Նամակներ եմ հղել ՀԱՊԿ անդամ երկրների խորհրդարանների պալատների նախագահներին՝ ներկայացնելով ադրբեջանական զինված ուժերի կողմից ՀՀ հյուսիսարևելյան սահմանի ուղղությամբ ձեռնարկած սադրիչ գործողությունները և կոչ անելով դատապարտել դրանք։ [ԱԺ նախագահ Արարատ Միրզոյան]
Ավելին
Ադրբեջանի կողմից իրավիճակը սահմանին պարբերաբար սրվում է, այս պահի դրությամբ հրետակոծություններն ու հարվածային ԱԹՍ-ի կիրառման պարբերականությունը նվազել է։ ՀՀ ԶՈւ ամբողջությամբ վերահսկում են իրավիճակը։ Հայկական կողմը կորուստներ չունի։ [ՊՆ խոսնակ Շուշան Ստեփանյան]
Ավելին
ՀԱՊԿ պաշտոնական կայքում այսօր հայտարարություն էր տարածվել, որ, պայմանավորված Տավուշի ուղղությամբ հայ-ադրբեջանական սահմանին իրավիճակի սրմամբ` ՀԱՊԿ գլխավոր քարտուղարը նախաձեռնել է ՀԱՊԿ մշտական խորհրդի արտահերթ նիստ: Ավելի ուշ, սակայն, հայտարարությունը հեռացվել է կազմակերպության կայքից։
Ավելին
Հուլիսի 13-ին ՀՀ ԱԳ նախարար Զոհրաբ Մնացականյանը և ՌԴ ԱԳ նախարար Սերգեյ Լավրովը հեռախոսազրույց ունեցան և քննարկեցին հայ-ադրբեջանական սահմանի մի հատվածում լարված իրավիճակը և այն հաղթահարելու ուղիները: ՀՀ ԱԳ նախարարը բացարձակ անընդունելի համարեց Ադրբեջանի կողմից հրադադարի ռեժիմի խախտումը, որն ուղեկցվել է ՀՀ տարածքում տեղակայված ՀՀ ԶՈՒ-երի հենակետի հանդեպ ոտնձգության փորձով: [ԱԳՆ]
Ավելին
Կորոնավիրուսային պացիենտների ստացիոնար սպասարկման համար մարտ ամսից ի վեր ծավալվել է ավելի քան 2500 մահճակալ, որից ավելի քան 300-ը ռեանիմացիոն։ Պացիենտների սպասարկումն իրականացվում է 19 բժշկական հաստատություններում, որից 7-ը մարզերում, 12-ը՝ երևանում։Թեստերի տեղական արտադրության հիմնումն էապես ավելացրեց պետության հզորությունները։ Հայկական արտադրության թեստերի առաջին խմբաքանակը՝ ավելի քան 8000 թեստ արդեն իսկ փոխանցվել է ԱՆ-ին։ [Տիգրան Ավինյան]
Ավելին
Անթույլատրելի ենք համարում տարածաշրջանի անվտանգությանը սպառնացող իրադրության հետագա սրացումը։ Հակամարտող կողմերին կոչ ենք անում զսպվածություն ցուցաբերել և խստորեն հետևել հրադադարի ռեժիմի պահպանմանը։ ՌԴ ԱԳՆ-ն իր կողմից պատրաստ է անհրաժեշտ աջակցություն ցուցաբերել՝ իրավիճակը կայունացնելու համար։ [ՌԴ ԱԳՆ-ն՝ ՀՀ-Ադրբեջան սահմանին իրավիճակի լարվածության վերաբերյալ] |factor.am|
Ավելին
Որպես Կանայք հանուն խաղաղության արշավի հեղինակ հորդորում եմ ադրբեջանցի կանանց եւ մայրերին կոչ անել իրենց երկրի ռազմաքաղաքական ղեկավարությանը դադարեցնել ռազմական գործողությունները, վտանգի չենթարկել ադրբեջանցի եւ հայ ժողովուրդների զավակների կյանքը: Հատկապես աշխարհը ծնկի բերած այս համավարակի օրերին պետությունների ղեկավարները պետք է իրենց ջանքերն ուղղեն սեփական ժողովուրդների առողջության պահպանմանը եւ մեկ ընդհանուր թշնամու` համավարակի դեմ պատերազմին։ [Աննա Հակոբյան]
