ՀԱՊԿ

Հավաքական անվտանգության մասին Պայմանագիրը ստորագրվել է 1992թ. մայիսի 15-ին Հայաստանի, Ղազախստանի, Ղրղզստանի, Ռուսաստանի, Տաջիկստանի եւ Ուզբեկստանի ղեկավարների կողմից:

Հավաքական անվտանգության մասին Պայմանագրում առանձնահատուկ կարեւորություն ունի վերջինիս 4-րդ հոդվածը, համաձայն որի «եթե անդամ պետություններից որեւէ մեկը ենթարկվի ագրեսիայի որեւէ պետության կամ պետությունների խմբի կողմից, ապա անդամ պետությունների կողմից դա կհամարվի որպես ագրեսիա սույն Պայմանագրի բոլոր մասնակից պետությունների դեմ:

Մասնակից պետություններից որեւէ մեկի դեմ ագրեսիայի ակտի ի հայտ գալու պարագայում, մնացած մասնակից պետությունները կցուցաբերեն անհրաժեշտ օժանդակություն` ներառյալ ռազմական օգնությունը, նաեւ կցուցաբերեն օժանդակություն իրենց տրամադրության տակ գտնվող միջոցներով` հավաքական պաշտպանության իրավունքի իրագործման կարգին համապատասխան` համաձայն ՄԱԿ-ի կանոնադրության 51-րդ հոդվածի»:

Պայմանագրով նաեւ նախատեսված է խորհրդատվությունների մեխանիզմ` մասնակից պետության կամ մի քանի մասնակից պետությունների անվտանգությունը, տարածքային ամբողջականությունը եւ ինքնիշխանությունը վտանգող սպառնալիքի դեպքում, կամ միջազգային խաղաղությանը եւ անվտանգությանը սպառնալիքի պարագայում:

ՀԱՊԿ-ը հայ-ադրբեջանական սահմանին բարձր է համարում հակամարտության պոտենցիալը |factor.am|

ՀԱՊԿ-ը հայ-ադրբեջանական սահմանին բարձր է համարում հակամարտության պոտենցիալը |factor.am|

factor.am: ՀԱՊԿ-ը հայ-ադրբեջանական սահմանին հակամարտությունների մեծ պոտենցիալ է տեսնում, իրավիճակը կարգավորելու համար անհրաժեշտ է խաղաղության պայմանագիր։ Այս մասին ճեպազրույցում հայտարարել է ՀԱՊԿ միացյալ շտաբի պետ, գեներալ-գնդապետ Անդրեյ Սերդյուկովը, փոխանցում է ՏԱՍՍ-ը։ «Ֆիքսվում են առանձին պետությունների փորձերը՝ ամրապնդելու սեփական դիրքերը Հարավային Կովկասում, ստանալու հասանելիություն Կասպից ծովի ռեսուրսներին և ապահովելու իրենց ուղղակի ելքը Կենտրոնական Ասիա։ Դրա համար ակտիվ օգտագործվում է, այդ թվում՝ հայ-ադրբեջանական սահմանի բարձր հակամարտային պոտենցիալը։ Իրավիճակի հետագա կարգավորման հարցում կարևոր է պահպանել խաղաղության համաձայնագրի կնքման անհրաժեշտությունը»,- ասել է Սերդյուկովը։ Նա նշել է, թե Արևմուտքը ձգտում է ազդել Բաքվի ու Երևանի միջև հետհակամարտային կարգավորման վրա՝ չնայած ՀԱՊԿ-ին Հայաստանի անդամակցությանը։ «Նույնիսկ կազմակերպությանը Հայաստանի անդամակցության պայմաններում՝ դրսից փորձերը շարունակում են ազդել հետկոնֆլիկտային կարգավորման ձևաչափի վրա»,- հավելել է Սերդյուկովը, որը որևէ կերպ չի անդրադարձել ՀԱՊԿ անդամ Հայաստանի դեմ Ադրբեջանի իրականացրած վերջին ագրեսիային։ Հիշեցնենք՝ ՀՀ ՊՆ-ն հայտնել էր, որ փետրվարի 13-ին՝ ժամը 05:30-ից սկսած, Ադրբեջանի ԶՈՒ ստորաբաժանումները հրաձգային զենքերից կրակ էին բացել Ներքին Հանդի հատվածում տեղակայված հայկական դիրքերի ուղղությամբ: Ադրբեջանի ագրեսիայի հետևանքով հայկական կողմն ունի 4 զոհ և 1 վիրավոր։
12:34 - 14 փետրվարի, 2024
Լավրովը ՀԱՊԿ գլխավոր քարտուղարի հետ քննարկել է ԱԳ նախարարների հանդիպման նախապատրաստական ​​աշխատանքները |azatutyun.am|

