Սիրիա

Իսրայելը հարվածներ է հասցրել սիրիական Պալմիրային |factor.am|

factor.am: Սիրիական Պալմիրայի մոտ պայթյուններ են հնչել։ Սիրիական պետական SANA գործակալության տվյալներով՝ երկրի տարածքին հարվածներն իրականացրել է Իսրայելը։ Նշվում է, որ հարձակման հետևանքով վնասվել են բնակելի շենքեր և արտադրական ձեռնարկություններ։ Arab News-ն իր հերթին հայտնում է առնվազն չորս զինյալի և վեց խաղաղ բնակիչների մահվան մասին։ Իսրայելը չի մեկնաբանել Պալմիրայում պայթյունների մասին լուրերը։

19:00 - 20 նոյեմբերի, 2024

Սիրիան դատապարտել է իսրայելական հարձակումները, որոնք երկրում տասնյակ մարդկանց կյանք են խլել |armenpress.am|

armenpress.am: Սիրիայի արտգործնախարարությունը հայտարարել է, որ երկիրը դատապարտում է Իսրայելի հարձակումները, որոնց հետևանքով զոհվել և վիրավորվել են տասնյակ խաղաղ բնակիչներ, այդ թվում՝ կանայք և երեխաներ: Այս մասին հաղորդում է SANA գործակալությունը։ Ըստ գերատեսչության հայտարարության՝ Իսրայելի կողմից թիրախավորված բնակելի շենքերն ամբողջությամբ ավերվել են։ Բացի այդ, մեծ նյութական վնաս է հասցվել կենսական նշանակության օբյեկտներին, ինչպիսիք են կամուրջները և որոշ միջազգային ճանապարհներ։ Ավելի վաղ SANA-ն, վկայակոչելով Սիրիայի պաշտպանության նախարարությունը, հայտնել էր, որ նոյեմբերի 14-ին Դամասկոսի Մազե և Քուդսայա շրջաններին Իսրայելի հասցրած հարվածների հետևանքով զոհվել է 15 խաղաղ բնակիչ, ևս 16-ը՝ վիրավորվել։ Զոհերի և վիրավորների թվում կան կանայք և երեխաներ։ «Սիրիան հաստատում է, որ բռնազավթող վարչակազմի կողմից միջազգային օրենքների և կանոնակարգերի շարունակական անտեսումը և նրա անտարբերությունն իր ագրեսիան և ոտնձգությունները դադարեցնելու միջազգային բոլոր պահանջների նկատմամբ, այն բանի հետևանքն է, որ Անվտանգության խորհուրդը չի կարողացել վճռական և իրական դիրքորոշում որդեգրել՝ նրան (Իսրայելին) հետ պահելու իր հանցագործություններից, որոնք ներառում են նաև հարձակումներ Լիբանանում միջազգային խաղաղապահ ուժերի վրա, որոնք խոչընդոտում են ՄԱԿ-ի Պաղեստինի փախստականների օգնության և աշխատանքների կազմակերպման գործակալության աշխատանքը», - ասված է հայտարարության մեջ։ Իսրայելի բանակը պարբերաբար հարվածներ է հասցնում Սիրիայի տարածքին՝ նշելով, որ թիրախավորում է լիբանանյան «Հեզբոլլահ» շարժման օբյեկտները։

10:52 - 15 նոյեմբերի, 2024

ԱՄՆ զինված ուժերը պատասխանել են Սիրիայում ամերիկյան ռազմակայանի վրա իրականացված հարձակումներին |armenpress.am|

