Ագնեսա Խամոյան

Տիկի՛ն դատախազ, Դուք քաղաքական հայտարարություններ չեք անում, բայց քաղաքական պատվեր եք կատարում. Խամոյանը՝ գլխավոր դատախազին |tert.am|

tert.am: Այս դահլիճում ներկա գտնվող յուրաքանչյուր անձնավորություն գիտի, թե հիմա ինչ է այստեղ կատարվում՝ Հովիկ Աղազարյանը հրաժարվել է կատարել Նիկոլ Փաշինյանի խնդրանքը, այսպես կոչված մանդատը վայր դնելու մասով, և Դուք եկել եք նրա հետևից Ազգային ժողով: Այս մասին Աժ-ում պատգամավոր Հովիկ Աղազարյանին անձեռնմխելիությունից զրկելու հարցի քննարկման ժամանակ գլխավոր դատախազ Աննա Վարդապետյանից հարցրեց «Հայաստան» խմբակցության պատգամավոր Ագնեսա Խամոյանը: «Ուզում եմ այդուհանդերձ 2 դրվագի վրա մենք կանգ առնենք։ Ի՞նչ են ասում մեր գործընկերները։ Հովիկ Աղազարյանի հեռախոսն ինչ-ինչ քրեական գործի շրջանակներում հայտնվել է պատկան մարմինների մոտ։ Հետո այդ հեռախոսի անձնական նամակագրությունները հայտնվել է իշխող ՔՊ վարչության, եթե չեմ սխալվում, 15 հոգանոց կազմի նիստին՝ պարզ տարբերակով մարդիկ ծանոթացել են անձի անձնական նամակագրությանը։ Շատ պարզ հարց են ձեզ տալիս, սա նորմա ՞լ է, թե՞ նորմալ չի։ Տիկին դատախազ, դեկտեմբերի չորսի հարցուպատասխանի ժամանակ, ի պատասխան իմ հարցի, Նիկոլ Փաշինյանը հայտարարեց, որ հեռախոսի ուսումնասիրության ժամանակ պատկան մարմինները հանդիպել են տեղեկությունների, որոնք իրենց մեջ պարունակում են պետական անվտանգության սպառնալիքներ, այդ թվում հակահետախուզական սպառնալիքներ։ Դուք բոլորից լավ եք հասկանում այս բառերի նշանակությունը»,- ասաց պատգամավորը։ Խամոյանը նշեց, որ հիմա Ազգային ժողով եկել է ոչխարների գործով, Հովիկ Աղազարյանի հետևից։ «Սա փաստորեն ձեզ համար հիմք չի հանդիսացել հաղորդում հանցագործության մասին, թե՞ մենք հերթական անգամ կարող ենք արձանագրել, որ ինչպես այս դրվագով, այնպես էլ բազմաթիվ այլ դրվագներով, Նիկոլ Փաշինյանը հերթական անգամ ստել է և զրպարտել է»,- ասաց պատգամավորը: Վարդապետյանն, ի պատասխան, նշեց, որ ինքը քաղաքական հայտարարություններ չի անում: «Ես ներկայացրել եմ միջնորդագիր, երրորդ անգամ ստիպված եմ կրկնել, որ միջնորդագրի հետ կապ չունեցող և միջնորդագրի շրջանակներում չներկայացված ապացույցի վերաբերյալ որևէ դիրքորոշում չեմ հայտնելու»,- ասաց գլխավոր դատախազը։ «Տիկի՛ն դատախազ, դուք քաղաքական հայտարարություններ չեք անում, ներողություն եմ խնդրում, բայց դուք քաղաքական պատվեր եք անում, որովհետև նույն հարցուպատասխանի ժամանակ Նիկոլ Փաշինյանը էլի բառացի մեջբերում եմ, հայտարարել է՝ ժողովրդավարության բաստիոնը պետք է գտնի լծակներ քաղաքական, բարոյական և այլ լծակներ, նման կարմիր գծեր հատած պատգամավորին ժողովրդի կողմից տրված մանդատից զրկելու համար: Դուք հիմա կատարում եք քաղաքական պատվեր, տիկին Վարդապետյան»,- ի պատասխան ասաց Խամոյանը: Վարդապետյանը նորից նշեց, որ քաղաքական հայտարարության չի արձագանքում:

13:52 - 26 մարտի, 2025

«Բացի հայտարարությունից՝ է՞լ ինչ եք անում»․ Ագնեսա Խամոյանը գերիների մասին հարց ուղղեց վարչապետ Նիկոլ Փաշինյանին |news.am|

18:19 - 05 մարտի, 2025

Դատավորին գործից հանելը «չե-պե ա»․ ԱԺ-ն քննարկում է Սիրունյանի թեկնածությունը ԲԴԽ-ում |civilnet.am|

