Իսրայել

Իսրայելի պետությունը ստեղծվել է 1948 թվականի մայիսի 14-ին՝ ՄԱԿ-ի Գլխավոր ասամբլեայի 1947 թվականի նոյեմբերի 29-ի որոշմամբ, ըստ որի Մեծ Բրիտանիայի ենթամանդատային Պաղեստինը հռչակվում էր անկախ եւ նրա տարածքում ստեղծվում էին երկու ինքնուրույն՝ արաբական եւ հրեական պետություններ։

Հրեական պետությանը՝ Իսրայելին, հատկացվում էր 14 հզ. կմ2 (Պաղեստինի տարածքի 56%) տարածություն՝ խառը բնակչությամբ։ Երուսաղեմը հանձնվում էր ՄԱԿ-ի կառավարմանը։ 1948 թվականի մայիսին Իսրայելում ստեղծվեց ժամանակավոր կառավարություն, որը կազմված էր բացառապես սիոնիստական կուսակցությունների ներկայացուցիչներից։ Կառավարության առաջին իսկ՝ «Անկախության դեկլարացիայով» սիոնիզմը հռչակվեց Իսրայելի պաշտոնական գաղափարախոսություն եւ քաղաքականություն։

Արաբա-իսրայելական պատերազմներից հետո` 1974 թվականի հունվարին եւ 1975 թվականի սեպտեմբերին Եգիպտոսի, իսկ 1974 թվականի մայիսին Սիրիայի հետ Իսրայելը կնքեց զորքերի տարանջատման եւ նրանց միջեւ բուֆերային գոտիներ ստեղծելու համաձայնագրեր։ 1979 թվականին Եգիպտոսը՝ առաջին արաբական երկիրն էր, որը խաղաղության դաշինք կնքեց Իսրայելի հետ։ Արդյունքում, Իսրայելը Սինայի թերակղզին Եգիպտոսին հետ վերադարձրեց։ Հորդանանը եւ Իսրայելը խաղաղության դաշինք կննքեցին 1994 թվականին։ Իսկ 2005 թվականին Իսրայելը իր բանակը դուրս բերեց Գազայի շրջանից։

Նիկարագուան խզում է հարաբերություններն Իսրայելի հետ |1lurer.am|

1lurer.am: Նիկարագուայի կառավարությունը, նախագահ Դանիել Օրտեգայի կարգադրությամբ, սկսում է Իսրայելի հետ հարաբերությունների խզումը, հայտարարել է երկրի փոխնախագահ Ռոսարիո Մուրիլիոն։ «Մեր նախագահը ԱԳ նախարարությանը հանձնարարել է իրագործել խորհրդարանի խնդրանքը և սկսել Իսրայելի ֆաշիստական և ցեղասպան կառավարության հետ հարաբերությունների խզման գործընթացը»,- ասել է նա։

10:24 - 12 հոկտեմբերի, 2024

Լիբանանում ՄԱԿ-ի խաղաղապահները պատահաբար են հայտնվել Իսրայելի թիրախում. ՑԱՀԱԼ |1lurer.am|

1lurer.am: v>Իսրայելը հայտարարել է, որ Լիբանանում ՄԱԿ-ի խաղաղապահ շտաբի տարածքում գտնվող հաստատությունը պատահաբար է հայտնվել թիրախում։ «Իսրայելի զինվորները անմիջական սպառնալիք են տեսել և պատասխան կրակ բացել: Վտանգի աղբյուրը գտնվել է խաղաղապահներից 50 մետր հեռու»,- ասված է ՑԱՀԱԼ-ի հաղորդագրության մեջ։ Նշվում է, որ միջադեպից մի քանի ժամ առաջ զինվորականները ՄԱԿ-ի խաղաղապահներին հորդորել են ապաստան գտնել:

20:44 - 11 հոկտեմբերի, 2024

ՀՀ ԱԳՆ-ն դատապարտել է Լիբանանում ՄԱԿ-ի ժամանակավոր ուժերի կենտրոնակայանի վրա հարձակումը |armenpress.am|

armenpress.am: Հայաստանի արտաքին գործերի նախարարությունը դատապարտել է Լիբանանում ՄԱԿ-ի ժամանակավոր ուժերի կենտրոնակայանի վրա Իսրայելի հարձակումը: Այս մասին ասված է ՀՀ ԱԳՆ-ի X-ի միկրոբլոգում։ «Որպես Լիբանանում ՄԱԿ-ի ժամանակավոր ուժերում մասնակցություն ունեցող երկիր՝ Հայաստանը խստորեն դատապարտում է կենտրոնակայանի վրա հարձակումը: ՄԱԿ-ի ժամանակավոր ուժերը կոչված են ամրապնդելու կայունությունը՝ համաձայն ՄԱԿ-ի Անվտանգության խորհրդի համապատասխան բանաձևերի»,- նշել է ԱԳՆ-ն։ Ավելի վաղ հայտնի էր դարձել, որ ՄԱԿ-ի երկու խաղաղապահներ վիրավորվել են Լիբանանում գտնվող նրանց կենտրոնակայանի վրա իսրայելական հարձակման հետևանքով։

16:18 - 11 հոկտեմբերի, 2024

Իսրայելի ռազմաօդային ուժերի ինքնաթիռները հարվածել են Բեյրութի կենտորնական շրջաններին

Իսրայելի ռազմաօդային ուժերի ինքնաթիռները հարձակվել են շիական «Հեզբոլլահ» կազմակերպության թիրախների վրա Լիբանանի մայրաքաղաքի կենտրոնական հատվածում։ Այս մասին հայտնում է ՌԻԱ Նովոստին։ «Երկու նպատակաուղղված հարված է հասցվել Ռաս ալ-Նաբա և Նուայրի թաղամասերի շենքերին, որտեղ գտնվում էին «Հեզբոլլահի» բժշկական կենտրոնները»,-նշել է աղբյուրը: Շտապօգնության մեքենաները շտապել են ավիահարվածներից տուժած շենքեր։ Նախնական տվյալներով՝ Բեյրութի կենտրոնում իսրայելական հարվածների զոհ է դարձել 11 մարդ, վիրավորվել՝ 48-ը: Հայտնում է Լիբանանի առողջապահության նախարարությունը։

22:24 - 10 հոկտեմբերի, 2024

«Հեզբոլլահ»-ը մեկ օրում 360 արկ է արձակել Իսրայելի ուղղությամբ․ Իսրայելի ՊԲ |factor.am|

factor.am: Իսրայելի պաշտպանության բանակը հայտնել է, որ լիբանանյան «Հեզբոլլահ» շարժումը հոկտեմբերի 9-ին օրվա ընթացքում 360 արկ է արձակել երկրի ուղղությամբ։ Դրանցից 220-ը հասել է Իսրայել: «Հեզբոլլահ»-ի հարձակումների մասին իսրայելական բանակը հայտնել է Telegram-ում հաղորդագրությամբ։ Նշվում է նաև, թե հոկտեմբերի լույս 10-ի գիշերը Իսրայելի օդուժը հարվածներ է հասցրել Բեյրութում և Լիբանանի հարավում գտնվող մի քանի զենքի պահեստարանների: Իսրայելական կողմի պնդմամբ՝ հարձակումների հետևանքով զոհվել են լիբանանցի հրամանատար Ահմադ Մուսթաֆա ալ-Հաջա Ալին և հրամանատար Մոհամմադ Ալի Համդանը: Երեկ՝ հոկտեմբերի 9-ին, Իսրայելի իշխանությունները հայտնել էին, որ Լիբանանից հարձակումների հետևանքով 2 մարդ է զոհվել, ևս 6-ը՝ վիրավորվել։ Հարվածները գրանցվել են Հայֆա և Կիրյաթ Շմոնա քաղաքներին։ Նույն օրը երեկոյան հայտնի է դարձել նաև Իսրայելի կողմից սիրիական Դամասկոսի Մեցզա շրջանի վրա հարձակման մասին, որտեղ գտնվում են Իրանի դիվանագիտական կառույցները։

