Ադրբեջան

Ադրբեջանի Հանրապետությունը պետություն է Հարավային Կովկասում։ Սահմանակցում է Ռուսաստանի Դաշնությանը, Վրաստանի Հանրապետությանը, Իրանի Իսլամական Հանրապետությանը, Թուրքիայի Հանրապետությանը, Հայաստանի Հանրապետությանը, Արցախի Հանրապետությանը։ Տարածքը ըստ ՄԱԿ-ի 86,600 կմ․քառ, բնակչությունը, ըստ 2019 թվականի նախահաշվի 10,000,000 մարդ է։

Ներկայիս Ադրբեջանը բազմազգ և բազմակրոն պետություն է։ Բնակչության մեծամասնությունն ադրբեջանցիներն են (91 %), որոնք դավանում է շիա իսլամ։ Խոշոր ազգային փոքրամասնություններն են լեզգիները, ռուսները, թալիշները, ավարները, թաթարները և վրացիները։ Չնայած նրան, որ Ադրբեջանը համարվում է իսլամադավան պետություն, այնուամենայնիվ, երկրի բնակչության 53%-ն իրեն համարում է աշխարհիկ։

Ցանկացած ապաշրջափակում պետք է լինի Հայաստանի ինքնիշխանության ներքո. Իրանի դեսպան |armenpress.am|

armenpress.am: v class="w-full prose dark:prose-invert prose-base prose-slate prose-a:text-blue-600 prose-blockquote:relative prose-blockquote:my-14 prose-blockquote:border-0 prose-blockquote:pl-6 prose-blockquote:font-heading prose-blockquote:text-lg prose-blockquote:italic prose-figcaption:text-sm prose-figcaption:text-slate-400 prose-strong:leading-[unset] mt-7"> Իրանը կողմ է Հարավային Կովկասում հաղորդակցությունների ապաշրջափակմանը, սակայն կարևորում է, որ դա անպայման լինի Հայաստանի Հանրապետության ինքնիշխանության ներքո: Այս մասին լրագրողների հետ զրույցում ասաց Հայաստանում Իրանի Իսլամական Հանրապետության դեսպան Մեհդի Սոբհանին: «Մենք աջակցում ենք խաղաղությանը: Մենք աջակցել ենք Հայաստանի և Ադրբեջանի միջև խաղաղության բանակցություններին ու կաջակցենք: Կարծում ենք, որ խաղաղության համաձայնագրի ստորագրումը բխում է երկու երկրների, նաև տարածաշրջանի շահերից: Եվ պատրաստ ենք մեր նպաստը բերել այդ համաձայնագրի ստորագրման գործին»,–ասաց դեսպանը: Նա հիշեցրեց՝ Իրանը ողջունել է Հայաստանի վարչապետի առաջարկած «Խաղաղության խաչմերուկ» նախագիծը: «Սա կարող է տարածաշրջանում ապաշրջափակման առիթ դառնալ: Մենք դեմ չենք ապաշրջափակմանը, մեր դիրքորոշումը գիտեք: Բայց ցանկացած ապաշրջափակում պետք է լինի Հայաստանի Հանրապետության ինքնիշխանության ներքո: Եվ ես կարծում եմ, որ այդ նախագիծը կնպաստի տարածաշրջանում ապրանքների տեղափոխմանը»,–ասաց նա:

16:13 - 22 մայիսի, 2025

Հայաստանի տարածքում «Արևմտյան Ադրբեջան» չկա. ՀՀ ԱԳՆ խոսնակն արձագանքել է Ալիևի հայտարարությանը |armenpress.am|

armenpress.am: Հայաստանի արտաքին գործերի նախարարության մամուլի խոսնակ Անի Բադալյանն անդրադարձել է Ադրբեջանի նախագահ Իլհամ Ալիևի կողմից հերթական անգամ հնչեցված՝ այսպես կոչված «Արևմտյան Ադրբեջան» կեղծ խոսույթին: ԱԳՆ մամուլի խոսնակը թեմային անդրադարձել է՝ պատասխանելով «Արմենպրես»-ի հարցին։ Հարց. Երեկ տեղի ունեցած միջոցառումներից մեկի ժամանակ հնչել է Ադրբեջանի նախագահի ուղերձ, որում կրկին շեշտվում է «Արևմտյան Ադրբեջան» խոսույթը: Ինչպե՞ս եք արձագանքում: Պատասխան. «Հայաստանի Հանրապետության տարածքում «Արևմտյան Ադրբեջան» չկա. արևմտյան Ադրբեջանն Ադրբեջանի Հանրապետության արևմտյան շրջաններն են»: Հիշեցնենք, որ հայկական կողմը նախկինում էլ բազմիցս արձագանքել է Ադրբեջանի այս խոսույթին՝ շեշտելով, որ ադրբեջանական կողմի նման հայտարարությունները դիտվում են որպես տարածքային պահանջ Հայաստանի Հանրապետության նկատմամբ։