armenpress.am: Սիրիայում ամերիկյան ռազմակայանի վրա տեղի ունեցած հարձակումների ժամանակ ամերիկացի զինծառայողները չեն տուժել։ Այդ մասին ճեպազրույցում հայտարարել է Պենտագոնի մամուլի քարտուղար Պատրիկ Ռայդերը։ Իր հերթին ԱՄՆ զինված ուժերի կենտրոնական հրամանատարությունը հայտնել է, որ ի պատասխան հարձակումների՝ հարվածներ են հասցվել Սիրիայում մի քանի թիրախի։ «Այդ հարձակումների հետևանքով ոչ մի վիրավոր ամերիկացի չկա», - ասել է Ռայդերը։ Նրա խոսքով՝ երկու հարձակումները Սիրիայի հյուսիս-արևելքում ամերիկյան ռազմակայանի վրա տեղի են ունեցել նոյեմբերի 10-ին: «Առաջին դեպքում կիրառվել է անօդաչու թռչող սարք, երկրորդ դեպքում իրականացվել է անուղղակի կրակ՝ երկու հրթիռով», - ասել է Պենտագոնի ներկայացուցիչը։ Նա հավելել է, որ ամերիկյան հրամանատարությունը ձեռնարկում է բոլոր միջոցները զինծառայողների պաշտպանության, ինչպես նաև նման միջադեպերի կանխման համար։ Իր հերթին ԱՄՆ զինված ուժերի Կենտրոնական հրամանատարությունը (CENTCOM) նոյեմբերի 13-ին հայտնել է, որ նոյեմբերի 12-ին հարվածներ են հասցվել Սիրիայում Իրանի կողմից աջակցվող խմբավորման զինապահեստին և նյութատեխնիկական ապահովման շտաբին՝ ի պատասխան երկրի հյուսիս-արևելքում ամերիկյան ռազմակայանի վրա հարձակումների: X սոցիալական ցանցում տարածված հայտարարության համաձայն՝ հարվածները հասցվել են ի պատասխան Էշ Շադդադիում ամերիկյան պարեկային ռազմակայանում ամերիկացի անձնակազմի վրա հրթիռների արձակման։ Նոյեմբերի 12-ին ավելի վաղ CENTCOM-ը հայտնել էր, որ ի պատասխան Սիրիայում ամերիկյան անձնակազմի վրա իրականացված մի քանի հարձակումների՝ ԱՄՆ զինվորականները հարվածներ են հասցրել Սիրիայում իրանամետ խմբավորումների հետ կապված 9 օբյեկտի։ Պատրիկ Ռայդերը ճեպազրույցի ընթացքում նաև հայտնել է, որ Բաբ էլ Մանդեբի նեղուցով անցման ժամանակ Եմենի հութիները անօդաչուներով, հականավային բալիստիկ հրթիռներով և թևավոր հրթիռներով հարվածել են ամերիկյան հրթիռային կործանիչ նավերին։ Նա նշել է, որ բոլոր թիրախները խոցվել են, նավերը և անձնակազմը չեն տուժել։

12:21 - 13 նոյեմբերի, 2024

Թուրքմենստանում և Սիրիայում ՀՀ նոր դեսպաններ են նշանակվել

ՀՀ նախագահ Վահագն Խաչատուրյանը հրամանագրեր է ստորագրել Թուրքմենստանում և Սիրիայում Հայաստանի Հանրապետության արտակարգ և լիազոր դեսպաններ նշանակելու վերաբերյալ. «Հիմք ընդունելով վարչապետի առաջարկությունը` համաձայն Սահմանադրության 132-րդ հոդվածի 1-ին մասի 2-րդ կետի, ինչպես նաև «Դիվանագիտական ծառայության մասին» օրենքի 13-րդ հոդվածի 3-րդ մասի և 14-րդ հոդվածի՝ Արսեն Ավագյանին նշանակել Թուրքմենստանում Հայաստանի Հանրապետության արտակարգ և լիազոր դեսպան (նստավայրը՝ Աշգաբատ)։ Հիմք ընդունելով վարչապետի առաջարկությունը` համաձայն Սահմանադրության 132-րդ հոդվածի 1-ին մասի 2-րդ կետի, ինչպես նաև «Դիվանագիտական ծառայության մասին» օրենքի 13-րդ հոդվածի 3-րդ մասի և 14-րդ հոդվածի՝ Ռուբեն Խարազյանին նշանակել Սիրիայի Արաբական Հանրապետությունում Հայաստանի Հանրապետության արտակարգ և լիազոր դեսպան (նստավայրը՝ Դամասկոս)»։

