Նազելի Բաղդասարյան

8-րդ գումարման ԱԺ պատգամավոր է՝ «Քաղաքացիական պայմանագիր» խմբակցությունից։

Ծնվել է 1983թ. օգոստոսի 8-ին Լենինականում (ներկայում՝ Գյումրի):

2005թ. ավարտել է Մոսկվայի ձեռներեցության միջազգային ակադեմիայի իրավագիտության ֆակուլտետը: Իրավագիտության մագիստրոս:

Մասնակցել է ԱՄՆ Միջազգային զարգացման գործակալության «Ռադիոցանցերի կառավարում» ռադիոմենեջերների (2008թ., Ուկրաինա) եւ Կիեւի ժողովրդավարության եւ իրավունքի գերակայության ինստիտուտի մեդիաիրավագետների կրթական ծրագրերի դասընթացներին (2017թ.): Մեդիաիրավագետ է:

1999-2006թթ. աշխատել է «Ցայգ» ՀԸ հաղորդավար: 2003-2005թթ.՝ ՀՀ ԱԺ պետական-իրավական հարցերի մշտական հանձնաժողովի նախագահի տեղակալի օգնական: 2005-2006թթ.՝ Մոսկվայի ժամանակակից հումանիտար ակադեմիայի երեւանյան մասնաճյուղի դասախոս: 2005-2018թթ.՝ «Ռադիո Հայ Գյումրի» ռադիոկայանի ղեկավար: 2006-2018թթ.՝ մասնավոր ոլորտում՝ իրավաբան: 2012 թվականից՝ Ցայգ ՀԸ «Իրականում» հեռուստահաղորդաշարի հեղինակ եւ վարող: 2012 թվականից՝ քաղաքական եւ կոմերցիոն արշավների մեդիափորձագետ: 2014-2019թթ.՝ «Սթայլ Մեդիա» ՍՊԸ հիմնադիր սեփականատեր: 2015 թվականից՝ հանրային ելույթների եւ հրապարակախոսության դասընթացավար (մենթոր): 21.08.2018-14.01.2019թթ.՝ ՀՀ Շիրակի մարզպետի խորհրդական:

2011 թվականից Լրագրողների միջազգային դաշնության (IFJ) լիիրավ անդամ է: 2017-2019թթ. եղել է «Գյումրին առանց տնակների» հիմնադրամի հոգաբարձուների խորհրդի անդամ: 2018 թվականից՝ Գյումրու «Երիտասարդական նախաձեռնությունների կենտրոնի» (ԵՆԿ) խորհրդատվական խորհրդի անդամ:

2019-2021թթ.՝ ԱԺ պատգամավոր («Իմ քայլը» կուսակցությունների դաշինք, թիվ 11 ընտրատարածքի տարածքային ընտրական ցուցակ): ԱԺ պետական-իրավական հարցերի մշտական հանձնաժողովի անդամ: 2020-2021թթ. ՝ ԱՊՀ ՄԽՎ պետականաշինության փորձի ուսումնասիրման եւ տեղական ինքնակառավարման հարցերի մշտական հանձնաժողովի անդամ: «Իմ քայլը» խմբակցության անդամ:

2021թ. հունիսի 20-ին ԱԺ պատգամավոր է ընտրվել «Քաղաքացիական պայմանագիր» կուսակցության համապետական ընտրական ցուցակով:

Քննարկվել են Կուրսկի և Ուլյանովսկի երկրամասերի հետ Շիրակի մարզի համագործակցությունը ամրապնդելուն առնչվող հարցեր

Քննարկվել են Կուրսկի և Ուլյանովսկի երկրամասերի հետ Շիրակի մարզի համագործակցությունը ամրապնդելուն առնչվող հարցեր

Շիրակի մարզպետ Նազելի Բաղդասարյանն այսօր ընդունել է ՌԴ Դաշնային ժողովի Պետական Դումայի ԱՊՀ գործերով, եվրասիական ինտեգրման և հայրենակիցների հետ կապերի կոմիտեի նախագահի առաջին տեղակալ Կազբեկ Տայսաևի գլխավորած պատվիրակությանը:   Մարզպետը ողջունել է հյուրերին և խոսել հայ-ռուսական բարեկամության կարևորության մասին։   Հանդիպման ժամանակ կողմերը քննարկել են երկու երկրների միջև առկա արդյունավետ գործակցությանը, ինչպես նաև Շիրակի մարզի հետ ՌԴ առանձին երկրամասերի ապակենտրոնացված համագործակցությանը վերաբերող հարցեր։ Անդրադարձ է կատարվել ՌԴ Կուրսկի և Ուլյանովսկի երկրամասերի հետ Շիրակի մարզի համագործակցությունը ամրապնդելուն և այդ առնչությամբ նոր քայլեր ձեռնարկելուն վերաբերող հարցերի։   ՌԴ Դաշնային ժողովի Պետական դումայի ԱՊՀ գործերով, եվրասիական ինտեգրման և հայրենակիցների հետ կապերի կոմիտեի նախագահի առաջին տեղակալ Կազբեկ Տայսաևը շնորհակալություն է հայտնել ընդունելության համար և Շիրակի մարզպետին պատասխան այցով հրավիրել է Մոսկվա։   Հանդիպման ավարտին կողմերը փոխանակվել են հուշանվերներով։
17:48 - 12 նոյեմբերի, 2022
ՌԴ Պետդումայի պատգամավորը Շիրակի մարզպետին հրավիրել է Մոսկվա