15:10 - 22 մայիսի, 2025

«Արևմտյան ադրբեջանցիների» վերադարձի հարցը Ադրբեջանի օրակարգից չի հանվի, քանի դեռ չի իրականացվել. Ալիև |azatutyun.am|

azatutyun.am: «Արևմտյան ադրբեջանցիների» վերադարձի հարցը Ադրբեջանի օրակարգից չի հանվի այնքան ժամանակ, քանի դեռ այն չի իրականացվել, հայտարարել է այդ երկրի նախագահ Իլհամ Ալիևը: «Վերադարձը Արևմտյան Ադրբեջան՝ որպես մարդու իրավունքների գերակշռության կարևոր պայման» թեմայով համաժողովի մասնակիցներին դիմելով՝ նա շեշտել է, թե «արևմտյան ադրբեջանցիների վերադարձի ցանկությունը Հայաստանի նկատմամբ տարածքային պահանջների առաջադրում չի նշանակում»։ «Հայաստանը պետք է հրաժարվի այս ցանկությունը նման լույսի ներքո ներկայացնելու փորձերից։ Այս հարցը չի հեռացվի Ադրբեջանի օրակարգից այնքան ժամանակ, քանի դեռ վերադարձը չի իրականացվել։ Բնականաբար, Արևմտյան Ադրբեջան վերադարձող ադրբեջանցիների համար պետք է ապահովվեն նաև անվտանգության երաշխիքներ», - ընդգծել է Իլհամ Ալիևը: Ադրբեջանի իշխանությունն «Արևմտյան Ադրբեջան» է անվանում Հայաստանի ինքնիշխան տարածքի մի մասը: Արտգործնախարար Միրզոյանը Ադրբեջանի կողմից առաջ քաշվող «Արևմտյան Ադրբեջան» նարատիվն ավելի վաղ տարածքային պահանջ էր համարել Հայաստանի նկատմամբ։ Վարչապետ Նիկոլ Փաշինյանը, մարտին խորհրդարանի ամբիոնից հայտարարելով, որ Ղարաբաղյան շարժումը չպետք է շարունակվի, նաև ասել էր. «Ուզում ենք համոզված լինել, որ Ադրբեջանում էլ չկա քաղաքական որոշում, որ իրենք սկսում են մի ուրիշ շարժում, օրինակ՝ «Արևմտյան Ադրբեջանի» շարժում»:

16:26 - 21 մայիսի, 2025

Ռուսաստանի ԱԳ նախարար. Մենք շահագրգռված ենք Երևանի և Բաքվի միջև հարաբերությունների լիակատար կարգավորմամբ |news.am|

news.am: class="ng-star-inserted">Մենք անկեղծորեն շահագրգռված ենք Երևանի և Բաքվի միջև հարաբերությունների լիակատար կարգավորմամբ։ Այս մասին Հայաստանում հայտարարել է Ռուսաստանի ԱԳ նախարար Սերգեյ Լավրովը։ «Մենք դրա համար ամուր հիմք ենք համարում Ռուսաստանի և Ադրբեջանի նախագահների ու Հայաստանի վարչապետի միջև բարձր մակարդակով ձեռք բերված եռակողմ պայմանավորվածությունների համալիրը, որ ձեռք է բերվել 2020-2022 թվականներին։ Մենք ողջունել ենք Հայաստանի և Ադրբեջանի միջև խաղաղության պայմանագրի տեքստի համաձայնեցումը և պատրաստ ենք օգնել բոլոր այն հարցերի լուծմանը, որոնք կարգավորում են պահանջում այս փաստաթղթի լիարժեք ստորագրման համար։ Միշտ կարող եք հույս դնել մեզ վրա տրանսպորտային և տնտեսական հաղորդակցուղիների ապաշրջափակման, հայ-ադրբեջանական սահմանի սահմանազատման գործում և այս կապակցությամբ առաջացող մարդասիրական խնդիրների լուծման հարցում՝ յուրաքանչյուր կողմի շահերի հաշվառմամբ», - հավելել է Լավրովը։

