ՀՀ-ում ԵՄ դեսպան Վասիլիս Մարագոսի ուղերձ է հղել Եվրոպայի օրվա կապակցությամբ, որի ժամանակ նշել է՝ ԵՄ-ի և Հայաստանի միջև հարաբերությունները երբևէ այսքան սերտ չեն եղել։ «Հայաստանում ևս մենք նշում ենք Եվրոպայի օրը։ Մենք նշում ենք խաղաղության, ժողովրդավարության և գործընկերության հանդեպ մեր հանձնառությունը։ Միաժամանակ նշում ենք նաև մեր մշակութային կապերը, քանզի հայկական և եվրոպական մշակույթները սերտորեն փոխկապակցված են։ Մենք աշխատում ենք Հայաստանի հետ նոր գործընկերության օրակարգի շուրջ։ Տրվել է նաև մուտքի արտոնագրերի ազատականացման շուրջ երկխոսության մեկնարկը, և Եվրոպական միությունը շարունակելու է աջակցել Հայաստանի դիմակայունությանը, տնտեսությանը և բարեփոխումներին», - նշված է ուղերձում։
Մայիսի 9-ին, ժամը 16։03-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի «Ռիո Մոլ» առևտրաժամանցային կենտրոնի տանիքից ծուխ է նկատվում։ Ըստ նախնական տվյալների՝ այրվում է օդափոխման համակարգի հատվածի արտաքին երեսպատումը։ Հրդեհը մեկուսացվել է ժամը 16։47-ին, մարվել՝ 17։02-ին։ [ՀՀ ՆԳՆ փրկարար ծառայություն]
44-օրյա պատերազմի ժամանակ 4-րդ բանակային կորպուսի հրամանատար, գեներալ-մայոր Արտակ Բուդաղյանի խոսքով՝ փոխգնդապետ Անդրանիկ Վերանյանին տրված հրամանը՝ Մեղրու զորամասի ինժեներասակրավորական վաշտի 18-հոգանոց անձնակազմին Ջրական տեղափոխելու վերաբերյալ, ենթակա էր աներկբա կատարման։ Երեկ այս մասին դատարանում հայտարարեց Բուդաղյանը՝ հավելելով, որ չկատարելու դեպքում մարտական գործողությունների ավարտից հետո ինքն անձամբ Վերանյանի առնչությամբ հանցագործության մասին հաղորդում կներկայացներ՝ քրեական գործ հարուցելու համար։ Քննչական մարմինները, այնուհանդերձ, քրեական գործ հարուցել են․ Մեղրու զորամասի հրամանատարի՝ մարտական պատրաստության գծով նախկին տեղակալ Վերանյանը այժմ մեղադրվում է ռազմական դրության պայմաններում անձնական շահագրգռվածությունից ելնելով պաշտոնեական դիրքը չարաշահելու մեջ։
Մայիսի 4-ից անհետ կորած համարվող 2-ամյա երեխայի որոնողական աշխատանքները շարունակվում են։ ՆԳՆ Փրկարար ծառայության և Ոստիկանության ծառայողները որոնողական աշխատանքներն իրականացում են ինչպես Մարմարիկ բնակավայրում և հարակից տարածքներում, այնպես էլ Մարմարիկ գետի երկայնքով և Աղբյուրակի ջրամբարում։
ԱԽ քարտուղար Արմեն Գրիգորյանն այսօր՝ մայիսի 9–ին, Եռաբլուրում լրագրողների հետ ճեպազրույցում անդրադարձել է այն տեղեկությանը, որ Հայաստանն ու Ադրբեջանը տեղեկություններ են փոխանցել միմյանց՝ հրադադարի ռեժիմի խախտման վերաբերյալ։ «Հայաստանը խնդրել է դիվանագիտական ճանապարհով տվյալներ տրամադրել խախտումների վերաբերյալ, որոնց մասին Ադրբեջանը հայտարարում է։ Դրանց մասին հետաքննություն է կատարել Հայաստանը և փոխանցել է Ադրբեջանին՝ բոլոր միջադեպերի վերաբերյալ», - ասել է ԱԽ քարտուղարը հավելելով, որ հետաքննությունների արդյունքում պարզվել է՝ ընդհանուր առմամբ խախտումներ չեն եղել։ |news.am| |news.am|