ՌԴ Պետդումայի պատգամավորը Շիրակի մարզպետին հրավիրել է Մոսկվա

Շիրակի մարզպետ Նազելի Բաղդասարյանն ընդունել է ՌԴ Դաշնային ժողովի Պետական Դումայի ԱՊՀ գործերով, եվրասիական ինտեգրման և հայրենակիցների հետ կապերի կոմիտեի նախագահի առաջին տեղակալ Կազբեկ Տայսաևի գլխավորած պատվիրակությանը: Այս մասին հայտնեցին Շիրակի մարզպետարանից:    Մարզպետը ողջունել է հյուրերին և խոսել հայ-ռուսական բարեկամության կարևորության մասին։ Հանդիպման ժամանակ կողմերը քննարկել են երկու երկրների միջև առկա արդյունավետ գործակցությանն, ինչպես նաև Շիրակի մարզի հետ ՌԴ առանձին երկրամասերի ապակենտրոնացված համագործակցությանը վերաբերող հարցեր։ Անդրադարձ է կատարվել ՌԴ Կուրսկի և Ուլյանովսկի երկրամասերի հետ Շիրակի մարզի համագործակցությունը ամրապնդելուն և այդ առնչությամբ նոր քայլեր ձեռնարկելուն վերաբերող հարցերի։   ՌԴ Դաշնային ժողովի Պետական դումայի ԱՊՀ գործերով, եվրասիական ինտեգրման և հայրենակիցների հետ կապերի կոմիտեի նախագահի առաջին տեղակալ Կազբեկ Տայսաևը շնորհակալություն է հայտնել ընդունելության համար և Շիրակի մարզպետին պատասխան այցով հրավիրել է Մոսկվա։   Հանդիպման ավարտին կողմերը փոխանակվել են հուշանվերներով։
16:50 - 12 նոյեմբերի, 2022
Գյումրիում Իտալիայի պատվո հյուպատոս Անտոնիո Մոնտալտոն պարգևատրվել է Շիրակի մարզպետի շնորհակալագրով

Գյումրիում Իտալիայի պատվո հյուպատոս Անտոնիո Մոնտալտոն պարգևատրվել է Շիրակի մարզպետի շնորհակալագրով

Շիրակի մարզպետի որոշմամբ հայ-իտալական հարաբերությունների ամրապնդման և զարգացման, բարեկամական կապերի հաստատման, մշակութային համագործակցությանը նպաստելու, բարեխիղճ և արդյունավետ գործունեության համար Գյումրիում Իտալիայի Հանրապետության պատվո հյուպատոս Անտոնիո Մոնտալտոն պարգևատրվել է շնորհակալագրով։ Շիրակի մարզպետ Նազելի Բաղդասարյանն նոյեմբերի 11-ին հյուրընկալել է Հայաստանում Իտալիայի արտակարգ և լիազոր դեսպան Ալֆոնսո Դի Րիզոյի գլխավորած պատվիրակությանը։ Հանդիպման ընթացքում  Նազելի Բաղդասարյանն անդրադարձել է հայ-իտալական երկարամյա բարեկամության կարևորությանն ու Գյումրիում Իտալիայի հյուպատոսության հետ համագործակցված աշխատանքին: Շիրակի մարզպետը կարևորել է զբոսաշրջության, մշակութային և կրթական բնագավառներում համագործակցության խորացումը՝ ընդգծելով մարզում իտալերեն լեզվի ուսուցման հնարավորության հարցում դեսպանության հետ գործակցությունը։ Դեսպանը պատրաստակամություն է հայտնել համագործակցել և նշել, որ ուրախ է, երբ տեսնում է գործնական աշխատանք և նախաձեռնողականություն։ Մարզպետը նաև խոսել է տարիներ շարունակ Գյումրիում Իտալիայի Հանրապետության պատվո հյուպատոս Անտոնիո Մոնտալտոյի կատարած անձնվեր աշխատանքի ու Գյումրիի զարգացմանը նպաստող ծրագրերի մասին: «Ուրախ եմ արձանագրելու, որ տարիներ շարունակ, ի դեմս պարոն Մոնտալտոյի, մենք Իտալիայի մի փոքր մաս ունենք Գյումրիում, հյուպատոսի հետ երկար տարիներ բարեկամական հարաբերություններ ունենք և նրան համարում ենք մեզանից մեկը, որովհետև նրա աշխատանքը եղել է համգործակցության կամուրջ»,-իր խոսքում նշեց մարզպետը:
15:13 - 11 նոյեմբերի, 2022
Նազելի Բաղդասարյանը շիրակցի գերիների հայրենադարձման խնդրի լուծման հարցում կարևորել է Հայաստանում ԵՄ դեսպանի ջանքերը

Նազելի Բաղդասարյանը շիրակցի գերիների հայրենադարձման խնդրի լուծման հարցում կարևորել է Հայաստանում ԵՄ դեսպանի ջանքերը

