«Հայաստան» դաշինք

The “Armenia” (Hayastan) alliance was founded in 2021 to participate in the snap parliamentary elections.

The alliance was created by Robert Kocharyan, the "Armenian Revolutionary Federation" and the "Reviving Armenia" parties. The electoral list is headed by Robert Kocharyan.

Ցուցարարները շրջել են բուհերով՝ ուսանողությանը կոչ անելով միանալ իրենց պայքարին |azatutyun.am|

Ցուցարարները շրջել են բուհերով՝ ուսանողությանը կոչ անելով միանալ իրենց պայքարին |azatutyun.am|

azatutyun.am: Ընդդիմությունն արդեն 13-րդ օրն է՝ փողոցում պայքարում է վարչապետ Նիկոլ Փաշինյանին հեռացնելու համար։ Այսօր էլ Երևանի տարբեր հատվածներում շարունակվել են անհնազանդության ակցիաները։ Երիտասարդ ցուցարարները շրջել են բուհերով՝ ուսանողությանը կոչ անելով միանալ իրենց պայքարին: «Ուսանո՛ղ, ոտքի՛», «Պայքա՛ր, պայքա՛ր», «Տեր ենք մեր հայրենիքին», - բացականչում էին նրանք: Ցուցարարների մի մասն էլ փակել էր Աբովյան փողոցի մի հատվածը՝ Բժշկական համալսարանի հարևանությամբ, նրանցից 6-ը բերման է ենթարկվել։ Ճանապարհը բացվել է։ Նույն ընթացքում մայրաքաղաքի տարբեր հատվածներից ավտոերթերով իրազեկման ակցիաներ են իրականացվել։ Արդեն երկրորդ շաբաթն անընդմեջ վարչապետի հրաժարականը պահանջող ընդդիմությունը դեռ չի բացում փակագծերը՝ իշխանափոխության հասնելու դեպքում ո՞վ է լինելու իրենց վարչապետի թեկնածուն, ի՞նչ հստակ ծրագրեր ունեն։ Միայն մեկ բան է հստակ՝ խոստանում են ժամանակավոր կառավարություն ձևավորել, որը կղեկավարի 1-1,5 տարի, դրանում նախատեսում են փորձառու մասնագետների ընդգրկել, առանց անուններ նշելու։ Անցումային կառավարությունից հետո նոր, ըստ ընդդիմության, իրենք խորհրդարանական ընտրություններ են անցկացնելու։
15:25 - 13 մայիսի, 2022
Բազմաթիվ սպաներ, ոստիկաններ հրաժարվում են ուժ կիրառել ժողովրդի նկատմամբ և դիմում են գրում ու դուրս գալիս համակարգից․ Սաղաթելյան
 |tert.am|

Բազմաթիվ սպաներ, ոստիկաններ հրաժարվում են ուժ կիրառել ժողովրդի նկատմամբ և դիմում են գրում ու դուրս գալիս համակարգից․ Սաղաթելյան |tert.am|

tert.am: Այսօր երեկոյան նույնպես Ֆրանսիայի հրապարակում տեղի ունեցավ «Դիմադրություն» շարժման հանրահավաքը։ «Այսօր մայիսի 12-ն է։ 1994 թ․-ի այս օրը մեր փառապանծ բանակը զինադադար է պարտադրել Ադրբեջանին։ Մեր ժողովրդի կազմակերպվածության և կամքի շնորհիվ, 94թ․-ին կարողացանք պարտադրել թշնամուն՝ կնքել զինադադար»,- Ֆրանսիայի հրապարակում ընթացող հանրահավաքի ժամանակ հայտարարեց Իշխան Սաղաթելյանը։ Նա հիշեցրեց, որ անցած տարի մայիսի 12-ին Ադրբեջանական զորքերը մտան Սյունիքի մարզ ՝ գրավելով Սև լճի տարածքը։ «Նիկոլը պատերազմի ու պարտության խորհրդանիշ է։ Ի դեմս նրա, մեր երկրին չեն հարգում ո՛չ մեր թշնամիները, ո՛չ էլ մեր բարեկամ երկրները։ Վստահությունը կորցրել է ռազմավարական դաշնակից Ռուսաստանի նկատմամբ, բարեկամ երկիր Իրանի և բազմաթիվ եվրոպական երկրների նկատմամբ։ Այս մարդը ձախողել է բոլոր ուղղություններով։ Նիկոլը շարունակում է մնալ Ադրբեջանի և Թուրքիայի սրտի վարչապետը, որովհետև ինքը ձեռնտու է այդ երկու պետություններին»,- ասաց Սաղաթելյանը։  Հանրահավաքի ավարտին Իշխան Սաղաթելյանը նշեց․ «Մեր դիմադրության շնորհիվ այսօր պրոցեսներ են տեղի ունենում նաև ոստիկանությունում։ Բազմաթիվ արժանապատիվ սպաներ, ոստիկաններ հրաժարվում են ուժ կիրառել ժողովրդի նկատմամբ, կատարել այս խելագարի հրահանգները և դիմում են գրում ու դուրս գալիս համակարգից»,-տեղեկացրեց Իշխան Սաղաթելյանը։ «Հիասթափվել, հոգնել, հետ քայլ չկա։ Վաղը կրկին կշարունակվեն անհնազանդության ակցիաները, 16։00-ին հավաքվում ենք Ֆրանսիայի հրապարակում՝ հերթական կարևոր գործն անելու»,- հայտարարեց Իշխան Սաղաթելյանը։  
21:00 - 12 մայիսի, 2022
Անուններ չեմ հնչեցնելու, բայց այստեղ մարդիկ կան, որոնք անընդունելի են ինձ համար․Արթուր Վանեցյան |tert.am|

Անուններ չեմ հնչեցնելու, բայց այստեղ մարդիկ կան, որոնք անընդունելի են ինձ համար․Արթուր Վանեցյան |tert.am|

tert.am: ԱԺ «Պատիվ ունեմ» խմբակցության առաջնորդ Արթուր Վանեցյանը «Armlur» լրատվական կայքին տված հարցազրույցի ժամանակ նշել է, որ Ֆրասիայի հրապարակում մարդկանց է տեսնում, որոնք իր համար անընդունելի են: «Այս հրապարակում կան մարդիկ, որոնք ինձ համար անընդունելի են, ես իրենց՝ այստեղ գտնվելը համարում եմ հարված շարժմանը, անուններ չեմ հնչեցնելու։ Բայց չենք կարող ասել՝ գիտեք, դուք գնացեք այստեղից։ Եթե սա լիներ «Պատիվ ունեմ» խմբակցության, «Հայաստան» խմբակցության միջոցառումը, կասեինք՝ գնացեք այստեղից, բայց սա համազգային շարժում է։ Այստեղ կան մարդիկ, որոնք խոսում են ընդդիմադիր դիրքերից և նույնականացվում են մեզ հետ, բայց մենք համաձայն չենք իրենց հետ։ Մենք որոշ չափով պատասխանատու ենք միայն հարթակից ելույթ ունեցող մարդկանց համար»,- ասաց Վանեցյանը։
16:42 - 12 մայիսի, 2022
Դատախազությունը կոչ է անում զերծ մնալ մարդկանց հավաքներին մասնակցելուն հարկադրելու, այդ նպատակով նյութապես շահագրգռելու դրսևորումներից