13:23 - 21 մայիսի, 2025

Մահապատժի է ենթարկվել Թեհրանում Ադրբեջանի դեսպանատան վրա հարձակված անձը |civilnet.am|

civilnet.am: Այսօր առավոտյան մահապատժի է ենթարկվել Թեհրանում Ադրբեջանի դեսպանատան վրա հարձակված Յասին Հուսեյնզադեն։ Այս մասին հայտնել է Իրանի դատական համակարգի տեղեկատվական պորտալը։ Թեհրանում Ադրբեջանի դեսպանատան վրա 2023-ի հունվարին զինված հարձակում էր տեղի ունեցել։ Իրանի քաղաքացի Յասին Հուսեյնզադեն, զինված Կալաշնիկով ինքնաձիգով ճեղքել էր անվտանգության կետը և կրակ բացել դեսպանատան աշխատակիցների վրա: Հարձակման հետևանքով զոհվել էր դիվանագիտական առաքելության անվտանգության ծառայության ղեկավար Օրխան Ասկերովը, իսկ անվտանգության երկու աշխատակից վիրավորվել էին:

10:52 - 21 մայիսի, 2025

Ադրբեջանի դատախազները 12 տարվա ազատազրկում են պահանջել լրագրող Մեհրալիզադեի համար |azatutyun.am|

azatutyun.am: Ադրբեջանի դատախազները դատարանում պահանջել են 12 տարվա ազատազրկում լրագրող Ֆարիդ Մեհրալիզադեի համար՝ մաքսանենգության մեղադրանքով։ Մեհրալիզադեն պնդում է, որ մեղադրանքներն ամբողջությամբ քաղաքական դրդապատճառներ ունեն և ուղղակիորեն կապված են իր քննադատական հրապարակումների հետ «Ազատ Եվրոպա/Ազատություն» ռադիոկայանի ադրբեջաներեն ծառայությունում: Մեհրալիզադեն յոթ լրագրողներից մեկն է, որոնք կանգնած են դատարանի առաջ՝ պնդելով, թե իրենց դեմ ներկայացված մեղադրանքները կեղծ են։ Դատախազները նույն պատժաչափն են պահանջել նաև անկախ «AbzasMedia» լրատվական գործակալության տնօրեն Ուլվի Հասանլիի և լրագրող Հաֆիզ Բաբալիի համար։ Գործով անցնող մյուս չորս անձանց համար դատախազները պահանջել են 11 տարվա ազատազրկում։ 30-ամյա Մեհրալիզադեն դատարանում պատմել է, որ իր 2024 թ․ մայիսին ձերբակալության ժամանակ աչքերը փակել են, տարել անհայտ վայր, այնուհետև տեղափոխել Բաքվի քաղաքային ոստիկանության բաժին, որտեղ ենթարկվել է ֆիզիկական և հոգեբանական ճնշումների՝ հեռախոսը բացելու պահանջով։ Իրավապաշտպան կազմակերպություններն ընդգծում են, որ 2023 թվականի նոյեմբերից առնվազն 20 լրագրող և քաղաքացիական ակտիվիստ է ձերբակալվել նմանատիպ մեղադրանքներով, որոնցից յոթը կապված են «AbzasMedia»-ի հետ։ Իրավապաշտպանների գնահատմամբ՝ ներկայումս Ադրբեջանի բանտերում պահվում է առնվազն 300 քաղբանտարկյալ: Իլհամ Ալիևի՝ իշխանության գալուց ի վեր նրան հաճախ են մեղադրել ընդդիմության, լրագրողների և քաղաքացիական հասարակության ակտիվիստների նկատմամբ ճնշումներ գործադրելու և ազատ խոսքը ճնշելու մեջ։

