Վլադիմիր Պուտին

Ռուսաստանի Դաշնության գործող նախագահ։ Ծնվել է 1952թ. հոկտեմբերի 7-ին։ 1975-1991թթ․ ծառայել է ՊԱԿ-ում (КГБ), զբաղեցրել հետախուզական պաշտոններ։ 1991թ. ըստ պաշտոնական տեղեկատվության սեփական զեկուցագրով զորացրվել է ՊԱԿ-ից։ 1990-1995թթ. զբաղեցրել է Լենինգրադի քաղաքային իշխանության տարբեր պաշտոններ։ 1996-1998թթ․ արագ վերելք է գրանցել Կրեմլի տարբեր պաշտոններում՝ ի վերջո ստանձնելով Նախագահի աշխատակազմի ղեկավարի տեղակալի պաշտոնը։ 1998-ին նշանակվում է ԱԴԾ (ФСБ) տնօրեն։

1999-ի օգոստոսին ընդունելով նախագահ Ելցինի առաջարկը ստանձնել է ՌԴ վարչապետի պաշտոնը։ 1999-ի դեկտեմբերի 31-ին հրաժարական տվեց Ելցինը եւ Պուտինը դարձավ նախագահի պաշտոնակատար։ 2000թ․ մարտին ընտրվեց նախագահ եւ պաշտոնավարեց առավելագույն երկու ժամկետով։ 2008-ին՝ վարչապետ Մեդվեդեւի նախագահ ընտրվելուց հետո Պուտինը ստանձնեց Վարչապետի պաշտոնը։ Այս դրվագը հանրային լայն շրջանակներում ընկալվեց որպես «փոխատեղում»։ 2012-ից ի վեր Պուտինը նորից նախագահի պաշտոնում է։

Պուտինը հայտարարել է, որ համաձայն է եղել Նավալնիի փոխանակմանը |tert.am|

tert.am: ՌԴ գործող նախագահ և նախագահի թեկնածու Վլադիմիր Պուտինը հայտարարել է, որ համաձայն է եղել ընդդիմադիր գործիչ Ալեքսեյ Նավալնիի փոխանակմանը։ Ինչպես նշել է Պուտինը նախընտրական շտաբում լրագրողների հետ զրույցում, Նավալնիի մահից մի քանի օր առաջ իրեն պատմել են Նավալնիին արևմտյան երկրներում անանզատության մեջ պահվող մի քանի անձանց հետ փոխանակելու առաջարկի մասին։ «Կարող եք հավատալ ինձ, կարող եք չհավատալ, բայց այն մարդը, որը դիմել էր ինձ, խոսքը դեռ չէր ավարտել, երբ ես ասացի` համաձայն եմ»,- ասել է ՌԴ առաջնորդը՝ շեշտելով, որ համաձայնել է միայն մեկ պայմանով, որ փոխանակումից հետո Նավալնին չպետք է վերադառնա ՌԴ։ Հիշեցնենք, որ Ալեքսեյ Նավալնին մահացել է փետրվարի 16-ին Յամալ-Նենեցյան ինքնավար օկրուգի Խարպ գյուղի հատուկ ռեժիմի ԻԿ-3 «Բևեռային գայլ» գաղութում։ Նրա մահվան մասին եզրակացության մեջ նշվում է, որ քաղաքական գործիչը մահացել է բնական մահով։ Այլ մանրամասներ չեն հաղորդվում։ Քաղաքական գործչի կողմնակիցները կարծում են, որ նա սպանվել է։ Քաղաքական գործչի այրին՝ Յուլիան, խոստացել է շարունակել ամուսնու գործը։

