ՀՖՖ

Հայաստանի ֆուտբոլի ֆեդերացիան (ՀՖՖ) հայկական ֆուտբոլը կառավարող մարմինն է։ Հիմնադրվել է 1992-ի հունվարի 18-ին։ ՖԻՖԱ-ի անդամ է 1992թ․-ից, ՈՒԵՖԱ-ի լիիրավ անդամ՝ 1993թ․-ից։

ՀՖՖ բարձրագույն մարմինը համագումարն է, որը 4 տարով ընտրում է նախագահ եւ գործադիր կոմիտեի անդամներ։ Աշխատանքային մարմինը գործկոմն է։ 2018թ․ սեպտեմբերի 22-ից ֆեդերացիայի նախագահ է ընտրվել ԱԱԾ տնօրեն, գնդապետ Արթուր Վանեցյանը։ 2019թ. դեկտեմբերի 23-ին ՀՖՖ նախագահ է ընտրվել Արմեն Մելիքբեկյանը։

Ֆուտբոլի ֆեդերացիայում նախագահի հրաժարականի հարց չի քննարկվում. ՀՖՖ |azatutyun.am|

azatutyun.am: Հայաստանի ֆուտբոլի ֆեդերացիայում (ՀՖՖ) նախագահի հրաժարականի հարց չի քննարկվում: Այս մասին «Ազատությանը» հայտնեցին Ֆեդերացիայից։ Իսկ թե ազգային հավաքականի մարզչի պաշտոնից Ալեքսանդր Պետրակովին հեռացնելուց հետո կան արդյոք արդեն նոր մարզչի թեկնածուներ, կառույցից փոխանցեցին. - «Թեկնածուների լայն շրջանակ արդեն իսկ քննարկվում է, բայց որևէ հստակություն այս կապակցությամբ դեռևս չկա»։ Պետրակովը հավաքականի մարզչի պաշտոնից հեռացվեց ՈւԵՖԱ-ի Ազգերի լիգայի մրցաշարի՝ երեկ կայացած Հայաստան-Հյուսիսային Մակեդոնիա հանդիպումից հետո, որն ավարտվեց հյուրերի հաղթանակով՝ 0:2 հաշվով: Ֆուտբոլի ազգային հավաքականի երկրպագուների «Հայկական առաջին ճակատ»-ը՝ ՖԱՖ-ը և մի քանի ակումբների ֆան ակումբներ, մինչդեռ, պահանջում են Ֆեդերացիայի նախագահ Արմեն Մելիքբեկյանի հրաժարականը։

17:47 - 14 հոկտեմբերի, 2024

Հայկական ակումբների ֆան-շարժումները միանում են FAF-ի՝ Արմեն Մելիքբեկյանի հրաժարականի պահանջին