civilnet.am: Հունվարի 20-ին Ազգային ժողովը քննարկեց «Քաղաքացիական պայմանագիր» խմբակցության կողմից Բարձրագույն դատական խորհրդի (ԲԴԽ) անդամի պաշտոնում առաջադրված փաստաբան Ալեքսանդր Սիրունյանի թեկնածության հարցը։ Սիրունյանի թեկնածությունը քննադատության է արժանացել հասարակական կազմակերպությունների կողմից, որոնք համատեղ հայտարարությունում շեշտել են նրա անդամակցության փաստը «Քաղաքացիական պայմանագիր» կուսակցությանը և անպարկեշտ հանրային վարքագիծը։ Հենց այս փաստը բարձրաձայնեց «Հայաստան» խմբակցության պատգամավոր Ագնեսա Խամոյանը՝ հարց ուղղելով «Քաղաքացիական պայմանագիր» խմբակցության քարտուղար Արթուր Հովհաննիսյանին, որը ներկայացնում էր թեկնածուին։ «Պարոն Սիրունյանը այս պահին «Քաղաքացիական պայմանագիր» կուսակցության անդամ է, և ընտրվելուց հետո, այո՛, պետք է առաջնորդվի քաղաքական անաչառության սկզբունքով»,- ասաց Հովհաննիսյանը։ Սիրունյանի թեկնածությանն անդրադարձավ նաև «Հայաստան» խմբակցության պատգամավոր Գեղամ Մանուկյանը՝ Ազգային ժողովի նախագահ Ալեն Սիմոնյանին հորդորելով հրաժարվել նրա թեկնածությունից։ Նա հայտարարեց, որ շոկի մեջ էր, երբ ծանոթացավ Ալեքսանդր Սիրունյանի վերաբերյալ Կոռուպցիայի կանխարգելման հանձնաժողովի եզրակացությանը։ «Երբ ես ծանոթացա նրա վերաբերյալ Կոռուպցիայի կանխարգելման հանձնաժողովի եզրակացությանը, շոկի մեջ էի։ Ծանոթացեք այն բարեվարքության եզրակացությանը, որը տվել է Կոռուպցիայի կանխարգելման հանձնաժողովը, և վերանայեք ձեր որոշումը։ Դուք առաջադրում եք մի մարդու, որը հասարակական, ներազգային ատելության ահավոր օրինակ է. մարդ, որ ատում է սեփական հայրենակիցներին, մարդ, որը տարիներ շարունակ թշնամություն է տարածել։ Մնացածի՝ կոռուպցիոն վտանգների մասին չեմ անդրադառնում»,- հայտարարեց ընդդիմադիր պատգամավորը։ Մանուկյանը նշեց, որ այդ զեկույցը միանգամից պետք է գնար գլխավոր դատախազություն, քանի որ դրանում կա ատելության խոսք, կոռուպցիոն կասկածներ պարունակող տվյալներ և այլ հանգամանքներ։ Նա հայտարարեց, որ օրենսդրությունն իրեն թույլ չի տալիս հնչեցնել այդ բովանդակությունը։ Այդուհանդերձ, նա որոշ դրվագներ այդ զեկույցից ներկայացրեց։ Ըստ այդմ՝ Ծաղկաձորում Սիրունյանը 2,000 քմ տարածք է գնել ընդամենը 300,000 դրամով։ «Թեկնածուն ասել է, որ ֆիկտիվ պայմանագիր է կնքել, քանի որ հողը ընկերն է նվիրել»,- ասաց Մանուկյանը։ Սիրունյանը պարզաբանեց, որ խոսքը ոչ թե Ծաղկաձորի, այլ Հանքավանի ամենավերջում գտնվող հողակտորի մասին է, և այն նվեր է ստացել «շատ մոտ մարդուց»։ Ծավալված խոսակցության ընթացքում ընդդիմադիր պատգամավորներից մեկն առաջարկեց 250,000 դրամ վճարել հողի համար, իսկ Սիրունյանը կատակեց, թե կնվիրի այն պատգամավորին։ Շարունակությունը՝ սկզբնաղբյուր կայքում

17:09 - 20 հունվարի, 2025

Քննարկվելու է «Հայաստան» խմբակցությունում Գեղամ Նազարյանի հետագա գործունեության հարցը․ Ագնեսա Խամոյան

Գեղամ Նազարյանի վերջին հայտարարությունը, թե Նիկոլ Փաշինյանին հեռացնելու օրակարգ չկա, իր անձնական ընկալումներն են, որը բնականաբար չի արտահայտում «Հայաստան» խմբակցության տեսակետը։ Այս մասին ֆեյսբուքյան իր էջում հայտարարել է «Հայաստան» խմբակցության պատգամավոր Ագնեսա Խամոյանը՝ ի պատասխան լրագրողների հարցերի։ «Մեր թիվ մեկ օրակարգը ինչպես եղել, այնպես էլ մնում է այս իշխանություններին հեռացնելը, եւ բնական է, եթե խմբակցության որեւէ պատգամավոր չի կիսում այդ գաղափարը, հարցը պետք է դառնա քննարկման առարկա։ Խմբակցությունը Գեղամ Նազարյանին մանդատը վայր դնելու «խնդրանքով» չի կարող դիմել, բայցեւ ակնհայտ է, որ քննարկվելու է խմբակցությունում պարոն Նազարյանի հետագա գործունեության հարցը: Թե ինչ կորոշվի խմբակցության նիստից հետո, պարզ կլինի միայն նիստից հետո։ Նիստի ժամկետների մասին հավելյալ տեղեկություններն՝ ավելի ուշ»,- նշված է գրառման մեջ։

13:51 - 27 նոյեմբերի, 2024

Ոստիկանության 47 ծառայող հեռացվել է աշխատանքից թմրամիջոց օգտագործելու պատճառով |armenpress.am|

armenpress.am: Հայաստանում 47 ոստիկան թմրամիջոց օգտագործելու պատճառով հեռացվել է աշխատանքից: Այս մասին ասաց ՀՀ ներքին գործերի նախարար Վահե Ղազարյանը հանցավորության վիճակի, բարեփոխումների արդյունքների վերաբերյալ խորհրդարանական լսումներում՝ անդրադառնալով «Հայաստան» խմբակցության պատգամավոր Ագնեսա Խամոյանի հարցերին: Նախարարը հիշեցրեց, որ սկսել են ոստիկանության ծառայողների ատեստավորումը: «Ցանկացած ոստիկան մինչև ատեստավորում անցնելը պարտադիր պետք է անցնի թմրամիջոցների օգտագործման հետ կապված թեստը: Մենք թմրամիջոց օգտագործելու պատճառով համակարգից հեռացրել ենք ոստիկանության 47 ծառայողի»,-ասաց Ղազարյանը:

13:46 - 15 հոկտեմբերի, 2024

«Ինչո՞ւ է ԱԺ դահլիճը կիսադատարկ». Ագնեսա Խամոյանը՝ Անդրանիկ Քոչարյանին |panorama.am|

panorama.am: «Ինչո՞ւ է ԱԺ դահլիճը կիսադատարկ։ Որտե՞ղ են «Քաղաքացիական պայմանագիր» խմբակցության անդամները։ Դուք ասեցիք՝ հրավերներ են ուղարկվել ՀԿ սեկտորի ներկայացուցիչներին։ Այստեղ մեկ ներկայացուցիչ կարծես կա, ո՞ւմ են ուղարկվել հրավերները, և ովքե՞ր չեն ընդունել այն»,-լսումները վարող ՔՊ-ական Անդրանիկ Քոչարյանին հարց ուղղեց «Հայաստան» խմբակցության անդամ Ագնեսա Խամոյանը՝ թվարկելով, որ դահլիճում ներկա են Գլխավոր դաախազը, ՆԳ նախարարը, ԱԱԾ ղեկավարը, ՔԿ նախագահը և այլք։ Խամոյանը հարցրեց՝ սա ինչպիսի՞ վերաբերմունք է ուժային, իրավապահ մարմինների ղեկավարների նկատմամբ։ «Պարոնայնք, տիկին դատախազ, անկեղծ ասած, ես ձեր փոխարեն վիրավորվում եմ։ Սա ինչպիսի» վերաբերմունք է իսկապես»,-ասաց Խամոյան։ «Չէ, Դուք մի վիրավորվեք։ Իսկապես, ո՞ւր են մեր պատգամավորները։ Բոլորը պատշաճ տեղեկացված են»,-ասաց Անդրանիկ Քոչարյանն ու առաջարկեց սկսել քննարկումը՝ հույս հայտնելով, որ ընթացքում քաղհասարակության ներկայացուցիչները կմիանան։ Մինչ այդ էլ ՔՊ-ական Հովիկ Աղազարյանը նկատեց, որ դահլիճը լիքը չի, ինչին Անդրանիկ Քոչարյանը կոպիտ տոնով արձագանքեց. «Մենք նպատակ չենք դրել դահլիճը լցնելու»։ Նշենք, որ այս պահին ԱԺ-ում ընթանում են խորհրդարանական լսումներ է «Հայաստանի Հանրապետությունում 2019-2024 թթ. ընթացքում հանցավորության վիճակի, կառուցվածքի, դինամիկայի, հաշվառման, բացահայտման հետ կապված հարցերն ու հիմնախնդիրները, բարեփոխումների իրական արդյունքներ» թեմայով։

12:05 - 15 հոկտեմբերի, 2024

Ինչքա՞ն եք «նեղացած հարսի» քաղաքականությունը շարունակելու, արդյո՞ք ՀԱՊԿ-ից դուրս գալու հարցը քննարկել եք. Խամոյանը՝ Միրզոյանին |tert.am|

tert.am: Դուք մեր երկրի թիվ 1 դիվանագետն եք և ցավում եմ ձեր այսպիսի նյարդային պահվածքի համար, քանի որ հայ ժողովուրդը լավ հետևություններ չի անի թե ինչպիսին է ձեր վարքագիծը բանակցությունների սեղանին, ևս մեկ անգամ ձեզ զսպվածության կոչ եմ անում՝ հաշվի առնելով ձեր պաշտոնը: Այսպես սկսեց իր հարցն ԱԺ «Հայաստան» խմբակցության պատգամավոր Ագնեսա Խամոյանն ուղղված ԱԳ նախարար Արարատ Միրզոյանին: Ի վերջո՝ այսօր ինչպիսի՞ն են ՀՀ-ՌԴ հարաբերությունները՝ լավ, վատ, վատթար, գերազանց: Ինչպիսի՞ գնահատական կտաք: Ո՞ւր է տանելու ՀՀ իշխանությունների ռազմավարությունը ՀԱՊԿ-ի մասով, ի՞նչ եք ուզում ՀԱՊԿ-ից: Սառեցման գործընթացը քաղաքական դիրքորոշում է հիշեցնում, ինչքա՞ն եք «նեղացած հարսի» քաղաքականությունը շարունակելու: Արդյո՞ք եղել է ՀԱՊԿ-ից դուրս գալու մասով քննարկում: «Պետք չի ինձ զսպվածության կոչ անել, ձեր կոչի հասցեատերը ձեզ ավելի մոտ է գտնվում: Ձեզ կոչ կանեմ ինձ կոչ չանել: Մենք ոչ մեկից ոչ մի բան չենք ուզում, մենք առաջնորդվում ենք ՀՀ շահերով: Այլ բան, քան մեր սահմանների անվտանգությունը մենք չենք ուզում: Դուք ո՞ւմ կողմից եք: Ցավ եմ ապրում, որ ձեր քաղաքական ուժը վերաբերվում է ՀՀ-ին որպես «նեղացած հարսի», բացի զուտ սեռային հարգանքի կոնտեքստից, բայց մի քիչ հարգանք ունենանք մեր ինքնիշխանության մասին: Ոչ բան ենք ուզել, ոչ նեղացել ենք, մենք շատ ռացիոնալ աշխարհում ենք ապրում: Ոչ նեղանում ենք, ոչ չենք նեղանում»,- պատասխանեց Միրզոյանը:

16:56 - 15 մարտի, 2024

ԲԴԽ անդամի թեկնածու Կարեն Թումանյանը դպրոց է հաճախել տասը տարեկանում, ավարտել՝ քսանում․ Խամոյան |pastinfo.am|

pastinfo.am: ԲԴԽ անդամի թեկնածու Կարեն Թումանյանը դպրոց է հաճախել տասը տարեկանում, ավարտել՝ քսանում։ Այս մասին ԱԺ-ում հայտարարել է Ագնեսա Խամոյանը։ «Դուք պատրաստվում եք դառնալ մարդ, ով պետք է վերահսկի դատավորներին, ստուգի նրանց բարեվարքությունը։ Դուք ակնհայտորեն խնդիրներ ունեք սեփական կենսագրության հետ և այս պայմաններում Դուք չեք կարող ստուգել դատավորների բարեվարքությունը»,- հայտարարեց Ագնեսա Խամոյանը։ Նա պարզաբանեց, որ կենսագրական խնդիրը կապված չէ միայն տասը տարեկանում դպրոց հաճախելու հետ, այլ հարցն այն է, որ զինվորական ծառայությունից ազատվելուն՝ ընտանեկան կարգավիճակով պայմանավորված։ Մասնավորապես, խոսքը երկու և ավելի երեխաներ ունենալու մասին է և, թեև ԲԴԽ թեկնածուն պնդել է, որ ամուսնացել է միայն մեկ անգամ՝ 2012-ին, սակայն Ագնեսա Խամոյանը, ուսումնասիրելով Կոռուպցիայի կանխարգելման հանձնաժողովի բարեվարքության եզրակացությունը, պարզել է, որ Կարեն Թումանյանն ունեցել է նաև ևս մեկ գրանցված ամուսնություն 1997 թվականին՝ բանակ զորակոչվելուց մեկ տարի առաջ։ «Մարդն ակնհայտորեն խուսափել է զինվորական ծառայությունից։ Ես չեմ կարծում, որ այս դահլիճում կա մարդ, ով չի հասկացել, թե այդ ֆիկտիվ ամուսնությունն ում հետ է գրանցված եղել։ Դուք մեկին ուզում եք դարձնել ԲԴԽ անդամ, ով խուսափել է զինվորական ծառայությունից, ամուսնանալով ․․․ կարծում եմ, բոլորդ հասկացաք։ ՔՊ-ական պատգամավորներ, հիմա յուրաքանչյուրդ Ձեր քվեարկությամբ կիսելու եք ադ բարոյականության հարցը»,- նշեց Ագնեսա Խամոյանը։

13:30 - 08 փետրվարի, 2024

Հույս ունեմ՝ Բաքվից հնչող հայտարարությունների նպատակը դիտավորյալ խաղաղության գործընթացը փակուղի մտցնելը չէ․ Նիկոլ Փաշինյան |tert.am|

tert.am: Հույս ունեմ՝ Բաքվից հնչող հայտարարությունների նպատակը դիտավորյալ խաղաղության գործընթացը փակուղի մտցնելը չէ․ Նիկոլ Փաշինյան Մեր գործողությունները կանգ է առնելու Հայաստանի Հանրապետության լեգիտիմ սահմանների վրա և լեգիտիմությունն է լինելու մեր քաղաքական դիվանագիտական պաշտպանության ռազմավարությունը։ Այս մասին ԱԺ-Կառավարություն հարցուպատասխանի ժամանակ ասաց վարչապետ Նիկոլ Փաշինյանը։ Վարչապետը հույս հայտնեց, որ Բաքվից հնչող հայտարարությունների նպատակը դիտավորյալ խաղաղության գործընթացը փակուղի մտցնելը չէ։ «Ես արձանագրել եմ Հայաստան ու Ադրբեջանը խոսում են դիվանագիտական տարբեր լեզուներով։ Մեր անելիքը դիվանագիտական տարբեր լեզուները համապատասխանեցնելն է լեգիտիմությանը»,- արձանագրեց կառավարության ղեկավարը։ Վարչապետին հարց հնչեցող ընդդիմադիր պատգամավոր Ագնեսա Խամոյանը հետաքրքրվեց՝ որո՞նք են այդ լեգիտիմ սահմանները՝ միաժամանակ նշելով, որ Փաշինյանը չգիտի, որտեղ է սկսվում մեր սահմանները և որտեղ ավարտվում։ «Ամենայն հարգանքով, տիկի՛ն Խամոյան, ես հստակ գիտեմ, թե որտեղով են անցնում ՀՀ սահմանները և դուք էլ գիտեք, այդ սահմանները 1991 թվականին գոյություն ունեցած սահմաններն են և Ալմա Աթայի հռչակագրով Խորհրդային հանրապետությունների միջև եղած ադմինստիատից սահմանները վերացվել են պետական սահմանների։ Դելիմիտացիայի գործընթացը նոր սահման չի ստեղծելու, որովհետև, արդեն իսկ ձեռք բերված պայմանավորվածությունների համաձայն, այդ սահմանները պետք է վերարտադրվեն քարտեզների ու թղթի վրա՝ համաձայն 1991թ. Ալմա Աթայի հռչակագրի»,- հայտարարեց Փաշինյանը։

18:27 - 17 հունվարի, 2024

Որևէ ներքին վտանգ կա՞, որ վավերացվում է «Բոլոր դեպքերում մահապատժի վերացման մասին» արձանագրությունը. Ագնեսա Խամոյան |panorama.am|

panorama.am: Ազգային ժողովում «Մարդու իրավունքների և հիմնարար ազատությունների պաշտպանության մասին» կոնվենցիային կից՝ «Բոլոր դեպքերում մահապատժի վերացման մասին» թիվ 13 արձանագրությունը վավերացնելու մասին օրենքի նախագծի քննարկմանը «Հայաստան» խմբակցության պատգամավոր Ագնեսա Խամոյանն ասաց, որ ՀՀ Սամանադրությամբ էլ արգելված է մահապատիժը, ապա հարցրեց՝ բոլոր դեպքերում մահապատժի վերացման մասին թիվ 13 արձանագրության վավերացումը որևէ հավելյալ այլ հանգամանքով պայմանավորվա՞ծ է։ Հիմնական զեկուցող ՀՀ արդարադատության նախարարի տեղակալ Կարեն Կարապետյանն ասաց, որ այն որևէ լրացուցիչ պարտավորություններ չի առաջացնելու, արդեն իսկ Սահմանադրական նորմ է. «Մենք ունենք վավերացրած երկու արձանագրություն, 13-րդ արձանագրությունը վավերացնելը շարունակական միջազգային պարտավորությունների կատարման մեր հաջորդիվ ու վերջնական քայլն է»։ Ագնեսա Խամոյանն արձագանքեց. «Նկատի ունեմ, այսինքն, որևէ ներքին վտանգ, մտավախություն, որ, օրինակ Սահմանադրությամբ կարող է այդ մասով փոփոխություն տեղի ունենալ, բայց, փաստորեն, արձանագրության վավերացումը բոլոր դեպքերում ամրագրելու է մահապատժի վերացումը։ Նման եզրահանգումներ, վերլուծություներ, անհնագստություններ կա՞ն»։ Կարեն Կարապետյանն ասաց. «Վերլուծություններ, անհանգստություններ չկան, քանի որ մահապատիժն ամբողջապես արգելված է մեր Սահմանադրությամբ, ուղղակի հավելյալ մեր միջազգային մակարդակով դրա վերահաստատման քայլն է»։