Դատախազությունը կոչ է անում զերծ մնալ մարդկանց հավաքներին մասնակցելուն հարկադրելու, այդ նպատակով նյութապես շահագրգռելու դրսևորումներից

Գլխավոր դատախազությունը հայտնում է, որ քրեական հետապնդման մարմիններում նախաձեռնված քրեական համապատասխան վարույթների նյութերի ուսումնասիրությունը վկայում է, որ արձանագրվել են Երևան քաղաքում վերջին օրերին տեղի ունեցող հավաքներին, երթերին, դրանց շրջանակներում կազմակերպվող բողոքի, անհնազանդության գործողություններին մասնակցելու համար ինչպես մայրաքաղաքում, այնպես էլ առանձին մարզերում  բնակվող քաղաքացիներին առերևույթ հարկադրելու կամ նյութապես շահագրգռելու մի քանի դեպքեր: «Դրանցից 3-ով արդեն իսկ հարուցվել է քրեական գործ, որոնցից մեկով երկու անձ ներգրավվել է որպես մեղարդյալ և նրանց նկատմամբ որպես խափանման միջոց է ընտրվել կալանավորումը: Իսկ մեկ դեպքի առթիվ նախապատրաստվում են նյութեր: Մասնավորապես՝ 2022թ. մայիսի 5-ին համացանցում տարածվել է երկու անձի հեռախոսային խոսակցության ձայնագրություն, որը վերաբերել է հավաքներին մասնակցելու համար գումար ստանալու հանգամանքներին: Նախապատրաստված նյութերով դեպքի առթիվ ՀՀ ՔԿ Արմավիրի մարզային քննչական վարչությունում ՀՀ քրեական օրենսգրքի 163-րդ հոդվածի 3-րդ մասի 2-րդ կետի հատկանիշներով հարուցվել է քրեական գործ: Դրա շրջանակներում իրականացված միջոցառումների արդյունքում պարզվել է նշված 2 անձանց ինքնությունը, տվյալներ են ստացվել Երևանում իրականացվող հավաքներին մասնակցելու նպատակով Արմավիրի մարզի հիշյալ բնակիչներից մեկին նյութապես շահագրգռելու, վերջինս կողմից իր հերթին այլ անձանց  նյութապես շահագրգռելու վերաբերյալ: Ապացույցների համակցությամբ Արմավիրի մարզի՝ արդեն իսկ ձերբակալված վերոհիշյալ երկու բնակիչներին մեղադրանք է առաջադրվել ՀՀ քրեական օրենսգրքի 163-րդ հոդվածի 3-րդ մասի 2-րդ կետով, նրանց նկատմամբ, որպես խափանման միջոց, կիրառվել է կալանավորումը: Համացանցում հրապարակվել է այլ ձայնագրության վերաբերյալ մեկ այլ տեսանյութ՝ «1000 դրամ յուրաքանչյուր ուսանողի համար, Ագրարային համալսարանի դատասխոս Էմմա Սարգսյանը դրդում է ուսխորհրդի նախագահ Թոռնիկ Ալիյանին գումարի դիմաց կազմակերպել, որպեսզի ուսանողները մասնակցեն ընդդիմության հավաքներին՝ յուրաքանչյուր ուսանողի դիմաց առաջարկելով 1000 դրամ» վերտառությամբ: Ոստիկանությունում նյութերի նախապատրաստման շրջանակներում ձայնագրության ուսումնասիրությամբ պարզվել է, որ չորս անձանց մասնակցությամբ տեղի ունեցող խոսակցության ընթացքում նրանցից երեքը Ագրարային համալսարանի ուսանողական խորհրդի նախագահ Թոռնիկ անունով ներկայացած անձին առաջարկում են ՀՀ-ում տեղի ունեցող ցույցերին 2000 ուսանողի մասնակցելու և որոշակի գործողություններ՝ անհնազանդության ակցիաներ կատարելու դիմաց տրամադրել 2.000.000 ՀՀ դրամ գումար: Դեպքեի առթիվ 2022թ. մայիսի 10-ին ՀՀ ՔԿ Երևան քաղաքի քննչական վարչությունում ՀՀ քրեական օրենսգրքի 163-րդ հոդվածի 3-րդ մասի 2-րդ կետով հարուցվել է քրեական գործ: Քրեադատավարական ողջ գործիքակազմի կիրառմամբ սեղմ ժամկետներում դեպքի ամբողջական հանգամանքները պարզելու նպատակով հսկող դատախազի կողմից վարույթն իրականացնող մարմնին տրվել է կոնկրետ գործողություններ կատարելու ցուցում, նախաքննությունը շարունակվում է: Մեկ այլ դեպքում, Երևան քաղաքի դատախազության հանձնարարությամբ ՀՀ ՔԿ Երևան քաղաքի քննչական վարչությունում նյութեր են նախապատրաստվել ԶԼՄ հրապարակման կապակցությամբ, ըստ որի՝ 2022թ. մայիսի 4-ին վարորդներին ստիպել են բեռնատար, բետոնախառնիչ ավտոմեքենաներով փակել Երևան քաղաքի «Կիևյան» և «Դավթաշեն» կամուրջները: Նյութերի նախապատրաստման ընթացքում պարզվել է, որ 4 անձինք իրենց կողմից վարվող «Էյ ԴԻ Էյ Թեք» ՍՊԸ-ին պատկանող տարբեր մակնիշների բեռնատար,  բետոնախառնիչ ավտոմեքենաներով փակել են Երևան քաղաքի Կիևյան և Դավթաշեն կամուրջների երթևեկելի մասերը, ինչի հետևանքով խաթարվել է նշված հատվածների բնականոն երթևեկությունը: Դեպքի առթիվ 2022թ. մայիսի 5-ին ՀՀ ՔԿ Երևան քաղաքի քննչական վարչությունում ՀՀ քրեական օրենսգրքի 163-րդ հոդվածի 3-րդ մասի 2-րդ կետի հատկանիշներով հարուցվել է քրեական գործ: Ձեռնարկված օպերատիվ հետախուզական միջոցառումների արդյունքում ստացվել են տվյալներ «Էյ Դի Էյ Թեք» ՍՊԸ-ի վարորդներին 2022թ. մայիսի 4-ին Երևանի տարբեր հասցեներում անհնազանդության ակցիաներ իրականացնելու և երթևեկությունը արգելափակելու հանձնարարություն տրվելու վերաբերյալ: Կատարվածի  ամբողջական հանգամանքները պարզելու ուղղությամբ նախաքննությունը շարունակվում է: Բացի նշվածները, 2022թ. մայիսի 4-ին Ոստիկանության Կենտրոնական բաժնում օպերատիվ տեղեկություններ են ստացվել այն մասին, որ  դեռևս ինքնությունը չպարզված անձը հարկադրել է երկու քաղաքացիների մասնակցել նույն օրը Երևան քաղաքում անցկացվող հավաքներին, նյութապես շահագրգռել նրանց, ինչի արդյունքում վերջիններս «Մերսեդես» մակնիշի երկու բեռնատար ավտոմեքենաներով փակել են Երևան քաղաքի «Հաղթանակ» կամուրջի երթևեկելի ուղղությունները: Նշված դեպքի առթիվ Ոստիկանությունում նախապատրաստվում են նյութեր: Ելնելով վերոգրյալից՝ ՀՀ գլխավոր դատախազությունը հարկ է համարում հիշեցնել, որ հավաքներին, երթերին, դրանց ընթացքում կատարվող գործողություններին մասնակցելու նպատակով անձանց հարկադրելու կամ նյութապես շահագրգռելու դրսևորումները քրեական օրենքով արգելված արարքներ են, որի համար, որպես պատիժ, նախատեսված է ընդհուպ ազատազրկում մինչև 5 տարի ժամկետով: Հորդորում ենք զերծ մնալ նման արարքներ կատարելու փորձերից, ՀՀ դատախազության կողմից հստակ հետևողականություն է դրսևորվում և դրսևորվելու  յուրաքանչյուր նման դեպքի, փորձի արձանագրման պարագայում դրանցում ներգրավված անձանց գործողություններին համարժեք իրավական գնահատական տալու, բավարար հիմքերի պայմաններում նրանց քրեական պատասխանատվության ենթարկելու հարցում: Միաժամանակ քաղաքացիներին կոչ ենք անում նման հանցավոր ոտնձգությունների առերեսվելու կամ այդպիսի երևույթների վերաբերյալ կոնկրետ տվյալներ ունենալու պարագայում դրանք տրամադրել իրավապահ մարմիններին»,- նշվում է հաղորդագրության մեջ։ Հիշեցնենք՝ Infocom-ն ավելի վաղ անդրադարձել է Ագրարային համալսարանի ուսանողական խորհրդի նախագահի մասնակցության խոսակցության ձայնագրությանը։
16:30 - 12 մայիսի, 2022
«ԵՄ պատվիրակությունը գո՞հ է այս ամենից». բռնություն կիրառած ոստիկանների լուսանկարներով ակցիա՝ ԵՄ գրասենյակի դիմաց |news.am|

