ԱԳՆ

ԱԳՆ-ն ՀՀ արտաքին քաղաքական գերատեսչությունն է։ Հիմնադրվել է 1918թ.-ին։ Նախարարությունը մշակում եւ իրականացնում է ՀՀ կառավարության արտաքին քաղաքականությունը: Նախարարության ստեղծումը, վերակազմակերպումը եւ գործունեության դադարեցումը կարգավորվում է օրենքով: Հայաստանի Հանրապետության արտաքին գործերի նախարարությունը գործում է ՀՀ Սահմանադրության, «Կառավարության կառուցվածքի եւ գործունեության մասին», «Դիվանագիտական ծառայության մասին» եւ այլ օրենքների հիման վրա: Արտաքին գործերի նախարարության աշխատանքներն ուղղված են Հայաստանի Հանրապետության արտաքին անվտանգության ամրապնդմանը, զարգացման արտաքին բարենպաստ պայմանների ապահովմանը, միջազգային կազմակերպություններում եւ միջազգային գործընթացներում ներգրավվածության խորացմանը, բարեկամ եւ գործընկեր երկրների հետ համագործակցության առավել ամրապնդմանը:

Արտաքին գործերի նախարարը Արա Այվազյանն է։ Տեղակալներն են Արմեն Ղեւոնդյանը, Արտակ Ապիտոնյանը, Գագիկ Ղալաչյանը, Ավետ Ադոնցը

Հայաստան-Ադրբեջան բանակցություններում Սահմանադրության փոփոխությունները օրակարգի մաս չեն, բայց էական խոչընդոտներ երկու կողմն էլ տեսնում է. Միրզոյան |aysor.am|

Հայաստան-Ադրբեջան բանակցություններում Սահմանադրության փոփոխությունները օրակարգի մաս չեն, բայց էական խոչընդոտներ երկու կողմն էլ տեսնում է. Միրզոյան |aysor.am|

aysor.am: Հայաստանն ու Ադրբեջանն իրար առջև բարձրաձայնել են դիրքորոշում, համաձայն որի՝ յուրաքանչյուրը մյուսի Սահմանադրության  մեջ էական խնդիրներ ու խոչընդոտներ է տեսնում երկարատև խաղաղության հաստատման համար, այս մասին ԱԺ-ում հյատարարեց ՀՀ արտաքին գործերի նախարար Արարատ Միրզոյանը։ «Սա ամենևին չի նշանակում, որ Հայաստանում սահմանադրական փոփոխությունների հարցը Հայաստանի ու Ադրբեջանի միջև բանակցությունների առարկա է, այդպիսի բան չկա»,- նշեց նա։ Միրզոյանի խոսքով՝ Հայաստանը համոզմունք ունի, որ թե՛ իր, թե՛ Ադրբեջանի Սահմանադրությունը, մեծ հաշվով, չի կարող խնդիր լինել իրավական առումով երկարատև խաղաղության հաստատման համար։ «Ինչ վերաբերում է մեր սահմանադրական փոփոխություններին, ապա արժի թարմացնել հիշողությունը՝ մենք այս մասին խոսել ենք դեռևս 2018 թվականից, սա մեր գործն է, սա ներքին որոշելիք է»,- ասաց նա։ ԱԳ նախարարն ընդգծեց՝ Հայաստան-Ադրբեջան բանակցություններում Սահմանադրության փոփոխությունները օրակարգի մաս չեն կազմում։
10:57 - 04 հունիսի, 2024
Վրաստանի ԱԳ նախարարն Արարատ Միրզոյանի հետ զրույցում աղետից տուժած մարզերին օժանդակություն ցուցաբերելու պատրաստակամություն է հայտնել

Վրաստանի ԱԳ նախարարն Արարատ Միրզոյանի հետ զրույցում աղետից տուժած մարզերին օժանդակություն ցուցաբերելու պատրաստակամություն է հայտնել