Շիրակի մարզպետ Նազելի Բաղդասարյանն այսօր հյուրընկալել է Հայաստանում Եվրոպական միության ղեկավար, դեսպան Անդրեա Վիկտորինի գլխավորած պատվիրակությանը։   «Ձերդ գերազանցություն, տիկին դեսպան, ուրախ եմ Ձեզ կրկին հյուրընկալելու Շիրակի մարզում։ Մեզ համար առանձնակի կարևորություն ունեն այն նախաձեռնությունները, որոնք իրականացնում է Եվրոպական միությունը մեր մարզում։ Ինձ համար՝ որպես մարզպետ, կարևոր է, որ իրականացված ծրագրերը հասանելի և տեսանելի լինեն մեր բնակչության համար։ Այդ իմաստով գնահատանքի են արժանի թե գյուղատնտեսության, թե զբոսաշրջության բնագավառներում իրականացվող ծրագրերը։ Հաջողված համագործակցության բազմաթիվ օրինակներ ունենք, տիկին դեսպան, մենք պատրաստակամ ենք շարունակելու մեր գործակցությունը, և վստահ եմ՝ այստեղ կհաջողենք»,- ողջունելով դեսպանին՝ նշել է Շիրակի մարզպետը։   Անդրեա Վիկտորինը շնորհակալություն է հայտնել մարզպետին ընդունելության ու արդեն ձևավորված համագործակցության խորացմանն ուղղված գործնական քայլերի համար` նշելով, որ ամենևին պատահական չէ, որ այսօր Շիրակ այցելած պատվիրակության բոլոր անդամները կանայք են, քանզի իրենք նպատակ ունեն քաջալերելու և աջակցելու Շիրակի մարզպետին որպես կին ղեկավարի․ «Տիկին մարզպետ, ուրախ եմ Ձեր հիանալի մարզում կրկին լինելու համար։ Շիրակի մարզն ու, մասնավորապես, Գյումրին շարունակում են մնալ մեր օրակարգում, շուտով նոր ծրագրի մասին կազդարարենք, խոսքը Գյումրու զարգացմանը նպաստող նոր տնտեսական ծրագրի մասին է։ Ես ուզում եմ ընդգծել Ձեր անձնական նախաձեռնողականության կարևորությունը համագործակցության ամրապնդման հարցում և վստահ եմ, այո՛, համագործակցությունը կլինի շարունակական»։   Նազելի Բաղդասարյանն անդրադարձել է շիրակցի գերիների հայրենադարձման խնդրին՝ կարևորելով դեսպանի ջանքերը խնդրի լուծման հարցում։   Անդրեա Վիկտորինը նշել է, որ Եվրամիությունն ամեն ինչ անում է տարածաշրջանում խաղաղության լիարժեք հաստատման ուղղությամբ, ինչի ապացույցը ԵՄ դիտորդական առաքելությունն է հայ-ադրբեջանական սահմանին:   Կողմերն անդրադարձել են համագործակցությանն առնչվող մի շարք ծրագրերի, քննարկել՝ փոխադարձ հետաքրքրություն ներկայացնող մի շարք հարցեր։  
15:32 - 26 հոկտեմբերի, 2022
Շիրակի մարզպետարանում քննարկվել են սուբվենցիոն ծրագրերի արդյունավետության, մարզի քաղպաշտպանությանը վերաբերող հարցեր

Շիրակի մարզպետարանում քննարկվել են սուբվենցիոն ծրագրերի արդյունավետության, մարզի քաղպաշտպանությանը վերաբերող հարցեր

Շիրակի մարզպետարանից հայտնել են, որ մարզպետ Նազելի Բաղդասարյանի գլխավորությամբ այսօր տեղի է ունեցել աշխատանքային խորհրդակցություն մարզի խորհրդի կազմով։   Խորհրդակցության ժամանակ անդրադարձ է կատարվել մարզի համայնքների բյուջեների սեփական եկամուտների 2022 թվականի 8 ամիսների կատարողականին, համայնքապետարանների աշխատակազմերի համայնքային ծառայության և ՀՈԱԿ-ների տնօրենների թափուր պաշտոնների համալրման նպատակով մրցույթների անցկացմանը, ինչպես նաև Շիրակի մարզի համայնքների կողմից տնտեսական և սոցիալական ենթակառուցվածքների զարգացմանն ուղղված 2022 թվականի սուբվենցիոն ծրագրերի իրականացման ընթացքին և 2023 թվականին նախատեսվող ծրագրերի հայտերի մշակմանն ու ներկայացմանը։   «Սուբվենցիոն ծրագրերը կառավարություն-համայնք համագործակցության արդյունավետ ձևաչափ են, որոնց իրականացումն ու արդյունավետությունը խիստ կարևոր են։ Ծրագրերի ընթացքին պետք է հետևեն պատասխանատուները, դրանցում թերությունները բացառելու համար պետք են համայնքապետների աչալրջությունն ու վերահսկողությունը, աշխատանքների տեմպերից գոհ չեմ և հորդորում եմ լինել առավել զգոն և թույլ չտալ անհարկի ձգձգումները»,- նշել է Շիրակի մարզպետը։   Խորհրդակցության ավարտին քննարկվել են մարզի քաղպաշտպանության պլանին վերաբերող հարցեր, տրվել են հանձնարարականներ՝ քաղաքացիական պաշտպանության համակարգի պատրաստվածության պահանջվող մակարդակի պահպանմանն ուղղված միջոցառումների ուղղությամբ:
18:21 - 30 սեպտեմբերի, 2022
Ինչքան էլ տարբերվենք, մեզ բոլորիս միավորում է սերը մեր քաղաքի հանդեպ. Նազելի Բաղդասարյանի ուղերձը՝ Գյումրու օրվա կապակցությամբ

Ինչքան էլ տարբերվենք, մեզ բոլորիս միավորում է սերը մեր քաղաքի հանդեպ. Նազելի Բաղդասարյանի ուղերձը՝ Գյումրու օրվա կապակցությամբ