«ԵՄ պատվիրակությունը գո՞հ է այս ամենից». բռնություն կիրառած ոստիկանների լուսանկարներով ակցիա՝ ԵՄ գրասենյակի դիմաց |news.am|

news.am: «Դիմադրության» շարժման մի խումբ ներկայացուցիչներ Հայաստանում ԵՄ պատվիրակության գրասենյակի դիմաց ակցի են իրականացրել՝ ցուցարարների նկատմամբ բռնություն կիրառած ոստիկանների լուսանկարներով: Ակցիայի մասնակիցներից Լիլիթ Բեգլարյանը նշեց. «Մենք ուզում ենք հասկանալ, թե արդյոք ԵՄ պատվիրակությունը գոհ է այս օրերին ոստիկանական ուժի կիրառումից, արդյոք համաչափ են համարում այդ ուժի կիրառումը եւ արդյոք հոգ են այն գումարներից, որոնք ծախսվել են ՀՀ-ում բազմաթիվ բարեփոխումների վրա՝ ներառյալ ոստիկանության ոլորտի բարեփոխումների: Մենք  բերել ենք լուսանկարները, որոնք ցույց են տալի այն ոստիկաններին, որոնք կիրառել են այդ ուժը, որոնք ծեծով, ջարդով, անբացատրելի բիրտ ուժ են կիրառել խաղաղ ակցիա իրականացնող քաղաքացիների նկատմամբ: Ես վստահ եմ, որ տիկին դեսպանը տեսել է այդ լուսանկարները, բայց մենք եւս մեկ անգամ  բերել ենք, որ իրեն հիշեցնենք, թե ինչ է կատարվում այստեղ: Մենք ուզում ենք հասկանալ՝ ինքը այս ամենի վերաբերյալ ասելիք ունի, թե ոչ: մենք կուզենայինք, որ ինքը խոսեր:
16:05 - 12 մայիսի, 2022
Ավտոերթի մասնակից 15 ցուցարար բերման է ենթարկվել, 2 մեքենա՝ տարվել տուգանային հրապարակ

Ավտոերթի մասնակից 15 ցուցարար բերման է ենթարկվել, 2 մեքենա՝ տարվել տուգանային հրապարակ

Այսօր՝ ժամը 12։00-ից  «Դիմադրություն» շարժումը մայրաքաղաքում տարբեր ուղղություններով ավտոերթեր է անցկացրել։ Ավտոերթ իրականացնող խմբերից մեկին ոստիկանական ուժերը թույլ չտվեցին Աբովյան փողոցով մտնել Հանրապետության հրապարակ։  Ոստիկաններից մեկը քաղաքացիներին հորդորեց ավտոերթը շարունակել Արամի փողոցով։ Քաղաքացիներն էլ պատասխանեցին, որ եթե մի քանի րոպեում ոստիկանները չբացեն ճանապարհը, ապա իրենք մեքենաները կթողնեն իրենց տեղերում և ոտքով կգնան Ֆրանսիայի հրապարակ։ Ոստիկանները սկսեցին բերման ենթարկել քաղաքացիներին, նրանք ավտոքարշակի միջոցով փորձում են հեռացնել մեքենաները և բացել ճանապարհը։ Ավելի ուշ ընդդիմադիրները հավաքվեցին Ֆրանսիայի հրապարակում՝ հանրահավաքի, ապա քաղաքացիների հետ սկսեցին երթ իրականացնել Սայաթ-Նովա փողոցով։ Իշխան Սաղաթելյանը հայտարարեց՝ երթի ընթացքում անհնազանդութայն ակցիաները շարունակվելու են։ Ընդդիմադիրների երթը հասավ Երևանի քաղաքապետարանի մոտ։ Իշխան Սաղաթելյանը հայտարարեց, որ շրջափակում են քաղաքապետարանի ելքերը, բայց ներս չեն մտնելու։  Factor.am-ի հետ զրույցում ոստիկանության Հասարակայնության հետ կապի և լրատվության վարչության պետի տեղակալ Էդգար Ջանոյանը տեղեկացրել է, որ ժամը 16:30-ի դրությամբ անհնազանդության ակցիաների ընթացքում բերման է ենթարկվել 15 ցուցարար, 2 մեքենա տեղափոխվել է տուգանային հրապարակ։ 
18:02 - 11 մայիսի, 2022
Սաղաթելյանը հայտարարություն հղեց Հայաստանում հավատարմագրված դեսպանություններին և միջազգային կազմակերպությունների ներկայացուցիչներին |tert.am|