Լավրովը ՀԱՊԿ գլխավոր քարտուղարի հետ քննարկել է ԱԳ նախարարների հանդիպման նախապատրաստական ​​աշխատանքները |azatutyun.am|

azatutyun.am: Ռուսաստանի արտգործնախարար Սերգեյ Լավրովը ՀԱՊԿ գլխավոր քարտուղար Իմանգալի Տասմագամբետովի հետ քննարկել է այս տարվա հունիսին կայանալիք կազմակերպության անդամ երկրների արտգործնախարարների հանդիպման նախապատրաստական աշխատանքները, հաղորդում է Ռուսաստանի արտգործնախարարությունը։ Լավրովն ու Տասմագամբետովը քննարկել են նաև կազմակերպության գործունեության ընթացիկ հարցեր, ինչպես նաև 2023-ի նոյեմբերի 23-ին Մինսկում կայացած Հավաքական անվտանգության խորհրդի նիստի որոշումների կատարման ընթացքը։ Վարչապետ Նիկոլ Փաշինյանը հրաժարվեց մասնակցել Մինսկի գագաթնաժողովին։ Նույն թվականի հոկտեմբերին Փաշինյանը Բիշքեկում չմասնակցեց ԵԱՏՄ և ԱՊՀ միջկառավարական խորհուրդների նիստերին։ Հայաստանը բազմիցս մեղադրել է ՀԱՊԿ-ին և Ռուսաստանին իրենց պարտավորությունները չկատարելու համար։ ՀԱՊԿ գլխավոր քարտուղարը դեկտեմբերի վերջին ժամանեց Երևան՝ բերելով փաստաթղթերի փաթեթը՝ ստորագրման, որն ընդունվել էր ՀԱԿՊ խորհրդի նիստին: ՀԱՊԿ հարցերով Ռուսաստանի արտգործնախարարության հատուկ դեսպան Վիկտոր Վասիլևն օրերս հայտարարեց, որ ՀԱՊԿ-ն այսօր կենտրոնացած է 2023-ի նոյեմբերի որոշումների իրականացման վրա՝ շեշտելով՝ այդ աշխատանքներին մասնակցում են դաշինքի բոլոր երկրները։ Ըստ այդմ դեսպանը հայտարարել էր, որ ՀԱՊԿ-ից Հայաստանի դուրս գալու հարց այսօր օրակարգում չկա։  
09:25 - 08 փետրվարի, 2024
ՌԴ-ն ու ՀՀ-ն միմյանց նկատմամբ պարտավորություններ ունեն տարածքային ամբողջականության և ինքնիշխանության պահպանման առումով. Զախարովա
 |tert.am|

ՌԴ-ն ու ՀՀ-ն միմյանց նկատմամբ պարտավորություններ ունեն տարածքային ամբողջականության և ինքնիշխանության պահպանման առումով. Զախարովա |tert.am|

tert.am: Ռուսաստանի Դաշնությունն ու Հայաստանի Հանրապետությունը միմյանց նկատմամբ ունեն պարտավորություններ՝ ներառյալ տարածքային ամբողջականության եւ ինքնիշխանության պահպանման ու անվտանգության ապահովման առումով։ Այս մասին փետրվարի 7-ին կայացած ճեպազրույցին ասել է ՌԴ ԱԳՆ պաշտոնական ներկայացուցիչ Մարիա Զախարովան՝ պատասխանելով լրագրողի հարցին, թե Ռուսաստանը Հայաստանից ստացել է արդյոք որոշակի ազդակներ արտաքին քաղաքական վեկտորի փոփոխության վերաբերյալ: «Մեր երկրները շարունակում են մնալ գործընկերներ, եւ հույս ունենք, որ ՀՀ իշխանությունները այդ ամենը հաշվի կառնեն ներկայիս աշխարհաքաղաքական փոփոխությունների ֆոնին՝ կատարելով ճիշտ ընտրություն։ Երևանը գտնվում է նաև ՀԱՊԿ կոլեկտիվ անվտանգության երաշխիքների ներքո, այդ թվում՝ հնարավոր ռազմական ագրեսիայի դեպքում»,- ասել է Զախարովան՝ ընդգծելով, որ ՌԴ եւ ՀՀ միջեւ առկա է փաստաթղթաիրավական բազա՝ անվտանգության եւ ռազմատեխնիկական համագործակցության ոլորտներում:
21:14 - 07 փետրվարի, 2024
Հայաստանի անվտանգության ապահովումն անհնար է առանց ՀԱՊԿ-ի. ՌԴ ԱԳՆ
 |panorama.am|