Ավելին
Ողջ միջազգային հանրության համար ցանկանում եմ այս ամբիոնից կրկին լսելի դարձնել և վերահաստատել մեր պաշտոնական դիրքորոշումն առ այն, որ Ադրբեջանի իշխանությունն է լիարժեք կրում նման գործողությունների արդյունքում՝ ադրբեջանական կորուստների, տարածաշրջանային հնարվոր լարվածության և անկայունության առաջացման ողջ պատասխանատվությունը։ Միաժամանակ արձանագրենք, որ հայկական բանակն ամենայն արհեստավարժությամբ, պատվախնդրությամբ և նվիրումով իրականացնում է իր առջև դրված խնդիրները՝ արժանի հակահարված տալով հակառակորդի սադրիչ գործողություններին։[Փոխվարչապետ Տիգրան Ավինյան]
Ավելին
Շատ անհանգստացած եմ հայ-ադրբեջանական սահմանին տեղի ունեցած փոխհրաձգության կապակցությամբ: Երկու երկրների համար էլ կարեւոր է զսպվածություն ցուցաբերել, ե՛ւ ուղիղ կերպով, ե՛ւ ԵԱՀԿ Մինսկի խմբի համանախագահների միջոցով օգտագործել հաղորդակցության բոլորի ուղիները։ [Հարավային Կովկասում եւ Վրաստանում ճգնաժամի հարցերով ԵՄ հատուկ ներկայացուցիչ] |news.am|
Ավելին
Հուլիսի 13-ին մեկնարկեց գերմանացի բժիշկների և առողջապահության համակարգի մասնագետների խոշոր պատվիրակության երկշաբաթյա հումանիտար առաքելությունը Հայաստանում: ՀՀ-ում գտնվելու ողջ ընթացում գերմանացի մասնագետները Հայաստանի մի քանի հիվանդանոցներում կաջակցեն հայ բժիշկներին կորոնավիրուսի դեմ պայքարում, կկիսվեն այս ոլորտում գերմանական օրինակելի փորձով: [Գերմանիայում ՀՀ դեսպանություն]
Ավելին
Զինվորների ծնողներին հորդորում եմ՝ հանգիստ լինեն․ իրականացվող գործողություններում ոչ մի պարտադիր ժամկետային զինծառայող ներգրավված չէ։ [ՊՆ ռազմական վերահսկողական ծառայության պետ, գեներալ-գնդապետ Մովսես Հակոբյան] |armlur.am|
Ավելին
Քիչ առաջ միջազգային կառույցներին ուղարկեցինք ՀՀ Տավուշի մարզի ուղղությամբ հուլիսի 12-ին և 13-ին ադրբեջանական ԶՈՒ-ի գնդակոծությունների վերաբերյալ առաջին միջանկյալ զեկույցը՝ անգլերեն լեզվով: Առանձին ընթացակարգով զեկույցն ուղարկվում է նաև ՄԱԿ-ի Մարդու իրավունքների խորհրդին: Զեկույցը կազմվել է՝ հիմքում ունենալով տեղեկությունների և փաստերի հավաքագրման մեր ինքնուրույն աղբյուրները: [ՀՀ ՄԻՊ]
Ավելին
Ինչո՞ւ հենց այս օրերին: Եկեք նայենք աշխարհում եւ տարածաշրջանում տեղի ունեցողին: Ստամբուլում որոշեցին Սուրբ Սոֆիան կրկին մզկիթի վերածել: Ադրբեջանը միշտ կփորձի ինչ-որ քայլեր ձեռնարկել իր ավագ եղբորը համահունչ: Սա նրա յուրատեսակ պատասխանն էր տարբեր երկրներին՝ ե՛ւ ԵԱՀԿ-ին, ե՛ւ Ռուսաստանին, ե՛ւ Արեւմուտքին ե՛ւ քաղաքակիրթ աշխարհին: Ի՞նչ է, այլ խնդիրներ հիմա չկա՞ն: Սուրբ Սոֆիան պարտադիր պետք է մզկի՞թ դառնա: Եթե մզկիթ չդառնա, կորոնավիրուսը կտարածվի ամբողջ աշխարհու՞մ։ [Արցախի նախագահի խորհրդական Դավիթ Բաբայանը՝ ՀՀ-Ադրբեջան սահմանի լարվածության մասին] |news.am|
