտական կապի մեջ է երկու երկրների և Մինսկի խմբի եվրոպական անդամների հետ։ Մենք նաև հումանիտար աջակցություն ենք առաջարկում, և սա այն է, ինչ մենք կարող ենք անել»,- ասել է ԵՄ բարձր ներկայացուցիչը։ Նրա խոսքով՝ Ադրբեջանը հրետակոծել և օկուպացրել է Հայաստանի տարածքը, այնպիսի հատվածներ, որոնք Հայաստանի խորքում են։ Բորելը նշել է, որ նրանք օգտագործել են հրետանի, ինչպես նաև ԱԹՍ-ներ։ «Այն, ինչ տեղի է ունենում, չափազանց ցավալի է։ Զոհվել է մոտ 300 զինծառայող, որոնցից 207-ը՝ հայ։ Օկուպացված տարածքներ կան, ինչը բացարձակ անընդունելի է և անհարգալից վերաբերմունք է միջազգայնորեն ճանաչված սահմանների հանդեպ։ Զորքերն այնքան մոտ են, որ նոր հակամարտության վտանգ կա»,- նշել է Բորելը՝ հավելելով, որ ադրբեջանական ուժերը պետք է հետ քաշվեն։ Միևնույն ժամանակ նա պաշտպանել է էներգետիկ համաձայնագիրը՝ կնքված ԵՄ-ի ու Ադրբեջանի միջև՝ ասելով, որ «այն չի գործում ի վնաս մարդու իրավունքների կամ այլ ժողովրդավարական հարցերի, որոնք կան երկրում»։ Բորելը նաև ասել է, որ հայ ռազմագերիների մահապատժի տեսանյութը «սարսափելի է», և հավելել, որ այն պետք է հետաքննվի։
11:50 - 05 հոկտեմբերի, 2022
Բորելը հայտարարել է Ռուսաստանի դեմ նոր պատժամիջոցների մասին՝ հանրաքվեների պատճառով
 |news.am|

Բորելը հայտարարել է Ռուսաստանի դեմ նոր պատժամիջոցների մասին՝ հանրաքվեների պատճառով |news.am|

news.am: Եվրամիության արտաքին գործերի եւ անվտանգության քաղաքականության գերագույն ներկայացուցիչ Ժոզեպ Բորելը մամուլի ասուլիսում հայտարարել է, որ ԵՄ-ի երկրները որքան հնարավոր է շուտ նոր պատժամիջոցներ կմտցնեն Ռուսաստանի դեմ Դոնբասի ինքնահռչակ հանրապետություններում եւ Զապորոժիեի եւ Խերսոնի մարզերում հանրաքվեների պատճառով։ «Լրացուցիչ սահմանափակիչ միջոցները Ռուսաստանի դեմ կմտցվեն անհապաղ, որքան հնարավոր է շուտ, մեր գործընկերների հետ համակարգմամբ»,- ասել է նա։ Բորելը նշել է, որ պատժամիջոցները լինելու են ինչպես անհատական, այնպես էլ սեկտորալ։ Նա նաեւ ավելացրել է, որ ԵՄ-ի երկրները կշարունակեն աջակցություն ցուցաբերել Ուկրաինային՝ ռազմատեխնիկա եւ զենք մատակարարելով։ Դոնեցկի եւ Լուգանսկի ինքնահռչակ հանրապետությունների, ինչպես նաեւ Խերսոնի եւ Զապորոժիեի մարզերի իշխանությունները սեպտեմբերի 20-ին որոշում են ընդունել Ռուսաստանի Դաշնության կազմի մեջ մտնելու հանրաքվեների անցկացման մասին։
16:00 - 22 սեպտեմբերի, 2022
ԵՄ-ի ԱԳՆ ղեկավարները քննարկել են Ուկրաինայի ռազմական օգնության առաքելության ստեղծման հարցը

 |armenpress.am|

ԵՄ-ի ԱԳՆ ղեկավարները քննարկել են Ուկրաինայի ռազմական օգնության առաքելության ստեղծման հարցը |armenpress.am|

armenpress.am: Եվրամիության արտաքին գործերի նախարարությունների (ԱԳՆ) ղեկավարները Նյու Յորքում կայացած հանդպմանը քննարկել են Ուկրաինային ռազմական օգնություն ցույց տալու առաքելության ստեղծման առաջարկությունները: Սեպտեմբերի 19-ին այդ մասին լրագրողներին հայտնել է Եվրամիության արտաքին գործերի եւ անվտանգության քաղաքականության գերագույն ներկայացուցիչ Ժոզեպ Բորելը: «Այսօր բոլոր նախարարները որոշեցին շարունակել օգնությունն Ուկրաինային: Մենք կշարունակենք հաջողությամբ եւ արդյունավետորեն օգտագործել սպառազինությունների մատակարարումների ֆինանսավորման՝ ԵՄ-ի մեխանիզմը,- ասել է Բորելը:- Մենք նաեւ շարունակեցինք Ուկրաինայի ռազմական օգնության՝ ԵՄ-ի առաքելության ստեղծան առաջարկության քննարկումը: Այդ աշխատանքն ընթանում է, հուսով ենք, որ շուտով կտեսենեք կոնկրետ արդյունքը»: Նա նշել է, որ Ուկրաինայի ռազմական օգնության առաքելության ստեղծման որոշումը կարող են ընդունել Եվրամիության ԱԳՆ ղեկավարների՝ հոկտեմբերին կայանալիք հանդիպմանը: «Ես հուսով եմ, որ հոկտեմբերին մեր հաջորդ հանդիպմանը մենք կկարողանանք ընդունել որոշում, ինչը շատ արագ է եվրոպական ստանդարտների համար,- ասել է Բորելը:- (…) Մենք կարող ենք առաջարկությունն արտաքին գործերի նախարարներին ներկայացնել հոկտեմբերին կայանալիք հանդիպմանը: Դա շատ արագ ընթացակարգ կլինի: Բայց դա պետք է համաձայնեցվի ուկրաինական կողմի հետ», հաղորդել է ՏԱՍՍ-ը:
12:08 - 20 սեպտեմբերի, 2022
Ժոզեպ Բորելը Ջեյհուն Բայրամովի հետ քննարկել է հայ-ադրբեջանական սահմանին ստեղծված իրավիճակը