19:17 - 31 հոկտեմբերի, 2024

Իսրայելը հարված է հասցրել սիրիական Հոմս նահանգի արդյունաբերական գոտուն |armenpress.am|

armenpress.am: Իսրայելը հարվածել է Սիրիայի Հոմս նահանգի Հասիե քաղաքի արդյունաբերական գոտուն: Այս մասին հաղորդում է սիրիական SANA գործակալությունը։ «Հինգշաբթի (խմբ.՝ հոկտեմբերի 10-ին) գիշերը մոտավորապես ժամը 1։00-ին հակառակորդ իսրայելը օդային հարձակում է իրականացրել Լիբանանի հյուսիսի ուղղությունից՝ թիրախավորելով Հոմսի Հասիե քաղաքի արդյունաբերական գոտում ավտոմոբիլային գործարանը և Համայում գտնվող ռազմական օբյեկտ», - հաղորդում է գործակալությունը։ Հարձակման հետևանքով պատճառվել է նյութական վնաս, տուժածներ չկան։ Վերջին երկու շաբաթվա ընթացքում Լիբանանում մարտական գործողություններին զուգահեռ Իսրայելը պարբերաբար հարվածներ է հասցնում նաև Սիրիայի տարածքին։ Հոկտեմբերի 8-ի երեկոյան Դամասկոսում բնակելի շենքին հասցված իսրայելական հարվածից զոհվել էր 7 մարդ։ Ըստ լիբանանյան ԶԼՄ-ների՝ Դամասկոսում իսրայելցիների թիրախը եղել է շիա «Հեզբոլլահ» շարժման ներկայացուցիչը։

13:19 - 10 հոկտեմբերի, 2024

Սիրիան «բարբարոսական հանցագործություն» է անվանել Իսրայելի հարվածը Դամասկոսին, որը 7 մարդու կյանք է խլել |armenpress.am|

armenpress.am: Սիրիայի արտաքին գործերի նախարարությունն Իսրայելի զինված ուժերի հարվածը Դամասկոսի բնակելի շենքին անվանել է «բարբարոսական հանցագործություն» և կրկին կոչ է արել միջոցներ ձեռնարկել Իսրայելին զսպելու համար։ «Սիրիայի Արաբական Հանրապետությունը վճռականորեն դատապարտում է այս բարբարոսական հանցագործությունը խաղաղ բնակչության դեմ, որն իրենից ներկայացնում է ցեղասպանության շարունակությունը, որ այս անհավատ համակարգի (խմբ.՝ նկատի ունի Իսրայելը) կողմից իրականացվում է պաղեստինցիների և լիբանանցիների նկատմամբ», - ասված է հայտարարության մեջ, որը հրապարակվել է Սիրիայի ԱԳՆ-ի Facebook-ի էջում։ Սիրիայի արտաքին քաղաքական գերատեսչությունը կրկին ընդգծել է հրեական պետությանը զսպելու «հրատապ միջոցների ձեռնարկման անհրաժեշտությունը»՝ նշելով, որ Իսրայելի գործողություններն «աղետալի հետևանքներ» կունենան տարածաշրջանի համար։ Սիրիայի պաշտպանության նախարարությունը հայտնել է, որ հոկտեմբերի 8-ի երեկոյան Իսրայելը 3 հրթիռ է արձակել Դամասկոսի Մեզզա թաղամասի բնակելի շենքերից մեկի վրա, որի հետևանքով զոհվել է 7 մարդ, վիրավորվել՝ 11-ը։ Զոհերի թվում կան կանայք և երեխաներ։ Al Hadath հեռուստաալիքի տեղեկատվության համաձայն՝ գնդակոծության ենթարկված շենքը գտնվում է Սիրիայում Իրանի դեսպանատնից 1 կիլոմետրից պակաս հեռավորության վրա։ Ըստ հեռուստաալիքի՝ իսրայելական հարվածի թիրախը եղել է «Հեզբոլլահ» կազմակերպության կողմնակիցներից մեկը:

11:11 - 09 հոկտեմբերի, 2024

Իսրայելի ռազմաօդային ուժերն ավիահարվածներ են հասցրել Դամասկոսին |tert.am|

tert.am: Իսրայելի ռազմաօդային ուժերն ավիահարվածներ են հասցրել Սիրիայի մայրաքաղաք Դամասկոսին: Այս մասին հայտնում են տեղական լրատվամիջոցները: Նախնական տվյալներով՝ զոհվել է առնվազն 6 մարդ: Ավելի վաղ, Իսրայելի պաշտպանության բանակից հայտնել էին, որ ժամեր առաջ լիբանանյան «Հըզբոլլահ» շարժման կողմից Հայֆա քաղաքի ուղղությամբ 85 հրթիռ է արձակվել. դրանց մեծ մասը հաջողությամբ որսացել է հակաօդային պաշտպանության համակարգը: Իսրայելական ավիացիան, իր հերթին, գրոհել էր Բեյրութի հարավային արվարձանները և հարավային Լիբանանի մի շարք բնակավայրեր: Իսրայելի վարչապետ Բենյամին Նեթանյահուն հայտարարել է, որ իսրայելական ուժերը ոչնչացրել են «Հըզբոլլահի» գլխավոր քարտուղար Նասրուլլայի իրավահաջորդին և «նրա իրավահաջորդին»։

21:55 - 08 հոկտեմբերի, 2024

Իրանի ԱԳ նախարարը պաշտոնական այցով ժամանել է Սիրիա. կքննարկվեն տարածաշրջանային զարգացումները |tert.am|

tert.am: Իրանի արտաքին գործերի նախարար Աբբաս Արաղչին ժամանել է Դամասկոս (Սիրիա)՝ տարածաշրջանում լարվածության ֆոնին։ Այս մասին հայտարարել է Իրանի ԱԳՆ նոր պաշտոնական ներկայացուցիչ Իսմայիլ Բաղայը։ «Արտաքին գործերի նախարար պարոն Արաղչիի գլխավորած պատվիրակությունը պաշտոնական այցով ժամանել է Դամասկոս։ Նախարարը կհանդիպի սիրիացի բարձրաստիճան պաշտոնյաների հետ և նրանց հետ կքննարկի երկկողմ հարաբերություններն ու զարգացումները տարածաշրջանում»,- գրել է նա: Հիշեցնենք, որ մինչ այս Արաղչին այցով գտնվում էր Լիբանանում։

11:09 - 05 հոկտեմբերի, 2024

Իսրայելի ավիահարվածից հետո խափանվել է Բեյրութ-Դամասկոս մայրուղին |news.am|

news.am: Բեյրութ-Դամասկոս միջազգային մայրուղին ժամանակավորապես չի շահագործվում լիբանանա-սիրիական սահմանի Ալ-Մասնա անցակետի մոտ տեղի ունեցած ռմբակոծությունից հետո: Այս մասին հայտարարել է հանրապետության հանրային աշխատանքների և տրանսպորտի նախարարի պաշտոնակատար Ալի Համիեն։«Իսրայելի ավիահարվածը կտրել է այն ճանապարհը, որով վերջին օրերին հարյուր հազարավոր մարդիկ փրկվել են իսրայելական ռմբակոծություններից», - ասել է նա: «Լիբանանյան սահմանի մոտ 4 մ լայնությամբ խառնարան է գոյացել»։Իսրայելի պաշտպանության բանակի (ՑԱԽԱԼ) ռազմական խոսնակը հոկտեմբերի 3-ին մեղադրել է շիա աշխարհազորային Հեզբոլլահին Բեյրութ-Դամասկոս մայրուղին Սիրիայից Լիբանան զենք փոխադրելու համար օգտագործելու մեջ:Իշխանությունների տվյալներով՝ շուրջ 300 հազար մարդ, որոնց մեծ մասը սիրիացի փախստականներ են, հատել են սահմանը Մասնաա անցակետով վերջին 10 օրվա ընթացքում այն բանից հետո, երբ Իսրայելի ռազմաօդային ուժերը սկսել են լիբանանյան տարածքի զանգվածային ռմբակոծությունը։

