Իլհամ Ալիև

«Քննարկման ենթակա չէ». ՔՊ-ից արձագանքում են «Խոջալուի ցեղասպանոթյուն ճանաչելու» Ալիևի պահանջին |azatutyun.am|

azatutyun.am: «Այդ թեման, բնականաբար, քննարկման ենթակա չէ», - «Ազատության» եթերում հայտարարեց իշխող «Քաղաքացիական պայմանագիր» խմբակցության քարտուղար Արթուր Հովհաննիսյանը՝ արձագանքելով Ադրբեջանի նախագահ Իլհամ Ալիևի երեկվա հայտարարությանը, թե «Հայաստանը պետք է ճանաչի Խոջալուի ցեղասպանությունը և ներողություն խնդրի»։ «Իհարկե, մթնոլորտի որոշակի լավարկում ունենք սահմանազատման և սահմանագծման հանձնաժողովում էլ, խաղաղության պայմանագրի շուրջ խոսակցությունում էլ, բայց Ադրբեջանը շարունակում է մնալ ապակառուցողական, նաև ուլտիմատումներ են հնչում, - ասաց Հովհաննիսյանը՝ ընդգծելով, - «դրա համար մենք չպետք է գերագնահատենք իրավիճակը, ոչ էլ թերագնահատենք ընկճվելու աստիճանի։ Ունենք հաջողություններ, ձեռքբերումներ. Տավուշում սահմանագծման արդյունքում մենք Ադրբեջանից վերցրել ենք Հայաստանի վրա հարձակվելու վերջին լեգիտիմ հնարավորությունը, պատրվակը»։

16:50 - 29 մայիսի, 2024

Վստահ եմ՝ կմեծացնենք ջանքերի համակարգումը տարածաշրջանային հարցերում, ինչը համապատասխանում է մեր բարեկամ ժողովուրդների շահերին. Պուտինը՝ Ալիևին |tert.am|

tert.am: ՌԴ-ն մեծ նշանակություն է տալիս Բաքվի հետ դաշնակցային հարաբերություններին։ Այս մասին ասված է Ռուսաստանի Դաշնության նախագահ Վլադիմիր Պուտինի՝ Ադրբեջանի նախագահ Իլհամ Ալիևին՝ Անկախության օրվա առթիվ շնորհավորական ուղերձում: «Մենք մեծ նշանակություն ենք տալիս Բաքվի հետ դաշնակցային հարաբերություններին։ Վստահ եմ, որ համատեղ ջանքերով մենք կշարունակենք համակարգված կերպով մեծացնել արդյունավետ երկկողմ համագործակցությունը բոլոր ոլորտներում, ինչպես նաև ջանքերի համակարգումը տարածաշրջանային հարցերում։ Սա, անկասկած, համապատասխանում է մեր բարեկամ ժողովուրդների շահերին և համահունչ է Հարավային Կովկասում և Կասպից ծովում անվտանգության և կայունության ամրապնդմանը»,- ասված է ուղերձում։

13:58 - 28 մայիսի, 2024

Ադրբեջանն ու Տաջիկստանը ռազմավարական համագործակցության հռչակագիր են ստորագրել |azatutyun.am|

azatutyun.am: Ադրբեջանի և Տաջիկստանի նախագահներ Իլհամ Ալիևն ու Էմոմալի Ռահմոնն այսօր Բաքվում «Ռազմավարական համագործակցության մասին» հռչակագիր են ստորագրել։ Կողմերը մասնավորաբար պայմանավորվել են համատեղ պայքար ծավալել ահաբեկչության և ծայրահեղականության դեմ։ «Հարկ ենք համարում ուժեղացնել երկու երկրների հատուկ ծառայությունների գործունեության համակարգումը», - հռչակագրի ստորագրումից հետո հայտարարել է Տաջիկստանի նախագահը։ Էմոմալի Ռահմոնը պետական այցով Բաքու էր ժամանել նախօրեին։

15:49 - 23 մայիսի, 2024

Տարածաշրջանում արդար և կայուն խաղաղությունը նոր պայմաններ կստեղծի ինչպես Ադրբեջանի, այնպես էլ Հայաստանի համար․ Էրդողանն՝ Ալիևին |tert.am|

tert.am: Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Իլհամ Ալիևի հետ, որի ընթացքում կողմերը քննարկել են երկկողմ հարաբերությունները, ինչպես նաև տարածաշրջանային և գլոբալ օրակարգը: «Էրդողանը գոհունակություն է հայտնել Ադրբեջանի և Հայաստանի միջև խաղաղ գործընթացի դրական առաջընթացի կապակցությամբ և նշել, որ Թուրքիան ուշադրությամբ հետևում է այդ գործընթացին»։ «Էրդողանն ասել է, որ տարածաշրջանում արդար և կայուն խաղաղությունը նոր պայմաններ կստեղծի ինչպես Ադրբեջանի, այնպես էլ Հայաստանի և տարածաշրջանի այլ երկրների համար»,- ասված է հայտարարության մեջ։