Հունիսի 3-ին ՀՀ արտաքին գործերի նախարար Արարատ Միրզոյանը հեռախոսազրույց է ունեցել Վրաստանի արտաքին գործերի նախարար Իլյա Դարիչաշվիլիի հետ: Այս մասին հայտնում են ՀՀ ԱԳՆ-ից։ Զրուցակիցները քննարկել են երկկողմ օրակարգային թեմաներ, այդ թվում՝ առաջիկա ծրագրերը՝ միտված երկու երկրների միջև ռազմավարական համագործակցության հետագա ամրապնդմանը: Արարատ Միրզոյանը և Իլյա Դարիչաշվիլին անդրադարձ են կատարել բազմակողմ օրակարգի հարցերի: Նախարար Միրզոյանը գործընկերոջն է ներկայացրել ՀՀ Տավուշի և Լուռու մարզերում հեղեղումների հետևանքները, աղետի գոտի ճանաչված համայնքներում իրականացվող աշխատանքները: Ի պատասխան, Վրաստանի ԱԳ նախարարն, ըստ անհրաժեշտության, օժանդակություն ցուցաբերելու պատրաստակամություն է հայտնել:
16:08 - 03 հունիսի, 2024
Ակցիայի մասնակիցները ԱԳՆ-ի դիմաց են, ոստիկանությունը հորդորում է ձեռնպահ մնալ ռեժիմի խախտման գործողություններից

Ակցիայի մասնակիցները ԱԳՆ-ի դիմաց են, ոստիկանությունը հորդորում է ձեռնպահ մնալ ռեժիմի խախտման գործողություններից

Բագրատ սրբազանը ԱԳՆ դիմաց ակցիայի մասնակիցներին հորդորեց շրջափակել ԱԳՆ շենքի ոոլոր մուտքերը։ Նա նշեց՝ եթե շենքից չիջնեն իրենց հետ հանդիպման, իրենք կբարձրանան վերև։ Ոստիկանությունից հայտարարում են, որ ԱԳ նախարարությունը անցագրային ռեժիմային համակարգով գործող կառույց է, հետևապես, ցանկացած մուտք ենթադրում է ռեժիմի պահպանում։  «Հորդորում ենք ձեռնպահ մնալ ռեժիմի խախտման որևէ գործողությունից», - նշել են ոստիկանությունից։ Քիչ անց իրավիճակը լարվեց, հրմշտոց սկսվեց ակցիայի մասնակիցների ու ոստիկանների միջև։ Ոստիկանությունը սկսեց բերման ենթարկել մասնակիցների։ Բագրատ Սրբազանը հայտարարեց՝ եղածի ամբողջ պատասխանատվությունը մնում է երկու մարդու ուսերին՝ Վահե Ղազարյան և ԱԳ նախարար Արարատ Միրզոյանի վրա։ Նա նշեց՝ թեև չբարձրացան վերև՝ ԱԳՆ շենք, սակայն իրենց ասելիքը հասցրել են տեղ, սա ընդամենը նախերգանքն էր։ «Ազատությանը» ոստիկանությունից հայտնել են, որ այս պահի դրությամբ ԱԳՆ շենքի առջևից ակցիայի 16 մասնակից է բերման ենթարկվել։  Ավելի վաղ Բագրատ Սրբազանը հայտնել էր՝ իրենց պահանջն է, որ Արարատ Միրզոյանը իջնի և պատասխան տա վերջին օրերին թուրք-ադրբեջանական կողմից արված հայտարարություններին․ «Եթե դուք չեք իջնելու, հրապարակային չեք խոսելու, ուրեմն այն բոլոր ասվածները, որ դուք դավաճան եք, գործակալ եք, ձեր վրա եք վերցնելու, և, հետևաբար, ծառայում եք ոչ թե Հայաստանի Հանրապետությանը, այլ թուրքական ու ադրբեջանական իշխանություններին»։  
15:50 - 31 մայիսի, 2024
Կամ կիջնեք պատասխան կտաք, կամ դուք ադրբեջանաթուրքական գործակալական ցանցի մասնակից եք․ Սրբազանը՝ Միրզոյանին |news.am|