12:17 - 11 սեպտեմբերի, 2023

«Առաջարկում եմ դատական բարեփոխումները վերնագրել Մնացական Մարտիրոսյանի եւ Արմեն Դանիելյանի անվան դատական բարեփոխումների ռազմավարություն»․ Ագնեսա Խամոյան |aravot.am|

aravot.am: Ազգային ժողովն այսօրվա նիստում քննարկում է Վճռաբեկ դատարանի հակակոռուպցիոն պալատի կոռուպցիոն հանցագործությունների քննության դատական կազմի դատավորի ընտրության հարցը։ Բարձրագույն դատական խորհուրդը դատավորի թափուր տեղի համար առաջադրել է Արմեն Դանիելյանի, Ելիզավետա Դանիելյանի եւ Արսեն Նիկողոսյանի թեկնածությունները։ Ազգային ժողովը երեք թեկնածուներից պետք է ընտրի մեկ թեկնածու։ «Հայաստան» խմբակցության պատգամավոր Ագնեսա Խամոյանն ասաց․ «Ես ուզում էի մտաբերել, թե 20 տարուց ավելի դատական համակարգում եղած Արմեն Դանիելյանի մասին կարո՞ղ եմ մտաբերել որեւէ մեկ դրական մեկնաբանություն մասնագիտական հանրության կողմից։ Եվ այդպես էլ չկարողացա մտաբերել։ Եվ կարծում եմ՝ առհասարակ գաղտնիք չէ, որ պարոն Դանիելյանն այն դատավորն է եղել, որ երբեք էլ մեծ հաշվով չի վայելել մասնագիտական հանրության սերն ու հարգանքը»։ Խամոյանը դիմեց ԲԴԽ նախագահի պարտականությունները ժամանակավոր կատարող Վիգեն Քոչարյանին․ «Դուք դատական բարեփոխումների ընթացքի մեջ եք, ես առաջարկում եմ այդ բարեփոխումները վերնագրել հետեւյալ վերնագրով, օրինակ, Մնացական Մարտիրոսյանի եւ Արմեն Դանիելյանի անվան դատական բարեփոխումների ռազմավարություն»։ Վիգեն Քոչարյանն ի պատասխանեց ասաց․ «Եվս մեկ անգամ կոչ կանեմ, որպեսզի հարգալից վերաբերվենք մեր դատական կորպուսին, յուրաքանչյուր դատավորի»։

11:51 - 24 մայիսի, 2023

Տիկին Գայանեն հացադուլ է հայտարարել, իրեն թույլ էր զգում, սպասում է Աշոտ Փաշինյանի հետ առերեսմանը․ Ագնեսսա Խամոյան

ԱԺ «Հայաստան» խմբակցուղյան պատգամավոր Ագնես Խամոյանը հայտնում է, որ եղել է ՁՊՎ-ում, ուր երեկ 05:00-ից Էրէբունի հիվանդանոցից տեղափոխել են տիկին Գայանեին։ «Հայտնեմ, որ տիկին Գայանեն հացադուլ է հայտարարել, իրեն թույլ էր զգում, սպասում է Աշոտ Փաշինյանի հետ առերեսմանը։ Տիկին Գայանեն եւս մեկ անգամ վերահաստատեց, որ Աշոտին առեւանգելու նպատակ չի ունեցել, հակառակ դեպքում մեքենայի ընթացքի ժամանակ կարգելափակեր դռները եւ միայնակ չէր լինի։ Աշոտի հետ հանգիստ խոսել են, եւ իր համար անսպասելի զրույցի կեսից Աշոտը իրեն նետել է մեքենայից, անգամ չի առաջարկել կանգնեցնել մեքենայի ընթացքը։ Չնայած այս ամենին, տիկին Գայանեն վստահ է, որ Աշոտի մոտ թյուրըմբռնում է եղել եւ առերեսման ժամանակ ամեն ինչ կբացահայտվի։ Անասելի ծանր էր տեսնել հայրենիքի համար ամենաթանկը տված ու ամենադաժան տանջանքների միջով անցած կնոջը ՁՊՎ-ի պատերի ներսում…»,-նշել է պատգամավորը։ Հիշեցնենք, որ երեկ՝ մայիսի 17-ին, armtimes.com-ը գրեց Աշոտ Փաշինյանի ենթադրյալկ առևանգման փորձի մասին։ Կարճ ժամանակ անց Հայաստանի ոստիկանությունից հաստատեցին, որ հաղորդում է ստացվել վարչապետի որդուն՝ Աշոտ Փաշինյանին, իր տան մերձակայքից առևանգելու փորձի մասին։ 44-օրյա պատերազմում զոհված Մխիթար Գալեյանի հայրը՝ Գարիկ Գալեյանը պատմել է, որ զոհված Ժորա Մարտիրոսյանի մայրը՝ Գայանե Մարտիրոսյանը, մոտեցել է Աշոտ Փաշինյանի, ասել՝ նստիր մեքենաս, գնանք «Եռաբլուր», տանենք, տես՝ ինչ են արել հերն ու մերդ․ «Ոչ մի բռնություն չի եղել, ինքը հանգիստ բացել է դուռը և նստել»։ ՀՀ քննչական կոմիտեից հայտնել են, որ «Աշոտ Փաշինյանի առերևույթ առևանգման դեպքի առթիվ նախաձեռնվել է քրեական վարույթ։ ՔԿ հաղորդագրությունում մանրամասներ կան ենթադրյալ առևանգման դեպքի վերաբերյալ, որոնք չեն համընկնում ծնողների պատմածների հետ։ Փաշինյանի ենթադրյալ առևանգման գործով 4 ձերբակալված կա։ Նրանք չեն ընդունում իրենց մեղավորությունը։