Հայաստանի անվտանգության ապահովումն անհնար է առանց ՀԱՊԿ-ի. ՌԴ ԱԳՆ |panorama.am|

panorama.am: Հայաստանի անվտանգությունը, այդ թվում՝ ռազմատեխնիկական ոլորտում, հնարավոր չէ առանց ՀԱՊԿ-ում համագործակցության։  Այդ մասին «ՌԻԱ նովոստի»-ին տված հարցազրույցում ասել է ՌԴ ԱԳՆ ՀԱՊԿ հարցերով հատուկ հանձնարարություններով դեսպան Վիկտոր Վասիլևը։ «Ես չեմ կարող ձեզ տրամադրել տեղեկատվություն, որն ակնառու կերպով ցույց է տալիս, որ Հայաստանի անվտանգությունը, այդ թվում՝ ռազմատեխնիկական ոլորտում, հնարավոր չէ  առանց ՀԱՊԿ շրջանակներում համագործակցության»,-ասել է Վասիլևը։ Դիվանագետը հավելել է, որ Ռուսաստանը տեսնում է արևմտյան երկրների կողմից Հայաստանում ստեղծված իրավիճակը օգտագործելու փորձեր՝ իրավիճակը սրելու ոչ միայն այնտեղ, այլև ողջ Կովկասում։ Հայաստանի իշխանությունները բազմիցս մեղադրել են ՀԱՊԿ-ին և Ռուսաստանին իրենց պարտավորությունները չկատարելու մեջ։ Նիկոլ Փաշինյանը հրաժարվել էր մասնակցել նոյեմբերի 23-ին Մինսկում կայանալիք ՀԱՊԿ գագաթնաժողովին։ Հոկտեմբերի 26-ին Փաշինյանը Բիշքեկ չէր գնացել ԵԱՏՄ և ԱՊՀ միջկառավարական խորհուրդների նիստի, միջոցառումներին հանրապետությունը ներկայացնում էր երկրի փոխվարչապետ Մհեր Գրիգորյանը։ Հոկտեմբերի 13-ին Բիշքեկում կայացած ԱՊՀ գագաթնաժողովին էլ Նիկոլ Փաշինյանը չեր գնացել։ 
11:03 - 01 փետրվարի, 2024
ՌԴ ԱԳՆ-ից բացառել են ՀԱՊԿ-ից Հայաստանի դուրս գալու հնարավորությունը |panorama.am|

ՌԴ ԱԳՆ-ից բացառել են ՀԱՊԿ-ից Հայաստանի դուրս գալու հնարավորությունը |panorama.am|

panorama.am: ՀԱՊԿ-ից Հայաստանի դուրս գալու հարցն այսօր օրակարգում չկա։ «ՌԻԱ նովոստի»-ին տված հարցազրույցում այդ մասին ասել է ՌԴ ԱԳՆ ՀԱՊԿ հարցերով հատուկ հանձնարարություններով դեսպան Վիկտոր Վասիլևը։ Դիվանագետը նշել է, որ ՀԱՊԿ-ի ուշադրությունն այսօր կենտրոնացած է 2023 թվականի նոյեմբերին կայացած ՀԱՊԿ Հավաքական անվտանգության խորհրդի որոշումների իրականացման վրա և այդ աշխատանքներին մասնակցում են դաշինքի բոլոր երկրները։ «ՀԱՊԿ Հավաքական անվտանգության խորհրդի վերոհիշյալ նստաշրջանում ընդունված փաստաթղթերը, որին հայկական կողմը չի մասնակցել, այժմ գտնվում են Երևանի դիտարկման տակ։ Այդ փաստաթղթերից մի քանիսն արդեն ունեն հայկական կողմի համաձայնությունը, որից կարելի է եզրակացնել, որ ՀԱՊԿ-ից Հայաստանի դուրս գալու մասին հարց չի դրված»,-ասել է Վասիլևը։ Պատասխանելով ՀԱՊԿ միջոցառումներին Երևանի չմասնակցելու մասին հարցին՝ դիվանագետը նշել է, որ դա Հայաստանի ղեկավարության ընտրությունն է, թեև այն կատարվել է ճնշման ներքո։ «Շատ առումներով այս իրավիճակն ինչպես արևմտյան երկրների ճնշման, այնպես էլ Հայաստանի ղեկավարության ու բնակիչների հասկանալի էմոցիաների արդյունք է»,- նշել է նա։ Վասիլևը հույս է հայտնել, որ բանականության ձայնը վաղ թե ուշ կհաղթի զգացմունքներին։ 
10:29 - 01 փետրվարի, 2024
Մենք որևէ ակնկալիք չունենք ՀԱՊԿ-ից, ՀԱՊԿ-ը երբևէ չի ճանաչել ՀՀ սահմանները, և սա շատ լուրջ խնդիր է Հայաստանի համար․ Արմեն Գրիգորյան |tert.am|