10:55 - 18 մարտի, 2024

Արձանագրությունների 99.01%–ը մշակվել է, Պուտինին ձայն է տվել ռուսաստանցիների 87,33%–ը |armeniasputnik.am|

armeniasputnik.am: Ռուսաստանի նախագահական ընտրություններում առաջատարը Վլադիմիր Պուտինն է՝ ձայների 87,33% - ով: Դա հետևում է արձանագրությունների 99,01% - ի մշակումից հետո ԿԸՀ-ի հրապարակած տվյալներից։ ՌԴ նախագահի թեկնածու և գործող նախագահ Վլադիմիր Պուտինը (ինքնառաջադրված) հավաքում է ձայների 87,33 տոկոսը, Պետդումայի Հեռավոր Արևելքի և Արկտիկայի զարգացման կոմիտեի ղեկավար Նիկոլայ Խարիտոնովը (ՌԴԿԿ) հավաքում է ձայների 4,31 տոկոսը, Լիբերալ դեմոկրատական կուսակցության նախագահ Լեոնիդ Սլուցկին՝ ձայների 3,19 տոկոսը, Պետդումայի փոխխոսնակ Վլադիսլավ Դավանկովը («Նոր մարդիկ»)՝ ձայների 3,79 տոկոսը: Դաշնության խորհուրդը նախագահական ընտրությունները նշանակել է 2024 թվականի մարտի 17-ին: Քվեարկությունը տեղի է ունեցել երեք օր՝ մարտի 15-ին, 16-ին և 17-ին:

09:20 - 18 մարտի, 2024

Ընդունեք պատասխան հարվածը. Պուտինը՝ ԱՄՆ-ում նախընտրական գործընթացի ժողովրդավարության մասին |armeniasputnik.am|

armeniasputnik.am: Ռուսաստանում ընտրությունները ժողովրդավարական են, իսկ ԱՄՆ-ում ադմինիստրատիվ ռեսուրսն օգտագործում են թեկնածուներից մեկի վրա հարձակվելու համար: Այս մասին հայտարարել է ՌԴ նախագահի թեկնածու և գործող նախագահ Վլադիմիր Պուտինը նախագահական ընտրությունների արդյունքների վերաբերյալ մամուլի ասուլիսի ժամանակ: «Եթե դուք ուզում եք իմ կարծիքն իմանալ՝ ընտրությունները ժողովրդավարական են, թե ոչ, ես կարծում եմ, որ ժողովրդավարական են։ Եվ հակառակը՝ որոշ երկրներում, օրինակ՝ ձեր երկրում, միթե կարելի է ժողովրդավարական համարել վարչական ռեսուրսի օգտագործումը Միացյալ Նահանգների նախագահի թեկնածուներից մեկի վրա հարձակվելու համար` օգտագործելով նաև դատական ատյանները», - ասել է Պուտինը՝ պատասխանելով NBC news-ի ամերիկացի լրագրողի հարցին: Նա նշել է, որ ԱՄՆ-ում վարչական ռեսուրսների, դատական համակարգի օգտագործումը դարձել է «ուղղակի ծիծաղելի և խայտառակություն ամբողջ աշխարհի համար իսկ արևմուտքում տեղի ունեցողը աղետ է, ոչ թե ժողովրդավարություն: «Ես բոլոր հիմքերն ունեմ ենթադրելու, որ ոչ մի ժողովրդավարություն, համենայնդեպս նախընտրական գործընթացների ընթացքում, Արևմուտքի որոշ երկրներում, այդ թվում՝ Միացյալ Նահանգներում, մենք չենք տեսնում։ Այդ պատճառով ընդունեք պատասխան հարվածը», - ասել է Պուտինը։ Միևնույն ժամանակ, նա հավելել է, որ Ռուսաստանը նախապատվություն չունի ԱՄՆ նախագահի թեկնածուների հարցում, կաշխատի նրա հետ, ում կընտրեն: Մեկնաբանելով օտարերկրյա ԶԼՄ-ների արձագանքը ընտրությունների ընթացքին՝ Ռուսաստանի գործող ղեկավարն ասել է, որ այն սպասելի է, քանի որ Արևմուտքում պայքարում են ՌԴ-ի դեմ: Միևնույն ժամանակ, Պուտինն ընդգծել է NBC News-ի լրագրողի համարձակությունը, որը եկել է իր մամուլի ասուլիսին և լսում է իր պատասխանը, որը, գուցե, տհաճ է նրա համար (լրագրողի)։«Բայց քանի որ նա դահլիճում է, ապա ամեն ինչ կորած չէ ԱՄՆ-ի համար»,- կատակել է Պուտինը: Հիշեցնենք՝ ՌԴ Դաշնային խորհուրդը նախագահական ընտրությունները նշանակել է 2024 թվականի մարտի 17-ին: Քվեարկությունը տեղի է ունեցել երեք օր՝ մարտի 15-ին, 16-ին և 17-ին:

09:16 - 18 մարտի, 2024

Լուկաշենկոն և Պուտինը քննարկել են երկկողմ հարաբերությունները և իրավիճակը տարածաշրջանում |shantnews.am|

shantnews.am: Բելառուսի նախագահ Ալեքսանդր Լուկաշենկոն և Ռուսաստանի նախագահ Վլադիմիր Պուտինը հեռախոսազրույց է ունեցել։ Այս մասին հայտնում է Բելառուսի ղեկավարի մամուլի ծառայությունը։ Նշվում է, որ պետությունների ղեկավարները խոսել են երկկողմ հարաբերությունների արդիական հարցերի և տարածաշրջանում տիրող իրավիճակի մասին։

20:51 - 16 մարտի, 2024

Միշելը Պուտինին «շնորհավորել» է «ընտրություններում ջախջախիչ հաղթանակի» կապակցությամբ |tert.am|

tert.am: Եվրոպական խորհրդի նախագահը հեգնել է ՌԴ նախագահ Վլադիմիր Պուտինին՝ շնորհավորելով նրան այսօր մեկնարկած նախագահական ընտրություններով հաղթանակի կապակցությամբ: ԵՄ պաշտոնյան համապատասխան գրառումն արել է X սոցիալական ցանցի միկրոբլոգում: «Ցանկանում եմ շնորհավորել Վլադիմիր Պուտինին այսօր մեկնարկող ընտրություններում ջախջախիչ հաղթանակի կապակցությամբ։ Չկա ընդդիմություն, չկա ազատություն, չկա ընտրություն», - գրել է Միշելը:ՌԴ-ում այսօր մեկնարկել են նախագահական ընտրությունները, որոնք կտևեն երեք օր և կավարտվեն ընտրությունների հիմնական օրը՝ մարտի 17-ին։Հիշեցնենք, որ պետության ղեկավարի պաշտոնին հավակնում է չորս թեկնածու, այդ թվում նաև գործող նախագահ Վլադիմիր Պուտինը, որն արդեն հինգերորդ անգամ է առաջադրվել։

16:42 - 15 մարտի, 2024

ՌԴ-ում մեկնարկել են նախագահական ընտրությունները

ՌԴ նախագահական ընտրությունների եռօրյա քվեարկության համար ընտրատեղամասերը բացվել են ուրբաթ օրը ժամը 8:00-ին: Հաղորդվում է, որ նախագահական ընտրությունների ժամանակ արդեն հարյուր հազարավոր մարդիկ օգտվել են հեռավար էլեկտրոնային քվեարկության համակարգից: Ավելի քան 260 հազար մարդ, կամ համակարգի գրանցված մասնակիցների 6%-ը, հեռավար քվեարկել է ՌԴ նախագահական ընտրություններում, ինչը հետևում է հեռավար էլեկտրոնային քվեարկության (ДЭГ) կայքի տվյալներից։ Դաշնային խորհուրդը նախագահական ընտրությունները նշանակել է 2024 թվականի մարտի 17-ին։ Այս տարի ՌԴ նախագահական ընտրություններում քվեարկությունն առաջին անգամ կտևի երեք օր՝ մարտի 15-ին, 16-ին և 17-ին։ Պետության ղեկավարի պաշտոնին հավակնում են Ռուսաստանի Դաշնության Կենտրոնական ընտրական հանձնաժողովի կողմից գրանցված չորս թեկնածուներ՝ Լեոնիդ Սլուցկին, Նիկոլայ Խարիտոնովը, Վլադիսլավ Դավանկովը և Վլադիմիր Պուտինը։