15:44 - 10 հոկտեմբերի, 2024

Վերջին շաբաթներին Լիբանանում ավելի քան 1500 մարդ է զոհվել, հայտնում է երկրի ԱՆ-ն |azatutyun.am|

azatutyun.am: Ավելի քան 1500 մարդ է զոհվել, 8 հազարը վիրավորվել սեպտեմբերից «Հեզբոլա»-ի դեմ Լիբանանում իսրայելական հարվածներից, փոխանցում է CNN-ը՝ վկայակոչելով Լիբանանի առողջապահության նախարարության հայտարարությունը։ Ավելի վաղ Լիբանանի կառավարությունը հաղորդել է, որ երկրից շուրջ 1․2 միլիոն մարդ է տեղահանվել՝ նշելով, որ մարդասիրական ճգնաժամն աճում է, Իսրայելի ռազմական գործողություններն էլ ընդլայնվում։ ՄԱԿ-ի տվյալներով՝ Լիբանանի մեկ քառորդն այժմ գտնվում է իսրայելական զինվորականների հրամանատարության տակ։ Իսրայելը հայտարարել է, որ իր նպատակը Լիբանանի սահմանամերձ հատվածներում «Հեզբոլա»-ի ռազմական ենթակառուցվածքները վերացնելն է՝ պնդելով, որ խմբավորումը հենց սահմանամերձ բնակավայրերից է մի ամբողջ տարի գրոհել՝ այդ շրջաններում բնակվող իսրայելցիներին ստիպելով հեռանալ իրենց տներից։

13:52 - 10 հոկտեմբերի, 2024

Իսրայելը հարված է հասցրել սիրիական Հոմս նահանգի արդյունաբերական գոտուն |armenpress.am|

armenpress.am: Իսրայելը հարվածել է Սիրիայի Հոմս նահանգի Հասիե քաղաքի արդյունաբերական գոտուն: Այս մասին հաղորդում է սիրիական SANA գործակալությունը։ «Հինգշաբթի (խմբ.՝ հոկտեմբերի 10-ին) գիշերը մոտավորապես ժամը 1։00-ին հակառակորդ իսրայելը օդային հարձակում է իրականացրել Լիբանանի հյուսիսի ուղղությունից՝ թիրախավորելով Հոմսի Հասիե քաղաքի արդյունաբերական գոտում ավտոմոբիլային գործարանը և Համայում գտնվող ռազմական օբյեկտ», - հաղորդում է գործակալությունը։ Հարձակման հետևանքով պատճառվել է նյութական վնաս, տուժածներ չկան։ Վերջին երկու շաբաթվա ընթացքում Լիբանանում մարտական գործողություններին զուգահեռ Իսրայելը պարբերաբար հարվածներ է հասցնում նաև Սիրիայի տարածքին։ Հոկտեմբերի 8-ի երեկոյան Դամասկոսում բնակելի շենքին հասցված իսրայելական հարվածից զոհվել էր 7 մարդ։ Ըստ լիբանանյան ԶԼՄ-ների՝ Դամասկոսում իսրայելցիների թիրախը եղել է շիա «Հեզբոլլահ» շարժման ներկայացուցիչը։

13:19 - 10 հոկտեմբերի, 2024

Լիբանանում Իսրայելի հարվածների մեկնարկից ի վեր զոհվել է 2 141 մարդ |arm.sputniknews.ru|

arm.sputniknews.ru: Անցյալ տարվա հոկտեմբերից Լիբանանում իսրայելական հարվածների հետևանքով զոհերի թիվը հասել է 2141-ի, վիրավորվել է 10,099 խաղաղ բնակիչ, ասվում է Լիբանանի առողջապահության նախարարության հայտարարության մեջ, փոխանցում է «ՌԻԱ Նովոստի»-ն: «Ագրեսիայի սկզբից ի վեր զոհվածների ընդհանուր թիվը հասել է 2141-ի, վիրավորվել է 10,099 քաղաքացի»,- ասված է հաղորդագրությունում։ Լիբանանի առողջապահության նախարարության տվյալներով՝ վերջին 24 ժամվա ընթացքում զոհվել է 22 մարդ, վիրավորվել՝ 80-ը։