ՀՀ Շիրակի մարզպետ Նազելի Բաղդասարյանը շնորհավորական ուղերձ է հղել Գյումրու օրվա առթիվ: «Սիրելի՛ գյումրեցիներ, Ի սրտե շնորհավորում եմ Գյումրու օրվա առթիվ, այսօր մեր բոլորի ընդհանուր տոնն է։ Ինչքան էլ տարբերվենք, մեզ բոլորիս միավորում է սերը մեր քաղաքի հանդեպ։ Մենք հպարտանում ենք մեր քաղաքի պատմությամբ, ավանդույթներով, ժամանակակից ձեռքբերումներով, հավատում ենք նրա ապագային։ Այսօր քաղաքն իր հիմնանորոգված փողոցներով, պատմամամշակութային արժեքներով, գյումրեցիների բարեհամբույր և ջերմ հյուրընկալությամբ ընդունում է բազմաթիվ զբոսաշրջիկների ամբողջ աշխարհից։ Համոզված եմ, որ, ինչպես միշտ, գյումրեցին իր պատվախնդրությամբ ու արժանապատվությամբ, արարելու պատրաստակամությամբ ու մեծ ներուժով կհաղթահարի բոլոր մարտահրավերները և քաղաքը կդարձնի ավելի հարմարավետ և գեղեցիկ թե՛ քաղաքի բնակիչների, թե՛ հյուրերի համար։ Քաղաքի տոնի առթիվ իմ սիրելի գյումրեցիներին մաղթում եմ քաջառողջություն, բարեկեցություն, երջանկություն և աննկուն կամք: Շնորհավո՛ր տոնդ, հարազա՛տ Գյումրի»,- ասված է ուղերձում:
11:24 - 02 սեպտեմբերի, 2022
2022-ին Գյումրիում կիրականացվի 6 սուբվենցիոն ծրագիր՝ 53 ենթածրագրերով

2022-ին Գյումրիում կիրականացվի 6 սուբվենցիոն ծրագիր՝ 53 ենթածրագրերով

3 մլրդ 394 մլն, որից 1 մլրդ 594 մլն-ը կառավարության համամասնությունն է․ 2022-ին Գյումրիում, կառավարություն-համայնք համագործակցության արդյունքում, կիրականացվի 6 սուբվենցիոն ծրագիր՝ 53 ենթածրագրերով․ տեղեկացնում են Շիրակի մարզպետարանից։ Շիրակի մարզպետ Նազելի Բաղդասարյանը մարզային ու քաղաքային իշխանության ներկայացուցիչների հետ այսօր հետևել է Գյումրու սուբվենցիոն մի շարք ծրագրերի ընթացքին։ Մասնավորապես, «Գյումրի համայնքի սոցիալական բնակարանների և մշակույթային կենտրոնների վերանորոգում» սուբվենցիոն ծրագրի շրջանականերում ընթացքի մեջ են Ալիխանյանի անվան տիկնիկային թատրոնի շենքի և տանիքի վերանորոգման աշխատանքները, նախահաշվային ընդհանուր արժեքը կազմում է 71 մլն 741 հազար դրամ՝ 45 տոկոս պետության համամասնությամբ։ «Գյումրու տիկնիկային թատրոնի հարցը բավական չարչրկված հարց էր, և ըստ էության, լինելով Անդրկովկասի առաջին տիկնիկային թատրոնը պետք է արձանագրեմ, որ տարիներ շարունակ պատշաճ ուշադրություն չի դարձվել կառույցին: Այս կառույցի հետ կապված գործընթացները սկսվեցին դեռ 2019 թվականին, երբ կառավարության համապատասխան որոշմամբ տանիքի վերանորոգման համար նախագիծ պատրաստվեց։ Շատ ուրախ եմ, որ նախորդ տարվա ընթացքում համայնքը սուբվենցիոն ծրագրի շրջանակներում ներառել էր նաև այս կառույցը, ներկայացվել էր մարզպետարան, որը, բնականաբար, ողջունվեց մեր կողմից»,- լրագրողների հետ զրույցում նշել է Շիրակի մարզպետը։ Նազելի Բաղդասարյանն ընդգծել է, որ այցերի բուն նպատակը առկա և հնարավոր թերություններն արձանագրելն է, որպեսզի հենց աշխատանքների փուլում դրանք ֆիքսվեն և հնարավոր լինի արագ շտկել։ «Փաստացիորեն պատուհանների փոփոխություն չի եղել և շինարարը աշխատանքների արդյունքում ինչպես այդ խնդիրն է արձանագրել, նաև փոքր բեմի ետնապատում գտնվող որմնանկարի հետ կապված խնդիրը, այնտեղ լուծում է գտնվել, որ պետք է ևս մեկ շերտ արհեստականորեն առաջ բերել՝ պատի հատվածի խնդիրը կլուծվի, իսկ պատուհանների հարցին մարզպետարանի պատասխանատուների ուշադրությունն է հրավիրվել, կամ նախագծային փոփոխություն կնախատեսենք, կամ ինչ-որ այլ միջոց, որի արդյունքում կատարված աշխատանքն կունենա լիարժեք արդյունք: Եվս մեկ խնդիր ենք արձանագրել՝ աստիճանավանդակների նեղության հարցը, որը հակահրդեհային առումով կարող է խնդիրներ առաջացնել, տեսնենք ինչպիսի լուծումներ կունենանք այս հարցում: Հակառակ դեպքում ստացվում է, որ աշխատանք է իրականացվում և հետո ինչ-որ թերացումների պատճառով խնդիրներ ենք ունենում և արածը ջուրն է լցվում»,- նշել է մարզպետը։ Սուբվենցիոն ծրագրով կնորոգվի նաև «Մարիամ և Երանուհի Ասլամազյան քույրերի պատկերասրահի» փայտե պատշգամբը, մարզպետին ներկայացվել է, որ աշխատանքները դեռ չեն մեկնարկել, նախատեսվում է նախահաշվային ընդհանուր արժեքով 14 մլն 72 հազար դրամի աշխատանքների իրականացում։ Մարզային իշխանությունները հետևել են նաև փողոցաշինական աշխատանքներին։ «Գյումրի համայնքի 22 փողոցների հիմնանորոգում» սուբվենցիոն ծրագրի ընդհանուր արժեքը կազմում է 1 մլրդ 998 մլն 646 հազար դրամ, որից կառավարության համամասնությունը կազմում է 45 տոկոս։ Շինաշխատանքներն իրականացվում են 5 ընկերությունների կողմից։ «Պետք է ասել, որ տեմպերի առումով այս պահին Գյումրիում իրականացվող սուբվենցիոն ծրագրերի ցուցանիշները 2022 թվականի ես բավարար եմ գնահատում, չնայած ուզում եմ հիշեցնել, որ նախորդ տարվանից դեռ ունենք անավարտ ծրագրեր, որի մասով պետք է հետևողական լինենք»,- կարևորել է Նազելի Բաղդասարյանը և նշել, որ հետևողականություն կցուցաբերվի բոլոր համայնքների ու բոլոր ծրագրերի նկատմամբ։ Անորակ աշխատանք ու ձգձգումներն անընդունելի են լինելու։ Արդեն մեկնարկել է նաև 2023թ-ի հայտերի ընդունման գործընթացը։ Ըստ մարզպետի, սա ևս մեկ քայլ առաջ է, որովհետև ծրագրային փաթեթները ընդունելուց հետո, հունվար ամսից արդեն հնարավոր կլինի մրցույթների իրականացումը, իսկ շինաշխատանքներն ամբողջ ծավալով ավելի վաղ կմեկնարկեն:
15:57 - 29 օգոստոսի, 2022
Համատեղ աշխատանքով կկարողանանք նոր արդյունքներ գրանցել. Շիրակի մարզպետը՝ ՅՈՒՆԻՍԵՖ-ի ներկայացուցչին

