Նավթ արտահանող երկրների կազմակերպության (OPEC) ներկայացուցիչները կարծում են, որ Եվրամիության կողմից ռուսական նավթի ներկրման հնարավոր արգելքը կվնասի սպառողներին։ Նրանք այս մտահոգություններով կիսվել են Բրյուսելի հետ, գրում է Reuters-ը՝ վկայակոչելով ՕՊԵԿ-ում իր աղբյուրները։

ՕՊԵԿ-ի այնպիսի խոշորագույն անդամներ, ինչպիսիք են Սաուդյան Արաբիան և Արաբական Միացյալ Էմիրությունները, ձգտում են չեզոքություն պահպանել Արևմուտքի և Մոսկվայի միջև, իսկ ՕՊԵԿ+ խմբի անդամները, որոնցից մեկը Ռուսաստանն է, իրենց քաղաքական հանդիպումների ընթացքում շրջանցում են Ուկրաինայի թեման։

ՕՊԵԿ-ի ներկայացուցիչներն, այդ թվում՝ կազմակերպության գլխավոր քարտուղար Մոհամեդ Բարկինդոն մարտի 16-ին հանդիպել են ԵՄ էներգետիկայի հարցերով հանձնակատար Քադրի Սիմսոնի հետ՝ քննարկելու էներգետիկ շուկայի «արտակարգ ժամանակները»։ Այս մասին հայտնել է Սիմսոնը Թվիթերում։

Ինչպես նշել է Reuters-ի աղբյուրներից մեկը, կազմակերպության անհանգստության մասին տեղյակ է պահվել Եվրամիությունը։ «Նրանք շատ լավ տեղեկացված են», - ասել է աղբյուրը։

Մարտի 16-ի հանդիպումը մեկնաբանելու խնդրանքին ԵՄ ներկայացուցիչը պատասխանել է․ «ՕՊԵԿ-ը ներկայացրել է նավթային շուկայում իրավիճակի իր վերլուծությունը և մեզ իրազեկել նավթի արդյունահանման վերաբերյալ իր պլանների մասին»։

«Ինչպես բազմիցս հայտարարել ենք, ապագա պատժամիջոցների առումով ոչինչ բացառված չէ», - ասել է ԵՄ ներկայացուցիչը։

ՕՊԵԿ-ի շտաբ բնակարանը Վիեննայում միանգամից չի պատասխանել այս հարցը մեկնաբանելու խնդրանքին։

Նորա Վանյան