Ավելին
Կառավարությունը կմշակի օրենսդրական փաթեթ,որը հնարավորություն կտա հակահամաճարակային միջոցառումները կիրառել ոչ թե արտակարգ դրության, այլ արտակարգ իրավիճակի ռեժիմով, որն ավելի թեթև կլինի։ |armenpress.am|
Ավելին
Չնայած հուլիսի 12-ին ՀՀ-Ադրբեջանի սահմանի Տավուշի ուղղությամբ տեղ գտած սրացումներին՝ արցախաադրբեջանական հակամարտ զորքերի շփման գծում, ինչպես երեկ, այնպես էլ այսօր գիշերը օպերատիվ իրադրությունը հիմնականում հանգիստ է եղել: [ԱՀ ՊԲ]
Ավելին
Պայմանավորված Տավուշի ուղղությամբ հայ-ադրբեջանական սահմանին իրավիճակի սրմամբ՝ ՀԱՊԿ գլխավոր քարտուղար Ստանիսլավ Զասը նախաձեռնել է ս.թ. հուլիսի 13-ին անցկացնել ՀԱՊԿ մշտական խորհրդի արտահերթ նիստ: [ՀԱՊԿ]
Ավելին
Ուզում եմ տեղեկացնել նաև, որ այն հիմանական ցուցանիշը, որից մենք միշտ փորձում ենք խուսափել՝ դա տանը սպասող քաղաքացիների թիվն է։ Առավոտյան ժամը 9։00-ի դրությամբ պրակտիկորեն չունենք քաղաքացի, ով տանը սպասում է հոսպիտալացման, ունենք ընդամնեը 1 քաղաքացի, ով սպասում է տեղափոխման՝ կորոնավիրուսային հիվանդանոց։ Արդեն եկող ամսում, եթե այս կայուն և թեթևացող իրավիճակը պահպանվի հնարավոր է այլ որոշումներ կայացվեն։ [Արսեն Թորոսյան]
Ավելին
Հուլիսի 13-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 32151 դեպք, որոնցից 19865-ն` առողջացած, 573-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 11530 պացիենտ: Ընդհանուր առմամբ կատարվել է 135687 թեստավորում: Այսպիսով` ունենք կորոնավիրուսային հիվանդությամբ հաստատված 182 նոր դեպք և 232 առողջացած։ Մեկ օրում իրականացվել է 700 թեստավորում։
Ավելին
Հակառակորդի կիրառած զենքերից սահմանին մարտական ծառայություն իրականացնող ոստիկաններից երկուսը պահակակետի տնակի մոտակայքում թեթև մարմնական վնասվածքներ են ստացել։ [ՊՆ խոսնակ]
Ավելին
Չեմ կարծում, որ Ադրբեջանի գործողություններն ուղիղ կապ ունեն վերջին երկու ամսվա ընթացքում արված ռազմատենչ հայտարարությունների հետ: Դրանք մշտապես են եղել: Այն ինչ տեղի է ունեցել Հայաստան-Ադրբեջան սահմանին, ըստ երևույթին, ներքին խնդիր են փորձում լուծել: Չեմ կարծում, որ այս գործողությունները զարգացող բնույթ ունեն։ [Քաղաքագետ Ալեքսանդր Իսկանդարյան] |armenpress.am|
Ավելին
Թուրքիայի ԱԳՆ-ն, արձագանքելով հայ-ադրբեջանական սահմանային բախումներին, քննադատության թիրախ է դարձրել ՀՀ զինված ուժերի գործողությունները՝ որակելով դրանք «ագրեսիվ ազգայնամոլական գաղափարների նոր դրսևորումներ»։ Հայտարարության մեջ մասնավորապես նշվում է, որ ՀՀ-ն իբր ցանկանում է միջազգային հանրության ուշադրությունը շեղել «Ադրբեջանի տարածք ԼՂ-ի և շրջակա տարածքների ապօրինի բռնազավթումից»։ |ermenihaber.am|
Ավելին
