Վլադիմիր Զելենսկի

Վլադիմիր Ալեքսանդրովիչ Զելենսկին Ուկրաինայի նախագահ, քաղաքական գործիչ, շոումեն, արտիստ, կատակերգու, «Թաղամաս-95» ստուդիայի գեղարվեստական ղեկավար և մշտական առաջնորդ, պրոդյուսեր և սցենարիստ:

Ծնվել է 1978 թվականի հունվարի 25-ին Կրիվոյ Ռոգ քաղաքում:

1998-2003 թվականներին «95-րդ թաղամասը» ելույթ է ունեցել ՈւՀԱ-ի բարձրագույն լիգայում։ Եղել է Ուկրաինայի Հանրապետության կառավարության անդամ և «Ինտեր» հեռուստաալիքի գլխավոր պրոդյուսեր

2019 թվականի հունվարի 21-ին «Ժողովրդի ծառա» կուսակցությունն առաջարկել է Վլադիմիր Զելենսկու թեկնածությունը որպես նախագահ։ Ուկրաինայի նախագահական ընտրությունների երկու փուլերի հաղթել է։

Իրավիճակն, ընդհանուր առմամբ, կառավարելի է. Վլադիմիր Զելենսկին՝ Խարկովում իրադրության մասին |hetq.am|

17:35 - 16 մայիսի, 2024

Բլինքենը Կիևում Զելենսկիին հավաստիացրել է, որ Ուկրաինա հասնող զենքերը մեծ ազդեցություն կունենան մարտի դաշտում |armenpress.am|

armenpress.am: Չհայտարարված այցով Կիևում գտնվող ԱՄՆ պետքարտուղար Էնթոնի Բլինքենն ասել է, որ ԱՄՆ աջակցության խոշոր փաթեթի մի մասը հասել է Ուկրաինա։ Նա նաև Ուկրաինայի նախագահ Վլադիմիր Զելենսկիին հավաստիացրել է, որ ավելի շատ օգնություն գտնվում է ճանապարհին, և այն «մեծ ազդեցություն կունենա» մարտի դաշտում։ Այս մասին հաղորդում է Reuters գործակալությունը։ «Մենք գիտենք, որ հիմա դժվար ժամանակներ են։ Բայց նաև գիտենք, որ առաջիկա օգնությունն այժմ ճանապարհին է, դրա մի մասն արդեն հասել է, ավելի շատ օգնություն դեռ կգա։ Եվ դա մեծ ազդեցություն կունենա մարտի դաշտում Ռուսաստանի շարունակվող հարձակման դեմ», - ասել է Բլինքենը։ Իր հերթին Զելենսկին ասել է, որ Ուկրաինան հակաօդային պաշտպանության համակարգերի մեծ կարիք ունի՝ խնդրելով երկու Patriot համակարգեր տրամադրել Խարկովի մարզի համար, որտեղ Ռուսաստանը վերջին օրերին մի քանի բնակավայր է վերցրել իր վերահսկողության տակ։ 2022 թվականին ռազմական գործողությունների մեկնարկի առաջին տարվա ընթացքում Ուկրաինան վերադարձրել է Ռուսաստանի վերահսկողության տակ անցած տարածքների մի մասը, սակայն Ուկրաինայի հակահարձակումն անցյալ տարի մեծ առաջընթաց չի գրանցել, իսկ վերջին ամիսներին Ռուսաստանն առաջնագծում հաջողությունների է հասել։ Բլինքենի այցն ԱՄՆ առաջին բարձրաստիճան պաշտոնյայի այցն է Կիև այն բանից հետո, երբ ապրիլին ԱՄՆ նախագահ Ջո Բայդենը ստորագրեց 95 միլիարդ դոլարի արտաքին օգնության փաթեթը, որը հաստատել էր Կոնգրեսը, և որը ներառում է գրեթե 61 միլիարդ դոլարի օգնություն Ուկրաինային։