Համատեղ աշխատանքով կկարողանանք նոր արդյունքներ գրանցել. Շիրակի մարզպետը՝ ՅՈՒՆԻՍԵՖ-ի ներկայացուցչին

Շիրակի մարզպետ Նազելի Բաղդասարյանն այսօր ընդունել է Հայաստանում ՄԱԿ-ի մանկական հիմնադրամի (ՅՈՒՆԻՍԵՖ)-ի ներկայացուցիչ Քրիստինե Վայգանդին։ Այդ մասին հայտնում են Շիրակի մարզպետարանից:   Մարզպետն անդրադարձել է ՅՈՒՆԻՍԵՖ-ի գործունեությանը՝ կարևորելով հիմնադրամի առաքելությունը Շիրակի մարզում: «Այն առաքելությունն ու այն աշխատանքային ուղղությունը, որ նախընտրել է ՅՈՒՆԻՍԵՖ-ն անցած տասնամյակների ընթացքում, կարևոր է եղել մեր մարզի համար, խոսքս, հատկապես, աղքատության հաղթահարման, երեխաների իրավունքների պաշտպանության բնագավառներին է վերաբերվում։ Ունենք դրական տեղաշարժ երկու առումով էլ։ Մենք պատրաստ ենք համատեղ աշխատանքի և վստահ եմ՝ համատեղ աշխատանքով կկարողանանք նոր արդյունքներ գրանցել։ Այդ կերպ հնարավոր կլինի ոչ միայն հայտնաբերել խնդիրները, այլև գործել ի նպաստ քաղաքացու և, բնականաբար, ի նպաստ երեխաների լավագույն շահի»,- ասել է նա։ Քրիստինե Վայգանդը շնորհակալություն է հայտնել ջերմ ընդունելության համար և նշել, որ բարձր է գնահատում համագործակցության պատրաստակամությունը՝ անդրադառնալով Հայկասարում և Նահապետավանում մանկապարտեզների կառուցման ծրագրերին՝ կարևորելով նախադպրոցական կրթությունը։   Հանդիպման ժամանակ քննարկվել են նաև Ամասիայում և Անիում ուսուցիչների՝ շրջակա միջավայրի պաշտպանության վերաբերյալ վերապատրաստման դասընթացներին, «Շիրակի մարզի երեխայի և ընտանիքի աջակցության կենտրոնի» տարածքի ընդլայնման ու վերականգնման աշխատանքներին առնչվող հարցերի, ինչպես նաև Գյումրու «Երիտասարդական նախաձեռնությունների կենտրոն» ՀԿ-ի հետ համագործակցությանն ու դեռահասների նախաձեռնողականության ու քաղաքացիական ակտիվության բարձրացմանը միտված ծրագրերին։   Քրիստինե Վայգանդը մարզպետին տեղեկացրել է Արթիկ համայնքում «Երիտասարդների տուն» բաց երիտասարդական նոր կենտրոն հիմնելու մտադրության մասին։   Մարզպետը ողջունել է նախաձեռնությունը՝ կարևորելով պետություն-համայնք-միջազգային կառույցներ համագործակցությունը։   Զրուցակիցները մտքեր են փոխանակել երեխաների իրավունքների պաշտպանության, ոլորտում առկա մարտահրավերների և առաջնահերթությունների, հնարավոր համագործակցության մի շարք այլ հարցերի շուրջ:        
16:06 - 26 հուլիսի, 2022
Այս պահին երկրաշարժի հետևանքով փլուզման ահազանգեր չեն եղել․ ԱԻՆ Շիրակի մարզային փրկարարական վարչության պետ