09:50 - 21 մայիսի, 2025

Գերմանացի նախկին պատգամավորը կոռուպցիոն դատավարության ժամանակ խոստովանել է, որ Բաքվից գումարներ է ստացել |factor.am|

factor.am: Գերմանիայում «Ադրբեջանի գործի» հետ կապված կոռուպցիոն դատավարության ժամանակ Բունդեսթագի Քրիստոնեա-սոցիալական միության նախկին պատգամավոր Էդուարդ Լինտները խոստովանել է, որ ադրբեջանական կանխիկ վճարումները փոխանցել է Քրիստոնեա-սոցիալական միության մահացած պատգամավորին, գրում է գերմանական Zeit-ը։ «Ես կարծում էի, որ սա մի տեսակ լոբբինգ է, որը գործնականում ամենուրեք է մինչ օրս»,- ասել է նա Մյունխենի Բարձրագույն շրջանային դատարանում։ Լինտները հաստատել է, որ Ադրբեջանը գումար է վճարել Բունդեսթագի այժմ մահացած Քրիստոնեա-դեմոկրատական միության անդամին, միաժամանակ, խոստովանել, որ այդ վճարումը կատարվել է իր ընկերության միջոցով։ «Այս հարցի շուրջ համաձայնություն անկասկած եղել է»,- ասել է նա՝ պատասխանելով dpa լրատվական գործակալության հարցին։ Նա, սակայն, չի կարողանում որևէ մանրամասն ներկայացնել՝ նշելով, որ դա արվել է այնպես, ինչպես ցանկացել է ադրբեջանական կողմը։ Մեղադրական եզրակացության համաձայն՝ Ադրբեջանը տարիներ շարունակ հաջողությամբ փորձել է ֆինանսական վճարումների միջոցով ազդել Եվրոպայի խորհրդի Խորհրդարանական վեհաժողովի (ԵԽԽՎ) որոշումների վրա իր օգտին, ինչին որոշ առումներով օգնել է Լինտները։ Վերջինը 33 տարի եղել է Բունդեսթագում, իսկ մինչև 2010 թվականը՝ ԵԽԽՎ անդամ։ Մյունխենի դատախազության տվյալներով՝ 80-ամյա տղամարդը, ենթադրաբար, մինչև 2016 թվականը երկու ընկերությունների միջոցով օտարերկրյա կեղծ ընկերությունների միջոցով ստացել է «մի քանի միլիոն» գումար։ Դա արվել է Ադրբեջանի օգտին որոշումների վրա ազդելու նպատակով, այն բանից հետո, երբ Լինտները դադարել է լինել Եվրոպայի խորհրդի անդամ։ Այսպիսով, նրա դեմ առաջադրված մեղադրանքները հիմնականում վերաբերում են ընտրված պաշտոնյաներին կաշառելուն։ Դատարանը նախատեսում է լսել եզրափակիչ ելույթները և վճիռ կայացնել հուլիսի վերջին։Շարունակությունը՝ սկզբնաղբյուր կայքում։

22:28 - 20 մայիսի, 2025

Ադրբեջանի պայմանները, հավանաբար, Հայաստանը կընդունի․ Ալիև |civilnet.am|

civilnet.am: Ադրբեջանի նախագահ Իլհամ Ալիևն ասել է, թե Բաքվի պայմանները, հավանաբար, Երևանը կընդունի։ Հունգարիայի վարչապետ Վիկտոր Օրբանի հետ հանդիպման ժամանակ Ալիևն ասել է, թե Ադրբեջանը երկու պայման ունի Հայաստանի հետ խաղաղության համաձայնագիր ստորագրելու համար, որոնք, նրա խոսքով՝ «Հայաստանը դեռևս չի ցանկանում ընդունել»։ Այս մասին հայտնում է ԱՊԱ-ն։ «Այնուամենայնիվ, այդ պայմանները, հավանաբար, կընդունվեն, որովհետև մենք որևէ անսովոր պայման առաջ չենք քաշել», – ասել է Ալիևը։ Նա նաև նշել է, թե «Ադրբեջանը Հայաստանի հետ խաղաղության համաձայնագրի ստորագրման նախաձեռնողն է»։ Ավելի վաղ Իլհամ Ալիևը հայտարարել էր, որ ԵԱՀԿ Մինսկի խմբի լուծարումից և Հայաստանի Սահմանադրության փոփոխությունից հետո խաղաղության պայմանագրի կնքման խոչընդոտ չի մնա։ Ալբանիայի մայրաքաղաք Տիրանայում մայիսի 16-ին տեղի էր ունեցել Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպումը։ Փաշինյանն ու Ալիևը կարևորել էին Հայաստան-Ադրբեջան խաղաղության համաձայնագրի տեքստի համաձայնեցումը։