Մենք որևէ ակնկալիք չունենք ՀԱՊԿ-ից, ՀԱՊԿ-ը երբևէ չի ճանաչել ՀՀ սահմանները, և սա շատ լուրջ խնդիր է Հայաստանի համար․ Արմեն Գրիգորյան |tert.am|

tert.am: Հայաստանն այլևս որևէ ակնկալիք չունի Հավաքական անվտանգության պայմանագրի կազմակերպությունից (ՀԱՊԿ)։ Այս մասին Հանրային հեռուստաընկերության եթերում Պետրոս Ղազարյանի հետ հարցազրույցի ժամանակ ասաց ԱԽ քարտուղար Արմեն Գրիգորյանը։ «Մենք որևէ ակնկալիք չունենք ՀԱՊԿ-ից, որովհետև 2022 թվականի սեպտեմբերին կամ դրանից առաջ, երբ Հայաստանի Հանրապետության վրա լայնածավալ հարձակումներ էին տեղի ունեցել, Հայաստանը դիմել է ՀԱՊԿ-ին` ակնկալելով օգնություն, որպեսզի պաշտպանվի մեր սուվերեն տարածքը պաշտպանվի։ Մենք որևէ ադեկվատ արձագանք ՀԱՊԿ-ից չենք ստացել և ժամանակի ընթացքում հասկացել ենք, որ այս առումով չենք կարող որևէ ակնկալիք ունենալ»,- ասաց Գրիգորյանը։ Նրա խոսքով՝ երբ ՀԱՊԿ-ը հայտարարություն կանի, գնահատական կտա և կպաշտպանի ՀՀ տարածքային ամբողջականությունը, սուվերենությունն ու Հայաստանի սահմանները, ապա հայկական կողմը կհասկանա՝ ինչ է անելու: Դիտարկմանը, որ ՀԱՊԿ-ը հայտարարում է՝ իր դիտորները պատրաստ են գալ Հայաստան, ինչպես նաև ռազմատեխնիկական աջակցություն է առաջարկում ՀՀ-ին, ԱԽ քարտուղարը պատասխանեց, որ ՀԱՊԿ-ից ռազմատեխնիկական որևէ օգնություն ՀՀ-ին չի առաջարկվել, իսկ երբ ՀԱՊԿ դիտորնդերին հարցրել են, թե գալիս են ո՞ր սահմանը պաշտպանելու, որևէ հստակ պատասխան չի տրվել: «ՀԱՊԿ-ը երբևէ չի ճանաչել ՀՀ սահմանները, ՀԱՊԿ-ը չի ճանաչում իր պատախանատվության գոտին։ Սա շատ կարևոր հանգամանք է։ ՀԱՊԿ-ը չի ճանաչում իր պատասխանատվության գոտին մեր տարածաշրջանում, և սա շատ լուրջ խնդիր է Հայաստանի համար», - հավելեց նա։
09:32 - 09 հունվարի, 2024
Տոկաևը՝ 2022 թ․ իրադարձությունների մասին. ՀԱՊԿ հայկական զորախումբը հսկում էր քաղաքային ջրանցքը և «Ակսայ»-ը |news.am|