Ժոզեպ Բորելը Ջեյհուն Բայրամովի հետ քննարկել է հայ-ադրբեջանական սահմանին ստեղծված իրավիճակը

ԵՄ արտաքին քաղաքականության և անվտանգության հարցերով բարձր ներկայացուցիչ Ժոզեպ Բորելը հայտնում է, որ հայ-ադրբեջանական սահմանին իրավիճակի վերաբերյալ մանրամասն քննարկում է ունեցել Ադրբեջանի արտգործնախարար Ջեյհուն Բայրամովի հետ։ «Իրավիճակի ապաէսկալացման և հրադադարի ռեժիմի պահպանման կոչ եմ արել։ Շտապ անհրաժեշտ է խաղաղ երկխոսություն։ Հարավային Կովկասում ԵՄ ներկայացուցիչը շուտով կժամանի Բաքու և Երևան, որպեսզի աջակցի այդ ջանքերին»,-գրել է նա։Ադրբեջանի զինված ուժերը սեպտեմբերի 12-ի լույս 13-ի գիշերը հարձակման են անցել Հայաստանի Հանրապետության պետական սահմանի երկայնքով՝ ռազմական գործողություններ ձեռնարկելով Սյունիքի, Վայոց ձորի և Գեղարքունիքի մարզերի ուղղություններով: ՀՀ պաշտպանության նախարարությունը հայտնել է, որ հրետակոծման են ենթարկվել Սոթքի, Վարդենիսի, Գորիսի, Կապանի, Արտանիշի և Իշխանասարի ուղղությամբ տեղակայված դիրքերը: Հարվածներ են հասցվում նաև քաղաքացիական ենթակառուցվածքներին: Ինտենսիվ գործողությունները շարունակվել են ողջ գիշեր: Նախնական տվյալներով հայկական կողմն ունի 49 զոհ:
23:46 - 13 սեպտեմբերի, 2022
Բոլոր ուժերը պետք է հետ քաշվեն իրավիճակի սրացումից առաջ զբաղեցրած դիրքեր և պահպանեն հրադադարի ռեժիմը. Ժոզեպ Բորել

 |armenpress.am|

Բոլոր ուժերը պետք է հետ քաշվեն իրավիճակի սրացումից առաջ զբաղեցրած դիրքեր և պահպանեն հրադադարի ռեժիմը. Ժոզեպ Բորել |armenpress.am|

armenpress.am: ԵՄ արտաքին գործերի ու անվտանգության քաղաքականության հարցերով բարձր ներկայացուցիչ Ժոզեպ Բորելը հայտարարություն է տարածել Ադրբեջանի կողմից ռազմական էսկալացիայի վերաբերյալ, ընդգծելով, որ բոլոր ուժերը պետք է հետ քաշվեն  իրավիճակի սրացումից առաջ զբաղեցրած դիրքեր և պետք է պահպանեն հրադադարի ռեժիմը: Հայտարարության մեջ, մասնավորապես, նշված է «Վերջին ժամերին լուրջ մարտեր են տեղի ունեցել հայ-ադրբեջանական սահմանի ողջ երկայնքով, հաղորդվում է՝ կան մարդկային կորուստներ։ Ռազմական գործողությունները դադարեցնելը և վերադառնալը բանակցային սեղանի շուրջ չափազանց կարևոր է։ Բոլոր ուժերը պետք է հետ քաշվեն  իրավիճակի սրացումից առաջ զբաղեցրած դիրքեր և պետք է պահպանեն հրադադարի ռեժիմը։ Նախագահ Միշելը կապ է հաստատում երկու երկրների առաջնորդների հետ։ Ես այսօր զրուցելու եմ երկու երկրների ԱԳ նախարարների հետ։ ԵՄ-ն հանձնառու է շարունակել հանդես գալ որպես «ազնիվ միջնորդ» Հայաստանի և Ադրբեջանի միջև և օգնել հասնելու անվտանգ, բարգավաճ և խաղաղ Հարավային Կովկաս ունենալու ընդհանուր նպատակին՝  ի շահ նրա բոլոր  ժողովուրդների: ԵՄ հատուկ ներկայացուցիչ Տոյվո Կլաարն անհապաղ կմեկնի երկու երկրներ՝ աջակցելու լարվածության լիցքաթափմանը և քննարկելու Հայաստանի և Ադրբեջանի առաջնորդների միջև բրյուսելյան երկխոսության գործընթացի հաջորդ քայլերը»։
17:00 - 13 սեպտեմբերի, 2022