ՀՀ ԱԳ Նախարար Զոհրաբ Մնացականյանը ՀԱՊԿ գլխավոր քարտուղարին մանրամասն տեղեկատվություն տրամադրեց հուլիսի 12-ից Ադրբեջանի ԶՈՒ-ի կողմից ՀՀ Տավուշի մարզի ուղղությամբ հրետանու կիրառմամբ իրականացված հրադադարի խախտումների, հուլիսի 13-ի առավոտյան այդ գործողությունների վերսկսման, ինչպես նաև իրադրության հետագա սրման հետևանքների մասին:ԱԳ նախարար Մնացականյանն ընդգծեց ՀԱՊԿ անդամ երկրի նկատմամբ նման գործողությունների անընդունելիությունը: [ԱԳՆ խոսնակ]
Ավելին
Հարգելի ընկերներ և բարեկամներ ջան, քիչ առաջ ստացա իմ վերջին (երրորդ) COVID 19 թեստի պատասխանը։ Նախորդ երկուսը դրական էին, բայց վերջին թեստն արդեն բացասական է։ [ԱԺ «Բարգավաճ Հայաստան» խմբակցության պատգամավոր Արման Աբովյան]
Ավելին
Երկու-երեք ժամվա դադարից հետո առավոտյան հակառակորդը վերսկսել է սադրիչ գործողությունները՝ շարունակելով հրետակոծել հայկական դիքերի ուղղությամբ։ ԶՈՒ ստորաբաժանումների կողմից տրվել է համարժեք պատասխան։ Չի բացառվում հակառակորդի կորուստների ավելացում։ [ՊՆ խոսնակ Շուշան Ստեփանյան]
Ավելին
ՀՀ պաշտպանության նախարար Դավիթ Տոնոյանը մշտական կապի մեջ է ԵԱՀԿ գործող նախագահի անձնական ներկայացուցիչ, դեսպան Անջեյ Կասպրշչիկի հետ: Վերջին զրույցի ընթացքում պաշտպանության նախարարը տեղեկացրել է, որ հայկական բանակային զորամիավորման անձնակազմն ու հրամանատարությունը հրահանգավորված են դեռևս պահպանել զսպվածություն, իսկ հակառակորդի` ՀՀ սահմանների ուղղությամբ սադրանքների պարագայում` արձագանքել ըստ անհրաժեշտության` ընդհուպ մինչև նոր բարենպաստ դիրքերի զբաղեցում: [ՊՆ խոսնակ]
Ավելին
Խստորեն դատապարտում ենք հուլիսի ադրբեջանական զինված ուժերի կողմից ՀՀ Տավուշի մարզի ուղղությամբ հրադադարի խախտումները։ ՀՀ արտգործնախարարը կապի մեջ է ԵԱՀԿ Մինսկի խմբի համանախագահների և ԵԱՀԿ գործող նախագահի անձնական ներկայացուցչի հետ՝ ներկայացնելով իրադրությունը տեղում: Վերջին ժամանակաշրջանում ադրբեջանական կողմը, հակառակ ԵԱՀԿ Մինսկի խմբի համանախագահների՝ սադրիչ գործողություններից, թշնամական հռետորաբանությունից զերծ մնալու և հրադադարի ռեժիմն ամրապնդելու կոչերի, շարունակաբար հանդես է գալիս ուժի կիրառման և ռազմական էսկալացիայի սպառնալիքներով: Սադրիչ գործողության հետևանքների ողջ պատասխանատվությունը կրում է Ադրբեջանի ռազմաքաղաքական ղեկավարությունը: [ՀՀ ԱԳՆ]
Ավելին
Հայկական զինված ուժերը ադրբեջանական բնակավայրերի ուղղությամբ կրակ չեն վարում։ Թիրախավորվում են միայն ադրբեջանական զինված ուժերի ինժեներական ենթակառուցվածքներն ու տեխնիկական միջոցները։ [ՊՆ խոսնակ Շուշան Ստեփանյան]
Ավելին
Կրակոցները պարբերաբար տարբեր ինտենսիվությամբ շարունակվում են։ Հայկական զինված ուժերը կորուստներ և վիրավորներ չունեն։ Հակառակորդի բոլոր փորձերը թիրախավորվում և չեզոքացվում են։ [ՊՆ խոսնակ Շուշան Ստեփանյան]