Սաղաթելյանը հայտարարություն հղեց Հայաստանում հավատարմագրված դեսպանություններին և միջազգային կազմակերպությունների ներկայացուցիչներին |tert.am|

tert.am: Վաղը՝ ժամը 12-ին, կլինի ավտոերթ, զուգահեռ տեղի կունենան անհնազանդության ակցիաներ, իսկ ժամը 16-ին կհավաքվենք Ֆրանսիայի հրապարակում։ Այսօրվա հանրահավաքի ավարտին հայտարարել է Իշխան Սաղաթելյանը՝ ներկայացնելով վաղվա իրենց գործողությունների ծրագիրը։ Սաղաթելյանը հայտարարություն հղեց Հայաստանում հավատարմագրված դեսպանություններին և միջազգային կազմակերպությունների ներկայացուցիչներին․ «ՀՀ-ում հավատարմագրված դիվանագիտական կորպուսի հարգելի ներկայացուցիչներ․ Վարչապետի աթոռն զբաղեցնող անձն այլևս չի կարող ներկայացնել հայ ժողովուրդը և Հայաստանի Հանրապետությունը։ Հայաստանում ստեղծված է քաղաքական ճգնաժամ, և տեղի ունեցող զարգացումները ձևավորել են Նիկոլ Փաշինյանի հրաժարականի և հեռացման համաժողովրդական միանշանակ պահանջ։ Այս պահանջը հիմնավորված է և թելադրված Հայաստանի անվտանգության ապահովման, տնտեսական զարգացման, ժողովրդավարական արժեքների, ազգային ինքնության պահպանման հույժ կարևոր օրակարգերն ամբողջությամբ այդ մարդու կողմից ձախողելու պատճառով։ Խնդրում ենք վերոշարադրյալի մասին հայտնել Ձեր մայրաքաղաքներ, կենտրոնական գրասենյակներ, ինչպես նաև հաշվի առնել Ձեր առօրյա աշխատանքում։ Նիկոլ Փաշինյանը այլևս չի՛ կարող ներկայացնել հայ ժողովրդին և Հայաստանի Հանրապետությունը»։
22:18 - 10 մայիսի, 2022
Մեզ համար դատապարտելի է ցանկացած բռնության երևույթ. մեր պայքարը խաղաղ է. Իշխան Սաղաթելյան
 |news.am|

Մեզ համար դատապարտելի է ցանկացած բռնության երևույթ. մեր պայքարը խաղաղ է. Իշխան Սաղաթելյան |news.am|

news.am: Ակնհայտ է՝ իշխանությունները ուղարկում են սադրիչների, հետո էլ սկսում են ձերբակալությունները: Այս մասին, այսօր՝ մայիսի 10-ին, «Դիմադրության» շարժման երթի մեկնարկին լրագրողների հետ զրույցում նշեց ԱԺ փոխխոսնակ Իշխան Սաղաթելյանը՝ անդրադառնալով Գյումրիում տեղի ունեցած իրադարձություններին: «Ցավն այն է, որ իրենք, օգտվելով մարդկանց սոցիալական իրավիճակից, ուղարկում են մարդկանց ու ստեղծում են տպավորություն՝ երիտասարդները տարեցների են նեղացնում, բայց այդ տարեց մարդիկ հարվածել են մեքենաների, այս մարդկանց գրպաններում եղել է ձվեր, մարդկանց են հայհոյել և այլն: Մեզ համար դատապարտելի է ցանկացած բռնության երևույթ.մեր պայքարը խաղաղ է, մեր պայքարը վճռական է, մեր պայքարը այլ չէ: Այս ամենը իշխանության ձեռագիրն է.իր լրատվամիջոցներով նկարում է՝ փորձելով վարկաբեկել շարժման մասնակիցնեին»,-եզրափակեց Իշխան Սաղաթելյանը:
14:20 - 10 մայիսի, 2022
Իշխանությունները որոշել էին որպես սադրիչ ներգրավել տարեց մարդկանց. Արամ Վարդևանյան

Իշխանությունները որոշել էին որպես սադրիչ ներգրավել տարեց մարդկանց. Արամ Վարդևանյան

ՀՀ ԱԺ «Հայաստան» խմբակցության պատգամավոր Արամ Վարդևանյանը ֆեյսբուքյան իր էջում գրում է․ «Սիրելի ընկերներ, Խոսվում է Գյումրիում տեղի ունեցած միջադեպի մասին: Փորձեմ դրա իրավական և բարոյական կողմին անդրադարձ կատարեմ. Օրվա իշխանությունները որոշել էին որպես հենց սադրիչ ներգրավել մի քանի տարեց մարդկանց, մեր ծնողի կամ պապիկների հասակի մարդկանց: Իրավիճակը ճիշտ հասկանալու համար մի քանի առանցքային փաստական տվյալ եմ նշում. Ավագ սերնդի մեր հայրենակիցները հրապարակ էին եկել հավկիթներով: Դրանցով հարվածել են տղաների մեքենային ու ամենատգեղ, անբացատրելի հայհոյանքներ էին տվել:Հազարավոր մարդկանց մասնակցությամբ հանրահավաքին, միայն այս չորս հայրենակիցը նման վարքագծի նախապես կազմակերպված դիտավորությամբ ու վարքագծով էին: Տղաները, երբ մոտեցել են, այդ անբացատրելի հայհոյանքներով վարքագիծն ավելի ինտենսիվ է դարձել: Քրեական իրավունքում գործողության պրովոկացիա հասկացություն կա, սա հենց այդ դեպքն է: Հարց է չէ առաջանում ինչը պետք է դրդեր ավագ սերնդի մեր անկախ քաղաքական հայացքներից սիրելի հայրենակիցներին պատերազմի մասնակից, բարձրագույն կրթությամբ, հայրենասեր տղերքի, ովքեր շատ ակտիվ են Դիմադրության շարժման մեջ, նման հայհոյանքներ տալ, նախապես պատրաստված հավկիթներով հարվածելով` բացառապես սադրանքը, քրեական գործերի հարուցման հիմքեր ստեղծելն ու առհասարակ նորից սևերի ու սպիտակների բաժանումը:Միանշանակ է նաև, որ բռնությունը երբեք ընդունելի չէ, անընդունելի է, անկախ նրանից դիմացինդ Հայ տարեց թե երիտասարդ է, կամ այլ հատկանիշներ: Օրինակ, երբ ՊՊԾ աշխատողները Նիկոլ Փաշինյանի ներկայությամբ ԱԺ-ում երիտասարդ կին պատգամավորի մարմնական վնասվածք էին հասցնում, ինքը խրախուսեց այդ վարքագիծը, ինքը խրախուսեց հղի կնոջ վրաերթի ու դեպքի վայրը լքելու վարքագիծը: Չի կարող լինել նման պառակտող քաղաքականություն: Չեմ կարող չնշել, որ ոստիկանության բավարար ուժերի առկայության դեպքում մեր ավագ սերնդի ներկայացուցիչներն այդպիսի վարքագծի դեպքում (միայն հավկիթ բերելը բավարար է) բերման էին ենթարկվելու, իսկ հայհոյանքների դեպքում իրենց նկատմամբ ուժ էլ կկիրառվեր, այսինքն այս ցավալի դեպքը չէր լինի, բայց ոստիկանական ուժերը Երևանում են..: Հիշենք քանի դեպք է եղել իշխանական թիմի խուլիգանական վարքագծի, որոնց համար նույնիսկ բերման չեն ենթարկվել: Երկակի ստանդարտներ չեն լինելու: Մենք ունենալու ենք ազգային համերաշխություն և վերջ»:   Գլխավոր նկարը՝ ԱԺ-ի
11:33 - 10 մայիսի, 2022
Հասարակության կողմից անընդունելի, նախկինում անպատշաճ վարքագիծ դրսևորած որևէ մեկը ապագա կառավարությունում որևէ դերակատարություն չի ունենալու․ Սաղաթելյան