Նիկոլ Փաշինյանը ուղերձ է հղել մայիսի 9-ի` Հաղթանակի օրվա առթիվ, նշելով՝ չնայած բոլոր ներքին և արտաքին սադրանքների, Հայաստանի և Ադրբեջանի միջեւ պատերազմ չի՛ լինելու, լինելու՛ է խաղաղություն։ «Այսօր մենք ունենք նաև մեր տարածաշրջանի խաղաղ ու բարեկեցիկ ապագայի գործում մեր բաժին ներդրումն ունենալու հնարավորություն. Հայաստանի և Ադրբեջանի միջև Խաղաղության եւ միջպետական հարաբերությունների հաստատման մասին համաձայնագրի նախագիծը համաձայնեցված է եւ սպասում է ստորագրման, ու մենք գնալու ենք այդ ճանապարհով։ Մեր տարածաշրջանը վաստակել է խաղաղության ու բարեկեցության մեջ ապրելու իրավունքը եւ այդպես էլ պետք է լինի։ [...] Հաղթանակի գործում իր ներդրումն է ունեցել նաեւ հայ ժողովուրդը` Խորհրդային Միության, արեւմտյան դաշնակցային բանակներում եւ ընդհատակյա դիմադրական խմբերում։ Այս օրն աշխարհը նաեւ առերեսվում է նացիզմի, ֆաշիզմի, տոտալիտարիզմի եւ նրա բոլոր դրսեւորումների վտանգավորության հետ, որը հակոտնյա է անհատի, ժողովրդի, պետության ազատության եւ երջանկության հետ, որի առանցքային նպատակը գերիշխելը, պատերազմներ հրահրելն ու ազատությունները սահմանափակելն է», - նշված է ուղերձում։
Մայիսի 9-ին, ՀՀ Էկոնոմիկայի նախարար Գևորգ Պապոյանը, Արարատի մարզպետ Սեդրակ Թևոնյանը, Արտաշատ համայնքի ղեկավար Կառլեն Մկրտչյանը և մարզի ոլորտային պատասխանատուները կլինեն համայնքի մի շարք բնակավայրերում և կհանդիպեն մայիսի 5-ին տեղացած անձրևի ու կարկուտի հետևանքով տուժած բնակիչների հետ։ Այցերի ժամանակացույցը՝ Քաղցրաշեն բնակավայր` ժամը 10:00, Մրգանուշ բնակավայր` ժամը 10:40, Աբովյան բնակավայր` ժամը 11։20 և Ջրաշեն բնակավայր` ժամը 12։00։ [Արտաշատի համայնքապետարան]
ԱՄՆ-ից Ռոբերտ Փրևոստը ընտրվել է նոր պապ. պատմության մեջ առաջին ամերիկացի պապը կկրի Լեոն XIV անունը։ Այս մասին հայտնում է CNN լրատվականը։ 69-ամյա Փրևոստը ծնվել է Չիկագոյում, Իլինոյս նահանգում։ Միջազգային փորձ ունեցող առաջնորդը երկար տարիներ աշխատել է որպես միսիոներ Հարավային Ամերիկայում և վերջերս ղեկավարել է Վատիկանի ազդեցիկ կառույցներից մեկը՝ եպիսկոպոսների նշանակումների հարցերով զբաղվող դիկաստերիան։ Սպասվում է, որ նա կշարունակի Ֆրանցիսկոս Պապի բարեփոխումները։
Նիկոլ Փաշինյանն աշխատանքային այցով ժամանել է ՌԴ: Վարչապետը Մոսկվայում ներկա կգտնվի մայիսի 9-ին անցկացվելիք Հայրենական մեծ պատերազմում հաղթանակին նվիրված միջոցառումներին։ [ՀՀ կառավարություն]
«Երևանի Ա․ Պուշկինի անվան թիվ 8 հիմնական դպրոցի նախկին տնօրենի պաշտոնավորման ժամկետը լրացել է դեռևս 2024 թվականի մարտի 29-ին»,- ինչպես հաղորդում է Factor TV լրատվամիջոցը՝ հայտնել են ԿԳՄՍ նախարարությունից՝ արձագանքելով դպրոցում այսօր առավոտից կազմակերպված ստորագրահավաքին և դասադուլին։ «Պուշկինի անվան թիվ 8 հիմնական դպրոցի տնօրենի թափուր պաշտոնի համար հայտարարված մրցույթի հարցազրույցի փուլին մասնակցել է նաև նախկին տնօրենը։ Վերջինը, արդեն երկրորդ անգամ չհաղթահարելով հարցազրույցի փուլը, բողաքարկել է դրա արդյունքները։ Այժմ ընթանում է բողոքարկման գործընթաց»,-նշվում է նախարարության պատասխանում միաժամանակ տեղեկացնելով՝ դպրոցի տնօրենի պաշտոնում նոր նշանակում չի կատարվել։ Նախարարությունը նաև կոչ է արել դպրոցի ծնողական և մանկավարժական համայնքի ներկայացուցիչներին զերծ մնալ ուսումնական գործընթացը խաթարելու փորձերից։ |factor.am|