16:12 - 20 մայիսի, 2025

Բունդեսթագի նախկին պատգամավորը խոստովանել է, որ Ալիևի վարչակազմից կաշառք է վերցրել |azatutyun.am|

azatutyun.am: Գերմանիայի Բունդեսթագի նախկին պատգամավորը Մյունխենում տեղի ունեցած դատավարության ընթացքում խոստովանել է, որ Ալիևի վարչակազմից կաշառք է վերցրել։ Էդուարդ Լինտները մասնավորապես պատմել է, որ Ադրբեջանի կառավարությունն իրեն վճարել է, հավելելով, որ իր կարծիքով «նման լոբբինգը գործնականում ամենուրեք է»։ Մեղադրական եզրակացության համաձայն՝ Ադրբեջանը, ենթադրաբար, մի քանի տարի շարունակ մի խումբ քաղաքական գործիչների կանխիկ գումար է վճարել ԵԽԽՎ-ում իր օգտին գործունեություն ծավալելու դիմաց։ Ադրբեջանի կողմից կաշառված պատգամավորների թվում էր նաև Լինտները, ով 33 տարի եղել է Բունդեսթագի անդամ, իսկ մինչև 2010 թվականը՝ ԵԽԽՎ անդամ։ Մյունխենի դատախազությունը պնդում է, որ Լինտները մինչև 2016 թվականը օտարերկրյա կեղծ ընկերությունների միջոցով ստացել է «մի քանի միլիոն եվրո»։ 80-ամյա քաղաքական գործիչը մեղադրվում է օտար պետության կառավարությունից վճարումներ ստանալու և դրանք Քրիստոնեա-դեմոկրատական միության մեկ այլ պատգամավորի փոխանցելու մեջ․ վերջինս մահացել է։ DPA-ի հետ զրույցում ևս Լինտները խոստովանել է, որ ստացել է գումար, բայց պնդել է, որ դա կաշառք չէ։ Այս գործով դատավճիռը կհրապարակվի հուլիսի վերջին։Լինտներից բացի, ամբաստանյալի աթոռին է հայտնվել նաև ՔԴՄ նախկին պատգամավոր Ակսել Ֆիշերը։ Կաշառակերության մեջ մեղադրվող Ֆիշերը նույնպես հերքում է մեղադրանքները։

14:55 - 20 մայիսի, 2025

Ադրբեջանի Պաշտպանության նախարարը Իսրայելում է |azatutyun.am|

azatutyun.am: Ադրբեջանի Պաշտպանության նախարար Զաքիր Հասանովն այսօր Թել-Ավիվում հանդիպել է իր իսրայելցի պաշտոնակցի հետ։ Այս մասին հաղորդում է Тimes of Israel պարբերականը։ Թերթի տեղեկություններով՝ Իսրայելի պաշտպանության նախարար Իսրայել Կացը բարձր է գնահատել երկու երկրների միջև ձևավորված ռազմավարական համագործակցությունը։ Երկու նախարարները պայմանավորվել են հետագայում ևս ընդլայնել երկկողմ ռազմական համագործակցությունը։

17:57 - 19 մայիսի, 2025

Տարածաշրջանում խաղաղության հաստատումը կարևոր է ԵՄ-ին Հայաստանի անդամակցության հեռանկարի տեսանկյունից․ Անիտա Դիմիտրիու |armenpress.am|