Հասարակության կողմից անընդունելի, նախկինում անպատշաճ վարքագիծ դրսևորած որևէ մեկը ապագա կառավարությունում որևէ դերակատարություն չի ունենալու․ Սաղաթելյան

Այս օրերին շատ է խոսվում, թե ինչ է լինելու Նիկոլից հետո, ինչ ենք անելու, նոր կառավարությունը ինչպես է երկիրը դուրս բերելու այս իրավիճակից։ Ես այսօր փորձելու եմ ներկայացնել մի քանի կարևոր քայլեր, գործողություններ, սկզբունքներ, որը պետք է իրականացվի այս չարիքի կառավարության հեռացումից հետո։ Այս մասին Ֆրանսիայի հրապարակում հրավիրված հանրահավաքին հայտարարեց «Հայաստան» խմբակցության պատգամավոր, ԱԺ փոխխոսնակ Իշխան Սաղաթելյանը։ «Արցախը, Հայաստանի անկախությունը վտանգված են։ Ապազգային, ապիկար իշխանության պատճառով։ Այս վիճակը պարտավոր ենք շտկել։ Հնարավո՞ր է արդյոք։ Իհարկե, այո։ Ինչպե՞ս։ Ելքը անվտանգության, համերաշխություն, առաջընթաց շղթայով ուժեղ Հայաստանի կերտումն է։ Ուժեղ Հայաստան կերտելու համար նախ պետք է հեռացնենք սրանց և ձևավորվի իշխանություն, որը կապահովի թուրքաադրբեջանական արտաքին ագրեսիայի զսպումը՝ արդիականացնելով Հայաստանի ու Արցախի միասնական անվտանգության համակարգը, այն պետք է հիմնված լինի ռազմավարական գործընկեր երկրների ներգրավմամբ, հայոց զինված ուժերի վերակառուցմամբ, նոր որակի միջազգային դիվանագիտության հիման վրա»,- ասաց Սաղաթելյանը։ Իշխան Սաղաթելյանի խոսքով՝ այդ իշխանությունը պետք է վերահաստատի Արցախի ժողովրդի անվտանգության և ինքնորոշման իրավունքի երաշխավոր լինելու ՀՀ հանձնառությունը՝ բացառելով Արցախի որևէ կարգավիճակ Ադրբեջանի կազմում։  «Նոր իշխանությունը կբացառի Հայաստանի ինքնիշխանության և տարածքային ամբողջականության հաշվին հաղորդակցության ուղիների ապաշրջաափակման անվան տակ միջանցքի տրամադրում թշնամի երկրին։ Ադրբեջանի կողմից ուժի կիրառման և ուժի կիրառման սպառնալիքի ներքո չի իրականացնի սահմանագծում և սահմանազատում։ Հայաստան-Թուրքիա հարաբերություններում կաբացառի որևէ համաձայնություն, որը հարցականի տակ կդնի հայ ժողովրդի հայրենազրկման և ցեղասպանության իրողությունը, ինչպես նաև հայության հոգևոր մշակութային ժառանգության կրող լինելու իրավունքը։  Առաջնահերթ կարևորություն ենք տալու պարենային անվտանգությանը և պետական պահուստի խնդիրներին։ Կարևորագույն խնդիր է դիտարկվելու հայ ռազմագերիների, պատանդառվածների ու պահվող այլ անձանց վերադարձը։ Նոր կառավարությունը պետք է վարի պրոֆեսիոնալիզմի և հստակ չափորոշիչներով կադրային քաղաքականություն՝ ապահովելով կառավարման համակարգի ճգնաժամի հաղթահարումը, պետության կառավարումից իսպառ բացառվելու է պոպուլիզմը, սուտը, կեղծիքը և անբանությունը։ Անկեղծ և պատասխանատու կերպով հայտարարում եմ․ հասարակության կողմից անընդունելի, նախկինում անպատշաճ վարքագիծ դրսևորած որևէ մեկը ապագա կառավարությունում որևէ դերակատարություն չի ունենալու, որևէ արտոնյալ կարգավիճակի չի ունենալու։ Վերականգնվելու են գյուղատնտեսության և մշակությի նախարարությունները, վերակառուցվելու է պետական իրավապահ համակարգը, դրանք ամբողջությամբ ծառայեցնելով ՀՀ քաղաքացուն։ Քաղաքում և գյուղերում բնակվող մարդու բարեկեցությունը լինելու է վարվող ոլորտային քաղաքականության պաշտոնատար անձի գործունեության գնահատման չափանիշը։ Տնտեսական աճը ուղղակիորեն պետք է արտացոլվի մարդկանց կենսամակարդակի վրա՝ ապահովելով եկամուտների կայուն աճ։ Մարդկանց վարկային և պարտքային բեռը չպետք է զրկի նրանց արժանապատիվ ապրելու հնարավորությունից։ Վերականգնելու ենք ներքին համերաշխությունը, հասնելու ենք համահայկական ներուժի մեկտեղման՝ վերացնելով խորացվող ատելությունը, պառակտվածությունը  և անտարբերությունը։ Բացառվելու է մեր կյանքում անցյալի և ներկայի արատավոր բարքերը։ Նոր կառավարությունը պետք է նաև Սփյուռքի, Հայ Առաքելական սուրբ եկեղեցու, ազգային մյուս կառույցների անմիջական ներգրավմամբ ձևավորի ներքին և արտաքին մարտահրավերները դիմագրավելու համահայակական հստակ օրակարգեր, այսպիսի իշխանություն ձևավորելու համար անհրաժեշտ էազգային համաձայնության ժամանակավոր կառավարություն։ Դերակատար բոլոր քաղաքական ուժերը պետք է ձևավորեն յուրահատուկ ազգային հավաքական, կարող մարդկանցից անհատներից, ովքեր կստանձնեն հավաքական պատասխանատվություն՝ երկիրը այս իրավիճակից դուրս բերելու համար։ Սրանց հեռացնելուց հետո մենք հրապարակելու ենք շուրջ 250 քաղաքացիների, պրոֆեսիոնալ անհատների անուններ, ովքեր ունեն համապատասխան գիտելիքներ, փորձառություն, հայրենասեր են, ունեն կամք, վճռականություն և պատրաստակամ են երկիրը այս իրավիճակից դուրս բերելու։ Այդ մարդիկ ձեր շուրջ են, ձեր մեջ են, այս հարթակում են, ովքեր 4 տարի պայքարել են այս ապազգային իշխանության դեմ։ Պետք է ձևավորել ԶՈՒ  բարձրագույն հրամանատարական կազմ, ուժեղացնել դիվանագիտական կորպուսը, համակարգ վերադարձնելով պրոֆեսիոնալ կադրերին՝ նվազագույնի հասցնել քաղաքական նշանակումները։ Ժամանակավոր կառավարությունը անմիջապես կձևավորի քաղաքական և մասնագիտական իմաստով բարձրակարգ բանակցային խումբ, որը ոչ թե վախի, պարտվողականության, թրքամետության դիրքերից, այլ բացառապես մեր ազգային- պետական շահերից ելնելով կբանակցի Ադրբեջանի, հարկ եղած դեպքում նաև Թուրքիայի հետ, բայց երբեք նշաձողը իջեցնելու ուղղությամբ չի շարժվի։ Հետևողական քայլերով մենք կվերացնենք  ատելության մթնոլորտը երկրում, մարդիկ այլևս չեն հետապնդվի իրենց քաղաքական հայացքների համար, իսկ օրենքը հավասար է լինելու բոլորի համար՝ անկախ իրենց կարգավիճակից։  ՀՀ-ն կրկին դառնալու է ներդրումների համար գրավիչ երկիր, իսկ Երևանը կրկին դառնալու է համայն հայության սիրելի մայրաքաղաքը։ Ենթադրվում է, որ ժամանակավոր կառավարության գործունեությունը կլինի 1-1.5 տարի, հետո այդ կառավարությունը պետք է կազմակերպի ազատ, արդար, մրցակցային ընտրություններ և այդ ժամանակ մեր քաղաքացիները անմիջական քվեարկությամբ կձևավորեն երկարաժամկետ կառավարություն»,- հայտարարեց Սաղաթելյանը։
19:11 - 09 մայիսի, 2022
Սերժ Սարգսյանի օրոք բանակցային գործընթացը չի տապալվել, եղել են տարբեր փաստաթղթեր. Սեյրան Օհանյան
 |news.am|