18:44 - 14 մայիսի, 2024

Զելենսկին հայտարարել է, որ «ո՛չ Հիտլերը, ո՛չ Պուտինը չեն կարող կոտրել Եվրոպան» |factor.am|

factor.am: Եվրոպայի օրվա կապակցությամբ հղած ուղերձում Ուկրաինայի նախագահ Վլադիմիր Զելենսկին հայտարարել է, որ ժառանգներին պետք է փոխանցել միասնական և խաղաղ Եվրոպա, որը բռնապետ Ադոլֆ Հիտլերը չկարողացավ կոտրել, իսկ չի կարողանալու կոտրել ՌԴ նախագահ Վլադիմիր Պուտինը։ «Մենք պետք է ամեն ինչ անենք, որ հնարավորինս արագ և արդարացիորեն ավարտվի այս ռուսական պատերազմը, որը շարունակվում է Ուկրաինայի տարածքում, բայց թիրախավորում է ամբողջ Եվրոպան, եվրոպական միասնությունը, ամբողջ եվրոպական նախագիծը։ Ձեզանից յուրաքանչյուրը տեսնում է, որ Պուտինը եկել է մեր հողեր այնպես, ինչպես Հիտլերն այլ ժողովուրդների հողեր՝ հանցավոր կերպով, անարդարացի ու բացարձակ սարսափելի ձևով»,- ասել է Զելենսկին։ Նա նշել է, որ այժմ կարևոր է, որ «Եվրոպան թուլություն չցուցաբերի իր որոշումներում»։ «Մենք բոլորս պետք է միասին հետագայում էլ մեծացնենք այդ ուժը՝ հոգ տանելով մեր մայրցամաքում կյանքի ու ընդհանուր արժեքների մասին։ Անել ամենը երեխաներին փոխանցելու ժառանգություն մեր Եվրոպան՝ խաղաղ ու միավորված, որտեղ իսկապես ցանկանում ես ապրել, և որը ո՛չ Հիտլերը, ո՛չ Պուտինը չեն կոտրի։ Նրանք ի վիճակի են գողանալ Եվրոպայից խաղաղությունը, սակայն ոչ մեր ընդհանուր ճակատագիրը, նրանց ճակատագիրը, որը հաղթում է չարին, պաշտպանում է կյանքն ու գնահատում խաղաղությունը»,- հայտարարել է Ուկրաինայի նախագահը։

17:29 - 09 մայիսի, 2024

Կիևը հայտարարել է Զելենսկիի սպանությունը ծրագրող գործակալների ցանցի բացահայտման մասին |factor.am|

factor.am: Ուկրաինայում բացահայտվել է Անվտանգության դաշնային ծառայության (ԱԴԾ) գործակալների ցանց, որը նախապատրաստում էր նախագահ Վլադիմիր Զելենսկիի և երկրի բարձրագույն ռազմաքաղաքական ղեկավարության այլ ներկայացուցիչների սպանությունը, հայտնում է Ուկրաինայի անվտանգության ծառայությունը իր Telegram ալիքում։ «Ծրագրերը պետք է իրականացվեին հետախուզական ցանցի կողմից, որը նախապես բացահայտվել էր Ուկրաինայի անվտանգության ծառայության կողմից՝ Պետական անվտանգության վարչության ղեկավարության աջակցությամբ։ Ցանցը, որի գործունեությունն ԱԴԾ-ն վերահսկում էր Մոսկվայից, ներառում է Պետանվտանգության պետական վարչության երկու գնդապետների, որոնք գաղտնի տեղեկություններ էին տրամադրում Ռուսաստանին»,- ասվում է Ուկրաինային անվտանգության ծառայության հաղորդագրությունում։ Հաղորդվում է, որ հետախուզական ցանցի խնդիրներից մեկը նախագահի անվտանգությանը մոտ կանգնած զինվորականների շրջանում կատարողների որոնումն էր, որոնք կարող էին պատանդ վերցնել Զելենսկիին, ապա սպանել նրան։ «Վլադիմիր Զելենսկիից բացի՝ հակառակորդը նախատեսում էր ոչնչացնել Ուկրաինայի անվտանգության ծառայության նախագահ Վասիլի Մալյուկին, Ուկրաինայի գլխավոր հետախուզական վարչության ղեկավար Կիրիլ Բուդանովին և այլ պաշտոնյաների։ Օրինակ՝ հետախուզության գլխավոր տնօրինության ղեկավար Կիրիլ Բուդանովի ոչնչացումը պետք է իրականացվեր Սուրբ Զատկի տոնից առաջ»,- հայտնում է Ուկրաինայի անվտանգության ծառայությունը։