20:39 - 20 մայիսի, 2024

«Սահմանազատման և սահմանագծման հարցով դրական պայմանավորվածություններ կան». Ալիև |azatutyun.am|

azatutyun.am: «Այս պահին խաղաղ օրակարգում առաջընթաց արձանագրելու շատ լավ և բարենպաստ հնարավորություններ կան», - այսօր ԲաքվումԼատվիայի խորհրդարանի խոսնակի հետ հանդիպման ժամանակ հայտարարել է Ադրբեջանի նախագահ Իլհամ Ալիևը։ «Այն բանից հետո, երբ Ադրբեջանը վերականգնեց իր ինքնիշխանությունն ու տարածքային ամբողջականությունը, տարածաշրջանում խաղաղության հաստատման պատմական հնարավորություն է ստեղծվել»,- հայտարարել է Ալիևը՝ ընդգծելով, թե «երկկողմ գործընթացի շրջանակներում, մասնավորաբար սահմանազատման և սահմանագծման հարցում, դրական պայմանավորվածություններ են ձեռք բերվել»։

19:11 - 20 մայիսի, 2024

Ռաիսին և Ալիևը շահագործման են հանձնել Արաքսի վրա կառուցած Խուդաֆերինի ՀԷԿ-ը |tert.am|

tert.am: Իրանի Իսլամական Հանրապետության նախագահ Էբրահիմ Ռաիսին և Ադրբեջանի նախագահ Իլհամ Ալիևը պետական սահմանին շահագործման են հանձնել Արաքս գետի վրա կառուցված Խուդաֆերինի հիդրոէլեկտրակայանը:Բացի այդ, տեղի է ունեցել «Գիզ Գալասի» հիդրոէլեկտրակայանի բացման արարողությունը, հայտնում է Tasnim գործակալությունը:Ռաիսին հայտարարել է, որ Իրանի և Ադրբեջանի հարաբերությունները չեն խզվի: «Արաքս գետը կապող օղակ է Ադրբեջանի և Իրանի ժողովրդի միջև, և այդ կապը ստեղծվել է 50 տարի առաջ՝ Արաքս ամբարտակի կառուցմամբ», - նշել է նա։

12:55 - 19 մայիսի, 2024

Իրանի և Ադրբեջանի պետական սահմանին ընթանում է Ռայիսի-Ալիև հանդիպումը |tert.am|

tert.am: Այսօր Իրանի և Ադրբեջանի պետական սահմանին սկսվել է երկրների նախագահներ Էբրահիմ Ռայիսիի և Իլհամ Ալիևի միջև հանդիպումը։Իրանական լրատվամիջոցների փոխանցմամբ՝ ղեկավարները մասնակցում են Արաքս գետի վրա «Գիզ-Գալասի» հիդրոէլեկտրակայանի բացմանը։

10:58 - 19 մայիսի, 2024

Լուկաշենկոն Ալիևի հետ մեկնել է օկուպացված Արցախ |tert.am|

tert.am: Բելառուսի նախագահ Ալեքսանդր Լուկաշենկոն և Ադրբեջանի նախագահ Իլհամ Ալիևն այցելել են օկուպացված Արցախի Հանրապետության տարածքներ: Նրանց առաջին կանգառը Վարանդայի շրջանն է, որն Ադրբեջանի վերահսկողության տակ է անցել 2020 թվականի հոկտեմբերին: Մայիսի 16-ին երկու երկրի ղեկավարների պաշտոնական բանակցությունների ընթացքում Ալիևը հետաքրքրություն է հայտնել բելառուսական ընկերությունների և ձեռնարկությունների նկատմամբ, որոնք մասնակցում են օկուպացված տարածքների հետպատերազմյան վերականգնմանը։Իր հերթին, Լուկաշենկոն ընդգծել է, որ Բելառուսը պատրաստ է բարեկամաբար ցուցաբերել հնարավոր բոլոր օգնությունները: «Մեր եղբայրական առաջարկը. եթե մենք կարողանանք բարեկամական հիմունքներով մասնակցել վերականգնմանը, ապա պատրաստ ենք»,- ասել է նա:

12:02 - 17 մայիսի, 2024

«Հաղթանակը կա, այժմ վերածննդի պահն է»․ Լուկաշենկոն՝ Ալիևին |azatutyun.am|

azatutyun.am: «Բելառուսը պատրաստ է օգնել Ադրբեջանին նախկին գրավյալ տարածքների վերակառուցման հարցում», - Բաքու կատարած այցի ընթացքում այսօր հայտարարել է Բելառուսի նախագահ Ալեքսանդր Լուկաշենկոն։ «Եկել է ամենածանր պահը, երբ պետք է վերականգնել այդ տարածքները, վերադարձնել բնակիչներին։ Հաղթանակը արդեն տարել եք, պահել եք այն, այժմ եկել է վերածննդի պահը», - հայտարարել է Լուկաշենկոն։ Ադրբեջանի նախագահ Իլհամ Ալիևի խոսքով՝ այդ շրջաններում հսկայածավալ աշխատանքի հեռանկարներ կան։ «Ես հրավիրել եմ բելառուսական ընկերություններին ակտիվորեն մասնակցել Ղարաբաղի և Արևելյան Զանգեզուրի գոտիների վերականգնմանը։ Մեր կողմից արդեն իսկ իրականացվող, ինչպես նաև նախանշված աշխատանքների ծավալը ահռելի է», - հայտարարել է Ադրբեջանի նախագահը։ Նրա խոսքով՝ «Բելառուսում քաղաքաշինության մեծ փորձ է առկա, կիրառվում են ժամանակակից տեխնոլոգիաները, ագրոավանների շինարարության փորձառություն գոյություն ունի»։

17:11 - 16 մայիսի, 2024

Ժամանակն է վերացնել Մինկի խումբն ու դրա հետ կապված ինստիտուտները․ Ալիևը՝ ԵԱՀԿ գործող նախագահին |factor.am|

factor.am: Ադրբեջանի նախագահ Իլհամ Ալիևը Բաքվում ընդունել է ԵԱՀԿ գործող նախագահ, Մալթայի արտաքին գործերի, Եվրոպայի և առևտրի նախարար Իեն Բորջի գլխավորած պատվիրակությանը։ Նա նշել է, որ Մալթան աջակցում է Ադրբեջանի և Հայաստանի միջև հարաբերությունների կարգավորման ու խաղաղության պայմանագրի բանակցությունների գործընթացին։ Ալիևը ասել է, որ ներկայում շարունակվում է Ադրբեջանի և Հայաստանի միջև բանակցային գործընթացը՝ խաղաղության օրակարգն առաջ մղելու համար։ Ադրբեջանի նախագահը կրկին դժգոհել է ԵԱՀԿ-ից և Մինսկի խմբի գործունեությունից։ «Ասելով, որ հայ-ադրբեջանական հակամարտությունն արդեն մնացել է պատմության մեջ և գոյություն չունի՝ Ադրբեջանի ղեկավարը նշել է, որ ժամանակն է վերացնել ԵԱՀԿ Մինսկի խումբը և դրա հետ կապված բոլոր ինստիտուտները։ Ադրբեջանական կողմը բարձրացրել է այս հարցը, և որևէ պատճառ չկա, որ հայկական կողմը չհամաձայնի դրան»,- ասվում է Ալիևի աշխատակազմի մամուլի ծառայության տարածած հաղորդագրության մեջ։ Հիշեցնենք, որ նախօրեին Իեն Բորջը Հայաստանում էր։ Նա տարբեր պաշտոնյաների հետ բանակցություններ է անցկացրել, այդ թվում՝ ՀՀ վարչապետ Նիկոլ Փաշինյանի և ԱԳ նախարար Արարատ Միրզոյանի։

12:46 - 14 մայիսի, 2024

Համաձայն եմ մինչեւ նոյեմբեր խաղաղության պայմանագիր կնքելու գաղափարի հետ. Փաշինյանը՝ Ալիեւի հայտարարան մասին

Ես համաձայն եմ մինչեւ նոյեմբեր խաղաղության պայմանագիր կնքելու գաղափարի հետ, եւ դրա համար պետք է բանակցային հարթակներում համաձայնեցված սկզբունքներն արձանագրել խաղաղության պայմանագրում, եւ որոնք, ի միջի այլոց, հրապարակային են։ Այս մասին ասաց Նիկոլ Փաշինյանը՝ անդրադառնալով Իլհամ Ալիեւի հայտարարությանը՝ մինչև նոյեմբեր խաղաղության պայմանագիր կնքելու հնարավորության մասին։ «Եթե ես ակնհայտորեն չեմ ասում՝ գիտեք, էս շաբաթվա վերջ ստորագրում ենք, նշանակում ա՝ դա դեռ տեղի չի ունեցել (սկզբունքները արձանագրելը), եւ ես հույս ունեմ, որ առաջիկայում Ալմաթիում նախատեսվող հանդիպմանն էդ առաջընթացը կարձանագրվի»։