Սերժ Սարգսյանի օրոք բանակցային գործընթացը չի տապալվել, եղել են տարբեր փաստաթղթեր. Սեյրան Օհանյան |news.am|

news.am: Սեյրան Օհանյանը համաձայն չէ տեսակետին, որ ընդդիմության կազմակերպած ակցիաներին մասնակցող մարդկանց թիվը չի ավելանում: «Մենք Երեւանում եւ մարզերում մեկ շաբաթ է, որ իրականացնում ենք տարբեր ակցիաներ, եւ դուք նկատել եք, որ բավականին լուրջ քանակություն է հավաքվում», - «Հաղթանակ» զբոսայգում այսօր՝ մայիսի 9-ին, լրագրողների հետ զրույցում նշեց ԱԺ «Հայաստան» խմբակցության ղեկավար Սեյրան Օհանյանը: «Մենք  ամեն օր այդ միջոցառումներից հետո նստում, վերլուծում ենք, արդյունքներն ամփոփում ենք, նշում ենք դրական, նաեւ այն բացթողումները, որոնք կան: Կարծում եմ՝ այս թափանիվը շարժվում է առաջ, մեր համակիրների թիվն ավելի է մեծանում: Սա մեկ անձի շարժում չէ, նախկին իշխանությունները, նախկին նախագահներն ամեն ինչ արել են, որ մենք արժեքներ ձեռք բերենք: Մենք ձեռք ենք բերել անկախություն, ձեռք ենք բերել ինքնիշխանություն, այդ տարիներին կանոնավոր բանակ է ձեւավորվել, հաղթել ենք Արցախում, Արցախն ու Հայաստանը եղել են մեկ կուռ անվտանգային համակարգ: Այս իշխանությունների օրոք է, որ գալով իշխանության 2018-ին, իրենք իրենց որոշումներն իրականացրել են իրավիճակի ոչ սթափ գնահատման եւ ոչ սթափ կանխազգացումի արդյունքում: Ամեն ինչ արել են, որ բանակցային գործընթացը չլինի: Իսկ այնտեղ, որտեղ վերանում են բանակցությունները, սկսվում են մարտական գործողություններ», - ասաց նա: Դիտարկմանը, որ Սերժ Սարգսյանն է ԱԺ-ում ժամանակին հայտարարել, որ բանակցային գործընթացը տապալվել է, Սեյրան Օհանյանը հակադարձեց. «Բանակցային գործընթացը Սերժ Սարգսյանի ժամանակ և նախկին նախագահների ժամանակ չի տապալվել․ եղել են տարբեր փաստաթղթեր եւ տարբեր ատյաններում դրանք ուղղված են եղել միայն ու միայն Արցախի ինքնորոշումն առաջ տանելու: Այդ բանակցային գործընթացն է թույլ տվել, որ Արցախի ու Հայաստանի նկատմամբ լայնածաված գործողություններ չլինեն: Այսօրվա իշխանություններն են, որ իրավիճակի ոչ սթափ գնահատմամբ բերել են նոր պատերազմի: Նրանք պատերազմի ողջ ընթացքում խրախուսել են նահանջը, Նիկոլ Փաշինյանն անձամբ, 4-րդ նախագահն անձամբ, իրենց ձեռքով , չտիրապետելով իրավիճակին, տվել են տարբեր կոչումներ»:
13:04 - 09 մայիսի, 2022
«Դիմադրության» շարժման բեկումնային պահն արդեն անցել է. Սեյրան Օհանյան
 |news.am|

