Մեծ Բրիտանիայի ԱԳ նախարար Դևիդ Լամին հայտնվել է քաղաքական սկանդալի կենտրոնում, որը կապված է Լեռնային Ղարաբաղի վերաբերյալ վերջինիս գրառման հետ։ Քննադատության հիմնական պատճառն իր հոդվածն է, որտեղ Լամին գրել է, որ նախորդ տարի Ադրբեջանին «հաջողվել է ազատագրել 90-ականների սկզբին իր կորցրած տարածքները»։ Մեծ Բրիտանիայում Հայաստանի դեսպանությունը պարզաբանում է պահանջել, թե արդյոք փոխվել է պաշտոնական Լոնդոնի դիրքորոշումը՝ նախարարի կողմից արծարծված թեմայի վերաբերյալ: Դեսպանությունը պաշտոնական որևէ հայտարարություն չի արել այս մասով։ Մեծ Բրիտանիայի ԱԳ նախարարությունը պաշտոնապես պատասխանել է The Daily Telegraph-ի այն հարցին, թե արդյոք Լամիի խոսքերը վկայում են, որ Լոնդոնի պաշտոնական դիրքորոշման մեջ փոփոխություն կա։ «Միացյալ Թագավորությունն աջակցում է ինչպես Հայաստանի, այնպես էլ Ադրբեջանի տարածքային ամբողջականությանը։ Մենք երկու կողմերին կառուցողական երկխոսության կոչ ենք անում և կշարունակենք աջակցել տարածաշրջանում երկարաժամկետ խաղաղության հասնելու նրանց ձգտմանը»,- ասել են ԱԳՆ-ից։|hetq.am|

ՌԴ-ն չի մասնակցի Ուկրաինայի հարցով խաղաղության երկրորդ գագաթնաժողովին, որը Կիևը նախատեսում է անցկացնել մինչև 2024 թվականի վերջ, հայտարարել է Մարիա Զախարովան։ Նրա խոսքով՝ նոր գագաթնաժողովի նպատակն է «առաջ մղել Զելենսկու բացարձակապես անկենսունակ բանաձևը՝ որպես հակամարտության կարգավորման ոչ այլընտրանքային հիմք»: Նա նշել է, թե առանց Ռուսաստանի և «հաշվի առնելու նրա շահերը» անհնար է հասնել «արդար և կայուն կարգավորման»։|azatutyun.am|

Իսրայելցի զինվորականները ներխուժել են կատարական Al Jazeera հեռուստաալիքի՝ Հորդանան գետի արևմտյան ափին գտնվող Ռամալա քաղաքի գրասենյակ։ Նրանք հրամայել հեռուստաընկերության գրասենյակը փակել 45 օրով: Reuters գործակալությունն էլ գրում է, որ դրանից հետո եթերն ընդհատվել է։|hetq.am|

Իրանի Թաբաս քաղաքի ածխահանքում մեթան գազի պայթյունի հետևանքով զոհերի թիվը հասել է 52-ի։ Իրանում 3-օրյա սուգ է հայտարարվել։ |tert.am|

Բեյրութի հարավային արվարձանների վրա իսրայելական օդային հարձակման հետևանքով զոհերի թիվը հասել է 45-ի, վիրավորվել է 68 մարդ: Այս մասին տեղեկանում ենք Լիբանանի առողջապահության նախարարությունից։ Նշվում է, որ որոնողափրկարարական աշխատանքներից հետո շենքերի փլատակների տակից դուրս են բերվել մի քանի անհայտ մարմիններ։ |shantnews.am|

Իրանի Թաբաս քաղաքի ածխահանքում տեղի ունեցած պայթունի հետևանքով առնվազն 30 հանքափոր է զոհվել, 17-ը՝ վիրավորել։ Հայտնում է իրանական Tasnim լրատվական ընկերությունը։ Ածխահանքում վթարը տեղի է ունեցել սեպտեմբերի 21-ի երեկոյան մեթան գազի պայթյունի հետևանքով։

Էմանյուել Մակրոնի աշխատակազմը հայտարարել է Ֆրանսիայի կառավարության նոր կազմը, նրանց թվում երեք հայազգի նախարար կա։ Աստրիդ Փանոսյան-Բուվեին նշանակվել է աշխատանքի և զբաղվածության նախարար, Գիյոմ Կասպարյանը՝ քաղաքացիական ծառայության, պետական գործունեության պարզեցման և վերափոխման, իսկ Անտուան Արմանին՝ էկոնոմիկայի, ֆինանսների և արդյունաբերության նախարար։ Երեքն էլ Մակրոնի կուսակցության անդամներ են։ |azatutyun.am|

Նիկոլ Փաշինյանը Աննա Հակոբյանի հետ սեպտեմբերի 22-27-ն աշխատանքային այցով մեկնել է ԱՄՆ։ Փաշինյանը Նյու Յորքում կմասնակցի ՄԱԿ-ի Գլխավոր ասամբլեայի 79-րդ նստաշրջանի աշխատանքներին, ելույթներ կունենա Ապագայի գագաթնաժողովում, ՄԱԿ ԳԱ 79-րդ նստաշրջանի բարձրաստիճան հատվածում: Այցի ընթացքում նա հանդիպում կունենա ՄԱԿ-ի գլխավոր քարտուղար Անտոնիո Գուտերեշի հետ, նախատեսված են երկկողմ մի շարք հանդիպումներ տարբեր երկրների գործընկերների հետ: [ՀՀ կառավարություն]

Ռոբերտ Քոչարյանի, Յուրի Խաչատուրովի, Սեյրան Օհանյանի և Արմեն Գևորգւյանի գործը մակագրվել դատավոր Սարգիս Ռաֆիկի Պետրոսյանին: Այս մասին տեղեկանում ենք Հակակոռուպցիոն դատարանից: Պետրոսյանն, ինչպես պարզվում է, 2018 թվականի ԱԺ ընտրությունների ժամանակ եղել է «Իմ քայլը» խմբակցության պատգամավորի թեկնածու Շիրակի մարզից: Համացանցում առկա են տեսանյութեր, որտեղ Նիկոլ Փաշինյանը շիրակցիների հետ հանդիպման ժամանակ ներկայացնում է իր թիմակիցներին և պատգամավորի թեկնածուներին, որոնցից մեկը Սարգիս Պետրոսյանն է: |factor.am|

«Ալեքսանդրին ազատ արձակեցին». այս մասին ֆեյսբուքյան իր էջում գրել է փաստաբան Ռուբեն Մելիքյանը։ Ավելի ուշ Մելիքյանը ուղիղ եթերում նշել է, որ ոստիկանությունից նրան ասել են` թյուրիմացություն է եղել և ոչ թե Ադրբեջանի, այլ Բելառուսի պահանջով են նրան ձերբակալել։