Ավելին
Ադրբեջանը շարունակում է լարել իրավիճակը՝ ակտիվորեն ծավալելով ռազմական գործողություններ՝ խոշոր տրամաչափի զինատեսակների ներգրավմամբ: Ակնհայտ է, որ այս գործողություններն Ալիևի ռազմատենչ հայտարարությունների համատեքստում են և միտված են վնասելու բանակցային խաղաղ գործընթացին: Կարևոր եմ համարում միջազգային համարժեք արձագանքը, այդ թվում ՀԱՊԿ–ի կողմից՝ ուղղված Ադրբեջանին: Հուսանք՝ ադրբեջանական կողմը արագորեն կանի համապատասխան հետևություններ և մարդկային կյանքերի գնով չի փորձի իր համար ներքաղաքական խնդիրներ լուծել՝ հակառակ դեպքում հետևանքների ամբողջ պատասխանատվությունն ընկնելու է Ադրբեջանի քաղաքական ղեկավարության վրա: [«Իմ քայլը» խմբակցության ղեկավար Լիլիթ Մակունց]
Ավելին
Բանակը լիարժեք տիրապետում է իրավիճակին, անհանգստանալու և խուճապի կարիք չկա։ Ընթացիկ իրավիճակի վերաբերյալ կլինի պաշտոնական տեղեկատվություն։ [Տավուշի մարզպետ]
Ավելին
ՀՀ Մարդու իրավունքների պաշտպանը խստորեն դատապարտում է Ադրբեջանի իրականացրած գնդակոծությունը ու որ այն էլ իրականացվում է Հայաստանի Հանրապետության խաղաղ բնակավայրերի անմիջական հարևանությամբ, այդ բնակավայրերի բնակիչներին, նրանց առողջությանն ու կյանքին, սեփականությանը վնաս պատճառելու իրական վտանգով: Այս երևույթն առավել ևս դատապարտելի է նոր տեսակի կորոնավիրուսի (COVID-19) համաճարակի պայմաններում:
Ավելին
Հանրության մեծ մասը, հատկապես՝ բազմաթիվ զինծառայողների ծնողներ, հետաքրքրված են նաև արցախա-ադրբեջանական սահմանին տիրող իրավիճակով: Այս պահին սահմանի ամբողջ երկայնքով հարաբերական հանգիստ է տիրում, և Պաշտպանության բանակը շարունակում է վստահորեն կատարել իր առջև դրված խնդիրը: [ԱՀ նախագահի մամուլի խոսնակ]
Ավելին
Ադրբեջանի պաշտպանության նախարարությունը պաշտոնական հաղորդագրությամբ հայտնել է Թովուզի ուղղությամբ այսօր սպանված երեք զինծառայողի անուններ։ |razm.info|
Ավելին
Ադրբեջանական կողմը վերսկսել է հրետակոծել մեր նույն դիրքի ուղղությամբ 82 մմ ականանետից և տանկից: Իրավիճակի լարման հետևանքների ամբողջ պատասխանատվությունը կրելու է Ադրբեջանի ռազմաքաղաքական ղեկավարությունը։ [ՊՆ խոսնակ Շուշան Ստեփանյան]
Ավելին
Հռոմի Ֆրանցիսկոս պապն ափսոսանք է հայտնել Թուրքիայի իշխանության՝ Ստամբուլի Սուրբ Սոֆիայի տաճարը մզկիթի վերածելու որոշման կապակցությամբ: Այսօր Վատիկանում կիրակնօրյա պատարագից հետո, դիմելով Սուրբ Պետրոսի հրապարակում հավաքված հավատացյալներին, կաթոլիկ եկեղեցու հովվապետն ասել է, որ անձնական ցավ է ապրել՝ տեղեկանալով Անկարայի որոշման մասին: |azatutyun.am|
Ավելին