Տոկաևը՝ 2022 թ․ իրադարձությունների մասին. ՀԱՊԿ հայկական զորախումբը հսկում էր քաղաքային ջրանցքը և «Ակսայ»-ը |news.am|

news.am: Տարածաշրջաններում քաոսի և փաստացի անարխիայի պայմաններում Անվտանգության խորհրդի նիստում որոշվել էր դիմել ՀԱՊԿ-ին՝ կայունության և անվտանգության ապահովման համար անհրաժեշտ ժամանակահատվածում Ղազախստան խաղաղապահ զորախումբ մտցնելու համար։ Այս մասին Egemen Qazaqstan թերթին տված հարցազրույցում հայտարարել է Ղազախստանի նախագահ Կասիմ-Ժոմարտ Տոկաևը։ «Ընդգծում եմ. դիմումն ուղղված է եղել ոչ թե Ռուսաստանին, այլ ՀԱՊԿ-ին, որի անդամ է Ղազախստանը։ Այդ պահին կազմակերպության նախագահը Հայաստանն էր, իսկ այս տարի նախագահությունն անցել է Ղազախստանին։ ՀԱՊԿ զորախումբը իսկապես խաղաղապահ էր և զսպիչ գործոնի դեր կատարեց այդ ողբերգական օրերին կատարվող վաքխանալիայում։ Կազմակերպության անդամ երկրների հետ պայմանավորվածության համաձայն,  նրա զորախումբը երկրից հեռացել է առանց որևէ նախապայմանի, ընդ որում՝ ժամկետից շուտ։ ՀԱՊԿ խաղաղապահ զորախումբը չի մասնակցել հակաահաբեկչական գործողությանը և ոչ մի կրակոց չի արձակել։ Հայկական զորախումբը պահպանել է քաղաքային ջրանցքը և «Ակսայ» հացի կոմբինատը, բելառուսականը` Ժետիգենի օդանավակայանը, տաջիկականը և ղրղզականը՝ համապատասխանաբար, Ալմաթի քաղաքի ՋԷԿ-1-ը և ՋԷԿ-2-ը, ռուսաստանյանը` ՋԷԿ-3-ը և հեռահաղորդակցության օբյեկտները: . Ահաբեկչական հարձակումների սպառնալիքներ կային կենսապահովման օբյեկտներում, ուստի զորախումբն ուղարկվեց այնտեղ։ Բայց ամենակարևորն այն է, որ դա մեզ թույլ տվեց ազատել մեր ուժերը՝ հակաահաբեկչական գործողություն իրականացնելու համար»,- ասել է Ղազախստանի նախագահը։
11:17 - 03 հունվարի, 2024
Արարատ Միրզոյանը՝ Հայաստանի արտաքին քաղաքական վեկտորի մասին
 |1lurer.am|

Արարատ Միրզոյանը՝ Հայաստանի արտաքին քաղաքական վեկտորի մասին |1lurer.am|

1lurer.am: Քաղաքականության մեջ, մասնավորապես՝ Հայաստան-Ռուսաստան հարաբերությունների մասին խոսելիս, պետք է առավելագույնս ուշադիր լինենք ձևակերպումների հանդեպ և չառաջնորդվենք պարզունակ գնահատումներով: Այդ մասին ասաց ՀՀ ԱԳ նախարար Արարատ Միրզոյանը՝ պատասխանելով հարցին, թե վերջին շրջանում թվում էր, թե Հայաստանի արտաքին քաղաքական վեկտորը գնում է դեպի եվրաինտեգրում, բայց ՀՀ վարչապետի՝ ՌԴ վերջին այցով պայմանավորված տպավորություն ստեղծվեց՝ գնում է դեպի Մոսկվա: Անդրադառնալով հայկական կողմի դժգոհություններին, որոնք առնչվում են  ռուսական կողմին, Միրզոյանը նշեց. «Երբեք չենք թաքցրել, որ եղել են մի շարք խնդիրներ, որոնց մասին մենք բարձրաձայնել ենք, որոնք վերաբերում են առաջին հերթին երկկողմ ռուսական, նաև ՀԱՊԿ-ի շրջանակներում Հայաստանի ունեցած ակնկալիքների և այդ ակնկալիքների արդարացմանը կամ չարդարացմանը: Այդ խնդիրները եղել են, այդ խնդիրները մենք տեսել ենք և՛ այն դեպքերում, երբ ՀՀ սահմաններն են խախտվել, ու ՀՀ ինքնիշխան տարածքներն են հայտնվել օկուպացիայի տակ, և՛ այն ԼՂ-ում խաղաղապահների գործունեության կամ անգործության դեպքերում, ու բազմաթիվ այլ, այդ թվում՝ որոշակի տնտեսական հարցերում: Հիմա ունեցե՞լ ենք մենք այս խնդիրները, ունեցե՞լ ենք այս ակնկալիքները ՀԱՊԿ-ից: Այո՛, ունեցել ենք: Այդ ակնկալիքների չբավարարման հետևանքով բարձրաձայնե՞լ ենք դրա մասին: Այո՛, բարձրաձայնել ենք, խոսել ենք դեռ քանի տարի առաջ ՀԱՊԿ-ի արդյունավետության բարձրացման մասին, և ինչ-որ պահի, այս կամ այն հանգամանքից ելնելով, մեր ներգրավվածությունը ՀԱՊԿ-ում պահել ենք այն աստիճանի վրա, որն ադեկվատ ենք համարել ՀԱՊԿ-ում ընթացող գործընթացներին կամ ՀԱՊԿ-ի կողմից ծավալվող գործունեությանը»,- ասաց նա, ապա ևս մեկ անգամ հիշեցրեց՝ ՀՀ սահմանները խախտվել են, բայց «ՀԱՊԿ-ը այդքան էլ չի շտապել մեր սահմանները պաշտպանելու»: Ինչ վերաբերում է ՀՀ վարչապետի՝ ԵԱՏՄ գագաթնաժողովին մասնակցելու որոշմանը, Միրզոյանը ընդգծեց, որ երբևէ չի եղել, որ ԵԱՏՄ-ի մասով լինի նույնպիսի ակնկալիքների չկատարում, ինչպիսին եղել է ՀԱՊԿ-ի պարագայում: «Կարծում եմ՝ ԵԱՏՄ-ն շարունակում է արդյունավետորեն գործել ՀՀ-ի պարագայում»,- ասաց նա:
19:31 - 27 դեկտեմբերի, 2023
Միրզոյանն ու Տասմագամբետովը քննարկել են ՀԱՊԿ գործունեությանն առնչվող հարցեր