Կամ կիջնեք պատասխան կտաք, կամ դուք ադրբեջանաթուրքական գործակալական ցանցի մասնակից եք․ Սրբազանը՝ Միրզոյանին |news.am|

news.am: Մենք պահանջ ունենք ԱԳ նախարար Արարատ Միրզոյանից, որին լավ եմ ճանաչում, մարդակյնորեն շփվել եմ, պատերազմի օրերին էլ եմ տեսել և որը կարելի է ասել առաջին զոհն է եղել այևս ստախոս վախկոտի: Այս մասին, այսօր՝ մայիսի 31-ին, ԱԳՆ շենքի դիմաց հայտարարեց «Տավուշը հանուն հայրենիքի» շարժման առաջնորդ Բագրատ Սրբազանը։ «Նոյեմբերի 9-ի լույս 10-ի գիշերը, երբ ստախոսն ու վախկոտը բունկերում թաքնված վրեժի կոչ էր անում ՀՀ քաղաքացիների հանդեպ, այդ նույն ժամանակ այս շենքում նստած իր մերձավոր ընկերը հանձնված էր մարդկանց զայրույթին»,- ասաց նա։ Սրբազանը ասաց, որ իրենց պահանջը այն է, որ Արարատ Միրզոյանը իջնի և պատասխան տա վերջին օրերին թուրք-ադրբեջանական կողմից արված հայտարարություններին։ «Եթե դուք չեք իջնելու, հրապարակային չեք խոսելու, ուրեմն այն բոլոր ասվածները, որ դուք դավաճան եք, գործակալ եք, ձեր վրա եք վերցնելու, և, հետևաբար, ծառայում եք ոչ թե Հայաստանի Հանրապետությանը, այլ թուրքական ու ադրբեջանական իշխանություններին։ Ու հիշեք, ա՛յ քնքուշներ, ձեզ չեն նվաստացրել, բոլորիս են նվաստացրել, դուք ուրացել եք բոլորիս։ Կամ դուք կիջնեք ու պատասխանը կտաք, կամ դուք ադրբեջանաթուրքական գործակալական ցանցի մասնակից եք: Եթե չիջավ նախարարը կամ որևէ մեկը, մեր պահանջը նախարարն է, և մեր հարցերին չպատասխանեցին,  ամրագրում են, որ հետո չասեք ձեզ վիրավորում ենք,  լավ ենք անում, ձեզ վիրավորում են Թուրքիան, Հեյդարի որդին, իրենց Միլի մեջլիսի պատգամավորներ, կուլ եք տալիս, էս ժողովրդի վիրավորնքը կուլ չե՞ք տալու։ Լավ էլ կուլ եք տալու։ Էն էլ ինչ ձևի»,-հայտարարեց Բագրատ Սրբազանը։ Նա նշեց՝ հստակ է դրված պահանջը, պետք է իջնել ու պատասխանել, ինչպե՞ս են արձագանքելու Խոջալուի վերաբերյալ Ալիևի հայտարարություններին, ինչ են պատասխանելու Հայաստան զորք մտցնելու մասին Թուրքիայից հնչած հայտարարությանը, Միլի Մեջլիսի պատգամավորների՝ ձեզ ուղղված վիրավորանքներին պատասխան տալո՞ւ եք, թե՞ ոչ։ «ԱԳՆ-ում նորմալ մի քանի դիվանագետներ են մնացել, որոնք խեղճ ու կրակ մի անկյուն քաշված չգիտեն՝ ինչ անեն։ Ձեր դեսպաններն էլ չգիտեն՝ ինչ անեն, նրանց գործունեությունն էլ դարձել է անհասկանալի մի բան, դարձել է տուրիզմ, գնալու ես լավ երկիր, էսօր դիվանագետներին էլ եք այդ վիճակի հասցրել։ եթե չեք իջնելու, ուրեմն գործակալ եք, ու ծառայում եք նրանց։ Ավելին ասեմ, ՄԱԿ-ի ամբիոնի մոտ Ձեզ նվաստացրել է Ձեր ղեկավարը, բոլոր ներկայացուցիչների մոտ»,-ասաց նա։ Սրբազանը միաժամանակ կասկած հայտնեց, որ նախարարը շենքի հետևի մուտքից ճողոպրելու է, ինչպես երեկ եղավ կառավարության շենքում։
14:12 - 31 մայիսի, 2024
Հռոմում ՀՀ արտգործնախարարն իր իտալացի գործընկերոջ հետ քննարկել է Հայաստան-ԵՄ գործընկերության օրակարգը

Հռոմում ՀՀ արտգործնախարարն իր իտալացի գործընկերոջ հետ քննարկել է Հայաստան-ԵՄ գործընկերության օրակարգը