16:54 - 18 մայիսի, 2023

Արևմտյան առաջարկ չկա, Բաքուն մերժել է ռուսական տարբերակը. արտգործնախարար |azatutyun.am|

azatutyun.am: Խորհրդարանում երեկ Արարատ Միրզոյանին հարցեր տալու հնարավորություն էր ընձեռվել արտաքին հարաբերությունների հանձնաժողովում, որտեղ արտգործնախարարը ներկայացնում էր արտաքին քաղաքական գերատեսչության անցած տարվա գործունեությունը։ 4 ադրբեջանական և առայժմ 3 հայկական փաստաթուղթ. Հայաստանի արտգործնախարարի փոխանցմամբ խաղաղության պայմանագրի շուրջ Երևանի և Բաքվի միջև առ այսօր փոխանակված փաստաղթղթերի քանակն այսքան է։ Հայաստանն ադրբեջանական վերջին առաջարկներին իր պատասխանը դեռ չի ձևակերպել։ Պատասխանելով ընդդիմադիր «Հայաստան» խմբակցության պատգամավոր Ագնեսա Խամոյանի հարցին՝ Արարատ Միրզոյանը տեղեկացրեց, որ խաղաղության պայմանագրի առանցքային հարցերի շուրջ համաձայնության հասնել դեռևս չի հաջողվել․ «Բազմաթիվ հարցերի շուրջ ոչ իդեալական ես կասեի, բայց փոխընդունելի ձևակերպումներ հաջողվել է գտնել։ Ընդ որում, ես նույնիսկ չէի չափի քանիսը ադրբեջանական առաջարկով, քանիսը՝ հայկական։ Քննարկումներ են եղել, փոխանակումներ են եղել մտքերի, ինչ-որ փոխզիջումային տեքստեր ձևակերպվել են։ Ցավոք սրտի, սա վերաբերում է ոչ հիմնական, ոչ առանցքային, կամ առաջին կարևորության հարցերին։ Բոլոր այն առաջին կարևորության հարցերը դեռևս քննարկումների փուլում են, և դրանց, չէի վարանի ասել, հիմնական մասում կողմերի դիրքորոշումները դեռևս բավականին հեռու են իրարից»։ Խաղաղության պայմանագրի բանակցությունները երկկողմ են Հարցին, թե ում միջնորդությամբ են տեղի ունենում բանակցությունները, Միրզոյանը պատասխանեց, թե միջնորդություն, ըստ էության, չկա, բանակցությունները երկկողմ են։ Ինչ վերաբերում է խաղաղության պայմանագրի շուրջ, այսպես կոչված, արևմտյան կամ ռուսական առաջարկներին, արտաքին քաղաքական գերատեսչության ղեկավարը վստահեցրեց ՝ Արևմուտքի տարբերակ գոյություն չունի․ «Ընթացքում եղել է ռուսական տարբերակ, որին մենք համաձայնություն տվել ենք, ադրբեջանական կողմը՝ ոչ։ Մնացածը ոչ մեկի տարբերակն ա, այսինքը՝ հայ-ադրբեջանական տարբերակ ա ըստ էության։ Արևմուտքը մեզ որևէ փաստաթուղթ չի առաջարկել»։ «Կա այսպիսի տեսակետ, որ Ռուսաստանը առաջարկում է Արցախի հարցը թողնել ապագային։ Պայմանական Արևմուտքը ասում է՝ Արցախի հարցը էս պահին լուծենք Արցախը Ադրբեջանի կազմում»․ Ագնեսա Խամոյանի այս դիտարկմանը Արարատ Միրզոյանն արձագանքեց. «Ես էլի եմ լսել էդպիսի սահմանումներ էն մասին, որ Ռուսաստանն առաջարկում է Ղարաբաղի հարցը թողնել ապագային, Արևմուտքը առաջարկում է Ղարաբաղի հարցը լուծել հենց հիմա։ Էս սահմանումը ճշգրիտ չի առնվազն Արևմուտքի մասով։ Մի քիչ ձևակերպումները ես փորձեմ հիմա ներկայացնել ոնց են։ Ռուսական տարբերակը ենթադրում է, այսինքն՝ ռուսական տարբերակը, որը ինչ-որ պահ քննարկվել է և մերժվել է ադրբեջանական կողմից, ենթադրում է կարգավիճակի պարզաբանում հետագայում, այս փաստաթղթով և այս գործընթացում, որում մենք ներգրավված ենք բանակցային, ենթադրում է, համենայն դեպս բանակցությունները սկսվել են դրանից և հիմա շարունակվում են այդպես, ենթադրում է Լեռնային Ղարաբաղին իրավունքների և անվտանգության հասցեագրման համար միջազգային մեխանիզմի ստեղծում»։ Ինչ վերաբերում է Հայաստանի և Ադրբեջանի միջև սահմանազատմանը, ապա, Արարատ Միրզոյանի փոխանցմամբ, անցած տարի Պրահայում տեղի ունեցած հանդիպման ընթացքում արձանագրվել է, որ սահմանազատումը պետք է տեղի ունենա բացառապես Ալմա Աթայի հռչակագրի հիմա վրա։Ընդդիմադիր պատգամավոր Ասպրամ Կրպեյանը հարց տալիս հայտարարեց, որ Արարատ Միրզոյանը օկուպացրել է արտգործնախարարի պաշտոնը, ինչը զայրացրեց արտգործնախարարին, և վերջինս ասաց․ «Ես Հայաստանի Հանրապետության արտաքին գործերի նախարարի պաշտոնը զբաղեցնում եմ, ոչ թե օկուպացնում։ Թեև ես շատ լավ հիշում եմ, և դա միայն անձամբ ձեր սովորությունը չի, ձեր մոտ երևի քաղաքական ուժի ընկալման հարց կա։ Ես հիշում եմ էն տարիներին, երբ որ դուք իշխանության մաս էիք, ձեր արտաքին գործերի նախարարը փորձում էր ասել, որ օկուպացնել կարելի ա անգամ զուգարանը, օկուպացված-զբաղեցված... Էդպես էլ Արցախի շուրջ տարածքներն էին օկուպացված-զբաղեցված»։ Շարունակությունը և տեսանյութը՝ azatutyun.am-ում