17:59 - 07 մայիսի, 2024

Ռուսաստանը հետախուզում է հայտարարել Պորոշենկոյի նկատմամբ |tert.am|

tert.am: ՌԴ-ն հետախուզում է հայտարարվել Ուկրաինայի նախկին նախագահ Պյոտր Պորոշենկոյի նկատմամբ։ Չի նշվում, թե որն է քրեական հետապնդման համար հիմք հանդիսացող հոդվածը։ Նշված է, որ հետախուզվում է 1965 թվականի սեպտեմբերի 26-ին Ուկրաինայի Օդեսայի մարզի Բոլգրադ քաղաքում ծնված Պյոտր Ալեքսեյի Պորոշենկոն։ Պորոշենկոն Ուկրաինայի նախագահի պաշտոնը զբաղեցրել է 2014-2019 թվականներին։ Հիշեցնենք, որ այսօր հայտնի դարձավ, որ ՌԴ ՆԳՆ-ն հետախուզում է հայտարարել Ուկրաինայի նախագահ Վլադիմիր Զելենսկիի նկատմամբ։ Հետախուզման վերաբերյալ համապատասխան քարտը տեղադրվել է գերատեսչության տվյալների բազայում։ Փաստաթղթում նշված է, որ 1978 թվականի հունվարի 25-ին Կրիվոյ Ռոգում ծնված Վլադիմիր Ալեքսանդրի Զելենսկին հետախուզվում է Ռուսաստանի Դաշնության Քրեական օրենսգրքի հոդվածով, որը, սակայն, նշված չէ։

18:32 - 04 մայիսի, 2024

Ալիևը Զելենսկուն հրավիրել է Բաքու |tert.am|

tert.am: Ադրբեջանի նախագահ Իլհամ Ալիևն Ուկրաինայի նախագահ Վլադիմիր Զելենսկուն հրավիրել է Բաքու՝ մասնակցելու նոյեմբերին կայանալիք ՄԱԿ-ի Կլիմայի փոփոխության համաժողովին (COP29): Այս մասին X-ի իր միկրոբլոգում հայտնել է Ուկրաինայում Ադրբեջանի դեսպան Սեյմուր Մարդալիևը։ Դեսպանն ընդգծել է, որ Կիևում հանդիպում է ունեցել Ուկրաինայի արտաքին գործերի նախարարի առաջին տեղակալ Անդրեյ Սիբիգայի հետ, որի ընթացքում էլ նրան է հանձնել Ալիևի նամակը։

13:04 - 23 ապրիլի, 2024

Զելենսկին կրկին կոչ է անում արևմտյան երկրներին ավելի շատ ՀՕՊ համակարգեր տրամադրել Ուկրաինային |azatutyun.am|