Մայիսի 29-ին Հռոմում ՀՀ ԱԳ նախարարի տեղակալ Պարույր Հովհաննիսյանը հանդիպել է Իտալիայի ԱԳ և միջազգային համագործակցության նախարարի տեղակալ Էդմոնդո Չիրիելլիի հետ: Այդ մասին հայտնում են ԱԳՆ-ից: Հանդիպման ընթացքում կողմերն անդրադարձել են նույն օրը Հռոմում ընթացող «Իտալիա-Կենտրոնական Ասիա» նախարարական երրորդ համաժողովի աշխատանքներին: Պարույր Հովհաննիսյանը նշել է, որ միջոցառմանը Հայաստանի մասնակցությունը լավ հնարավորություն է Հայաստանի կառավարության կողմից  մշակված «Խաղաղության խաչմերուկ» նախագիծը գործընկերներին ներկայացնելու համար: Հայաստանի և Իտալիայի ԱԳ նախարարի տեղակալները քննարկել են երկկողմ օրակարգին վերաբերող հարցեր, անդրադարձել տնտեսության, պաշտպանության և այլ ոլորտներում համագործակցության զարգացման հեռանկարներին և փոխադարձ հետաքրքրություն ներկայացնող այլ հարցերին: Պարույր Հովհաննիսյանը և Էդմոնդո Չիրիելլին քննարկել են նաև Հայաստան-ԵՄ գործընկերության օրակարգը, դրա խորացման հեռանկարները և ԵՄ շրջանակներում երկկողմ համագործակցությանը վերաբերող հարցեր: Զրուցակիցները մտքեր են փոխանակել տարածաշրջանային հարցերի շուրջ: Պարույր Հովհաննիսյանը ներկայացրել է Հայաստանի և Ադրբեջանի միջև հարաբերությունների կարգավորման գործընթացում վերջին զարգացումները:
18:00 - 30 մայիսի, 2024
Վարչապետը կամրջաշինության ոլորտում ակնկալում է միջազգային գործընկերների աջակցությունը
 |armenpress.am|

Վարչապետը կամրջաշինության ոլորտում ակնկալում է միջազգային գործընկերների աջակցությունը |armenpress.am|

armenpress.am: Վարչապետ Նիկոլ Փաշինյանը Լոռու և Տավուշի մարզերում տեղի ունեցած հեղեղումների հետևանքով քանդված կամուրջների վերակառուցման և նոր կամուրջների կառուցման գործում ակնկալում է միջազգային գործընկերների աջակցությունը։ «Շատ կարևոր է, որ մենք աջակցություն ցուցաբերելու պատրաստակամության ուղերձներ ենք ստացել միջազգային գործընկերներից։ Կարծում եմ, որ հատկապես կամրջաշինության ոլորտում պետք է խնդրենք մեր գործընկերներին, որ կոնկրետ աջակցություն ցուցաբերեն»,- Կառավարության մայիսի 30-ի նիստի ժամանակ ասաց Փաշինյանը։ Արտաքին գործերի նախարար Արարատ Միրզոյանն իր հերթին տեղեկացրեց, որ մի շարք միջազգային մեխանիզմներ կան, որոնք կարող են գործարկվել այսպիսի հանգամանքներում, և կան միջազգային գործընկերներ, որոնք այս կամ այն հարցում աջակցելու պատրաստակամություն են հայտնել։ «Հատկապես, կան գործընկերներ, ովքեր հենց մոդուլյար կամուրջների հարցում մեզ կարող են շատ օգնել։ Մենք հիմա այն փուլում ենք, որ մեզ պետք է առավելագույնս արագ հստակեցնել, թե կոնկրետ ինչ ենք ակնկալում միջազգային գործընկերներից: Այդ հարցում հույսներս մեծապես դնում ենք Տարածքային կառավարման և ենթակառուցվածքների նախարարության վրա։ Այն պահին, երբ ամբողջական և հստակ քանակներ և տեսակներ ունենանք, մենք կարող ենք կոնկրետ դիմել»,-եզրափակեց Միրզոյանը։
13:25 - 30 մայիսի, 2024
Վահան Կոստանյանը դեսպան Սալման Աբդ Ալ-Ռահման Ալ Ալ-Շեյխին ներկայացրել է ՀՀ՝ տարածաշրջանում խաղաղության հասնելուն ուղղված ջանքերը

Վահան Կոստանյանը դեսպան Սալման Աբդ Ալ-Ռահման Ալ Ալ-Շեյխին ներկայացրել է ՀՀ՝ տարածաշրջանում խաղաղության հասնելուն ուղղված ջանքերը

