23:23 - 26 սեպտեմբերի, 2024
ՀՀ իշխանությունն ակնկալում է Թուրքիայի աջակցությունը՝ Ադրբեջանի հետ խաղաղության պայմանագրի կնքման հարցում. Էրդողան
Թուրքիայի նախագահ Ռեջեփ Փայիփ Էրդողանը լրագրողների հետ զրույցում ամփոփել է նյույորքյան հանդիպումներին, անդրադարձել նաև Նիկոլ Փաշինյանի հետ ունեցած հանդիպմանը։
Թուրքիայի նախագահը նշել է, որ Հայաստանի վարչապետը ցանկություն է հայտնել և՛ Թուրքիայի, և՛ Ադրբեջանի հետ հարաբերությունները ավելի բարձր մակարդակի հասցնելու համար։
«Եթե դիտարկենք հարգելի Փաշինյանի մոտեցումները, ապա բացասական միտում չենք տեսնում։ Նրանք մեզանից՝ Թուրքիայից, ակնկալում են աջակցություն Հայաստանի և Ադրբեջանի միջև խաղաղության պայմանագրի կնքման հարցում, բարիդրացիություն հաստատելու հարցում։ Մենք էլ այդ նպատակն ենք հետապնդում և ջանքեր ենք գործադրում այդ ուղղությամբ»,- ասել է Էրդողանը՝ հավելելով, որ Ադրբեջանը ևս խաղաղություն է ցանկանում։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)