azatutyun.am: Ապրիլի 19-ին ուկրաինական քաղաքների և կարևոր էներգետիկ ենթակառուցվածքների վրա ռուսական հրթիռային հարվածներից հետո Ուկրաինայի նախագահ Վլադիմիր Զելենսկին կրկին դիմել է Ուկրաինայի արևմտյան դաշնակիցներին և գործընկերներին՝ հրատապ կերպով Ուկրաինային ավելի շատ հակաօդային պաշտպանության համակարգեր մատակարարելու հարցով։ «Յուրաքանչյուր երկիր, որը տրամադրում է Ուկրաինային հակաօդային պաշտպանության համակարգեր, յուրաքանչյուր ղեկավար, ով օգնում է համոզել մեր գործընկերներին, որ հակաօդային պաշտպանության համակարգերը չպետք է պահվեն պահեստներում, այլ տեղակայվեն իրական քաղաքներում և համայնքներում, որոնք կանգնած են ահաբեկչության դիմակայության առաջ, և բոլոր նրանք, ովքեր աջակցում են մեր պաշտպանությանը, կյանք են փրկում»,- X-ում գրել է Զելենսկին՝ շեշտելով՝ սա անհրաժեշտ է ոչ միայն Ուկրաինային և ուկրաինացիներին, այլև ողջ աշխարհին։ Ռուսաստանը պետք է պատասխան տա ահաբեկչության համար, և բոլոր հրթիռներն ու «Շահեդ» անօդաչու սարքերը պետք է որսալ, հայտարարել է Ուկրաինայի նախագահը՝ նշելով՝ աշխարհը կարող է դա ապահովել, դա ցույց է տվել Մերձավոր Արևելքի երկնքում, և այն պետք է գործի նաև Եվրոպայում:

12:34 - 19 ապրիլի, 2024

Մարիա Զախարովան մեկնաբանել է Զելենսկու հայտարարությունը «Crocus»-ում տեղի ունեցած ահաբեկչության մասին |news.am|

news.am: ՌԴ ԱԳՆ պաշտոնական ներկայացուցիչ Մարիա Զախարովան մեկնաբանել է Ուկրաինայի նախագահ Վլադիմիր Զելենսկիի հայտարարությունը Մոսկվայի մարզի «Crocus City Hall» համերգասրահում տեղի ունեցած ահաբեկչության վերաբերյալ։ «Միակ պետության ղեկավարը, որի խելքը հերիքել է ահաբեկչության մեջ Ռուսաստանին մեղադրելու, Զելենսկին է։ Որովհետև գողի գլխին գլխարկը վառվում է։ Ոչ մի անեծք չէր կարող ոչնչացնել նրան այնքան զորեղ, որքան իր սեփական ինքնախոստովանական հայտարարությունը: Երբեք մի մոռացեք։ Հանուն նրանց, ովքեր երեկ տուն չեն վերադարձել, հանուն բոլորի, ովքեր գտնվում են առաջին գծում, հանուն «Հրեշտակների ծառուղու»։ ՄԻ ՄՈՌԱՑԵ՛Ք»,- գրել է ՌԴ ԱԳՆ պաշտոնական ներկայացուցիչն իր Telegram ալիքում։

11:29 - 24 մարտի, 2024

Մոսկովյան ահաբեկչության մեջ ուկրաինական հետքեր տեսնելու փորձը կանխատեսելի էր. Զելենսկի |1lurer.am|

1lurer.am: Ուկրաինայի նախագահ Վոլոդիմիր Զելենսկին ուղերձով է հանդես եկել` հայտարարելով, որ Վլադիմիր Պուտինը և այլք փորձում են «Կրոկուս սիթի հոլ»-ի ահաբեկչության պատասխանատվությունը գցել ուրիշի վրա, և կիրառվող մեթոդները միշտ նույնական են: Ըստ Զելենսկու` այս ահաբեկչության մեջ ուկրաինական հետքեր տեսնելու փորձն իր համար կանխատեսելի է եղել:

11:00 - 24 մարտի, 2024

Պուտինի պարտությունը ժողովրդավարության համար կյանքի ու մահվան հարց է. Զելենսկի |tert.am|

tert.am: Ուկրաինայի դեմ ռազմական դիմակայությունում ՌԴ նախագահ Վլադիմիր Պուտինի պարտությունը կյանքի ու մահվան հարց է համայն ժողովրդավարական աշխարհի համար։ Այս մասին իր ուղերձում ասել է Ուկրաինայի նախագահ Վլադիմիր Զելենսկին։ Նա նշել է, որ երբ Պուտինը պարտվի, ժողովրդավարական աշխարհը «գալիք սերնդի համար լավ հեռանկար կունենա»։ «Մենք պետք է տոկուն լինենք տարբեր մարտահրավերների առաջ, որպեսզի հաղթահարենք Պուտինին և չհայտնվենք այնպիսի իրավիճակում, երբ Արևմուտքի ուժի վերաբերյալ կասկածներն օգնեն այս խելագարին», - ընդգծել է Զելենսկին։ Նա հավելել է, որ հանդիպել է ԱՄՆ նախագահի ազգային անվտանգության հարցերով խորհրդական Ջեյք Սալիվանի հետ։ «Ես երախտապարտ եմ մեր ազգին և ժողովրդին Ամերիկայի աջակցության համար, և կենսական նշանակություն ունի, որ ամերիկյան ղեկավարությունը հաստատակամ մնա միջազգային իրավունքի գերակայությունը պաշտպանելու գործում», - ասել է Ուկրաինայի նախագահը։ Ավելի վաղ Պենտագոնի ղեկավար Լլոյդ Օսթինը հայտարարել էր, որ ԱՄՆ-ը թույլ չի տա Ուկրաինային պարտվել։ Նա վստահեցրել էր, որ դաշնակիցները ուղիներ են փնտրում Ուկրաինային անխափան օգնություն ցուցաբերելու համար։

09:37 - 21 մարտի, 2024

Հրթիռային հարձակման փորձ Օդեսայում՝ Զելենսկու ավտոշարասյան վրա |azatutyun.am|

azatutyun.am: Ռուսաստանը Օդեսայում հրթիռային հարված է հասցրել Ուկրաինայի նախագահ Վլադիմիր Զելենսկու ավտոշարասյան ուղղությամբ։ Զելենսկին հաստատել է իր մահափորձը և նշել, որ չի տուժել։ «Այդ հարվածը տեսանք։ Տեսնում եք, թե ում հետ գործ ունենք, թքած ունեն, թե ուր են խփում։ Գիտեմ, որ այսօր զոհեր են եղել, բոլոր մանրամասները դեռ չգիտեմ, բայց գիտեմ, որ կան զոհեր և վիրավորներ», - ասել է Զելենսկին։ Ուկրաինայի նախագահի ավտոշարասյան վրա հարձակման մասին առաջինը գրել է հունական Proto Tema թերթը՝ վկայակոչելով Հունաստանի կառավարության անանուն աղբյուրները։ Դեպքը տեղի է ունեցել երեկ Հունաստանի վարչապետ Կիրիակոս Միցոտակիսի Օդեսա այցի ժամանակ։ Նշվում է, որ հարվածն իրականացվել է այն ժամանակ, երբ Զելենսկու ավտոշարասյունը հունական պատվիրակության կողքին է եղել, հունական պատվիրակության կազմում տուժածներ չկան։ Կառավարությունը մեկնաբանել է միայն հույն պաշտոնյաների վիճակը։ Ռուսաստանի պաշտպանության նախարարությունը հայտնել է, որ չորեքշաբթի օրը ռուսական զորքերը հարվածել են Օդեսայի արդյունաբերական նավահանգստի տարածքում գտնվող անգարին։ Հունաստանի վարչապետը երեկ է ժամանել Օդեսա հանդիպելու Զելենսկու հետ։ Միցոտակիսի Ուկրաինա այցի մասին նախապես չէր հայտարարվել։

09:39 - 07 մարտի, 2024

Ուկրաինայի նախագահի աշխատակազմն արձագանքել է Վլադիմիր Զելենսկիի՝ Հայաստան այցի մասին տարածվող լուրին |armenpress.am|