Միրզոյանն ու Տասմագամբետովը քննարկել են ՀԱՊԿ գործունեությանն առնչվող հարցեր

Դեկտեմբերի 21-ին ՀՀ ԱԳ նախարար Արարատ Միրզոյանն ընդունել է Հավաքական անվտանգության մասին պայմանագրի կազմակերպության գլխավոր քարտուղար Իմանգալի Տասմագամբետովին: Զրուցակիցները քննարկել են ՀԱՊԿ գործունեությանն առնչվող հարցեր: ՀԱՊԿ գլխավոր քարտուղարը ՀՀ ԱԳ նախարարին տեղեկացրել է 2023 թ. նոյեմբերին Մինսկում տեղի ունեցած ՀԱՊԿ հավաքական անվտանգության խորհրդի նստաշրջանի և ՀԱՊԿ արտաքին գործերի նախարարների խորհրդի, պաշտպանության նախարարների խորհրդի և անվտանգության խորհրդի քարտուղարների կոմիտեի համատեղ նիստի արդյունքների մասին։ Հանդիպման ընթացքում Արարատ Միրզոյանը և Իմանգալի Տասմագամբետովը մտքեր են փոխանակել տարածաշրջանում ստեղծված իրավիճակի, տրանսպորտային և տնտեսական փոխկապակցվածության զարգացմանն ուղղված նախագծերի, այդ թվում՝ ՀՀ կառավարության կողմից մշակված «Խաղաղության խաչմերուկ» հայեցակարգի վերաբերյալ:
19:05 - 21 դեկտեմբերի, 2023
ՀԱՊԿ-ը 2024 թվականին 7 զորավարժություն կանցկացնի
 |armenpress.am|