Հայկական մի քանի ակումբների ֆան ակումբները հանդես են եկել միասնական հայտարարությամբ՝ անդրադառնալով հայկական ֆուտբոլում տիրող իրավիճակին: Հայտարարությունը ստորագրել են «Արարատ-Արմենիայի» «Ալֆա» ֆան֊ակումբը, «Փյունիկի» «Սեկտոր-18» ֆան ակումբը, «Ուրարտուի» «South-West Ultras» ֆան ակումբը և «Շիրակի» «Սև Հովազներ» ֆան ակումբը: «Դեռ ամիսներ առաջ՝ ՀՖՖ նախագահի ընտրություններից առաջ, հանդես եկանք համատեղ հայտարարությամբ, որում պնդեցինք, որ ՀՖՖ գործող ղեկավար կազմի վերընտրվելու դեպքում հայկական ֆուտբոլը ոչ միայն չէր բարձրանալու նոր մակարդակի, այլ շարունակելու էր իր ազատ անկումը: Ցավոք՝ մենք ճիշտ էինք մեր պնդումներում: Դրա վառ ապացույցը տոտալ ձախողումներն են, որոնք արձանագրվել են ընտրություններից հետո։ Տարբեր տարիքային հավաքականների, մանկապատանեկան ֆուտբոլի, ազգային հավաքականի և ակումբային ֆուտբոլի պատասխանատուները մատնված են անգործության, իսկ ոմանք գիտակցաբար խոչընդոտում են դրանց զարգացմանը։ Հայկական ֆուտբոլն այս պահին գոյություն ունի միայն մասնավորի շնորհիվ։ Հայաստանի Պրեմիեր Լիգայի հանդիպումները շարունակում են նշանակվել աշխատանքային օրերի աշխատանքային ժամերին, բացակայում է առողջ համագործակցությունը ՀՖՖի և ակումբների միջև, իսկ ֆանատական մշակույթի զարդարանք պիրոտեխնիկայի օգտագործման տուգանքները նշանակվում են անտրամաբանորեն և անհիմն բարձր` հերթական ձևով փորձելով զսպել ու սահմանափակել զարգացող ֆանատական մշակույթը։ Վստահ էինք առաջ և ավելի վստահ ենք հիմա` նման իրավիճակում, առանց փոփոխությունների հայկական ֆուտբոլն ապագա չունի։ Հայկական ակումբների ֆան-շարժումները միանում են Առաջին Հայկական Ճակատի (FAF)` ՀՖՖ նախագահ Արմեն Մելիքբեկյանի հրաժարականի պահանջին: Պատրաստ են միանալ նաև առաջիկա գործողություններին ու ակցիաներին»,- ասվում է ֆան ակումբների տարածած հայտարարության մեջ:

16:28 - 14 հոկտեմբերի, 2024

ՀՖՖ նախագահը պետք է հեռանա. ՖԱՖ-ի հայտարարությունը

ՀՖՖ նախագահը պետք է հեռանա: Այս մասին հայտարարություն են տարածել ՖԱՖ-ից: «Մենք գիտեինք, որ այս խաղից հետո, վատ արդյունքի դեպքում, մարզիչը հրաժարական է տալու: Մենք ինչպես 9 տարի առաջ, հավաքվել ենք այստեղ, ունենք հարցեր, և պարզաբանումներ ունենք ստանալու ՀՖՖ նախագահից: Ցանկացած ֆեդերացիայի պետք է ժամանակ տալ, բայց ֆեդերացիան կարող է սխալվել մեկ անգամ, երկու անգամ, երեք անգամ: Մենք ուզել ենք ամեն ինչ անենք, որ լավ լինի: Բայց եկել ենք այն իրավիճակին, որ ՀՖՖ նախագահը նույնիսկ չի գալիս մեր հետ հանդիպելու: Եվ այս դեպքը առաջին անգամը չի: Այս պարագայում մենք կարծում ենք, որ ՀՖՖ նախագահը պետք է հեռանա»,- ասված է հայտարարության մեջ: Հիշեցնենք, որ հաղորդել էինք, որ Հայաստան- Հյուսիսային Մակեդոնիա (0-2) հանդիպումից հետո Ալեքսանդր Պետրակովն այլևս չի գլխավորի Հայաստանի ազգային հավաքականը:

09:30 - 14 հոկտեմբերի, 2024

Ալեքսանդր Պետրակովը այլևս չի գլխավորի Հայաստանի ազգային հավաքականը

Ալեքսանդր Պետրակովը այլևս չի գլխավորի Հայաստանի ազգային հավաքականը: Այս մասին հայտնում են Հայաստանի Ֆուտբոլի ֆեդերացիայից։ ՈՒԵՖԱ Ազգերի Լիգայի՝ հոկտեմբերի 13-ին կայացած Հայաստան-Հյուսիսային Մակեդոնիա հանդիպումից հետո Հայաստանի ազգային հավաքականի գլխավոր մարզիչ Ալեքսանդր Պետրակովը հեռացվել է զբաղեցրած պաշտոնից։