«Դիմադրության» շարժման բեկումնային պահն արդեն անցել է. Սեյրան Օհանյան |news.am|

news.am: Քիչ առաջ «Հաղթանակ» զբոսայգի այցելեցին ԱԺ «Հայաստան» խմբակցության պօտգամավորները՝ խմբակցության ղեկավար Սեյրան Օհնյանի գլխավորությամբ: Նրանք ծաղիկներ խոնարհեցին Մեծ հաղթանակի հերոսներին նվիրված հուշակոթողի մոտ: Սեյրան Օհանյանը լրագրողների հետ զրույցում նախ շնորհավորեց հայ ժողովրդին, կամավորականներին, երկրապահներին Պաշտպնության բանակի ողջ անձնակազմին այսօրվա կապակցությամբ. «Տարիներ առաջ Շուշիի ազատագրման «Հարսանիք լեռներում» օպերացիան մի քանի ուղղություններով պատմական էր մեզ համար: Այն եւս մեկ անգամ ցույց տվեց, որ հայ ժողովրդի ոգին անկոտրում է: Դրանով նաեւ հիմք ստեղծվեց Հայաստանի եւ Արցախի ցամաքային միացման, որովհետեւ հետագայում գործողությունները բերեցին նրան, որ Արցախը միացավ մայր Հայաստանին: Նաեւ ռազմական առումով մեծ նշանակություն ունեցող օպերացիա էր, որը թեկուզ իրականացվեց կամավորականների միջոցով, բայց այնուամենայնիվ ռազմական գիտության պահանջների համաձայն: Այն նաեւ հիմք հանդիսացավ հետագա հաղթանակների: Այսօր իրավիճակն այլ է, կարծես Եռատոնը խլեցին մեզանից: Այս ամենից պետք է հետեւություննե անել, դասեր քաղել այն թերություններից, որոնք եղել են: Ամենամեծ դասը այն է, որ պետական կառավարման համակարգը չի կարողացել պետությունը փոխադրել ռազմական ռելսերի վրա, օրենսդիր իշխանությունը չի կարողացել համախմբվել եւ համապատասխան վերահսկողություն իրականացնել: Այս դասերը պետք է քաղենք հետագայի համար, նկատի ունեմ ողջ ժողովրդին: Եթե իշխանությունները չեն չեն ցանկանում դասեր քաղել, ապա ժողովուրդն իր համախմբվածությամբ պետք է ստիպի իշխանություններին, իսկ եթե դա նրանք չեն ցանկանում, պետք է հեռացնի այս իշխանություններին»,-հայտարարեց Սեյրան Օհանյանը:  Նրա խոսքով «Դիմադրության» շարժման բեկումնային պահն արդեն անցել է, մնում է միայն խնդրել ժողովրդին, որ հանրային ճնշմամբ հեռացնի այս իշխանություններին:. «Այս իշխանությունները ոչ մի դաս չեն քաղել, իրենք շարունակում են պարտությունների, անհաջողությունների շարանը փաթաթել հայ ժողովրդի վզին: Իսկ հայ ժողովուրդը, հայկական բանակն ի վիճակի է արագ կերպով վերականգնելու մեր երբեմնի հաջողությունների և հաղթանակի ոգին, պարզապես պետք է խնդրենք յուրաքանչյուր քաղաքացու համախմբվել, որովհետև «Դիմադրության» շարժումը մեկ մարդու, մեկ քաղաքացու շարժում չէ, սա յուրաքանչյուրի սրտում ու հոգում պետք է լինի։ Այս բեկումնային պահից հետո թափանիվը վերջնականապես պտտենք, համախմբենք և հանրային ճնշումն ավելի սաստկացնենք այս իշխանություններին հեռացնելու», - ասաց Օհանյանը։ Նա նշեց, թե «Դիմադրություն» շարժումն ու դրա պայքարն ուղղված չէ սոցիալական վիճակին, այն ուղղված է արժանապատվությունն ուղղելուն։
12:04 - 09 մայիսի, 2022
Այս հրապարակից հայտարարում ենք, որ ամբողջությամբ վերանայելու ենք համայնքների խոշորացման գործընթացը․ Իշխան Սաղաթելյան

Այս հրապարակից հայտարարում ենք, որ ամբողջությամբ վերանայելու ենք համայնքների խոշորացման գործընթացը․ Իշխան Սաղաթելյան

Վաղն առավոտյան՝ 9։30, Կարմիր խաչի մոտից ընդդիմությունը ավտոերթով շարժվելու է դեպի Գյումրի, որտեղ 13։00-ին տեղի կունենա հանրահավաք։ Այս մասին այսօր տեղի ունեցած հանրահավաքի ժամանակ հայտնեց Իշխան Սաղաթելյանը։ Սաղաթելյանը տեղեկացրեց նաև, որ 17։00-ին Ֆրանսիայի հրապարակում արցախցիները Արցախի ավանդույթներով կազմակերպելու են հետաքրքիր մշակութային միջոցառումներ, իսկ վաղն էլ մեծ հանրահավաք չեն ունենալու․ «Մյուս օրը մայիսի 9-ն է՝ Շուշիի ազատագրության օրը, այդ օրը՝ 17։00-ին, մեծ հանրահավաք ենք հրավիրում», - նշեց նա։ Սաղաթելյանն անդրադարձավ Վանաձոր իրենց այցին․ «Այսօր, լինելով Հայաստանի մարզերում, մեզ էին մոտենում մարզերի բնակիչներ՝ մեկ հիմնական խնդրով․ դեմ էին արտահայտվում համայնքների խոշորացման գործընթացին՝ ասելով, որ դա տեղի է ունեցել ապօրինի, հաշվի չի առնվել ժողովրդի կարծիքը, կառավարման արդյունավետությունը։ Ձեր այդ պահանջն ամբողջությամբ ընդունում ենք ու այս հրապարակից հայտարարում, որ սրանց դուրս վռնդելուց հետո ամբողջությամբ վերանայելու ենք համայնքների խոշորացման գործընթացը», - հայտարարեց Սաղաթելյանը։ Հիշեցնենք, որ այսօր «Դիմադրություն» շարժումը Վանաձոր քաղաքում էր, որտեղ հասել էր ավտոերթով և հանրահավաք կազմակերպել։ Երևանում՝ Ֆրանսիայի հրապարակից, երթ իրականացրին կանայք ու աղջիկներ։ Երթը գլխավորում էին ՀՀ ԱԺ «Հայաստան» խմբակցության պատգամավորներ Արեգնազ Մանուկյանը, Ագնեսա Խամոյանը և Աննա Գրիգորյանը։  
23:00 - 07 մայիսի, 2022
Մեր գործի 60-70տոկոսը իրականացրել ենք, մնացել է մնացած հատվածը․ կազմակերպված գնում  ենք առաջ․ Իշխան Սաղաթելյան

Մեր գործի 60-70տոկոսը իրականացրել ենք, մնացել է մնացած հատվածը․ կազմակերպված գնում  ենք առաջ․ Իշխան Սաղաթելյան