armenpress.am: Կիպրոսը սատարում է Հայաստանի և Ադրբեջանի միջև խաղաղության հաստատման գործընթացին և ընդգծում դրա կարևորությունը ոչ միայն տարածաշրջանի կայունության, այլև Հայաստանի՝ ԵՄ անդամակցության հեռանկարի տեսանկյունից։ ԱԺ-ում մամուլի ասուլիսի ժամանակ այս մասին հայտարարեց Կիպրոսի Ներկայացուցիչների պալատի նախագահ Անիտա Դիմիտրիուն։ «Մենք հուսով ենք, որ հնարավորինս շուտ խաղաղության պայմանագիր կկնքվի Հայաստանի և Ադրբեջանի միջև։ ԱԺ նախագահ Ալեն Սիմոնյանը մեզ տեղեկացրեց այդ ուղղությամբ արվող ջանքերի մասին։ Մենք մեր կողմից պատրաստ ենք աջակցել դիվանագիտական շրջանակներում իրականացվող բոլոր փորձերին։ Ի վերջո, խաղաղության պայմանագիրը պետք է ոչ միայն ստորագրվի, այլև լիարժեք կյանքի կոչվի», – ասաց Դիմիտրիուն։ Նրա խոսքով՝ կայունությունը և խաղաղությունը նպաստելու են Հայաստանի զարգացմանը, միջազգային համագործակցության ընդլայնմանն ու եվրոպական հեռանկարի ամրապնդմանը։«Դա կօգնի նաև Հայաստանի Հանրապետության անդամակցությանը ԵՄ-ին, ինչպես նաև մնացած երկրների հետ ավելի սերտ հարաբերությունների կառուցմանը։ Երբ կա խաղաղություն, յուրաքանչյուր երկիր ծաղկում է, զարգանում է»,- ասաց նա։ Կիպրոսի խորհրդարանի ղեկավարը հիշեցրեց, որ իր երկրում ևս խաղաղության խնդիրն առկա է արդեն կես դար։ «Կիպրոսը արդեն 50 տարի է՝ կիսված է։ Մենք գիտենք՝ ինչ է նշանակում ապրել երկարատև հակամարտության պայմաններում։ Այդ փորձառությունն էլ է պատճառը, որ Կիպրոսն աջակցում է հայ ժողովրդին՝ խաղաղություն հաստատելու ջանքերում»,- եզրափակեց Կիպրոսի խորհրդարանի նախագահը։

15:24 - 19 մայիսի, 2025

Կայացել է ադրբեջանա-իրանական զորավարժությունների պաշտոնական բացումը |azatutyun.am|

azatutyun.am: Այսօր կայացել է ադրբեջանա-իրանական համատեղ զորավարժությունների պաշտոնական բացման արարողությունը։ «Դրանց մասնակցող զինվորականները մասնակցել են համատեղ զորահանդեսին», - հաղորդում է ադրբեջանական APA գործակալությունը։ «Արարողությանը մասնակցող իրանցի և ադրբեջանցի բարձրաստիճան զինվորականներն ընդգծել են, որ «Արազ 2025» զորավարժությունները նպաստում են երկու երկրների զինված ուժերի միջև փոխադարձ վստահության ամրապնդմանը», - նշված է Ադրբեջանի պաշտպանության նախարարության հաղորդագրության մեջ։ Իրանական «Թասնիմ» գործակալության տեղեկություններով՝ զորավարժություններն ընթանում են «Ադրբեջանի Հանրապետության կողմից ազատագրված Ղարաբաղի տարածաշրջանում»։ Զորախաղերը շարունակվելու են մինչև մայիսի 21-ը։

15:15 - 19 մայիսի, 2025

ՀԱՊԿ-ն ակնկալում է Երևանի և Բաքվի միջև խաղաղության պայմանագրի ստորագրում՝ հնարավորինս շուտ |civilnet.am|

civilnet.am: Հավաքական անվտանգության պայմանագրի կազմակերպությունն ակնկալում է, որ Հայաստանի և Ադրբեջանի միջև խաղաղության պայմանագիրը կստորագրվի հնարավորինս շուտ։ Այս մասին հայտարարել է ՀԱՊԿ գլխավոր քարտուղար Իմանգալի Տասմագամբետովը, հայտնում է ՏԱՍՍ-ը։ «Կովկասում կան որոշակի դրական զարգացումներ։ Սա Հայաստանի Հանրապետության և Ադրբեջանի Հանրապետության հայտարարությունն է բանակցությունների ավարտի և երկու երկրների միջև միջպետական փաստաթղթի տեքստի հաստատման վերաբերյալ», – ասել է նա ՀԱՊԿ Խորհրդարանական վեհաժողովի (ԽՎ) խորհրդի նիստում։ «Մենք հույս ենք հայտնում փաստաթղթի հնարավորինս շուտ ստորագրման վերաբերյալ և ակնկալում ենք, որ դրա իրականացումը կհարթի ճանապարհը Հարավային Կովկասում խաղաղության և կայունության համար»։