13:42 - 04 հոկտեմբերի, 2024

Իսրայելը քննարկում է Սիրիայում կամ Եմենում ԻՀՊԿ-ին հարվածելու տարբերակը․ Politico |1lurer.am|

1lurer.am: Իսրայելն, ի պատասխան Իրանի հրթիռային հարվածի, կարող է հարված հասցնել Սիրիայում կամ Եմենում Թեհրանի կողմից հովանավորվող խմբավորումներին կամ հենց Իսլամական հանրապետության պահապանների կորպուսի ուժերին, հաղորդում է Politico-ն՝ հղում անելով ամերիկյան վարչակազմում իր աղբյուրներին։ ԱՄՆ նախագահի օգնականները նշել են, որ Միացյալ Նահանգներն Իրանի հարձակման պատասխանի հարցով ակտիվորեն համագործակցում է Իսրայելի հետ․ այդ պատասխանը կարող է ներառել նաև ռազմական հարված։ ԱՄՆ վարչակազմն, ըստ թերթի աղբյուրների, հանդես է գալիս «սահմանափակ պատասխանի» օգտին՝ միաժամանակ ընդգծելով, որ այդ դեպքում նախագահ Բայդենի ազդեցությունը տարածաշրջանային զարգացումների վրա կարող է նկատելիորեն նվազել։ Financial Times պարբերականն էլ հաղորդել է, որ Իսրայելը չի դիտարկում Իրանի միջուկային օբյեկտներին հարված հասցնելու տարբերակը․ ԱՄՆ նախագահը հայտարարել է, որ դեմ կլինի նման հարձակմանը։

10:21 - 03 հոկտեմբերի, 2024

Իսրայելը հարձակում է կատարել Դամասկոսում, հաղորդվում է 3 զոհի և 3 վիրավորի մասին |azatutyun.am|

azatutyun.am: Իսրայելը հարձակում է իրականացրել Սիրիայի մայրաքաղաքում, հաղորդվում է երեք զոհի եւ երեք վիրավորի մասին։ Սիրիական պետական SANA գործակալության փոխանցմամբ՝ զոհերը խաղաղ բնակիչներ են։ Բրիտանիայում տեղակայված Մարդու իրավունքների սիրիական դիտորդական կենտրոնի տեղեկություններով՝ իսրայելական օդային հարվածի թիրախ է դարձել Դամասկոսի Մազզե թաղամասում գտնվող բնակելի շենքը, «որտեղ հաճախ են լինում «Հեզբոլա»-ի առաջնորդները և Իրանի Հեղափոխության պահապանները»:

20:30 - 02 հոկտեմբերի, 2024

Իսրայելի կողմից Սիրիայի տարածքի հրթիռակոծության հետևանքով կա առնվազն 14 զոհ |hetq.am|