ՀԱՊԿ-ը 2024 թվականին 7 զորավարժություն կանցկացնի |armenpress.am|

armenpress.am: ՀԱՊԿ գլխավոր քարտուղարը հայտնել է, որ 2024 թվականին ծրագրված են կազմակերպության յոթ համատեղ զորավարժություններ, որոնք տեղի կունենան Ռուսաստանի, Ղազախստանի, Ղրղզստանի, Տաջիկստանի տարածքում:  Ինչպես տեղեկանում ենք ՏԱՍՍ գործակալությունից, այդ մասին հայտարարել է ՀԱՊԿ գլխավոր քարտուղար Իմանղալի Թասմաղամբետովը ՀԱՊԿ Խորհրդարանական վեհաժողովի (ԽՎ) խորհրդի նիստում և 16-րդ լիագումար նիստում: Բացի այդ, ՀԱՊԿ գլխավոր քարտուղարը նշել է, որ ՀԱՊԿ-ը բարդ պայմաններում հաստատակամորեն և հետևողականորեն պահպանել է միավորման մասնակից երկրների անվտանգության ամրապնդման ուղեգիծը: Ըստ Թաղմաղամբետովի՝ ստեղծված քաղաքական իրողությունները պահանջում են կատարելագործել այն իրավական հիմքերը, որոնք կանոնակարգում են Հավաքական անվտանգության պայմանագրի կազմակերպության (ՀԱՊԿ) գործունեության բոլոր ուղղությունները: «Ստեղծված քաղաքական իրողությունները հրատապ պահանջում են իրավական հիմքերի հետագա կատարելագործում, որոնք կանոնակարգում են մեր կազմակերպության գործունեության և զարգացման բոլոր ուղղությունները», - ասել է նա։ Այս առնչությամբ, կազմակերպության գլխավոր քարտուղարի խոսքով, առանձնահատուկ կարևորություն է ձեռք բերում  միջխորհրդարանական համագործակցությունը։ Իմանղալի Թասմաղամբետովը հավելել է, որ աշխարհում ստեղծված իրադրությունն, ամենայն ակնհայտությամբ, պահանջում է նաև աշխատանքի խորացում տեղեկատվական-վերլուծական և կանխատեսման ուղղություններում:     Իր հերթին ՀԱՊԿ Խորհրդարանական վեհաժողովի նախագահ, ՌԴ Պետդումայի խոսնակ Վյաչեսլավ Վոլոդինը նիստի ընթացքում հայտարարել է, որ կենսաբանական անվտանգությունը մոտ ժամանակներս կարող է դառնալ ՀԱՊԿ մասնակից երկրների համագործակցության պաշտոնական ուղղությունը:
16:02 - 19 դեկտեմբերի, 2023
Վլադիմիր Պուտինը չի կարծում, թե Հայաստանի շահերից է բխում դադարեցնել անդամակցությունը ԱՊՀ-ին, ԵԱՏՄ-ին և ՀԱՊԿ-ին

Վլադիմիր Պուտինը չի կարծում, թե Հայաստանի շահերից է բխում դադարեցնել անդամակցությունը ԱՊՀ-ին, ԵԱՏՄ-ին և ՀԱՊԿ-ին

ՌԴ նախագահ Վլադիմիր Պուտինը հայտարարել է, որ հեշտ գործընթացներ չեն տեղի ունենում Ղարաբաղի հետ կապված։ «Մենք չէ, որ լքել ենք Ղարաբաղը։ Հենց Հայաստանն է ճանաչել, որ Ղարաբաղը Ադրբեջանի կազմում է։ Մենք տեղեկացված չէինք, որ նման որոշում է նախապատրաստվում։ Սա փաստի հաստատում է, որն ունի իր դրական և բացասական կողմերը, բայց եղել է․․․», - ասել է Պուտինը ասուլիսում։ ՌԴ նախագահը անդրադարձել է նաև ՀԱՊԿ-ից դուրս գալու մասին խոսակցություններին՝ կարծիք հայտնելով, որ դա Հայաստանի շահերից չի բխի։ «Չեմ կարծում, որ Հայաստանի շահերից է բխում դադարեցնել անդամակցությունը ԱՊՀ-ին, ԵԱՏՄ-ին, ՀԱՊԿ-ին։ Ի վերջո, դա պետության ընտրությունն է»,- ասել է ՌԴ նախագահը։  Ինչ վերաբերում է ընդհանուր միջոցառումներին ՀՀ վարչապետի բացակայությանը, ապա դա, Պուտինի կարծիքով, «կապված է հայաստանյան գործընթացների հետ և կապված չէ աշխատանքը շարունակելու ցանկության կամ դրա բացակայության հետ»։
16:52 - 14 դեկտեմբերի, 2023
ՌԴ ԱԳՆ-ն հայտնել է, որ Հայաստանի չմասնակցելը ՀԱՊԿ վեհաժողովին չի ազդի ՀՕՊ համակարգի հետ կապված որոշման վրա
 |armenpress.am|

ՌԴ ԱԳՆ-ն հայտնել է, որ Հայաստանի չմասնակցելը ՀԱՊԿ վեհաժողովին չի ազդի ՀՕՊ համակարգի հետ կապված որոշման վրա |armenpress.am|