10:47 - 25 մարտի, 2023

Փոխարտգործնախարարի խոսքով Միրզոյանի՝ Մոսկվա այցի ընթացքում կքննարկվի ՀՀ-ում ԵՄ առաքելության տեղակայման հարցը

ՀՀ փոխարտգործնախարար Պարույր Հովհաննիսյանը, ՀՀ ԱԺ Եվրոպական ինտեգրման հարցերի մշտական հանձնաժողովի հերթական նիստում պատասխանելով պատգամավոր Ագնեսսա Խամոյանի՝ ՀՀ-ում ԵՄ առաքելության վերաբերյալ ՌԴ արձագանքի վերաբերյալ հարցին, ասաց, որ իսկապես, առաքելության տեղակայումը առաջացրել է որոշ հարցեր։ «Դրա ուղղությամբ մենք շարունակում ենք բացատրական աշխատանք տանել, թե ինչն է պատճառը, ինչն է առաքելության նպատակը։ Օրինակ Իրանից, որը շատ զգայուն է տարածաշրջանում նման առաքելությունների ստեղծման հարցին, բավականին դրական արձագանք հնչեց։ Իրանի դեպանը հայտարարեց, որ իրենք որեւէ խնդիր չեն տեսնում առաքելության վերաբերյալ։ Դա ցույց է տալիս, որ բացատրական աշխատանքների դեպքում ընկալումն այլ է։ Այո, պետք է շարունակենք աշխատանքը մեր գործընկերների հետ այդ առումով, եւ ավելի շատ տեղեկություն ներկայացնենք»։ Հովհաննիսյանը նշեց, որ առաքելության տեղակայումից հետո որոշակիորեն նվազել է սահմանում պրովոկացիաների թիվը։ «Կարծում ենք՝ որոշակի դեր խաղաց նաեւ ավելի լայնամասշտաբ պրովոկացիա կանխելու գործում, իհարկե դրա վերաբերյալ չենք կարող փաստեր ներկայացնել․ դա մեր գնահատականն է»։ Վերադառնալով Հայաստանում ԵՄ առաքելությանը ՌԴ արձագանքին՝ փոխարտգործնախարարը նշեց․ «Բոլորս տեղյակ ենք այդ զգայուն վերաբերմունքին։ Հարցը քննարկվում է ռուս գործընկերների հետ։ Գիտեք, որ շուտով ԱԳ նախարարի Մոսկվա այցն է նախատեսված, եւ դա այն հարցերից է, որ վստահաբար կքննարկվի»։

17:42 - 17 մարտի, 2023

Ինձ զարմացնում է գլխավոր դատախազը, որը մեկ ասում է՝ իրավունք չունի մանրամասներ հայտնել, մեկ էլ՝ անձանց ցուցմունքներ է հրապարակում․ Ագնեսա Խամոյան |tert.am|

tert.am: Ազգային ժողովում լրագրողների հետ ճեպազրույցի ժամանակ «Հայաստան» խմբակցության պատգամավոր Ագնեսա Խամոյանը պարզաբանեց, թե ինչո՞ւ ընդդիմությունը չի մասնակցում նիստին, որի օրակարգում է «Հայաստան» խմբակցության ղեկավար Սեյրան Օհանյանի նկատմամբ քրեական հետապնդում հարուցելուն համաձայնություն տալու մասին հարցը։ «Այն, թե ինչով է պայմանավորված այս «շրջիկ թատրոնին» մեր չմասնկացելը, կարծում եմ, Սեյրան Օհանյանը իր ուղերձում շատ հստակ ներկայացրել է։ Այսօրվա բարդագույն իրավիճակում, որ գտնվում է մեր երկիրը՝ չմասնակցել այս բեմականացմանը և թույլ չտալ իշխանություններին հերթական անգամ փորձ կատարել հանրության ուշադրությունը նման բեմականացումներով երկրի իրական օրակարգերից շեղել։ Մեր բացակայության պայմաններում այն շոուն, որ ցանկանում էին ստանալ, այդքան էլ հաջող չի ստացվում»,- ասաց Խամոյանը։ Պատգամավորը զարմանք հայտնեց, որ գլխավոր դատախազը այս գործով վկաների ցուցմունքներ է հրապարակել։ «Ինձ զարմացնում է դատախազի կողմից վկաների ցուցմունքներ հրապարակելը, մեկ ասում է՝ իրավունք չունի այլոց մասով մարամասներ ներկայացնել, մեկ ուղիղ մեջբերումներ է անում անձերի ցուցմունքներից, ինչի իրավունքը ակնհայտորեն չունի։ Իշխանական պատգամավորները այսօրվա ելույթներում շեշտեցին այն, որ Սեյրան Օհանյանը կարող էր օգտվել վաղեմության ժամկետից, բայց չի օգտվել, այո և՛ ինքը, և՛ Արմեն Չարչյանը իրենց գործերի մասով կարող էին օգտվել վաղեմության ժամկետից և այս ներկայացումը այստեղ չէր լինի»,–ասաց Խամոյանը։ Նա նշեց, որ առանց ԱԺ նիստի էլ՝ իրավական գործընթաց արդեն իսկ կա, որևէ դրվագով ո՛չ Օհանյանը և ո՛չ էլ Չարչյանը չեն խուսափել քննությունից։ «Որևէ մեկը չի կասկուծում, որ իրենք անելու են այն, ինչ իրենց վերևից հրահանգված է և զրկելու են անձեռնմելիությունից»,- ասաց Ագնեսա Խամոյանը։