hetq.am: Առնվազն 14 մարդ է զոհվել Սիրիայի կենտրոնում տեղակայված ռազմական մի շարք օբյեկտների ուղղությամբ իսրայելական ավիահարվածների հետևանքով։ Այդ մասին հայտնում է BBC-ն՝ հղում անելով սիրիական պետական SANA գործակալությանը։ Նշվում է, որ հարվածները հասցվել են Սիրիայի տարածքում գտնվող հինգ թիրախների, այդ թվում՝ Մասյաֆի գիտահետազոտական կենտրոնին: Հղում անելով Մասյաֆի հիվանդանոցներից մեկի տնօրենին՝ սիրիական լրատվական գործակալությունը հայտնում է ևս 43 վիրավորի մասին։ Ավելի վաղ, Մարդու իրավունքների սիրիական դիտարանը (SOHR) հայտնել էր 13 խոշոր պայթյունների մասին, որոնք հնչել էին Մասյաֆի գիտահետազոտական կենտրոնի տարածքում։ Վերջինս նշում էր 7 զոհի մասին, որից 4-ը զինվորականներ էին, իսկ 3-ը՝ խաղաղ բնակիչներ։ Բացի այդ, ըստ SOHR-ի, հարվածների հետևանքով վիրավորվել էր 15 մարդ։ SANA-ն, հղում անելով սիրիական ռազմական աղբյուրին, հայտնել էր, որ իսրայելական ինքնաթիռնրը, թռչելով Լիբանանի հյուսիս-արևմուտքի վրայով, տեղի ժամանակով մոտ 23:20-ին հրթիռներ էին արձակել (Երևանի ժամանակով՝ մոտ 00:20-ին) «երկրի կենտրոնական հատվածում գտնվող ռազմական մի շարք օբյեկտների ուղղությամբ»։ «Մեր հակաօդային պաշտպանությունը խոցել է մի քանի հրթիռ»,- հավելել էր ռազմական աղբյուրը։

19:02 - 09 սեպտեմբերի, 2024

Սիրիայում հայտնել են իսրայելական ավիահարվածներից 5 զոհի, 19 վիրավորի մասին |armenpress.am|

armenpress.am: v class="w-full prose dark:prose-invert prose-base prose-slate prose-a:text-blue-600 prose-blockquote:relative prose-blockquote:my-14 prose-blockquote:border-0 prose-blockquote:pl-6 prose-blockquote:font-heading prose-blockquote:text-lg prose-blockquote:italic prose-figcaption:text-sm prose-figcaption:text-slate-400 prose-strong:leading-[unset] mt-7"> Սիրիայում Իսրայելի ավիահարվածների հետևանքով 5 մարդ է զոհվել, առնվազն 19 մարդ՝ վիրավորվել։ Այս մասին հաղորդում է սիրիական պետական SANA գործակալությունը։ Նշվում է, որ Սիրիայի կենտրոնական շրջաններում, այդ թվում՝ Տարտուսի և Համայի նահանգներում մի քանի պայթյուն է լսվել, աշխատել է հակաօդային պաշտպանության համակարգը։ «Կիրակի օրը՝ 2024 թ. սեպտեմբերի 8-ին, մոտավորապես ժամը 23:20-ին, իսրայելական հակառակորդը հարձակում է ձեռնարկել Լիբանանի հյուսիս-արևմտյան ուղղությունից՝ թիրախավորելով մի շարք ռազմական օբյեկտներ կենտրոնական շրջանում։ ՀՕՊ համակարգերը կալանել են ագրեսորի հրթիռները և խոցել դրանցից մի քանիսը», - SANA-ին հայտնել է ռազմական գերատեսչության աղբյուրներից մեկը։ Համայի Մասյաֆ քաղաքի հիվանդանոցից հայտնել են, որ վիրավորներից մի քանիսի վիճակը ծայրահեղ ծանր է։ Հարվածների հետևանքով Մասյաֆի մայրուղիներից մեկի վրա հրդեհ է բռնկվել։

10:11 - 09 սեպտեմբերի, 2024

Մոսկվայում հանդիպել են Պուտինը և Բաշար Ասադը |azatutyun.am|

azatutyun.am: Մոսկվայում հանդիպել են Ռուսաստանի և Սիրիայի նախագահները։ Վլադիմիր Պուտինը Բաշար ալ-Ասադի հետ հանդիպման հրապարակային հատվածում նշել է, որ սա հնարավորություն է՝ խոսելու իրենց երկրների հարաբերությունների, տարածաշրջանում իրավիճակի մասին։ Սիրիայի նախագահն, իր հերթին, ասել է, որ հաշվի առնելով այն բոլոր իրադարձությունները, որոնք այսօր տեղի են ունենում ամբողջ աշխարհում և Եվրասիական տարածաշրջանում, «հանդիպումը կարևոր է թվում՝ դրանց զարգացման բոլոր մանրամասները քննարկելու համար»։

