«Հայ ազգային կոնգրես» կուսակցության փոխնախագահ Արամ Մանուկյանը մեկնաբանել է ՀՀ վարչապետ Նիկոլ Փաշինյանի երեկ հնչեցրած հայտարարությունները․ «Պարզունակ բլեֆ է ու պատասխանատվությունից խուսափելու միջոց։ Դա նրա սովորական գործելակերպն է` մեղավորներ փնտրել ամեն մի ձախորդության, ամեն մի անհաջողության համար։ Հիմա մեղավորները սպառվել են, անցել է 30 տարի առաջ ընդունված փաստաթղթերին։ Մանկամտություն ու պարզամտություն է մեղադրել 30 տարի առաջ ընդունված հիմնադիր, պետականաստեղծ փաստաթղթերին։ Նույն փաստաթուղթը մինչ օրս Հայաստանին հաղթանակներ է բերել։ Չեմ ուզում մտածել Փաշինյանի առաջարկած փոփոխությունների հնարավոր հետևանքների մասին, հուսով է, որ այդ հարցն ընդհանրապես դուրս կգա օրակարգից»։ |armeniasputnik.am|

Ավագանու 5 անդամի լիազորությունները դադարեցնելու օրակարգով Երեւանի ավագանու արտահերթ նիստը երկու օրով հետաձգվել է: [Երևանի քաղաքապետարան] |news.am|

Վայոց Ձորի մարզի Եղեգնաձոր քաղաքում դաժան ծեծի հետևանքով մահացած փոխգնդապետ Արա Մխիթարյանի գործով միակ դատապարտյալը` նախկին մարզպետ Տրդատ Սարգսյանի օգնական Հարություն Գրիգորյանը, պայմանական վաղաժամկետ ազատ է արձակվել։ Տեղեկությունը Sputnik Արմենիային հայտնեց փոխգնդապետի եղբայրը` Կարեն Մխիթարյանը։Արա Մխիթարյանի հարազատները պատրաստվում են վիճարկել դատարանի որոշումը։ |armeniasputnik.am|

ՀՀ գլխավոր դատախազությունը ՀՀ իրավասու մարմինների կողմից հետախուզվող Կարեն Վանեցյանի նկատմամբ քրեական հետապնդում իրականացնելու նպատակով հանձնման մասին միջնորդություն է ուղարկել ՌԴ գլխավոր դատախազություն: Այդ մասին «Լուրերին» տեղեկացրել են ՀՀ գլխավոր դատախազությունից: Հիշեցնենք, որ Վանեցյանը, հանդիսանալով Կիպրոսում գրանցված՝ ՀՀ ոչ ռեզիդենտ կազմակերպության իրական շահառու, 2018թ․ հուլիսի 23-ին ձեռք էր բերել և տնօրինել «Զանգեզուրի պղնձամոլիբդենային կոմբինատ» ՓԲԸ 12.5 տոկոս բաժնետոմսերը, որոնք փաստացի պատկանել են Սուրբ Աթոռում ՀՀ դեսպանի պաշտոնը զբաղեցրած Միքայել Մինասյանին և գրանցված եղել «Զանգեզուր մայնինգ» ՍՊԸ անվամբ։ Վանեցյանի՝ բաժնետոմսերը ձեռք բերելու նպատակն էր թաքցնել դրանց հանցավոր ծագումը, իրական բնույթը․ նա դրան հաղորդել էր օրինական քաղաքացիաիրավական գործարքների արդյունքում ստացված գույքի տեսք: Վանեցյանը 1 մլրդ դրամով և 13 մլն ԱՄՆ դոլարով օֆշորային կազմակերպության միջոցով ձեռք էր բերել և տնօրինել հանցավոր ճանապարհով ստացված, առանձնապես խոշոր չափերով՝ առնվազն 14 մլրդ 526 մլն 300 հազար դրամ արժողությամբ գույքը:

Անի Իսպիրյանի նկատմամբ կիրառվել է տնային կալանք։ «Հակակոռուպցիոն դատարանը բավարարել է քննիչի միջնորդությունը էկոնոմիկայի նախկին փոխնախարար Անի Իսպիրյանի նկատմամբ 2 ամիս ժամկետով՝ տնային կալանքը որպես խափանման միջոց կիրառելու վերաբերյալ»,- «Լուրեր»-ին հայտնել է ԲԴԽ խոսնակ Լիլիթ Շաբոյանը:

Խոշոր վթար է տեղի ունեցել Բիշքեկի ՋԷԿ-ում., կա 5 տուժած։ Ղրղզստանի մայրաքաղաքում 2 493 բազմաբնակարան շենք մնացել է առանց ջեռուցման և տաք ջրի։ Բոլոր դպրոցները մինչև երկուշաբթի անցնում են առցանց ուսուցման, այսօր փակ են նաև մանկապարտեզները։

Երևանի պսևդո քաղաքապետի որոշմամբ փետրվարի 5-ին ավագանու արտահերթ նիստ է գումարվելու, որի օրակարգային հարցն է Հայկ Մարությանի և ևս 4 ընդդիմադիր ավագանու անդամների լիազորությունների վաղաժամկետ դադարեցումը։Միակ հարցը, որ մենք պատրաստ ենք արտահերթ քննարկել այս իշխանությունների հետ դա րոպե առաջ Տիգրան Ավինյանի հրաժարականն է։ Հերի՛ք է փորձեք ընդդիմադիրներին լռեցնել, չի՛ ստացվելու։ [«Ազգային առաջընթաց» կուսակցություն]

Երևանի ավագանու «Մայր Հայաստան» խմբակցության դեմ նիկոլական իշխանությունը տոտալ հարձակման է անցել: Դիմում են քստմնելի քայլերի՝ կիրառելով տարատեսակ մեթոդներ: Մի կողմից ահակեբումներ և հետապնդումներ առանձին անդամների նկատմամբ, մյուս կողմից՝ խմբակցության 4 անդամի ավագանու մանդատից զրկելու նախաձեռնություն: Մենք արձանագրում ենք, որ «Մայր Հայաստանի» քաղաքական գործունեությունը և՛ ավագանիում, և՛ քաղաքական դաշտում հունից հանում է օրվա իշխանությանը, որն առաջնորդվում է Ալիևի թելադրած օրակարգով: Սա ևս մեկ անգամ ցույց է տալիս, որ ամբողջական իշխանափոխության օրակարգն այլընտրանք չունի։ [«Մայր Հայաստան» խմբակցության հայտարարությունը]

Մեր Հռչակագրի դրույթները որոնք են, մենք հռչակել ենք, թե ինչի համար ենք պետություն ստեղծում, եւ երեք ուղենիշ ենք նշում՝ մեկը պատմական արդարությունը, մյուսը՝ հայ ժողովրդի իղձերը, մյուսը՝ ԼՂ ԳԽ եւ Հայաստանի ԳԽ՝ վերամիավորման որոշումը։ Մեր քաղաքականությունը, պետական քաղաքականությունը արդյո՞ք պիտի հղվի դրա վրա, եւ արդյոք մեր պետական քաղաքականությունները պետք է էդ ուղերձով առաջանորդվեն եւ պետք է ելնեն ԼՂ ԳԽ եւ Հայաստանի ԳԽ՝ Ղարաբաղի եւ Հայաստանի վերամիավորման որոշման վրա․ սա քաղաքական ընտրության հարց ա․ եթե այո, սա նշանակում ա, որ մենք խաղաղություն երբեք չենք ունենա, երբեք չենք ունենա, ավելին, սա նշանակում ա, որ մենք հիմա կունենանք պատերազմ։ [Նիկոլ Փաշինյան]

Երկրի անվտանգության ապահովման առաջին պայմանը բանակի բարեփոխումն է։ Անվտանգության ապահովման երկրորդ գործիքը արտաքին հարաբերություններն են։ Այս երկու արձանագրման մեջ մեծ նորություն չկա։ Նախկինում սա միշտ ասվել է, եւ այս թեման՝ բանակ եւ դիվանագիտություն, նորություն չէ։ Կարեւոր եմ համարում, որ այս զույգին ավելանա լեգիտիմության հարցը․ եւ արտաքին հարաբերություններում, եւ բանակի կառուցման կոնտեքստում շատ կարեւոր է ունենալ լեգիտիմ նպատակներ։ Որտեղ եմ տեսնում ես էդ լեգիտիմության սահմանը․ քննարկվող հարցի համատեքստում լեգիտիմությունը տեսնում եմ Հայաստանի՝ միջազգայնորեն ճանաչված սահմանի մեջ։ [Նիկոլ Փաշինյանը՝ Հանրային ռադիոյի տաղավարում ]