09:30 - 15 մարտի, 2024

«Ռուսաստանը պատրաստ է միջուկային պատերազմին»․ Պուտին |azatutyun.am|

azatutyun.am: «Ռազմատեխնիկական տեսանկյունից Ռուսաստանը պատրաստ է միջուկային պատերազմին», - հայտարարել է Վլադիմիր Պուտինը՝ Ռուսաստանի պետական հեռուստատեսությանն ու «Ռիա Նովոստի» գործակալությանը տված հարցազրույցում։ «Մեր միջուկային ուժերը մշտապես ռազմական բարձր պատրաստության պայմաններում են», - լրագրող Դմիտրի Կիսելյովի հետ զրույցում հայտարարել է Ռուսաստանի նախագահը։ Պուտինն անդրադաձել է նաև Ֆինլանդիայի՝ ՆԱՏՕ-ին անդամակցությանը՝ նշելով, որ Հելսինկիի այդ քայլից հետո Ռուսաստանը մեծացնում է իր ռազմական ներկայությունը հյուսիսային ուղղության վրա։ «Ֆինլանդիայի հետ մենք կատարյալ հարաբերություններ ունեինք, մեր երկրների միջև որևէ խնդիր չկար։ Մենք նույնիսկ մեր զորքերն էինք հետ քաշել Ֆինլանդիայի հետ սահմանից», - պնդում է Ռուսաստանի նախագահը՝ ենթադրելով, թե Հելսինկին անդամակցեց Հյուսիսատլանտյան դաշինքին քանի որ «երևի շատ էր ցանկանում արևմտյան ակումբի մաս դառնալ»։ «Իմ կարծիքով՝ Ֆինլանդիայի այդ քայլը, ազգային շահերի ապահովման տեսանկյունից, բացարձակ անիմաստ էր։ Բայց դա իրենց որոշումն էր, ի՞նչ արած։ Եթե նախկինում սահմանին զորքեր չկային, այժմ կլինեն, նախկինում չկային նաև խոցման միջոցներ, հիմա կլինեն», - հայտարարում էր Ռուսաստանի նախագահը։

13:53 - 13 մարտի, 2024

Լուկաշենկոն և Պուտինը մոտ մեկ ժամ տևողությամբ հեռախոսազրույց են ունեցել |armenpress.am|

armenpress.am: Բելառուսի նախագահ Ալեքսանդր Լուկաշենկոն և Ռուսաստանի նախագահ Վլադիմիր Պուտինը հեռախոսազրույց են ունեցել։ Այն տևել է մոտ մեկ ժամ։ Այս մասին ասվում է «ԲԵԼՏԱ» գործակալության հրապարակած հաղորդագրության մեջ։ Կողմերը քննարկել են ԵԱՏՄ-ի և ՀԱՊԿ-ի աշխատանքին առնչվող հարցեր, միջազգային թեմաներ և տարածաշրջանում տիրող իրավիճակը։ Պետությունների ղեկավարները նաև անդրադարձել են երկու երկրների հարաբերություններին վերաբերող հարցերին ու նախանշել մոտ ապագայի հեռանկարները։

17:27 - 02 մարտի, 2024

Պուտինը ստորագրել է պահեստազորայիններին 2024-ի ռազմական հավաքի զորակոչելու հրամանագիրը |azatutyun.am|

azatutyun.am: ՌԴ նախագահ Վլադիմիր Պուտինը ստորագրել է զինված ուժերի պահեստազորայիններին 2024 թվականի ռազմական հավաքի զորակոչելու հրամանագիրը: Փաստաթուղթը հրապարակվել է իրավական տեղեկատվության պաշտոնական պորտալում։ Ռուսաստանի Դաշնության կառավարությանը և մարզային իշխանություններին հանձնարարվել է ապահովել քաղաքացիներին զինվորական պատրաստության զորակոչի և դասընթացների անցկացման հետ կապված միջոցառումների իրականացումը: Պահեստազորի զինված ուժերում գտնվող Ռուսաստանի Դաշնության քաղաքացիների համար նախատեսված ուսումնամարզական հավաքները նախատեսվում են մարտական պատրաստության բարելավման նպատակով և անցկացվում են ամեն տարի:

21:48 - 01 մարտի, 2024

Նիկոլայ Ռիժկովը հավերժ դրոշմեց իր անունը հայ ժողովրդի հիշողության մեջ. վարչապետը ցավակցական հեռագիր է հղել ՌԴ նախագահին

Վարչապետ Նիկոլ Փաշինյանը ցավակցական հեռագիր է հղել Ռուսաստանի Դաշնության նախագահ Վլադիմիր Պուտինին՝ ԽՍՀՄ նախարարների խորհրդի նախկին նախագահ, ՀՀ Ազգային հերոս Նիկոլայ Ռիժկովի մահվան կապակցությամբ: Հեռագրում ասված է. «Հարգելի Վլադիմիր Վլադիմիրի, Խորը կսկիծով տեղեկացա ԽՍՀՄ կառավարության նախկին ղեկավար Նիկոլայ Իվանի Ռիժկովի մահվան մասին։ Ղեկավարելով ԽՍՀՄ նախարարների խորհուրդը՝ Նիկոլայ Ռիժկովը համակարգել է Հայաստանի Սպիտակ քաղաքում հազարավոր կյանքեր խլած ավերիչ երկրաշարժի հետևանքների վերացման աշխատանքները։ Զբաղեցնելով տարբեր պատասխանատու պաշտոններ և կատարելով իր պարտքը՝ Նիկոլայ Ռիժկովը հավերժ դրոշմեց իր անունը հայ ժողովրդի հիշողության մեջ՝ որպես ամենածանր պահին օգնության ձեռք մեկնած հավատարիմ ընկերոջ, ինչի համար նրան շնորհվեց ՀՀ Ազգային հերոսի բարձրագույն կոչումը։ Խնդրում եմ Հայաստանի ողջ ժողովրդի և անձամբ իմ անունից կարեկցանքի և զորակցության խոսքեր փոխանցել Նիկոլայ Ռիժկովի ընտանիքին և մերձավորներին»։

14:55 - 28 փետրվարի, 2024

Պուտին-Էրդողան հեռախոսազրույց է կայացել |azatutyun.am|

azatutyun.am: v class="intro intro--bold"> Ռուսաստանի ղեկավարը շնորհավորել է իր թուրք պաշտոնակցին՝ 70-ամյակի առթիվ։ Այսօր կայացել է Թուրքիայի և Ռուսաստանի նախագահներ Ռեջեփ Թայիփ Էրդողանի և Վլադիմիր Պուտինի հեռախոսազրույցը, հաղորդում է Թուրքիայի նախագահի աշխատակազմի հանրային կապերի ծառայությունը՝ նշելով, որ զրույցի ընթացքում Ռուսաստանի ղեկավարը շնորհավորել է իր թուրք պաշտոնակցին՝ 70-ամյակի առթիվ։ «Պուտինն իր երախտագիտությունն է հայտնել մեր նախագահին ռուս-թուրքական բարեկամական հարաբերությունների զարգացմանն ուղղված ջանքերի համար», - նշված է Թուրքիայի նախագահի աշխատակազմի տարարածած հաղորդագրությունում։