Այս պահին երկրաշարժի հետևանքով փլուզման ահազանգեր չեն եղել․ ԱԻՆ Շիրակի մարզային փրկարարական վարչության պետ

Շիրակի մարզպետարանի պատասխանատու ստորաբաժանումները տեղեկատվություն են հավաքագրում մարզի բոլոր համայնքներից՝ գրանցված երկրաշարժից հետո արձանագրված հնարավոր վնասները ճշտելու համար: Այս մասին ֆեյսբուքյան իր էջում գրել է Շիրակի մարզպետ Նազելի Բաղդասարյանը: «ԱԻՆ Շիրակի մարզային փրկարարական վարչության պետ Ալեքսան Գյոզալյանի փոխանցմամբ` այս պահին փլուզման ահազանգեր չեն եղել»,-նշված է մարզպետի գրառման մեջ: Հիշեցնենք, որ արտակարգ իրավիճակների նախարարության տարածած տեղեկատվության համաձայն՝ հուլիսի 11-ին` առավոտյան 07:36-ին, Բավրա գյուղից 14 կմ արևելք գրանցվել է հերթական երկրաշարժը: Էպիկենտրոնային գոտում ստորգետնյա ցնցման ուժգնությունը կազմել է 6 բալ, Շիրակի մարզի բնակավայրերում այն զգացվել է 5 բալ ուժգնությամբ:
11:03 - 11 հուլիսի, 2022
Երկրաշարժը բավական մեծ ուժգնությամբ զգացվել է Շիրակի մարզի բոլոր բնակավայրերում, այս պահին փլուզումներ չկան արձանագրված

Երկրաշարժը բավական մեծ ուժգնությամբ զգացվել է Շիրակի մարզի բոլոր բնակավայրերում, այս պահին փլուզումներ չկան արձանագրված

Երկրաշարժը բավականին մեծ ուժգնությամբ զգացվել է Շիրակի մարզի բոլոր բնակավայրերում։ Այս մասին իր ֆեյսբուքան էջում գրել  է Շիրակի մարզպետ Նազելի Բաղդասարյանը: «Երկրաշարժը բավականին մեծ ուժգնությամբ զգացվել է Շիրակի մարզի բոլոր բնակավայրերում։ Այս պահին մարզպետարանի պատասխանատու ստորաբաժանումները տեղեկատվություն են ստանում բոլոր համայնքներից՝ հնարավոր վնասները ճշտելու առումով։ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 41.20⁰ և արևելյան երկայնության 43.96⁰ աշխարհագրական կոորդինատներով Վրաստան-Հայաստան սահմանային գոտում` Բավրա գյուղից 15 կմ հյուսիս-արևելք, օջախի 10 կմ խորությամբ, 4.5 մագնիտուդով երկրաշարժ: Էպիկենտրոնային գոտում ստորգետնյա ցնցման ուժգնությունը կազմել է 6 բալ: Շիրակի մարզի համայնքների ղեկավարների վստահեցմամբ, այս պահին փլուզումներ չկան արձանագրված»,- գրել է նա։
22:09 - 14 մայիսի, 2022
Շիրակի մարզպետ Նազելի Բաղդասարյանը մայիսի 8-ին տեսակցել է արցախյան առաջին պատերազմի մասնակիցների

Շիրակի մարզպետ Նազելի Բաղդասարյանը մայիսի 8-ին տեսակցել է արցախյան առաջին պատերազմի մասնակիցների

Շիրակի մարզպետ Նազելի Բաղդասարյանը մայիսի 8-ին տեսակցել է արցախյան առաջին պատերազմի մասնակիցներ Արա-Գեղեցիկ Հայրիկյանին, Ջիվան Պետրոսյանին և Սերիկ Տոնոյանին։ Այս մասին տեղեկացնում է Շիրակի մարզպետարանի աշխատակազմը։ «Դուք մեր պատմության փառավոր էջերը կերտողներն եք և մեր հաղթանակը ձեզանով ու ձեր մարտական ընկերների կյանքի, առողջության ու հերոսության գնով է եղել։ Դուք մերօրյա հերոսներ եք, ձեր օրինակով պետք է ապրեն ու դաստիարակվեն մեր սերունդները։ Ես գիտեմ` դուք երբեմն անտեսվածության զգացում կարող եք ունենալ, և նեղվելու, և զայրանալու իրավունք ունեք, սակայն վստահեցնում եմ` մենք գնահատում ենք հայրենիքի համար արված ձեր սխրանքներն ու խոնարհվում ենք ձեր ավանդի ու հայրենիքի համար կյանքը տված հերոս հայորդիների հիշատակի առջև» ,- հանդիպումների ժամանակ ասել է Շիրակի մարզպետը։
14:54 - 08 մայիսի, 2022
Շիրակի մարզպետն ու ԵՄ դեսպանն անդրադարձել են գերիների հայրենադարձման խնդրին