Եվրոպական միության և Հայաստանի միջև հարաբերությունները երբևէ այսքան սերտ չեն եղել․ ԵՄ դեսպան
17:32 - 09 մայիսի, 2025«Ռիո Մոլ»-ի տանիքում hրդեհ է բռնկվել․ հրդեհը մարվել է
17:24 - 09 մայիսի, 2025Նիկոլ Փաշինյանը Մոսկվայում հանդիպել է վետերաններ Խաչիկ Հովակիմյանին և Վոլոդյա Գսպոյանին
17:19 - 09 մայիսի, 2025Ըստ գեներալ Արտակ Բուդաղյանի՝ Անդրանիկ Վերանյանը աներկբա պետք է կատարեր ԻՍՎ անձնակազմին Ջրական տեղափոխելու իր հրամանը
17:11 - 09 մայիսի, 2025ՀՀ դեսպանն ու Շիրազի քաղաքապետը քննարկել են Շիրազ քաղաքը և ՀՀ գործընկեր քաղաքներից որևէ մեկը քույր քաղաքներ հռչակելու հնարավորությունը
16:39 - 09 մայիսի, 2025Վանաձորում հրդեհ է բռնկվել բեռնատարի բեռնախցիկում
16:34 - 09 մայիսի, 2025Ուկրաինան պատրաստ է 30-օրյա հրադադարի հենց այս պահից սկսած. Զելենսկին՝ Թրամփին |armenpress.am|
16:30 - 09 մայիսի, 2025Բուդապեշտը «քարոզչություն» է որակել լրտեսական ցանցի մասին Կիևի հայտարարությունը |azatutyun.am|
16:20 - 09 մայիսի, 2025Անհետ կորած 2-ամյա երեխայի որոնողական աշխատանքները վերսկսվել են, կիրառվում են անօդաչու թռչող սարքեր. ՆԳՆ |1lurer.am|
16:10 - 09 մայիսի, 2025Գևորգ Պապոյանն այցելել է Արարատի մարզի կարկուտից տուժած բնակավայրեր, ծանոթացել բնակիչների կրած վնասներին
15:33 - 09 մայիսի, 2025Եվրոպական միության և Հայաստանի միջև հարաբերությունները երբևէ այսքան սերտ չեն եղել․ ԵՄ դեսպան
17:32 - 09 մայիսի, 2025«Ռիո Մոլ»-ի տանիքում hրդեհ է բռնկվել․ հրդեհը մարվել է
17:24 - 09 մայիսի, 2025Նիկոլ Փաշինյանը Մոսկվայում հանդիպել է վետերաններ Խաչիկ Հովակիմյանին և Վոլոդյա Գսպոյանին
17:19 - 09 մայիսի, 2025Ըստ գեներալ Արտակ Բուդաղյանի՝ Անդրանիկ Վերանյանը աներկբա պետք է կատարեր ԻՍՎ անձնակազմին Ջրական տեղափոխելու իր հրամանը
17:11 - 09 մայիսի, 2025ՀՀ դեսպանն ու Շիրազի քաղաքապետը քննարկել են Շիրազ քաղաքը և ՀՀ գործընկեր քաղաքներից որևէ մեկը քույր քաղաքներ հռչակելու հնարավորությունը
16:39 - 09 մայիսի, 2025Վանաձորում հրդեհ է բռնկվել բեռնատարի բեռնախցիկում
16:34 - 09 մայիսի, 2025Ուկրաինան պատրաստ է 30-օրյա հրադադարի հենց այս պահից սկսած. Զելենսկին՝ Թրամփին |armenpress.am|
16:30 - 09 մայիսի, 2025Բուդապեշտը «քարոզչություն» է որակել լրտեսական ցանցի մասին Կիևի հայտարարությունը |azatutyun.am|
16:20 - 09 մայիսի, 2025Անհետ կորած 2-ամյա երեխայի որոնողական աշխատանքները վերսկսվել են, կիրառվում են անօդաչու թռչող սարքեր. ՆԳՆ |1lurer.am|
16:10 - 09 մայիսի, 2025Գևորգ Պապոյանն այցելել է Արարատի մարզի կարկուտից տուժած բնակավայրեր, ծանոթացել բնակիչների կրած վնասներին
15:33 - 09 մայիսի, 2025