13:51 - 26 փետրվարի, 2024

Նավալնիի մայրը դիմել է Պուտինին՝ պահանջելով իրեն հանձնել որդու մարմինը |tert.am|

tert.am: Գաղութում մահացած ռուս ընդդիմադիր գործիչ Ալեքսեյ Նավալնիի մայրը՝ Լյուդմիլա Նավալնայան, պահանջել է որդու մարմինը անհապաղ հանձնել իրեն, որպեսզի կարողանա հուղարկավորել նրան։ Կինը տեսաուղերձ է ձայնագրել Խարպ գյուղի գաղութի դիմաց, որտեղ մահացել է նրա որդին, գրում է bbc.com-ը։ «Արդեն հինգերորդ օրն է՝ չեմ կարողանում տեսնել նրան, ինձ չեն տալիս նրա մարմինը և նույնիսկ չեն ասում, թե որտեղ է»,- ասել է կինը:- Ես դիմում եմ Ձեզ, Վլադիմիր Պուտին, հարցի լուծումը միայն Ձեզնից է կախված։ Թույլ տվեք, որ վերջապես տեսնեմ որդուս: Պահանջում եմ, որ Ալեքսեյի մարմինը անհապաղ հանձնեն, որպեսզի մարդուն վայել հուղարկավորեմ նրան» ՌԴ Դաշնային պատժիչ ծառայությունը Նավալնիի մահվան մասին հայտարարել է ուրբաթ։ Շաբաթ առավոտյան քաղաքական գործչի մայրը ժամանել է Յամալ-Նենեցյան ինքնավար օկրուգի Խարպ գյուղ, որը գտնվում է Արկտիկական շրջանից այն կողմ: Նրան դիահերձարան չեն թողել ո՛չ շաբաթ օրը, ո՛չ երկուշաբթի:Նավալնիի դիակի գտնվելու վայրը մնում է անհայտ։ Նախօրեին Նավալնիի գործընկերները հայտնել են, որ քննիչները հանգուցյալի փաստաբաններին և մորն ասել են, որ չեն հանձնի դիակը, քանի որ ևս 14 օր քիմիական փորձաքննություն է իրականացվելու:

17:38 - 20 փետրվարի, 2024

Պուտինն Ուկրաինայի հետ կապված իրավիճակը Ռուսաստանի համար «կյանքի ու մահվան հարց» է անվանել |azatutyun.am|

azatutyun.am: Ուկրաինայի շուրջ ստեղծված իրավիճակը Արևմուտքի համար միայն մարտավարական դիրքորոշման հարց է, իսկ Ռուսաստանի համար՝ կյանքի ու մահվան հարց, ասել է ՌԴ նախագահ Վլադիմիր Պուտինը։ Նման կերպ նա մեկնաբանել է ամերիկացի լրագրող Թաքեր Կարլսոնի հետ իր հարցազրույցի «պատմական մասի» վերաբերյալ հատվածը։ Նա նշել է, որ և՛ ռուս, և՛ օտարերկրյա ունկնդիրների համար կարևոր է հասկանալ, թե «որքան զգայուն և կարևոր է» Ռուսաստանի համար «այն ամենն, ինչ տեղի է ունենում ուկրաինական ուղղությամբ»։ Հարցազրույցը բավականին քննադատվել էր, նշվել, որ լրագրողը քարոզչական հարթակ տրամադրեց Ռուսաստանի ղեկավարին՝ հնարավորություն տալով երկու ժամվա ընթացքում ևս մեկ անգամ շարադրել իր տեսակետները։ Ուկրաինա ներխուժելու սկզբից ի վեր, գրեթե երկու տարիների ընթացքում սա Պուտինի առաջին հարցազրույցն էր ամերիկյան մամուլին։

13:31 - 18 փետրվարի, 2024

Շոյգուն Պուտինին զեկուցել է «Ավդեևկայի ռուսական կողմի վերահսկողությանն անցնելու մասին» |azatutyun.am|

azatutyun.am: Ռուսաստանի պաշտպանության նախարար Սերգեյ Շոյգուն շաբաթ օրը նախագահ Վլադիմիր Պուտինին զեկուցել է «Ավդեևկա քաղաքի ռուսական բանակի լիակատար վերահսկողությանն անցնելու մասին», հայտնում է ռազմական գերատեսչությունը։ ՌԴ պաշտպանության նախարարության տվյալներով՝ 31,75 քառակուսի կիլոմետր տարածք է անցել ռուսական զորքերի վերահսկողության տակ։ Ուկրաինայի զինված ուժերի գլխավոր հրամանատար Ալեքսանդր Սիրսկին նախօրեին հայտարարել էր՝ ուկրաինական ստորաբաժանումները դուրս են բերվում Ավդեևկա քաղաքից:

12:09 - 18 փետրվարի, 2024

Չսխալվեք, Պուտինն է պատասխանատու Նավալնու մահվան համար. Բայդեն |azatutyun.am|

azatutyun.am: ԱՄՆ նախագահ Ջո Բայդենը միացել է արևմտյան առաջնորդներին և դատապարտել է Ռուսաստանի նախագահ Վլադիմիր Պուտինին՝ ասելով, որ նա է պատասխանատու բանտարկված Ալեքսեյ Նավալնու մահվան համար։ «Նրա մահվան մասին հաղորդագրությունները, եթե դրանք համապատասխանում են իրականությանը, իսկ ես հիմք չունեմ չհավատալու, Ռուսաստանի իշխանություններն իրենց վարկածը կպատմեն: Չսխալվեք... Պուտինն է պատասխանատու Նավալնու մահվան համար»,- ասել է Բայդենը: Բայդենը հրաժարվել է «սպանություն» որակել Նավալնու մահը՝ նշելով, որ Սպիտակ տունը դեռ հստակ չգիտի, թե ինչ է տեղի ունեցել։ Նա չմանրամասնելով հավելել է, որ դիտարկում է պատասխան քայլերի մի շարք տարբերակներ: ԱՄՆ նախագահը Նավալնուն անվանել է լիդեր, որը «խիզախորեն պայքարել է կոռուպցիայի, բռնության և այն բոլոր վատ երևույթների դեմ, որոնք հատուկ են Պուտինի ռեժիմին»: Նա Նավալնուն նկարագրել է որպես քաղաքական գործչի, որն ուներ այն, ինչ Պուտինը չունի՝ համարձակություն, սկզբունքայնություն, որը երազել է կերտել Ռուսաստան, որտեղ բոլորը հավասար կլինեն օրենքի առաջ: «Նավալնին հավատում էր այդ Ռուսաստանին: Նա գիտեր, որ սա այն գործն է, որի համար արժե պայքարել և կյանքը զոհաբերել»,- ասել է ԱՄՆ նախագահ Ջո Բայդենը: Նրա խոսքով ողբերգությունը ստիպում է հիշել, թե ինչ է հիմա վճռվում Ուկրաինայում, և հորդորել է ԱՄՆ Ներկայացուցիչների տան անդամներին ընդունել Կիևին 61 միլիարդ դոլարի օգնություն տրամադրելու օրինագիծը:

13:34 - 17 փետրվարի, 2024

Պուտինն «ափսոսում է, որ Ռուսաստանն ավելի վաղ չի սկսել ակտիվ գործողությունները Ուկրաինայում» |azatutyun.am|

azatutyun.am: Ռուսաստանի նախագահ Վլադիմիր Պուտինն ափսոսում է, որ Ռուսաստանն ավելի վաղ չի սկսել ակտիվ գործողությունները Ուկրաինայում։ Այդ մասին Պուտինն ասել է լրագրող Պավել Զարուբինին տված հարցազրույցում, հարցազրույցը հրապարակվել է Կրեմլի տելեգրամյան էջում։ «Միակ բանը, ինչի համար կարող ենք ափսոսալ, այն է, որ մենք ավելի վաղ չսկսեցինք մեր ակտիվ գործողությունները։ Մենք հավատում էինք, որ գործ ունենք պարկեշտ մարդկանց հետ», - ասել է Պուտինը՝ նկարագրելով իրավիճակը Ուկրաինայում։ Ռուսաստանի նախագահը նշել է, թե առաջին փուլում Մոսկվան փորձել է լուծել հակամարտությունը Դոնբասում «խաղաղ ճանապարհով՝ Մինսկի համաձայնագրերով»։ Այստեղ Պուտինը, մեղադրել է Գերմանիային և Ֆրանսիային պայմանավորվածությունները չկատարելու համար։ «Նրանք պարզապես ժամանակ էին շահում ուկրաինական ռեժիմին լրացուցիչ զենքով ապահովելու համար», - ասել է Ռուսաստանի նախագահը։

09:24 - 15 փետրվարի, 2024