15:22 - 07 մայիսի, 2024

Փաշինյանն ու Ալիևը չեն մասնակցի մայիսի 9-ին Մոսկվայում կայանալիք շքերթին. Ուշակով |arm.sputniknews.ru|

arm.sputniknews.ru: ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը չեն մասնակցի մայիսի 9-ին Մոսկվայում կայանալիք Հաղթանակի շքերթին։ Այս մասին հայտարարել է ՌԴ նախագահի միջազգային հարցերով օգնական Յուրի Ուշակովը։ Ակնհայտ է, որ Հայաստանի վարչապետը չի կարողանա ներկա գտնվել շքերթին։ Այս անգամ կբացակայի նաև Ադրբեջանի նախագահ Ալիևը։ Նա 10 օր առաջ էր ժամանել Մոսկվա, նրա և ՌԴ նախագահի միջև հինգժամյա սերտ շփումներ են եղել։ Նրա չգալը կապված է այն բանի հետ, որ Ադրբեջանում միաժամանակ Հեյդար Ալիևի հիշատակին նվիրված հանդիսավոր միջոցառում է անցկացվում», - լրագրողներին ասել է Ուշակովը։ ՀՀ վարչապետը Մոսկվա կմեկնի մայիսի 8-ին և կնախագահի ԵԱՏՄ հոբելյանական գագաթնաժողովը։ Նախատեսված է նաև երկկողմ հանդիպում Պուտինի հետ։

19:35 - 06 մայիսի, 2024

Ալիևը հայտարարել է, թե միջնորդներն «ուզում են ներթափանցել այս տարածաշրջան՝ հանուն իրենց շահերի» |factor.am|

factor.am: Ադրբեջանի նախագահ Իլհամ Ալիևը Բաքվում «Երկխոսություն հանուն խաղաղության և գլոբալ անվտանգության» միջմշակութային երկխոսության VI համաշխարհային ֆորումի բացման արարողությանն ունեցած ելույթում դրական է գնահատել Հայաստանի հետ խաղաղության գործընթացը։ «Սահմանների սահմանազատումն ու սահմանագծումն իրականացվում է երկու երկրների միջև ձեռք բերված պայմանավորվածությունների հիման վրա՝ առանց որևէ միջնորդի»,- ասել է Ալիևը՝ նշելով, թե «դա ևս մեկ անգամ վկայում է այն մասին, որ Բաքուն և Երևանը միջնորդների կարիք չունեն, հատկապես նրանց, որոնք առաջնորդվում են սեփական շահերով»։ Ըստ նրա՝ այդ «միջնորդները չեն ցանկանում օգնել, նրանք ցանկանում են ներթափանցել տարածաշրջան՝ հանուն իրենց քաղաքական և տնտեսական շահերի»։ «Նրանք ցանկանում են նորից բորբոքել կրակը։ Մենք թույլ չենք տա, որ դա տեղի ունենա Հարավային Կովկասում»,- հայտարարել է Ալիևը։

12:45 - 01 մայիսի, 2024

Ալիևը հայտարարել է, որ Հայաստանի ու Ադրբեջանի ԱԳ նախարարները կհանդիպեն Ալմաթիում |hetq.am|

hetq.am: Հայաստանի և Ադրբեջանի արտաքին գործերի նախարարները մոտ ժամանակներս կհանդիպեն Ալմաթիում։ Այդ մասին հայտարարել է Ադրբեջանի նախագահ Իլհամ Ալիևը՝ ԱՄՆ պետքարտուղար Էնթոնի Բլինքենի հետ հեռախոսազրույցի ժամանակ, հայտնում է Ադրբեջանի նախագահի մամուլի ծառայությունը։ «Երկրի ղեկավարն ասել է, որ ղազախական կողմի առաջարկին համապատասխան՝ Ադրբեջանի և Հայաստանի ԱԳ նախարարները մոտ ժամանակներս հանդիպում կանցկացնեն Ալմաթիում՝ խաղաղության պայմանագրի շուրջ բանակցությունները շարունակելու համար»,- ասված է ադրբեջանական կողմի հաղորդագրության մեջ։ Ալիևն ընդգծել է, որ Ադրբեջանը կներդնի բոլոր ջանքերը խաղաղության օրակարգը շարունակելու համար՝ նշելով, որ Բաքուն դրա համար ունի ուժեղ քաղաքական կամք: Նա հավելել է, որ իր երկիրը «աջակցում է տարածաշրջանային համագործակցության հարավկովկասյան մոդելի ստեղծմանը՝ առանց տարածաշրջանում բաժանարար գծերի»: Ալիևը որպես դրական քայլ է գնահատել այն փաստը, որ հայ-ադրբեջանական սահմանի սահմանազատման գործընթացից հետո արդեն սկսվել են նաև դրա սահմանագծման աշխատանքները: Ադրբեջանական կողմի փոխանցմամբ՝ Էնթոնի Բլինքենն իր հերթին հայտարարել է, որ ԱՄՆ-ն պատրաստ է հետագայում ևս աջակցել Հայաստանի և Ադրբեջանի միջև հարաբերությունների կարգավորմանը և խաղաղության օրակարգի առաջմղմանը։