Ադրբեջանի պաշտպանության նախարարությունը հայտնում է Ադրբեջանի ԶՈՒ 2 զոհված և 5 վիրավորված զինծառայողի մասին, սակայն միջադեպի համար մեղադրում է հայկական կողմին՝ հայտարարելով, որ հայկական կողմն է փորձել գրավել Թովուզի ուղղությամբ գտնվող ադրբեջանական մարտական դիրքը։ Հիշեցնենք, որ ՀՀ ՊՆ խոսնակ Շուշան Ստեփանյան հայտնել է, որ Ադրբեջանի ԶՈՒ զինծառայողները հայկական ԶՈՒ սահմանային դիրք գրավելու փորձ են կատարել՝ կիրառելով հրետանային կրակ, սակայն ճնշվել են և կորուստներ կրելով՝ հետ շպրտվել: Հայկական կողմից կորուստներ չկան:
Ավելին
Այսօր՝ ժամը 12:30-ի սահմաններում, Ադրբեջանի զինված ուժերի զինծառայողները, մեզ համար անհասկանալի պատճառով, ՈՒԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձ են կատարել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրք: Ժամը 13: 45-ին Ադրբեջանի ԶՈՒ զինծառայողները կրկնել են հայկական զինված ուժերի սահմանային դիրքը գրավելու փորձը՝ կիրառելով հրետանային կրակ, սակայն ճնշվել են հայկական կողմից և կորուստներ կրելով, հետ շպրտվել: Հայկական կողմից կորուստներ չկան: [ՊՆ խոսնակ Շուշան Ստեփանյան]
Ավելին
ՀՀ քննչական կոմիտեի հատկապես կարևոր գործերի քննության գլխավոր վարչությունում քննվող քրգործով հայտնաբերվել է մեղադրյալ, հետախուզման մեջ գտնվող Արամ Վարդանյանը (խմբ․՝ Վստրեչի Ապեր) վերջինիս պատկանող բնակարանում իրականացված խուզարկության ընթացքում: Նրան մեղադրանք է առաջադրվել՝ ՀՀ քրեական օրենսգրքի մի շարք հոդվածներով, նա տեղափոխվել է «Արմավիր» ՔՀԿ։ [ՔԿ լրատվական բաժնի պետ Ռիմա Եգանյան] |hraparak.am|
Ավելին
Ծառայողական քննության ընթացքում պարզվել է, որ ծառայակիցներին աշխատավարձ վճարելու համար ՀՀ ոստիկանության նախկին պետ Ա. Սարգսյանի, տեղակալներ Ա. Մարտիրոսյանի և Հ. Մհրյանի կողմից 30 միլիոն դրամ դուրս գրելու ու նպատակին չծառայեցնելու, ոստիկանության 51 ծառայողներին անվանական զենքով պարգևատրելու, այդ կապակցությամբ անհիմն պարգևատրվածներից 2000-ական ԱՄՆ դոլար ստանալուն հովանավորելու վերաբերյալ «alternativ.am» կայքում հրապարակված տեղեկատվությունը չի համապատասխանում իրականությանը, հիմնազուրկ է ու նաև չի ապացուցվել նշված տեղեկատվությունը հրապարակած լրատվամիջոցի կողմից: Ելնելով վերոգրյալից՝ ծառայողական քննության նյութերը թողնվել են անհետևանք: [ՀՀ ոստիկանություն]
Ավելին
Ստեփանակերտում հաստատվել է կորոնավիրուսային հիվանդության 1 նոր դեպք՝ նախկին հաստատված օջախի շրջանակներից: Առայսօր Արցախում COVID-19-ը ախտորոշվել է 147 մարդու մոտ, որից 119-ը հաղթահարել է հիվանդությունը: Փաստացի բուժում է ստանում 28, ընդհանուր մեկուսացված է 84 քաղաքացի: [Արցախ / Տեղեկատվական շտաբ]
Ավելին