Ֆրանսիայի հրապարակում հրավիրված հանրահավաքին Իշխան Սաղաթելյանը ներկայացրեց, թե ինչ ծրագրեր ունի ընդդիմությունը՝ կապված առաջիկա օրերի հետ, ու թե ինչ է նախատեսվում անել վաղը․ «Ի՞նչ պետք է անենք առաջիկա օրերին․ չորս ուղղություններով ամբողջ կենտրոնը ձեր տրամադրության տակ է․ պատկերացրեք այդ չորսը դառնում է 8, ու այդ 8դաառնում է 12։ Ամբողջ քաղաքը վերցնում ենք հենց այդ օրը։ Սա մեր առաջիկա օրերի խնդիրն է, որ պետք է միասնաբար անենք»,-  ասաց Սաղաթելյանը։   «Մենք մեր գործի 60-70տոկոսը իրականացրել ենք, մնացել է մնացած հատվածը․ կազմակերպված գնում  ենք առաջ»,- նշեց Սաղաթելյանը։  «Վաղը՝ ժամը 1-ին, մենք Վանաձորում հրավիրում ենք հանրահավաք․ բոլոր նրանք, ովքեր ցանկանում են ավտոերթով շարժվել Վանաձոր, ժամը 9։30 Աշտարակի խճուղու վրա, մեքենաները կշարվեն, ավտոերթով, նաև ճանապարհին կանգառներ կունենանք տարբեր բնակավայրերում, իսկ ժամը մեկին Վանաձորում տեղի կունենա հանրահավաք։ Ժամը 12-ին, այս հրապարակից տեղի կունենա երթ․ այս առաջարկությունը արվել է քաղաքացիների կողմից, որ այս երթին ցանկանում են մասնակցել բացառապես կանայք ու աղջիկները։  Ժամը 18։00-20։00 այս հրապարակում տեղի կունենա մշակութային ծրագիր, հանդես կգան մշակութային գործիչներ, իսկ 20։00-ին կրկին հանրահավաք, որից հետո տեղի կունենա հերթական երթը»։  Սաղաթելյանը նշեց նաև, որ քաղաքացիների կողմից առաջարկ է արվել վաղը 13։00-14։00-ը Երևան քաղաքում մեքենաներով, բարձր երաժշտությամբ՝ բացառապես «Արցախն է կանչում», ու «Զարթնիր Լաո», երգերով, ամբողջ քաղաքում տրամադրություն ստեղծել։       
20:37 - 06 մայիսի, 2022
Հակաժողովրդավարական ուժերը պիտի համակերպվեն ժողովրդի քվեի հետ. Արսեն Թորոսյան
 |azatutyun.am|

Հակաժողովրդավարական ուժերը պիտի համակերպվեն ժողովրդի քվեի հետ. Արսեն Թորոսյան |azatutyun.am|

azatutyun.am: Իշխող «Քաղաքացիական պայմանագիրը» ներքաղաքական ճգնաժամ չի տեսնում: Խմբակցության պատգամավոր Արսեն Թորոսյանի խոսքով` մի անգամ չստացված և ժողովրդի քվեով մարած շարժումը ընդդիմությունը փորձում է նորից արթնացնել, որը ըստ նրա` հաջողություն չի ունենա: «Ազատության» հետ զրույցում պատգամավորը պնդում է` վարչապետի հրաժարականի պահանջով փողոց դուրս եկած ընդդիմությունը կեղծ օրակարգ ունի: Ստորև ներկայացնում ենք հատված հարցազրույցից. Արսեն Թորոսյան. - Մենք ներքաղաքական ճգնաժամ չենք տեսնում, եթե շատ անկեղծ ասեմ, նույնիսկ անցյալ տարի էլ տեսնում էինք մասամբ, երբ որ գնացինք լուծումների: Եվ չի կարելի պարզապես, ասենք, 3-4 ամիսը մեկ արտահերթ ընտրություններ անել և ասել, որ քանի որ փողոցում կան մեր 12 հազար քաղաքացի կամ 50 հազար քաղաքացի, կապ չունի, մենք պետք է գնանք արտահերթ ընտրությունների: Արտահերթ ընտրությունները եղել են, եղել են ազատ և արդար, ինչպես և նախկին ընտրությունները, և կլինեն հերթական ընտրություններ 2026 թվականին, որին կարող են մասնակցել թե՛ այսօրվա ընդդիմադիր ուժերը, իմ կարծիքով` իրենք շանս չեն ունենա, իհարկե, անցնելու այլևս խորհրդարան` տեսնելով, թե ինչ են հիմա իրենք անում, թե՛ այլ ուժեր նոր խորհրդարան ձևավորելու համար: Կարծում եմ` պետք է ողջամտությունը, այնուամենայնիվ, իրենց մոտ էլ, իրենց մտքում էլ հաղթի, և հասկանանք` ուր են գնում. ի վերջո, գալիս են կառուցողական բանավեճի, որը, ի դեպ, ես մոտավորապես համարում եմ, որ կամուրջները գրեթե այրված են այդ առումով, իրենք են այրել, ոչ մենք, թե պետք է ագրեսիվացման տանեն, որպեսզի սևերես չլինեն իրենց աջակիցների առաջ: Դա էլ, գիտեք, ինչի է բերում:  - Այդ սցենարն էլ չի՞ անհանգստացնում ձեզ… Արսեն Թորոսյան. - Իհարկե, անհանգստացնում է, և մեզ անհանգստացնում է մեր ցանկացած քաղաքացու առողջություն, կյանք և բարեկեցություն, և նաև դրանով է պայմանավորված, որ մենք շատ ողջախոհ ենք գտնվում նույնիսկ ինչ-որ չափ սահմաններն անցնող դեպքերում և փորձում ենք զսպվածության կոչերով այդ ամեն ինչը կարգավորել, ոչ թե, օրինակ, միանգամից ոստիկանությունը ուժ է կրառում այդ դեպքերում: - Ինչո՞ւ եք ասում, որ կամուրջները այրված են, գուցե նախաձեռնե՞ք, այնուամենայնիվ, երկխոսության փորձ: Արսեն Թորոսյան. - Մենք պատրաստ ենք: Երեկ ձեզ առաջին նախագահն էլ էր նման հուշում արել` հանգուցալուծելու այս վիճակը: Արսեն Թորոսյան. - Ախր այնքան պարզ բաների մասին ենք խոսում: Երեկ Ազգային ժողովում կար հարց ու պատասխանը, հարց ու պատասխանի ժամանակ վարչապետը պատասխանում էր իրենց իսկ տված հարցին, թողեցին, գնացին մարդիկ, սկսեցին կոչեր անել: Իրենց իրավունքն է, բայց այդ նախաձեռնելը տեղի է ունենում մեր Ազգային ժողովի առաջին նիստից: Մենք ասում ենք` եկեք, խոսենք, իրենք ասում են` ձեզ հետ խոսելու բան չունենք, մենք գնում ենք ձեր հրաժարականը պահանջելու: Պահանջեք, դա էլ է ձեր իրավունքը, բայց պահանջելու արդյունքում մենք ժամանակին տվել ենք հրաժարական, վարչապետը տվել է հրաժարական, կառավարությունը դարձել է ժամանակավոր, տեղի են ունեցել ընտրություններ, ընտրությունների արդյունքում եղել է այս պատկերը: Կլինեն նոր ընտրություններ, կլինի այլ պատկեր, իրենք կձևավորեն իշխանությունը, իհարկե ես չեմ ուզենա, որ որևէ հակաժողովրդավարական ուժ ձևավորի իշխանությունը Հայաստանում, որովհետև մենք գիտենք` դա ինչով է հղի, իրենք կլինեն իշխանություն: Չի ձևավորվի, իրենք պետք է համակերպվեն ժողովրդի քվեի հետ:  
16:16 - 06 մայիսի, 2022