Շիրակի մարզպետն ու ԵՄ դեսպանն անդրադարձել են գերիների հայրենադարձման խնդրին

Շիրակի մարզպետ Նազելի Բաղդասարյանն այսօր հյուրընկալել է Եվրամիության պատվիրակության ղեկավար, դեսպան Անդրեա Վիկտորինին։ Այս մասին հայտնում են Շիրակի մարզպետարանից։ Ողջունելով դեսպանին՝ Շիրակի մարզպետը նշել է, որ կարևորում է ԵՄ հետ արդեն հաստատված համագործակցությունն ու Եվրամիության կողմից մարզում իրականացրած ծրագրերը տարբեր ուղղություններով․ «Բարով եք եկել Շիրակի մարզ, տիկին դեսպան։ Ուրախ ենք ձեզ հյուրընկալելու և Շիրակի զարգացմանն առնչվող ծրագրերին անդրադառնալու։ Շիրակի մարզը մեծ պոտենցիալ ունեցող մարզերից մեկն է և սա ասում եմ ոչ նրա համար, որ ես այս պահին Շիրակի մարզպետն եմ։ Բոլոր նախադրյալները կան մարզի զարգացման համար և ուրախությամբ եմ Եվրոմիությունն այստըեղ մեզ հետ է։ Կարևոր նախաձեռնություններ են մեզ համար ինչպես կանաչ գյուղատնտեսության նախաձեռնությունն, այնպես էլ ԵՄ ֆինանսավորմամբ բացված տոհմային անասնաբուծության կենտորնի, Ամասիայի բրդի գործարանի, Արթիկի ֆոտովոլտային կայանի ծրագրերը։ Այսօրինակ ծրագրերի իրագործումը հնարավորություն են տալիս, որ մարզի տարբեր տարածաշրջաններ համաչափ զարգանան։ Եվ մենք հավատարիմ ենք կառավարության ապակենտրոնացված քաղաքականությանն ու ինքներս էլ ամեն ինչ անում ենք մարզի բոլոր բնակավայրերի զարգացման համար»։ Նազելի Բաղդասարյանն անդրադարձել է շիրակցի գերիների հայրենադարձման խնդրին՝ կարևորելով դեսպանի ու Եվրոպական խորհրդի նախագահ Շառլ Միշելի՝ տարածաշրջանում կայունության հաստատմանը միտված ջանքերը։ Անդրեա Վիկտորինը նշել է, որ խնդրի կարգավորման ուղղությամբ ջանքեր են գործադրվում և դրանք կրելու են շարունակական բնույթ։ Կողմերը զրուցել են նաև Եվրոպական ժառանգության օրերի շրջանակներում առաջիկա շաբաթվա ընթացքում իրականացվող միջոցառումներին, ինչպես նաև համագործակցության խորացմանն առնչվող մի շարք ծրագրերի։
19:08 - 07 մայիսի, 2022
Սուբվենցիոն ծրագրերից մինչև ապօրինի շինարարության դեմ պայքար. հանդիպում Շիրակի մարզպետարանում

Սուբվենցիոն ծրագրերից մինչև ապօրինի շինարարության դեմ պայքար. հանդիպում Շիրակի մարզպետարանում

Շիրակի մարզպետ Նազելի Բաղդասարյանն այսօր աշխատանքային խորհրդակցություն է անցկացրել մարզի համայնքների ղեկավարների և մարզպետարանի պատասխանատուների մասնակցությամբ։ Քննարկվել են՝ 2022-ին իրականացվելիք սուբվենցիոն ծրագրերը, համայնքների սեփական եկամուտների հավաքագրման ցուցանիշները:    Անդրադառնալով սոցիալ-տնտեսական ենթակառուցվածքների զարգացմանն ուղղված սուբվենցիոն ծրագրերի ընթացքին՝ Շիրակի մարզպետը նշել է, որ չնայած հայտերի ներկայացման փուլում համայնքները ակտիվություն են ցուցաբերել, սակայն թերանում են նախագծային փաստաթղթերի ներկայացման առումով․ «Գործընթացի մեկնարկին շատ ուրախալի էր, որ համայնքները կառավարության հետ համագործակցությամբ փորձում են հիմնահարցերը լուծել, սակայն մինչ օրս նախագծային աշխատանքներ մարզպետարան չեն ներկայացվել: Այստեղ գործընթացը կաղում է, ինչը վատ է և կարող է խնդիրներ առաջացնել։ Որոշակի օբյեկտիվ գործոն կարելի է համարել նախագծային ընկերությունների շատ պատվերներ ընդունելն ու ժամկետներում չտեղավորվելը, սակայն համայնքները պետք է հստակ կարողանան քայլեր ձեռնարկել չհապաղելու համար։ Հորդորում եմ ձեզ այս հարցում լինել առավել օպերատիվ»։   Շիրակի մարզպետը կարևորել է նաև սուբվենցիոն ծրագրերով նախատեսված աշխատանքների որակը՝ ընդգծելով, որ մարզպետարանը խիստ վերահսկողություն կսահմանի․ «Սուբվենցիոն ծրագրերի մարզպետարանի մշտադիտարկման աշխատանքային խումբը կուսումնասիրի բոլոր ծրագրերի ընթացքը, դուք ևս, հարգելի համայնքապետներ, այս հարցում եղեք առավել աչալուրջ և անհանդուրժող ցանկացած թերացման դեպքում, կան երաշխիքային ժամկետներ և շինարարները պետք է այդ պահանջները կատարեն։ Արդեն իսկ մի քանի բնակավայրում նախորդ տարվանից արձանագրվել են թերացումներ, որոնք պետք է անպատճառ շտկվեն»։   Շիրակի մարզպետը բավարար չի համարել սեփական եկամուտների մարզի համայնքների կատարողականը՝ ընդգծելով, որ համայնքների ղեկավարներն այս առումով անելիքներ ունեն՝ կարևորելով հատկապես առանձնակի խոշոր չափերի ապառքներ ունեցող այն քաղաքացիների նկատմամբ հստակ վերաբերմունքը, որոնք և վճարունակ են, և փորձում են չարաշահելով որոշակի հնարավորություններ չկատարել հարկային պարտավորությունները։ Առաջին եռամսյակում սեփական եկամուտները մարզում կատարվել են 70․2 տոկոսով։ Առանձնակի ցածր է եղել անշարժ գույքի հարկի վճարումը՝ 49․1տոկոս։   Անդրադարձ է կատարվել նաև ապօրինի շինարարություն չթույլատրելուն, այս հարցում համայնքների և պատասխանատու բոլոր կառույցների համագործակցված աշխատանքին։ Մարզպետը նշել է, որ անկախ դիրքից ու հնարավորություններից, բոլորը օրենքի առջև պետք է հավասար լինեն և ցանկացած շինության կառուցում մարզում բացառապես իրավասու մարմնի կողմից թույլտվության, օրենսդրությամբ անհրաժեշտ ճարտարապետահատակագծային առաջադրանքի, նախագծային և այլ փաստաթղթերի հիման վրա պետք է արվի:  
16:47 - 26 ապրիլի, 2022
Շիրակի մարզպետը և ՄԻՊ-ը քննարկել են գերեվարված շիրակցիների խնդիրներին առնչվող հարցեր