16:19 - 01 մարտի, 2024

Եթե նման այց լինի, կարծում եմ՝ կլինի տարածաշրջանային. Ալեն Սիմոնյանը՝ Զելենսկիի հնարավոր այցի մասին |armenpress.am|

armenpress.am: Հայաստանի ազգային ժողովի նախագահ Ալեն Սիմոնյանը Ուկրաինայի նախագահ Վլադիմիր Զելենսկիի Հայաստան հնարավոր այցի մասին տեղեկություն չունի, սակայն կարծում է՝ եթե նման այց լինի, կլինի տարածաշրջանային այց: Սիմոնյանը նման տեսակետ հայտնեց խորհրդարանում լրագրողների հետ զրույցում: «Նման տեղեկություն այս պահի դրությամբ գոյություն չունի: Բայց, եթե նման այց լինի, ես կարծում եմ, որ դա կլինի տարածաշրջանային այց, այլ ոչ թե՝ Հայաստան»,-ասաց Սիմոնյանը: Լրատվամիջոցները տեղեկություն էին տարածել, որ Ուկրաինայի նախագահ Վլադիմիր Զելենսկին մարտին կայցելի Երևան ու Բաքու։ Նշվում է, որ Հայաստան այցը, հավանաբար, տեղի կունենա մարտի 4-ին։ «Արմենպրես»-ի հարցին ի պատասխան՝ Հայաստանի Հանրապետության արտաքին գործերի նախարարությունից արձագանքել են տարածվող լուրին՝ նշելով, որ բարձրաստիճան այցերի մասին պատշաճ ժամկետներում պաշտոնապես իրազեկվում է:

12:07 - 27 փետրվարի, 2024

Վլադիմիր Զելենսկու այցը Հայաստան անհավանական չեմ համարում. Բաբկեն Թունյան |tert.am|

tert.am: Որպես պատգամավոր և խմբակցության անդամ տեղեկություն չունեմ, ենթադրում եմ, որ խմբակցության մյուս անդամները նույնպես, բայց անհավանական չեմ համարում։ Այս մասին լրագրողների հետ ճեպազրույցի ժամանակ ասաց պատգամավոր Բաբկեն Թունյանը՝ անդրադառնալով Ուկրաինայի նախագահ Վլադիմիր Զելենսկու՝ Հայաստան հնարավոր այցին։ Հարցին՝ այցը վտանգներ չի՞ պարունակի արդյոք, Թունյանը պատասխանեց․ «Ես ինձ դրա մասնագետը չեմ համարում, մտածելու տեղիք կարող է լինել և չլինել։ Դրական կամ բացասական գնահաական չեմ ուզում տալ, ի վերջո Ուկրաինայի նախագահը երկրի ընտրված ղեկավար է և ինչպես մյուս ղեկավարները, եթե հատուկ արգելք չա, կարող է այցելել Հայաստան։ Ամեն ինչի մեջ էլ եթե փնտրում եք, կարող եք հակառուսական երանգ տեսնել»,- ասաց նա։ Անդրադառնալով Նիկոլ Փաշինյանի այն հայտարարությանը, որ Հայաստանի մասնակցությունը ՀԱՊԿ-ին սառեցված է, Թունյանն ասաց․ «Այս պահին վարչապետը նկատի ունի, որ այդ կառույցում մեր ակտիվությունը գրեթե սառեցված է, ինչը գաղտնիք չէ։ Մենք հիմնականում գործողություններին չենք մասնակցում ու կարող ենք ասել, որ ոչ թե Հայաստանն է հեռացել ՀԱՊԿ-ից, այլ ՀԱՊԿ-ն է հեռացել Հայաստանից»։ Հարցին՝ առաջարկե՞լ են արդյոք իրեն զբաղեցնել Էկոնոմիկայի նախարարի պաշտոնը, Թունյանը պատասխանեց, որ նման քննարկում եղել է։ «Ես արտահայտվել եմ, որ ԱԺ-ոմ մեր անելիքները պակաս չեն։ Բայցևայնպես, եթե որոշումն այնպես լիներ, որ ես աշխատեի գործադիրում, կքննարկվեր հարցը»,- ասաց Բաբկեն Թունյանը։