19:55 - 09 հոկտեմբերի, 2024

Սիրիան «բարբարոսական հանցագործություն» է անվանել Իսրայելի հարվածը Դամասկոսին, որը 7 մարդու կյանք է խլել |armenpress.am|

armenpress.am: Սիրիայի արտաքին գործերի նախարարությունն Իսրայելի զինված ուժերի հարվածը Դամասկոսի բնակելի շենքին անվանել է «բարբարոսական հանցագործություն» և կրկին կոչ է արել միջոցներ ձեռնարկել Իսրայելին զսպելու համար։ «Սիրիայի Արաբական Հանրապետությունը վճռականորեն դատապարտում է այս բարբարոսական հանցագործությունը խաղաղ բնակչության դեմ, որն իրենից ներկայացնում է ցեղասպանության շարունակությունը, որ այս անհավատ համակարգի (խմբ.՝ նկատի ունի Իսրայելը) կողմից իրականացվում է պաղեստինցիների և լիբանանցիների նկատմամբ», - ասված է հայտարարության մեջ, որը հրապարակվել է Սիրիայի ԱԳՆ-ի Facebook-ի էջում։ Սիրիայի արտաքին քաղաքական գերատեսչությունը կրկին ընդգծել է հրեական պետությանը զսպելու «հրատապ միջոցների ձեռնարկման անհրաժեշտությունը»՝ նշելով, որ Իսրայելի գործողություններն «աղետալի հետևանքներ» կունենան տարածաշրջանի համար։ Սիրիայի պաշտպանության նախարարությունը հայտնել է, որ հոկտեմբերի 8-ի երեկոյան Իսրայելը 3 հրթիռ է արձակել Դամասկոսի Մեզզա թաղամասի բնակելի շենքերից մեկի վրա, որի հետևանքով զոհվել է 7 մարդ, վիրավորվել՝ 11-ը։ Զոհերի թվում կան կանայք և երեխաներ։ Al Hadath հեռուստաալիքի տեղեկատվության համաձայն՝ գնդակոծության ենթարկված շենքը գտնվում է Սիրիայում Իրանի դեսպանատնից 1 կիլոմետրից պակաս հեռավորության վրա։ Ըստ հեռուստաալիքի՝ իսրայելական հարվածի թիրախը եղել է «Հեզբոլլահ» կազմակերպության կողմնակիցներից մեկը:

11:11 - 09 հոկտեմբերի, 2024

Իսրայելի ռազմաօդային ուժերն ավիահարվածներ են հասցրել Դամասկոսին |tert.am|

tert.am: Իսրայելի ռազմաօդային ուժերն ավիահարվածներ են հասցրել Սիրիայի մայրաքաղաք Դամասկոսին: Այս մասին հայտնում են տեղական լրատվամիջոցները: Նախնական տվյալներով՝ զոհվել է առնվազն 6 մարդ: Ավելի վաղ, Իսրայելի պաշտպանության բանակից հայտնել էին, որ ժամեր առաջ լիբանանյան «Հըզբոլլահ» շարժման կողմից Հայֆա քաղաքի ուղղությամբ 85 հրթիռ է արձակվել. դրանց մեծ մասը հաջողությամբ որսացել է հակաօդային պաշտպանության համակարգը: Իսրայելական ավիացիան, իր հերթին, գրոհել էր Բեյրութի հարավային արվարձանները և հարավային Լիբանանի մի շարք բնակավայրեր: Իսրայելի վարչապետ Բենյամին Նեթանյահուն հայտարարել է, որ իսրայելական ուժերը ոչնչացրել են «Հըզբոլլահի» գլխավոր քարտուղար Նասրուլլայի իրավահաջորդին և «նրա իրավահաջորդին»։

21:55 - 08 հոկտեմբերի, 2024

Իսրայելն ու «Հըզբոլլահը» շարունակում են փոխադարձ հարվածները |1lurer.am|

1lurer.am: Լիբանանի բանակը հայտարարություն է տարածել՝ նշելով, որ երկրի զինված ուժերը գտնվում են Իսրայելի հետ հարավային սահմաններին և պատրաստ են իրենց հնարավորությունների սահմաններում հետ մղել իսրայելական ագրեսիան: Բանակի հրամանատարությունը հույս է հայտնել, որ հրադադարի շուրջ դիվանագիտական ջանքերն արդյունք կտան: Իսրայելի պաշտպանության բանակից էլ հայտնել են, որ ժամեր առաջ լիբանանյան «Հըզբոլլահ» շարժման կողմից Հայֆա քաղաքի ուղղությամբ 85 հրթիռ է արձակվել. դրանց մեծ մասը հաջողությամբ որսացել է հակաօդային պաշտպանության համակարգը: Իսրայելական ավիացիան, իր հերթին, գրոհել է Բեյրութի հարավային արվարձանները և հարավային Լիբանանի մի շարք բնակավայրեր: Իսրայելի վարչապետ Բենյամին Նեթանյահուն հայտարարել է, որ իսրայելական ուժերը ոչնչացրել են «Հըզբոլլահի» գլխավոր քարտուղար Նասրուլլայի իրավահաջորդին և «նրա իրավահաջորդին»։