13:39 - 19 մայիսի, 2025

Չի բացառվում, որ քննարկումներն ապագայում կշարունակվեն Փաշինյան-Ալիև մակարդակով․ Ալեն Սիմոնյան |civilnet.am|

civilnet.am: ԱԺ նախագահ Ալեն Սիմոնյանը չի բացառում, որ հայ-ադրբեջանական քննարկումներն ապագայում կշարունակվեն երկրների ղեկավարների, արտաքին գործերի նախարարների ձևաչափով։ «Դա լավ նորություն է։ Նման գործընթացներն ուղղված են խաղաղության պայմանագրի կնքման տեղի, ժամի հետ կապված»,- խորհրդարանում լրագրողների հետ զրույցում ասել է Սիմոնյանը։ ԱԺ նախագահի վստահեցմամբ, հայկական կողմը, և միջազգային բազմաթիվ գործընկերներ աշխատանքներ են տանում, որպեսզի իրականություն դարձնեն խաղաղության պայմանագրի կնքումը։ Անդրադառնալով Ադրբեջանի նախապայմաններին, առանց որոնց կատարման Բաքուն չի ստորագրի խաղաղության պայմանագիրը, Ալեն Սիմոնյանը նշել է, որ այդ նախապայմանները չեն կարող փակուղային լինել։ «Ադրբեջանի նախապայմանները, մեր ընկալմամբ, չեն կարող և չպետք է խոչընդոտել խաղաղության պայմանագրի ստորագրմանը։ Հայկական իրավական դաշտում գորություն չունի նման խնդիր, որն այսօր հնչեցնում է Ադրբեջանը»,- ասել է Սիմոնյանը։ Բաքուն Երևանից պահանջում է փոխել Սահմանադրությունը, ասելով, թե իբր այն իր մեջ տարածքային պահանջներ ունի Ադրբեջանի նկատմամբ։ Ալբանիայի մայրաքաղաք Տիրանայում մայիսի 16-ին տեղի էր ունեցել Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպումը։ Փաշինյանն ու Ալիևը կարևորել էին Հայաստան-Ադրբեջան խաղաղության համաձայնագրի տեքստի համաձայնեցումը։

13:09 - 19 մայիսի, 2025

Ամբողջությամբ սատարում ենք Հայաստանին և Ադրբեջանին խաղաղության համաձայնագիրը ստորագրելու ճանապարհին. Էմանուել Մակրոն |armenpress.am|

armenpress.am: Ֆրանսիան ամբողջությամբ աջակցում է Հայաստանին և Ադրբեջանին խաղաղության համաձայնագիր ստորագրելու ճանապարհին։ Եվրոպական քաղաքական համայնքի 6-րդ համաժողովի ժամանակ ունեցած ելույթում այդ մասին հայտարարել է Ֆրանսիայի նախագահ Էմանուել Մակրոնը։ «Ես կարծում եմ, որ Հայաստանի ու Ադրբեջանի միջև ամեն ինչ կավարտվի խաղաղության պայմանագրի ստորագրմամբ և ուզում եմ Նիկոլին (խմբ. ՀՀ վարչապետ Նիկոլ Փաշինյան) և Իլհամին (խմբ. Ադրբեջանի նախագահ Իլհամ Ալիև) ասել, որ մենք ամբողջությամբ սատարում ենք ձեզ այդ համաձայնագրի ստորագրման ճանապարհին»,- հայտարարել է Ֆրանսիայի նախագահը։

18:02 - 16 մայիսի, 2025

Նիկոլ Փաշինյանն ու Կայա Կալասը հանդիպման ընթացքում մտքեր են փոխանակել Հայաստանի և Ադրբեջանի միջև բանակցային գործընթացի վերաբերյալ

Հայաստանի վարչապետ Նիկոլ Փաշինյանն ու ԵՄ արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասը Տիրանայում հանդիպման ընթացքում մտքեր են փոխանակել Հայաստանի և Ադրբեջանի միջև բանակցային գործընթացի վերաբերյալ և կարևորել խաղաղության համաձայնագրի ստորագրումը` ի նպաստ տարածաշրջանում կայունության և համագործակցության: ՀՀ վարչապետի աշխատակազմից հայտնում են, որ զրուցակիցները քննարկել են նաև Հայաստան-Եվրոպական միություն համագործակցության հետագա զարգացմանը, ընթացիկ օրակարգին վերաբերող հարցեր: Կողմերը գոհունակություն են հայտնել հարաբերությունների հետևողական զարգացման ուղղությամբ տեղի ունեցող գործընթացներից և նշել, որ բարձր մակարդակի ակտիվ շփումները նոր ազդակ կհաղորդեն համատեղ ծրագրերին:

17:06 - 16 մայիսի, 2025