armenpress.am: Հավաքական անվտանգության պայմանագրի կազմակերպության խորհրդարանական վեհաժողովի (ՀԱՊԿ ԽՎ) նիստից հայկական պատվիրակության բացակայությունը չի ազդի հակաօդային պաշտպանության միասնական համակարգ ստեղծելու որոշման վրա։ Այս մասին լրագրողներին ասել է ՌԴ արտաքին գործերի փոխնախարար Ալեքսանդր Պանկինը։ «Նրանց ֆիզիկական բացակայությունը մեծապես չի արգելակում այլ անդամ երկրների կողմից... հավաքական փաստաթղթերի ընդունման համաձայնեցման գործընթացները, որոնց նրանք... շատ դեպքերում միանում են», - ասել է նա՝ պատասխանելով հարցին՝ արդյոք ՀԱՊԿ վեհաժողովին հայկական կողմի չմասնակցելը կազդի միասնական ՀՕՊ համակարգ ստեղծելու ծրագրերի վրա։ Հայաստանի Հանրապետության ազգային ժողովի նախագահ Ալեն Սիմոնյանը պաշտոնական նամակով դեկտեմբերի 5-ին գրավոր հաստատել է, որ չի մասնակցի 2023 թվականի դեկտեմբերի 19-ին Մոսկվայում կայանալիք Հավաքական անվտանգության պայմանագրի կազմակերպության խորհրդարանական վեհաժողովի խորհրդի արտագնա նիստին եւ 16-րդ լիագումար նիստին: ՀԱՊԿ-ի շրջանակներում կազմակերպված միջոցառումներին վերջերս չեն մասնակցել նաև ՀՀ վարչապետը, ԱԳ նախարարը, պաշտպանության նախարարն ու ԱԽ քարտուղարը:
17:51 - 06 դեկտեմբերի, 2023
ՀԱՊԿ երկրները պարտավորվել են բոլոր տարաձայնությունները լուծել խաղաղ ճանապարհով
 |armenpress.am|

ՀԱՊԿ երկրները պարտավորվել են բոլոր տարաձայնությունները լուծել խաղաղ ճանապարհով |armenpress.am|

armenpress.am: Հավաքական անվտանգության պայմանագրի կազմակերպության (ՀԱՊԿ) անդամ երկրները վերահաստատում են իրենց հանձնառությունը՝ զերծ մնալու ուժի կիրառումից և մտադիր են իրենց և այլ պետությունների միջև բոլոր տարաձայնությունները լուծել խաղաղ ճանապարհով։ Այս մասին ասված է ՀԱՊԿ խորհրդի հռչակագրում, որը հրապարակվել է կազմակերպության կայքում։ «Վերահաստատում ենք մեր հանձնառությունը՝ զերծ մնալու միջպետական ​​հարաբերություններում ուժի կամ ուժի սպառնալիքի կիրառումից և խաղաղ ճանապարհով լուծելու մեր և այլ պետությունների միջև բոլոր տարաձայնությունները», - ասվում է տեքստում։ Փաստաթուղթը նաև ընդգծում է «անհատական ​​և հավաքական ինքնապաշտպանության անօտարելի իրավունքը՝ համաձայն ՄԱԿ-ի կանոնադրության 51-րդ հոդվածի»։ Բացի այդ, նշվում է, որ ՀԱՊԿ երկրները մտադիր են «շարունակել համատեղ գործունեությունն՝ ուղղված անվտանգության պահպանմանը և կազմակերպության պատասխանատվության գոտում ապակայունացնող ազդեցությունների կանխմանը»: «Ընդգծում ենք դրա (խմբ․՝ ՀԱՊԿ պատասխանատվության գոտու) պարագծի երկայնքով ՀԱՊԿ հավաքական անվտանգության համար սպառնալիքներ ստեղծող սպառազինության համակարգերի տեղակայման անընդունելիությունը», - ասվում է հռչակագրում։ Բացի այդ, նշվում է, որ ՀԱՊԿ-ը չի ընդունում միակողմանի հարկադրանքի միջոցները, որոնք կիրառվում են ՄԱԿ-ի կանոնադրության խախտմամբ՝ որպես միջազգային հարաբերություններում քաղաքական, տնտեսական և ֆինանսական ճնշման գործիքներ։ «Մենք չենք ընդունում ՀԱՊԿ անդամ երկրների սահմանների մոտ սադրիչ գործողությունները, որոնք կարող են հանգեցնել վտանգավոր միջադեպերի և ռազմաքաղաքական լարվածության աճի: Մենք խորը մտահոգություն ենք հայտնում զինված հակամարտության գոտիներ օտարերկրյա ահաբեկիչ-զինյալների տեղաշարժի առնչությամբ»,- ասվում է տեքստում։ ՀԱՊԿ խորհրդի հռչակագրում նշվում է, որ կազմակերպության անդամները վճռական են հավաքական անվտանգության համակարգի հետագա ամրապնդման ջանքերն ընդլայնելու հարցում։
15:30 - 05 դեկտեմբերի, 2023