Շիրակի մարզպետը և ՄԻՊ-ը քննարկել են գերեվարված շիրակցիների խնդիրներին առնչվող հարցեր

Շիրակի մարզպետ Նազելի Բաղդասարյանն այսօր ընդունել է Մարդու իրավունքների պաշտպան Քրիստինե Գրիգորյանին։ Հանդիպման ժամանակ քննարկվել են գերեվարված շիրակցիների խնդիրներին առնչվող հարցեր։ Մասնավորապես, Շիրակի մարզպետն անդրադարձել է նախօրեին Ադրբեջանի Միլի մեջլիսի նախագահի հայտարարությանը, որում վերջինս փորձել էր կասկածի տակ դնել գերեվարված անձանց իրավական կարգավիճակը։ Նազելի Բաղդասարյանը, վկայակոչելով միջազգային բանաձևերն ու փաստաթղթերը, ինչպես նաև եռակողմ հայտարարությունից բխող դրույթները, արձանագրել է, որ Ադրբեջանում պահվող անձինք ունեն ռազմագերու կարգավիճակ։ «Տիկին Գրիգորյան, շնորհակալ եմ պատրաստակամության համար, որ այցելել եք մարզ և, ի թիվս այլ հարցերի, որոնք վերաբերում են մարդու իրավունքներին, այսօր հնարավորություն կունենանք և հանդիպելու մարզից գերեվարված մեր եղբայրների հարազատներին և խոսելու նրանց հայրենադարձմանը միտված մեր ջանքերից։ Ցավով եմ արձանագրելու, որ Ադրբեջանը մինչ օրս չի կատարում եռակողմ համաձայնության դրույթները, և այնտեղ են պահվում մեր հայրենակիցները։ Շիրակի մարզից այժմ 30 անձ ունենք ադրբեջանական բանտերում։ Եվս մեկ անգամ կուզենամ այս հարցին ձեր ուշադրությունը հրավիրել, ակնկալում եմ ձեր գործուն աջակցությունը մեր տղաների հայրենադարձման համար ձեռնարկված քայլերում, քանզի Ադրբեջանը շարունակում է իր ձեռագիրը պահել և անհիմն մեղադրանքներով առաջնորդվելով՝ պատանդի կարգավիճակով պահում է նրանց։ Մինչդեռ հիշում եք, որ նախորդ տարի սեպտեմբերին ԵԽԽՎ կողմից ընդունված բանաձևը՝ հումանիտար հետևանքների մասով, ևս մեկ անգամ ընդգծեց, որ այնտեղ պահվող անձինք ունեն ռազմագերու կարգավիճակ»,- նշել է Շիրակի մարզպետը։ Մարդու իրավունքների պաշտպանը շնորհակալություն է հայտնել մարզպետին ընդունելության համար և նշել, որ խնդրի լուծման ուղղությամբ արվում է հնարավորը: «Տիկին Բաղդասարյան, հիրավի ճիշտ եք, որ ադրբեջանական կողմը արհեստականորեն գեներացվող և դատավճիռների հանգեցնող քրեական պրոցեսներ է սկսում՝ ոտնահարելով մարդասիրական բոլոր կոնվենցիաները և միջազգային պարտավորությունները։ Ես բոլոր ուղերձներն ուղարկում եմ իմ կոլեգաներին աշխարհի տարբեր երկրներում, սակայն բավարարված չեմ արձագանքների ինտենսիվությունից կամ դրանց հասցեականությունից։ Ամեն պարագայում ձեզ հավաստիացնում եմ՝ իմ գործունեության առանցքում խնդրի լուծումն առաջնային տեղ ունի»,- նշել է Քրիստիննե Գրիգորյանը։ Մարդու իրավունքների պաշտպանն ու Շիրակի մարզպետը հանդիպել են գերեվարվածերի հարազատների հետ, այնուհետև շրջայց են կատարել Գյումրու հոգեկան առողջության կենտրոնում, ծանոթացել պայմաններին ու կատարված աշխատանքներին։
16:31 - 30 մարտի, 2022