09:23 - 14 հոկտեմբերի, 2024

Հայաստանի և Ֆարերյան կղզիների հավաքականները չպարզեցին հաղթողին |tert.am|

tert.am: Հայաստանի ազգային հավաքականը երեկ՝ հոկտեմբերի 10-ին, Ազգերի լիգայի շրջանակում C լիգայի 4-րդ խմբի 3-րդ տուրում հյուրընկալվել էր Ֆարերյան կղզիների հավաքականին։ Հանդիպման հաշիվը բացեցին տանտերերը․ 37-րդ րոպեին աչքի ընկավ Բենջամինսենը։ Քիչ անց Լուկաս Սելարայանը տուգանայինից կատարած հարվածով հավասարեցրեց հաշիվը։ Առաջին խաղակեսն ավարտվեց 1-1 հաշվով։ Երկրորդ խաղակեսում կղզիաբնակները ևս մեկ անգամ գրավեցին Չանչարևիչի դարպասը․ 85-րդ րոպեին աչքի ընկավ Բյարտալոն։ Հայաստանի հավաքականի կազմում խաղավերջում հաշիվը հավասարեցրեց Գոռ Մանվելյանը՝ խփելով առաջին գոլը հավաքականի կազմում։ Հանդիպումն ավարտվեց ոչ ոքի 2-2 հաշվով։

09:28 - 11 հոկտեմբերի, 2024

Սպերցյանը, թեթև վնասվածքի պատճառով, չի մասնակցի այսօր կայանալիք Ֆարերյան կղզիներ-Հայաստան հանդիպմանը

Հայաստանի ազգային հավաքականի կիսապաշտպան Էդուարդ Սպերցյանը, թեթև վնասվածքի պատճառով, չի մասնակցի այսօր կայանալիք Ֆարերյան կզղզիներ-Հայաստան հանդիպմանը: Այս մասին հայտնում են ՀՖՖ-ից: Հանդիպումը տեղի կունենա այսօր և կմեկնարկի Երևանի ժամանակով 22:45-ին։

14:05 - 10 հոկտեմբերի, 2024

Հայաստանի ազգային հավաքականը ժամանել է Ֆարերյան կղզիներ |armenpress.am|

armenpress.am: Հայաստանի ֆուտբոլի ազգային թիմի հարձակվող Արթուր Սերոբյանը Ֆարերդյան կղզիների դեմ բարդ հանդիպում է ակնկալում: «Արմենպրես»-ի հաղորդմամբ` այս մասին նախախաղային ասուլիսի ժամանակ հայտարարել է ֆուտբոլիստը: «Ուսումնասիրել ենք մրցակցին: Ծանր հանդիպում եմ ակնկալում, սակայն լավ ենք նախապատրաստվել ու գիտենք, թե ինչպես պետք է խաղանք առաջիկա հանդիպմանը: Պետք է ամեն ինչ անենք` դրական արդյունքի հասնելու համար»,-ասաց Սերոբյանը: Ֆուտբոլի Ազգերի լիգայի երրորդ տուրի շրջանակներում Հայաստանի ֆուտբոլի ազգային թիմը հոկտեմբերի 10-ին արտագնա հանդիպում կանկացնի Ֆարերյան կղզիների հետ: Հանդիպումը կմեկնարկի Երևանի ժամանակով 22:45-ին:

22:05 - 09 հոկտեմբերի, 2024

Հայաստանի ազգային հավաքականը մեկնել է Ֆարերյան կղզիներ

Հոկտեմբերի 9-ին Հայաստանի ազգային հավաքականը մեկնել Ֆարերյան կղզիներ, որտեղ հոկտեմբերի 10-ին ՈւԵՖԱ Ազգերի լիգայի խաղարկության շրջանակում կմրցի Ֆարերյան կղզիների ընտրանու հետ: Հիշեցնենք, որ Ազգերի լիգայի առաջիկա հանդիպումներին ընդառաջ՝ Հայաստանի ազգային հավաքականի գլխավոր մարզիչ Ալեքսանդր Պետրակովը հրապարակել է հավաքական հրավիրված ֆուտբոլիստների ցուցակը․ ԴարպասապահներՕգնյեն Չանչարևիչ - «Նոա»Արսեն Բեգլարյան - «Արարատ-Արմենիա»Հենրի Ավագյան - «Փյունիկ» ՊաշտպաններՎարազդատ Հարոյան - «Ցինդաո Ուեստ Քոսթ» (Չինաստան)Անդրե Չալըշըր - «Բրոմապոյկարնա» (Շվեդիա)Նաիր Թիկնիզյան - «Լոկոմոտիվ» (Մոսկվա, Ռուսաստան)Գեորգի Հարությունյան - «Կրասնոդար» (Ռուսաստան)Սերգեյ Մուրադյան - «Նոա»Էրիկ Սիմոնյան - «Ուրարտու»Էդգար Գրիգորյան - «Արարատ-Արմենիա»Կամո Հովհաննիսյան - «Արարատ-Արմենիա» Կիսապաշտպաններ/ՀարձակվողներԷդուարդ Սպերցյան – «Կրասնոդար» (Ռուսաստան)Ուգոչուկվու Իվու - «Ռուբին» (Ռուսաստան)Վահան Բիչախչյան - «Պոգոն» (Շեցին, Լեհաստան)Էդգար Սևիկյան - «Լոկոմոտիվ» (Մոսկվա, Ռուսաստան)Ժիրայր Շաղոյան - «Դեբրեցեն» (Հունգարիա)Արթուր Միրանյան - «Ունիվերսիտատյա Կլուժ» (Ռումինիա)Լուկաս Սելարայան - «Ալ Ֆաթեհ» (Սաուդյան Արաբիա)Հրանտ-Լեոն Ռանոս - «Բորուսիա» (Մյոնխենգլադբախ, Գերմանիա)Արտակ Դաշյան - «Նոա»Արթուր Սերոբյան - «Արարատ-Արմենիա»Հովհաննես Հարությունյան - «Արարատ-Արմենիա»Գոռ Մանվելյան - «Նոա»Արամ Խամոյան – ԲԿՄԱ Հիշեցնենք նաև, եր երկրորդ հանդիպումը մեր ընտրանին կանցկացնի Երևանում հոկտեմբերի 13-ին՝ մրցելով Հյուսիսային Մակեդոնիայի հավաքականի հետ:

12:53 - 09 հոկտեմբերի, 2024

Պետրակովը հրապարակել է Հայաստանի ազգային հավաքական հրավիրված ֆուտբոլիստների ցուցակը

Ազգերի լիգայի առաջիկա հանդիպումներին ընդառաջ՝ Հայաստանի ազգային հավաքականի գլխավոր մարզիչ Ալեքսանդր Պետրակովը հրապարակել է հավաքական հրավիրված ֆուտբոլիստների ցուցակը․ ԴարպասապահներՕգնյեն Չանչարևիչ - «Նոա»Արսեն Բեգլարյան - «Արարատ-Արմենիա»Հենրի Ավագյան - «Փյունիկ» ՊաշտպաններՎարազդատ Հարոյան - «Ցինդաո Ուեստ Քոսթ» (Չինաստան) Անդրե Չալըշըր - «Բրոմապոյկարնա» (Շվեդիա)Նաիր Թիկնիզյան - «Լոկոմոտիվ» (Մոսկվա, Ռուսաստան)Գեորգի Հարությունյան - «Կրասնոդար» (Ռուսաստան)Սերգեյ Մուրադյան - «Նոա»Էրիկ Սիմոնյան - «Ուրարտու»Էդգար Գրիգորյան - «Արարատ-Արմենիա»Կամո Հովհաննիսյան - «Արարատ-Արմենիա» Կիսապաշտպաններ/ՀարձակվողներԷդուարդ Սպերցյան – «Կրասնոդար» (Ռուսաստան)Ուգոչուկվու Իվու - «Ռուբին» (Ռուսաստան)Վահան Բիչախչյան - «Պոգոն» (Շեցին, Լեհաստան) Էդգար Սևիկյան - «Լոկոմոտիվ» (Մոսկվա, Ռուսաստան)Ժիրայր Շաղոյան - «Դեբրեցեն» (Հունգարիա) Արթուր Միրանյան - «Ունիվերսիտատյա Կլուժ» (Ռումինիա)Լուկաս Սելարայան - «Ալ Ֆաթեհ» (Սաուդյան Արաբիա)Հրանտ-Լեոն Ռանոս - «Բորուսիա» (Մյոնխենգլադբախ, Գերմանիա)Արտակ Դաշյան - «Նոա»Արթուր Սերոբյան - «Արարատ-Արմենիա»Հովհաննես Հարությունյան - «Արարատ-Արմենիա»Գոռ Մանվելյան - «Նոա»Արամ Խամոյան – ԲԿՄԱ Հայաստանի ազգային հավաքականը կսկսի նախապատրաստությունն առաջիկա հանդիպումներին հոկտեմբերի 6-ին ՀՖՖ Տեխնիկական կենտրոն/Ֆուտբոլի ակադեմիայում: Հայաստանի ազգային հավաքականն առաջին հանդիպումը կանցկացնի Ֆարերյան կղզիների դեմ հոկտեմբերի 10-ին: Երկրորդ հանդիպումը մեր ընտրանին կանցկացնի Երևանում հոկտեմբերի 13-ին՝ մրցելով Հյուսիսային Մակեդոնիայի հավաքականի հետ:

17:47 - 03 հոկտեմբերի, 2024

«Սա իմ ամոթն էր որպես մարզիչ». Պետրակով |azatutyun.am|

azatutyun.am: Սկոպյեում Հյուսիսային Մակեդոնիան 2:0 հաշվով հաղթանակ տարավ Հայաստանի հավաքականի նկատմամբ։ Հանդիպումից հետո՝ Հայաստանի հավաքականի մարզիչ Ալեքսանդր Պետրակովը, մեկնաբանելով խաղը, ասաց. - «Ես գրեթե չճանաչեցի իմ թիմին, այն առաջադրանքները, որ տվել էի, կարելի է ասել՝ չի արվել։ Ես ողջ պատասխանատվությունը վերցնում եմ ինձ վրա։ Սա, իրոք, ամոթ էր, սա իմ ամոթն էր՝ որպես մարզիչ»։ ՈՒԵՖԱ-ի Ազգերի լիգայի 2024-25 թվականների մրցաշարի առաջին խաղում շաբաթ երեկոյան Հայաստանի հավաքականը սեփական հարկի տակ խոշոր՝ 4:1 հաշվով առավելության հասավ Լատվիայի թիմի նկատմամբ։

09:16 - 11 սեպտեմբերի, 2024

Աբովյանի մարզադաշտը սնվում է ՀՖՖ հաշվեկշռում գտնվող ենթակայանից, շահագործվում և սպասարկվում է իր անձնակազմի կողմից․ ՀԷՑ-ը՝ ֆուտբոլային խաղի ժամանակ հոսանքազրկման մասին

ՀԷՑ-ը պարզաբանում է տարածել այսօր Աբովյան քաղաքի մարզադաշտում «Նոա»-ի և Ռցուժոմբերոկ»-ի ֆուտբոլային հանդիպման ժամանակ տեղի ունեցած հոսանքազրկման պատճառների մասին․ ««Հայաստանի էլեկտրական ցանցեր» ընկերությունը տեղեկացնում է՝ այսօր ժամը 21:30-ին Աբովյան քաղաքի մարզադաշտում հայկական «Նոա» և սլովենական «Ռուժոմբերոկ» ֆուտբոլային ակումբների խաղի ժամանակ մարզադաշտը հոսանքազրկվել է: Մարզադաշտը սնվում է ՀՖՖ հաշվեկշռում գտնվող ենթակայանից, շահագործվում և սպասարկվում է իր անձնակազմի կողմից: Էլեկտրամատակարարման ընդհատումը պայմանավորված է այդ ենթակայանում տեղի ունեցած վթարով: Չնայած այն հանգամանքին,որ հոսանքազրկումը դուրս է «ՀԷՑ» ՓԲԸ պատասխանատվության գոտուց՝ Ընկերության անձնակազմի աջակցությամբ մարզադաշտի էլեկտրամատակարարումը վերականգնվել է 21:46-ին»:

09:22 - 21 օգոստոսի, 2024