Մայիսի 29-ին ՀՀ ԱԳ նախարարի տեղակալ Վահան Կոստանյանն ընդունել է Հայաստանի Հանրապետությունում Սաուդյան Արաբիայի Թագավորության նորանշանակ դեսպան Սալման Աբդ Ալ-Ռահման Ալ Ալ-Շեյխին (նստավայրը՝ ք․ Թբիլիսի)՝ հավատարմագրերի պատճենը հանձնելու կապակցությամբ։ Այս մասին հայտնում են ՀՀ ԱԳՆ-ից։ «Շնորհավորելով դեսպան Սալման Աբդ Ալ-Ռահման Ալ Ալ-Շեյխին առաքելությունը ստանձնելու կապակցությամբ՝ Վահան Կոստանյանը կարևոր հանգրվան է համարել նախորդ տարի նոյեմբերին Հայաստանի Հանրապետության և Սաուդյան Արաբիայի Թագավորության միջև դիվանագիտական հարաբերությունների հաստատումը: Այս առումով նախարարի տեղակալը համոզմունք է հայտնել, որ դեսպանի հավատարմագրումն իր նպաստը կբերի երկու երկրների միջև հարաբերությունների ամրապնդման և զարգացման հարցում: Երկուստեք արձանագրվել է որ առկա է երկկողմ համագործակցության զգալի ներուժ: Կողմերը պատրաստակամություն են հայտնել առավելագույն ջանքեր գործադրել բազմաշերտ համագործակցությունն ընդլայնելու ուղղությամբ: Կարևորվել է նաև փոխադարձ բարձրաստիճան այցերի կազմակերպումը, ինչպես նաև երկու երկրների միջև իրավապայմանագրային դաշտի ձևավորումը։ Հանդիպման ընթացքում նախարարի տեղակալը զրուցակցին է ներկայացրել Հայաստանի՝ տարածաշրջանում խաղաղության և կայունության հասնելու, ինչպես նաև տարածաշրջանի տնտեսական և տրանսպորտային կապուղիների ապաշրջափակմանն ուղղված ջանքերը, հակիրճ անդրադարձել ՀՀ և հարևան երկրների միջև հարաբերությունների վերջին զարգացումներին»,- ասված է հաղորդագրության մեջ:
22:37 - 29 մայիսի, 2024
ԱԳ նախարարը հեռախոսազրույց է ունեցել Իրանի ԱԳ նախարարի պարտականությունները կատարող Ալի Բաղերի Քանիի հետ

ԱԳ նախարարը հեռախոսազրույց է ունեցել Իրանի ԱԳ նախարարի պարտականությունները կատարող Ալի Բաղերի Քանիի հետ

Ի հաջորդումն մայիսի 22-ին Թեհրան ՀՀ վարչապետի պատվիրակության այցի՝ ՀՀ ԱԳ նախարարը ևս մեկ անգամ Իրանի ԱԳ նախարարի պարտականությունները կատարող Ալի Բաղերի Քանիին ցավակցություն է հայտնել ԻԻՀ նախագահի, արտաքին գործերի նախարարի և նրանց ուղեկցող անձանց զոհվելու կապակցությամբ և արտահայտել իր զորակցությունը:   Զրուցակիցներն ընդգծել են, որ երկու երկրների և ժողովուրդների միջև բարիդրացիական կապերը խորն են ու ամուր և կկրեն շարունակական բնույթ: Արարատ Միրզոյանը և Ալի Բաղերի Քանին անդրադարձ են կատարել երկկողմ և տարածաշրջանային օրակարգին՝ շեշտելով մինչ այս ձեռք բերված պայմանավորվածությունների իրականացման և ընթացիկ ծրագրերի շարունակականության ապահովման հարցում փոխադարձ պատրաստակամությունը:   Իրանական կողմն իր հերթին ցավակցություն և զորակցություն է արտահայտել ՀՀ Տավուշի և Լոռու մարզերում հեղեղումների հետևանքով մարդկային զոհերի և վնասների կապակցությամբ:
21:06 - 29 մայիսի, 2024
ՀՀ ԱԳ նախարարը Ֆրանսիայի Օ-դը Սեն դեպարտամենտի նախագահի հետ հանդիպմանը խոսել է համագործակցության ընթացիկ ծրագրերից