10:58 - 25 հուլիսի, 2024

Սիրիայում խորհրդարանի ընտրություն է |1lurer.am|

1lurer.am: Սիրիայում խորհրդարանի ընտրություն է: Ավելի քան 1516 թեկնածու պայքարում է Սիրիայի խորհրդարանի 250 տեղի համար։ Ընտրությունների գծով բարձրագույն դատական կոմիտեի ղեկավար Ջիհադ Մուրադը հայտնել է, որ ամբողջ երկրում գործում է ավելի քան 8151 ընտրատեղամաս։ Այս ընտրությունները չորրորդն են 2011 թվականին երկրում սկսված զինված հակամարտությունից հետո։ Ընտրելու իրավունք ունի 18 տարին լրացած 19 միլիոն քաղաքացի: Ընտրություններում ֆավորիտ է համարվում 2020 թվականի ընտրություններում հաղթած «Ազգային միասնություն» դաշինքում: Նրա ցուցակում ընդգրկված է 168 թեկնածու իշխող Արաբական սոցիալիստական վերածնունդ կուսակցությունից, որի գլխավոր քարտուղարը երկրի նախագահ Բաշար ալ-Ասադն է և 16-ը՝ գործընկեր «Առաջադիմական ազգային» ճակատից։ Ընտրությունն անցկացվում է Սիրիայի շրջանների մեծ մասում։ Կառավարական ուժերի վերահսկողությունից դուրս գտնվող Իդլիբի և Թուրքիայի հետ սահմանամերձ շրջանների բնակիչների համար կազմակերպվել է ավելի քան 70 ընտրատեղամաս հարևան Հալեպ, Լաթաքիա և Համա նահանգներում։ Եվս 90 ընտրատեղամաս է բացվել քրդական ուժերի վերահսկողության տակ գտնվող Ռաքքա նահանգից տեղահանվածների համար։

21:37 - 15 հուլիսի, 2024

Թուրքիայում սիրիացի փախստականների դեմ զանգվածային ցույցեր են |tert.am|

tert.am: Թուրքիայում շարունակվում են սիրիացի փախստականների դեմ ցույցերը. Ստամբուլում, Կայսերիում, Ռեյհանլիում, Կոնիայում, Գազիանթեփում, Բուրսայում, Անթալիայում մարդիկ դուրս են եկել փողոցներ և վանկարկել՝ «Չենք ուզում՝ փախստականներ լինեն մեր երկրում»։ Այս մասին գրում են թուրքական լրատվամիջոցները: Անկարգությունները սկսվել են նրանից, որ Կայսերիում սիրիացի փախստականը 5 տարեկան երեխայի է բռնաբարել:Անկարգությունների մասնակիցներն այրել են սիրիացիներին պատկանող մթերային խանութը, մի խումբ թուրքեր հավաքվել են Սիրիայի հետ սահմանին գտնվող «Օնչուպինար» անցակետի դիմաց, Անթալիայում թուրքերը դուրս են եկել փողոց, ծեծի են ենթարկել սիրիացիներին և ջարդուփշուր արել նրանց օբյեկտները:Թուրքիայի նախագահ Ռեջեփ Թայիփ Էրդողանը դատապարտել է սիրիացիների վրա հարձակումները.«Ոչինչի հնարավոր չէ հասնել հասարակության մեջ միգրանտների նկատմամբ այլատյացություն և ատելություն հրահրելով: Երեկ Կայսերիում փոքր խմբի կողմից իրականացված դժբախտ դեպքերի պատճառներից մեկը ընդդիմության թունավոր հռետորաբանությունն է»։

10:09 - 02 հուլիսի, 2024