Ադրբեջանի ԶՈՒ ԳՇ պետ Քերիմ Վելիևը բարձրաստիճան զինվորականների հետ այցելել է Հայաստանի հետ սահմանային հատվածներում՝ Կեդաբեկի, Դաշքեսանի ու Քելբաջարի շրջաններում տեղակայված զորամասեր ու դիրքեր։ Ըստ Ադրբեջանի ՊՆ-ի՝ շտաբի պետը տվյալ ուղղություններում տեղակայված զինվորականներն փոխանցել է երկրի նախագահի կողմից դրված խնդիրները և դրանք իրագործելու կոնկրետ ցուցումներ տվել։|azatutyuna.am|

Գլխավոր դատախազությունը պահանջում է նախկին պատգամավոր Ալեքսան Պետրոսյանից և նրան փոխկապակցված անձանցից բռնագանձել՝ «ՄԱՊ» ՓԲ ընկերության բաժնետոմսերի 60,9 տոկոսը կամ 19.914 հատ բաժնետոմսեր, 1 մլրդ 298 մլն 273 հազար դրամ, Արմավիր քաղաքի Սայաթ-Նովա փողոցի արտադարամասը, Արմավիրի մարզի Արտամետ գյուղի 2, Տալվորիկ գյուղի 4 և Լենուղ գյուղի 2 հողակտորները, 61 մլն դրամ, որը չի հիմնավորվում անձի օրինական եկամուտներով, ունի ապօրինի ծագում, փոխանցվել է բարեխիղճ ձեռքբերողի կամ հնարավոր չէ նույնականացնել և բռնագանձել։

««Մարգարա» սահմանային անցակետը պատրաստ է շահագործման և հայկական կողմն ակնկալում է թուրքական կողմից ևս դրական ազդակներ ստանալ երրորդ երկրների քաղաքացիների և դիվանագիտական անձնագրեր ունեցողների համար սահմանը բացելու վերաբերյալ»,- Sputnik Արմենիայի հարցմանն ի պատասխան հայտնել են ՀՀ ԱԳՆ-ից։ |armeniasputnik.am|

Հայասաթ-1» արբանյակը տիեզերքում է․ Հայաստանում ստեղծված առաջին արբանյակը հաջողությամբ արձակված է հրթիռից։ Այս մասին քիչ առաջ «Ինֆոքոմ»-ին հայտնեց «Հայասաթ-1»-ի թիմը։ Արբանյակից առաջին ազդանշանները սպասվում են առավոտյան։

Տեղի ունեցավ «Հայասաթ-1»-ի թռիչքը:  Հայկական արտադրության «Հայասաթ-1» արբանյակը յուրաքանչյուր մեկուկես ժամվա ընթացքում Երկրի շուրջը մեկ պտույտ է կատարելու, և հնարավոր է լինելու որսալ արբանյակի ուղարկած ազդանշանները, երբ արբանյակն անցնի Հայաստանի օդային տարածքով։

Հակակոռուպցիոն դատարանում վերսկսվել է Հայաստանի ներքին գործերի նախկին նախարար Վանո Սիրադեղյանի վերաբերյալ կասեցված քրեական գործի վարույթը։ Դատարանը, դատավոր Վահե Դոլմազյանի նախագահությամբ, նրա որդուն՝ Խաչատուր Սիրադեղյանին, դատական նիստին մասնակցելու ծանուցում է ուղարկել։ Վերջինս այսօր ներկայացել է դատարան։

Գրիգորի Խաչատուրովն ազատ կարձակվի 20 միլիոն դրամ գրավի դիմաց։ [Փաստաբան Միհրան Պողոսյան] |armeniasputnik.am|

Գիտության ներկան ու ապագան, գիտություն-կրթություն և գիտություն-տնտեսություն կապ, հումանիտար և հասարակագիտական մտքի կարևորություն, ԳՀՓԿ աշխատանքներ ու ռազմարդյունաբերություն․․․ Այս և այլ թեմաների շուրջ նոյեմբերի 29-ին Հայաստանի ամերիկյան համալսարանում միավորվել էին Հայաստանի գիտական և տեխնոլոգիական համայնքների, բուհերի, Կառավարության ներկայացուցիչներն ու գիտությամբ հետաքրքրված մարդիկ։ «Գիտուժ» նախաձեռնությունը կազմակերպել էր «Հայաստանի գիտատեխնոլոգիական և նորարարական ազգային համակարգ. խնդիրներից դեպի վերածնունդ» խորագրով  համաժողովը։

Ադրբեջանի արտգործնախարար Ջեյհուն Բայրամովը հայտարարել է, թե Հայաստանը տեղեկացված է եղել «հակաահաբեկչական միջոցառումների» մասին, որն Ադրբեջանը իրականացրել է սեպտեմբերին՝ «Ադրբեջանի տարածքից Հայաստանի զինված ուժերը դուրս չբերելու ֆոնին՝ չնայած Հայաստանի ստանձնած պարտավորությանը»։ Այդ մասին նա ասել է ԵԱՀԿ գլխավոր քարտուղար Հելգա Շիդտի հետ Սկոպյեում կայացած հանդիպմանը։ |azatutyun.am|

Սուրեն Պապիկյանն այսօր ընդունել է Հայաստանում ԵՄ պատվիրակության ղեկավար, արտակարգ և լիազոր դեսպան Վասիլիս Մարագոսին: Քննարկվել են Հայաստան-ԵՄ համագործակցությանը, ինչպես նաև տարածաշրջանային անվտանգությանն առնչվող հարցեր: [ՀՀ ՊՆ]