ՀՀ ԱԳ նախարարը Ֆրանսիայի Օ-դը Սեն դեպարտամենտի նախագահի հետ հանդիպմանը խոսել է համագործակցության ընթացիկ ծրագրերից

Մայիսի 27-ին ՀՀ ԱԳ նախարար Արարատ Միրզոյանն ընդունել է Ֆրանսիայի Օ-դը-Սեն դեպարտամենտի նախագահ Ժորժ Սիֆրեդիի գլխավորած պատվիրակությանը: Զրուցակիցները քննարկել են Հայաստանի և Ֆրանսիայի միջև բազմաշերտ երկկողմ գործընկերության, այդ թվում՝ ապակենտրոնացված համագործակցությանն առնչվող հարցեր: Նախարար Միրզոյանն ընդգծել է, որ հայ-ֆրանսիական հարաբերություններն արդյունավետորեն զարգանում են մի շարք առանցքային ոլորտներում, տարբեր մակարդակներում ու ձևաչափերում: ՀՀ արտաքին քաղաքական գերատեսչության ղեկավարը հավելել է, որ բարձր մակարդակում քաղաքական երկխոսությանը զուգահեռ իրականացվում են ծրագրեր, որոնք միտված են ընդհանուր առմամբ ՀՀ դիմակայության ամրապնդմանը, ինչպես նաև կոնկրետ ծրագրերի շահառուների համար շոշափելի արդյունքների ապահովմանը: Այս համատեքստում ՀՀ ԱԳ նախարարը և Օ-դը Սեն դեպարտամենտի նախագահն անդրադարձել են ապակենտրոնացված համագործակցության ընթացիկ ծրագրերին և հետագա ընդլայնման հեռանկարներին: Շեշտելով, որ ՀՀ սահմանամերձ մարզերի տնտեսական զարգացումն ու կարողությունների ամրապնդումը ՀՀ կառավարության առաջնահերթություններից է՝ նախարար Միրզոյանը բարձր է գնահատել Օ-դը-Սեն դեպարտամենտի համագործակցությունը Տավուշի մարզի հետ և Ժորժ Սիֆրեդիի ներդրումն այդ գործում: Արարատ Միրզոյանը նաև ներկայացրել է նախօրեին ՀՀ հյուսիսային շրջաններում, այդ թվում՝ Տավուշի մարզում ջրհեղեղի հետևանքները:
14:50 - 27 մայիսի, 2024
ԵՄ կողմից շենգենյան վիզաների վճարի չափի հնարավոր փոփոխությունը չի տարածվելու ՀՀ քաղաքացիների վրա․ ՀՀ ԱԳՆ

ԵՄ կողմից շենգենյան վիզաների վճարի չափի հնարավոր փոփոխությունը չի տարածվելու ՀՀ քաղաքացիների վրա․ ՀՀ ԱԳՆ

ՀՀ արտաքին գործերի նախարարության մամուլի խոսնակ Անի Բադալյանը գրառում է կատարել հայտնելով, որ ԵՄ կողմից շենգենյան վիզաների վճարի չափի հնարավոր փոփոխությունը չի տարածվելու Հայաստանի քաղաքացիների վրա․«Հաշվի առնելով շենգենյան վիզաների վճարի չափի փոփոխման վերաբերյալ մամուլում շրջանառվող որոշ տեղեկություններ՝ հայտնում ենք.  ՀՀ քաղաքացիների համար շենգենյան վիզաների վճարի չափը սահմանված է «Հայաստանի Հանրապետության և Եվրոպական միության միջև վիզաների տրամադրումը դյուրացնելու մասին» 2012թ. դեկտեմբերի 17-ին կնքված համաձայնագրով:  Հետևաբար ԵՄ կողմից շենգենյան վիզաների վճարի չափի հնարավոր փոփոխությունը չի տարածվելու ՀՀ քաղաքացիների վրա։ Հիշեցնենք, որ համաձայն նշյալ համաձայնագրի՝ վիզայի դիմումների հետ կապված ձևակերպումների համար վճարը կազմում է 35 եվրո, իսկ եթե վիզայի տրամադրումն իրականացվում է արտաքին ծառայություն մատուցողի հետ (վիզա կենտրոններ), ապա տվյալ ծառայության վճարը չպետք է գերազանցի 30 եվրոն» ։
12:17 - 25 մայիսի, 2024