13:05 - 26 փետրվարի, 2024

Զելենսկին ստում է, երբ խոսում է Ուկրաինայի ԶՈՒ կորուստների մասին |azatutyun.am|

azatutyun.am: Ուկրաինայի բնակչությունը հասկանում է, որ երկրի նախագահ Վլադիմիր Զելենսկին ստում է, երբ խոսում է հատուկ ռազմական գործողության ընթացքում 31 հազար ուկրաինացի զինվորականների մահվան մասին, հայտարարել է Ռուսաստանի արտգործնախարարության պաշտոնական ներկայացուցիչ Մարիա Զախարովան։ «Ուկրաինայի քաղաքացիները Զելենսկու համար մարդիկ չեն, այլ միավորներ, որ կարող են օգտագործվել՝ արևմտյան փողերը ստանալու համար», - Տելեգրամի իր էջում գրել է Զախարովան։ «Կարծում եմ՝ հենց դրանով է բացատրվում այն փաստը, որ նա մի քանի անգամով նվազեցրել է կորուստների թիվն՝ այդքան շատ «մեռած հոգիներ» թողնելով Ուկրաինայի զինված ուժերի շարքերում, որպեսզի նրանք ֆինանսավորվեն, ասես նրանք ողջ են։ Իսկ կիևյան հանցախումբը կշարունակի տեղափոխել գումարներն արտասահմանում իր հաշիվների վրա»,- նշել է նա։ Զելենսկին երեկ առաջին անգամ բացահայտել է ուկրաինական բանակի կորուստները Ռուսաստանի դեմ պատերազմում։ Նրա խոսքով՝ ագրեսիան ետ մղելիս մահացել է 31 հազար ուկրաինացի զինվոր։ Սա, ըստ էության, ուկրաինական բանակի զոհերի թվի առաջին պաշտոնական հրապարակումն է:

09:02 - 26 փետրվարի, 2024

31 հազար ուկրաինացի զինվոր. Զելենսկին առաջին անգամ ներկայացրել է իր կորուստների թիվը |azatutyun.am|

azatutyun.am: Ուկրաինայի նախագահ Վլադիմիր Զելենսկին առաջին անգամ բացահայտել է ուկրաինական բանակի կորուստները Ռուսաստանի դեմ պատերազմում։ Նրա խոսքով՝ ագրեսիան ետ մղելիս մահացել է 31 հազար ուկրաինացի զինվոր։ Զելենսկին, սակայն, չի նշել վիրավորների ու անհետ կորածների թիվը։ Այդ թիվը, ըստ էության, ուկրաինական բանակի զոհերի թվի առաջին պաշտոնական հրապարակումն է: Վերջին անգամ Կիևը 2022-ի վերջին է ներկայացրել իր մարտական կորուստների քանակը. այն ժամանակ նախագահի օգնական Միխայիլ Պոդոլյակը հաղորդել էր 10-ից 13 հազար զինվորի զոհվելու մասին։ Փետրվարի 25-ին կայացած մամուլի ասուլիսին Ուկրաինայի նախագահն ասել է նաև, որ պատերազմում ռուսական կողմի զոհերի թիվը 180 հազար է, վիրավորներինը՝ կես միլիոն: Ռուսաստանը չի հրապարակում իր պատերազմական կորուստները։ Նոյեմբերին ՆԱՏՕ-ի գլխավոր քարտուղար Յենս Ստոլտենբերգը Ռուսաստանի կորուստները գնահատել էր 300 հազար:

21:21 - 25 փետրվարի, 2024