20:52 - 08 հոկտեմբերի, 2024

«Հեզբոլահ»-ը մեկ օրում 190 արկ է արձակել Իսրայելի ուղղությամբ. իսրայելական բանակն ուժեղացրել է հարձակումները |azatutyun.am|

azatutyun.am: Իսրայելի պաշտպանության բանակը հայտնել է, որ հոկտեմբերի 7-ին ԱՄՆ-ի և մասամբ ԵՄ-ի կողմից ահաբեկչական ճանաչված «Հեզբոլա» խմբավորումը Լիբանանի տարածքից 190 արկ է արձակել Իսրայելի ուղղությամբ։ Իսրայելի պաշտպանության բանակը հայտարարել է, որ կշարունակի ահաբեկչական կազմակերպության դեմ պայքարն՝ ի պաշտպանություն Իսրայելի պետության և նրա բնակիչների։ Reuters-ը, վկայակոչելով իսրայելցի զինվորականներին, նշում է, որ տուժել է առնվազն 12 մարդ։ Հրթիռային նախազգուշացումներ են հայտարարվել Իսրայելի հյուսիսում, այդ թվում՝ Ավիվիմա և Կիրյատ-Շմոնա շրջաններում։ Իրանի աջակցությունը վայելող «Հեզբոլա» խմբավորումը հայտարարել է, որ «Ֆադի-1» հրթիռներով հարվածել է Հայֆայից հարավ գտնվող ռազմաբազային։ Մեկ հարված էլ հասցվել է սահմանից 65 կիլոմետր հեռավորության վրա գտնվող Տիբերիա քաղաքին։ Իսրայելի պաշտպանության բանակն, իր հերիթն, հայտնել է, որ ռազմական ինքնաթիռները հարվածել են Լիբանանի հարավում գտնվող «Հեզբոլա»-ի թիրախներին։ Իսրայելական զինուժը Լիբանանում իր ցամաքային գործողությունները որակում է «սահմանափակ և թիրախային», սակայն, ըստ Reuters-ի, «դրանց մասշտաբներն անցյալ շաբաթվանից անշեղորեն աճում են»: Իսրայելի պաշտպանության բանակը հոկտեմբերի 1-ից ցամաքային գործողություն է իրականացնում ԱՄՆ-ի և ԵՄ-ի կողմից ահաբեկչական ճանաչված «Համաս»-ի դաշնակից «Հեզբոլա» խմբավորման դեմ Լիբանանում: Իսկ Իսրայելի և «Համաս»-ի միջև պատերազմը վերսկսվել է 2023-ի հոկտեմբերի 7-ին։ Հոկտեմբերի 7-ը դարձել է «Համաս»-ի գրոհայինների կողմից Իսրայելի բնակիչների վրա հարձակման զոհերի հիշատակի օր։

11:35 - 08 հոկտեմբերի, 2024

Իսրայելը հայտնել է Բեյրութում «Հեզբոլլահ»-ի շտաբի ղեկավարի սպանության մասին |tert.am|