12:06 - 07 փետրվարի, 2023

Կա մի կետ, որի շուրջ Ադրբեջանի հետ համաձայնության ենք եկել․ դա Վիեննայի կոնվենցիայի շրջանակում դիվանագիտական հարաբերություններ հաստատելն է․ Գրիգորյան

Ազգային ժողովի արտահերթ նիստի ընթացքում «Հայաստան» խմբակցության պատգամավոր Ագնեսա Խամոյանը անդրադարձավ ԱԽ քարտղուար Արմեն Գրիգորյանի երեկ արած հայտարարություններին․«Դուք նկարագրել եք Ադրբեջանի հետ հարաբերությունների ընթացքը և հայտարարել եք, որ Ադրբեջանը Հայաստանին է տվել խաղաղության պայմանագրի տեքստը, հետո հայկական կողմն այդ տեքստի վրա աշխատել է, պատասխանը տվել է Ադրբեջանին, Վաշինգտոնում տեղի է ունեցել հանդիպում, քննարկումից հետո Ադրբեջանը Հայաստանին է փոխանցել այդ տեքստի վրա աշխատած իր տարբերակը։ Հիմա Հայաստանը աշխատու է ու իր լրացումներն ու փոփոխություններն է կատարում, այսինքն՝ երկու երեք տարբերակ սրբագրվել է, խմբագրվել, փոխանցվել է»։ Ապա պատգամավորը ԱԽ քարտուղարին առաջարկեց ներկայացնել, թե ինչի մասին է խոսքը և որն է խաղաղության պայմանագրի երրորդ տարբերակը․ «Երևի ճիշտ չի լինի այն անվանել երեք տարբերակ, երևի ճիշտ կլինի ասել, որ խմբագրված տարբերակն է, որովհետև երեք տարբեր տարբերակ չի, նույն տեքստի վրա աշխատել ենք, և, բանակցային առանձնահատկությունը հաշվի առնելով, չենք հրապարակել, բայց հայ ժողովրդին հայտնի է բոլոր այն խնդիրները, որոնք գոյություն ունեն ՀՀ-ի և Ադրբեջանի միջև։ Դա ԼՂ հիմնախնդիրն է, դա չդելիմիտացված և չդեմարկացված սահմանն է, որը փորձում ենք դելիմիտացնել և դեմարկացնել, դա ապաշրջափակումն է, և կան հումանիտար հարցեր։ Ընդհանուր առմամբ, քննարկումները այս ուղղություններով են»։ Արձագանքելով Գրիգորյանին՝ Ագնեսա Խամոյանը հետաքրքրվեց՝ կա՞ մի հարց, որի շուրջ համաձայնության են եկել․ «Ցավալի բան պետք է ասեմ, բայց կա մեկ կետ, որի շուրջ համաձայնություն կա, այդ կետը դիվանագիտական հարաբերությունները Վիեննայի կոնվենցիայի շրջանակներում հաստատելն է։ Մնացած բոլոր կետերում չկա հստակ համաձայնություն»,- ասաց ԱԽ քարտուղարը։ Գրիգորյանը հավելեց նաև, որ ադրբեջանական կողմը բանակցություններից հետո հաճախ է հայտարարություններ անում, որոնք իրականությանը չեն համապատասխանում․ «Ինչ վերաբերում է Ադրբեջանի հետ պայմանավորվածություններին, ընդհանրապես մենք այս խնդիրը բազմաթիվ անգամ ենք ունեցել, նույնիսկ Բրյուսելում մայիսի 22-ին՝ առաջնորդների հետ հանդիպումից հետո նախագահ Ալիևը, վերադառնալով Բաքու, հայտարարել է, որ միջանցք ենք քննարկել և հայտարարել է, որ Ղարաբաղյան հարցը լուծված է։ Նախագահ Միշելի խոսնակը ստիպված էր հրապարակային հայտարարել, որ միջանցք չի քննարկվել, և Ղարաբաղյան հիմնախնդրի վերջնական արդյունքը ոչ մեկին հայտնի չէ, այսինքն Ղարաբաղյան հիմնախնդիրը շարունակվում է»։ Հիշեցնենք, որ Ադրբեջանի նախագահի խորհրդական Հիքմեթ Հաջիևը հերքել է ԱԽ քարտուղար Արմեն Գրիգորյանի հայտարարությունը, ըստ որի՝ Վաշինգտոնում «համաձայնություն է ձեռք բերվել ստեղծել միջազգային մեխանիզմ, որպեսզի Լեռնային Ղարաբաղը և Ադրբեջանը քննարկեն Լեռնային Ղարաբաղի հայերի իրավունքները և անվտանգությունը»։ Գրիգորյանն էլ քիչ առաջ ԱԺ-ում, արձագանքելով Հաջիևին, ասել է՝ կան բաներ, որ հնարավոր չէ հերքել, որովհետև բազմաթիվ փաստական տվյալներ կան․ «Բանակցությունները, որ ընթացել են սենյակում, միայն հայկական կողմը չի եղել, ամերիկյան կողմն էլ է եղել, և արձանագրություն կա դրա մասին, որի վերաբերյալ ադրբեջանական կողմը տեղյակ է։ Եվ ես զարմանում եմ, որ հերքում է փաստված բաներ»։

13:36 - 09 դեկտեմբերի, 2022