10:47 - 29 ապրիլի, 2024

Բլինքենը հեռախոսազրույց է ունեցել նաև Ալիևի հետ՝ ողջունելով Ալմա-Աթայի հռչակագիրը որպես սահմանազատման հիմք ընդունելու հայտարարությունը

ԱՄՆ Պետքարտուղար Բլինքենը հեռախոսազրույց է ունեցել նաև Ադրբեջանի նախագահ Իլհամ Ալիևի հետ։ Պետքարտուղարության խոսնակ Մեթյու Միլլերի փոխանցմամբ՝ Բլինքենը «գովաբանել է նախագահ Ալիևին» անցյալ շաբաթվա հայտարարության համար, համաձայն որի Երևանն ու Բաքուն պայմանավորվել են ընդունել 1991թ. Ալմա-Աթայի հռչակագիրը որպես սահմանազատման հիմք, և ընդգծել է դրա կարևորությունը երկու կողմերի համար՝ կայուն և արժանապատիվ խաղաղության հասնելու համար: Պետքարտուղարը Ադրբեջանի նախագահին կոչ է արել պահպանել դինամիկան հայ գործընկերոջ հետ՝ վերահաստատելով այդ ջանքերին աջակցելու ԱՄՆ պատրաստակամությունը։ Բլինքենը ողջունել է նաև ձերբակալված քաղաքական գործիչ Գուբադ Իբադօղլուի խափանման միջոցի փոփոխությունը տնային կալանքի և կոչ է արել նրան լիովին, արագ ազատ արձակել․ «Բլինքենը կրկին կոչ է արել Ադրբեջանին պահպանել միջազգային և մարդու իրավունքների պարտավորությունները և ազատ արձակել Ադրբեջանում անարդարացիորեն ձերբակալվածներին», - նշված է ԱՄՆ Պետքարտուղարության տարածած հաղորդագրության մեջ։ Հիշեցնենք, որ Բլինքենը այսօր հեռախոսազրույց էր ունեցել նաև ՀՀ վարչապետ Նիկոլ Փաշինյանի հետ։

23:08 - 28 ապրիլի, 2024

Չլուծված հարցերը պետք է լուծվեն խաղաղ ճանապարհով․ Շոլցը՝ Ալիևին |factor.am|

factor.am: Գերմանիայի կանցլեր Օլաֆ Շոլցն Ադրբեջանի նախագահ Իլհամ Ալիևի հետ Բեռլինում հանդիպումից հետո հրավիրված ասուլիսում հայտարարել է, որ քննարկել են նաև Հայաստանի և Ադրբեջանի միջև հարաբերությունների կարգավորման գործընթացը, գրում են ադրբեջանական լրատվամիջոցները։ «Հակամարտությունը պետք է լուծվի միայն խաղաղ ճանապարհով։ Լավ է, որ երկու երկրների ղեկավարները երկխոսության մեջ են։ Ինձ հետ Ձեր վերջին հանդիպման ժամանակ ասել էիք, որ բոլոր հարցերը լուծվելու են քննարկման միջոցով։ Ակնկալում եմ, որ երկու կողմերն էլ կցուցաբերեն անհրաժեշտ կառուցողականություն։ Գերմանիան պատրաստ է աջակցել երկու երկրներին անհրաժեշտ փոխզիջումներ գտնելու հարցում։ Մենք գոհ ենք սահմանազատման նախնական պայմանավորվածությունից։ Ես խրախուսում եմ համարձակ քայլն այս ուղղությամբ»,- ասել է Շոլցը։ Նա նշել է, որ հավատում են այս տարի խաղաղության համաձայնագրի ստորագրման հեռանկարին։

15:09 - 26 ապրիլի, 2024