tert.am: Իսրայելի պաշտպանության բանակը հայտարարել է Բեյրութում շիական «Հեզբոլլահ» շարժման շտաբի հրամանատարներից մեկի սպանության մասին։ Այս մասին գրում է Times of Israel-ը:Ըստ բանակի մամուլի ծառայության՝ իսրայելական օդուժի ճշգրիտ հարվածի հետևանքով սպանվել է «Հեզբոլլահ»-ի շտաբի հրամանատար Սուհայիլ Հուսեյն Հուսեյնին, որը պատասխանատու է եղել Իրանից նյութատեխնիկական ապահովման և զենքի մատակարարումների, ինչպես նաև «Հեզբոլլահ»-ի ստորաբաժանումներին զենքի բաշխման համար։Սեպտեմբերի 23-ին իսրայելական բանակը «Հեզբոլլահ»-ի կազմավորումների դեմ սկսել է «Հյուսիսի նետեր» գործողությունը, որի ընթացքում լայնածավալ ավիահարվածներ է հասցրել լիբանանյան շարժման ռազմական օբյեկտներին։ Սեպտեմբերի 27-ին տեղի ունեցած հարձակումներից մեկի հետևանքով Բեյրութում սպանվել է «Հեզբոլլահ»-ի գլխավոր քարտուղար Շեյխ Հասան Նասրալլահը։ Շարժումը հաստատել է նրա մահը և խոստացել շարունակել ընդդիմանալ Իսրայելին։ Հոկտեմբերի լույս 1-ի գիշերը Իսրայելի ՊԲ-ն հայտարարել է հարավային Լիբանանի սահմանային շրջաններում ցամաքային գործողություն սկսելու մասին։

09:49 - 08 հոկտեմբերի, 2024

Իսրայելի ռազմաօդային ուժերը մեկ ժամում «Հեզբոլլահ»-ի ավելի քան 120 օբյեկտների են հարվածել |armenpress.am|

armenpress.am: Իսրայելական ռազմաօդային ուժերի ինքնաթիռները մեկ ժամվա ընթացքում հարվածներ են հասցրել «Հեզբոլլահ»-ի՝ Լիբանանի հարավում գտնվող ավելի քան 120 օբյեկտների։ «Արմենպրես»-ի հաղորդմամբ՝ այս մասին նշված է Իսրայելի ռազմաօդային ուժերի X-ի միկրոբլոգում տարածած հաղորդագրության մեջ։ Նշվում է, որ հարվածների թիրախում են եղել «Ռադվան» հատուկ նշանակության ջոկատի, հրթիռային ուժերի, հետախուզական վարչության օբյեկտները։ Ըստ հաղորդագրության՝ գործողությունը շարունակությունն է մի շարք հարվածների, որոնց նպատակն է թուլացնել «Հեզբոլլահ»-ի հրամանատարական, վերահսկման և կրակային կարողությունները և օգնել իսրայելական ցամաքային ուժերին՝ հասնելու իրենց օպերատիվ նպատակներին։

22:36 - 07 հոկտեմբերի, 2024

Ահաբեկչություն՝ Իսրայելում, կա զոհ և վիրավորներ |tert.am|

tert.am: Իսրայելի հարավային Բեեր-Շեվա քաղաքի երկաթուղային կայարանում հրազենային հարձակման հետևանքով 1 զոհ կա, 10 մարդ վիրավորվել է, հայտնում է Իսրայելի շտապօգնության ծառայության մամուլի ծառայությունը: «Բժիշկները հաստատել են 25-ամյա կնոջ զոհվելու մասին լուրը։ 10 տուժածին օգնություն է ցուցաբերվում։ Ահաբեկիչը ոչնչացված է»,- ասված է հաղորդագրությունում։ Ոստիկանությունը ևս հաստատել է ահաբեկչին սպանելու փաստը։

17:04 - 06 հոկտեմբերի, 2024

Իսրայելը հարվածել է Գազայի մզկիթին և դպրոցին. առնվազն 24 մարդ է զոհվել |armtimes.com|

armtimes.com: Հոկտեմբերի 6-ի առավոտյան Իսրայելի օդային հարձակման հետևանքով Գազայի կենտրոնում առնվազն 24 մարդ է զոհվել, 93-ը՝ վիրավորվել: Հարձակումը տեղի է ունեցել Դեյր ալ-Բալահ քաղաքի դպրոցի և մզկիթի վրա, որտեղ պատսպարվում են տեղահանված մարդիկ: Իսրայելի պաշտպանության բանակի մամուլի գրասենյակը հայտարարել է, որ հարձակման ենթարկված կենտրոնները ՀԱՄԱՍ-ն օգտագործել է Իսրայելի դեմ ահաբեկչություններ նախապատրաստելու և իրականացնելու համար։Լուսանկարում՝ պաղեստինցի երեխաները նստած են մզկիթի փլատակների վրա, որը ավերվել է իսրայելական հարվածի հետևանքով/ 3 սեպտեմբերի, 2024 թ/ Reuters.

11:15 - 06 հոկտեմբերի, 2024