Հայաստանում հուլիսի 12-ի ժամը 11։00-ի դրությամբ՝ հաստատված է կորոնավիրուսով վարակման 577 նոր դեպք, հաստատված դեպքերի ընդհանուր քանակը դարձել է 31969։ Այս մասին հայտնում են ՀՀ առողջապահության նախարարությունից։ Մեկ օրում առողջացել է 214 մարդ, ընդհանուր առմամբ՝ 19633։ Փաստացի բուժվողների թիվը 11589 է։ Երեկ կատարվել է 1885 թեստ, ընդհանուր թեստերի քանակը 134989 է։ Կորոնավիրուսով պայմանավորված հիվանդությունից մեկ օրում մահացել է 6 մարդ, այսպիսով՝ մահվան ելքերի ընդհանոըր թիվը 565 է։ Այլ պատճառով երկու նոր մահ է գրանցվել, իսկ ընդհանուր առմամբ այդ մահերի թիվը 182 է։ [ՀՀ ԱՆ]
Ավելին
Հայաստանի և Արցախի, հայ ժողովրդի ինքնիշխանությունը բարձրագույն արժեք է: Օտար ուժերին ներհայաստանյան հարցերի լուծմանը ներգրավելու, մեր երկրում որպես օտարերկրյա շահերի ներկայացուցիչ հանդես գալու պատրաստակամություն ունեցող ուժերը պիտի արժանանան հայ ժողովրդի և նրա լեգիտիմ ներկայացուցիչ ՀՀ կառավարության կոշտ հակազդեցությանը: Արցախի հարցի կարգավորման բանակցային գործընթացի նպատակը պետք է լինի Արցախի ժողովրդի ինքնորոշման և անվտանգության համար մղված Արցախյան ազատամարտի արդյունքների պաշտպանությունը: [Նիկոլ Փաշինյանը ներկայացրել է հայ ժողովրդի ազգային նպատակները]
Ավելին
«Վերջերս քննարկումներ եղան, որպեսզի պետական գնումների պայմանագրի կատարման առումով լինի նաև հանրային վերահսկողություն։ Մեր առաջարկն այն է, որ ոչ բոլոր, սակայն տարբեր գնումների դեպքում ձևավորվեն խորհուրդներ, և այդ խորհրդի մեջ մտնեն ինչպես շահառուներ, ոլորտի հետ առնչվող հանրային սեկտորի ներկայացուցիչներ, այլ նաև մրցույթին մասնակցած, սակայն չհաղթած մասնակիցները նույնպես ներգրավվեն այդ գործընթացում՝ ինչպես առաջարկել էր պատգամավորներից մեկը»։
Ավելին
Ահազանգ ենք ստացել Ամուլսարից, որ «Լիդիանի» վարձած պահնորդական ծառայության ներկայացուցիչները համապատասխան ծանր տեխնիկայով պատրաստվում են Ամուլսարի դիմադրական կետեր գնալ, որպեսզի այնտեղից հանեն Ամուլսարի պահապանների կացարանները։ Դեռևս մի քանի ամիս առաջ, մեր ուղարկած հարցմանն ի պատասխան, ՀՀ ոստիկանությունը հաստատել էր, որ արված չափագրումների համապատասխան՝ Ամուլսարի պահապանների կացարանները Լիդիանի տարածքից դուրս են գտնվում։ Այս պահին տեղի ունեցողը ոչ այլ ինչ է, քան բռնի և ապօրինի միջամտություն խաղաղ հավաքների իրավունքի իրացմանը: [ՀԲՃ]
Ավելին
Մեզ խորապես մտահոգել է ՅՈՒՆԵՍԿՕ-ի Համաշխարհային ժառանգության վայր հանդիսացող Սուրբ Սոֆիայի տաճար-թանգարանը մզկիթի վերածելու Թուրքիայի իշխանությունների որոշումը: Այս որոշումը ստեղծում է ՅՈՒՆԵՍԿՕ-ի համաշխարհային ժառանգության վայրի բնույթիև նպատակի էական փոփոխության վտանգավոր նախադեպ և անհրաժեշտ է դարձնում Թուրքիայի տարածքում նման կարգավիճակ ունեցող պատմական վայրերի պահպանման նպատակով միջազգային հանրության և հատկապես ՅՈՒՆԵՍԿՕ-ի մշտադիտարկումը։ [ՀՀ ԱԳՆ խոսնակ]
Ավելին
Առողջապահական համակարգի միասնական կոորդինացման անհրաժեշտությունը թելադրում է րոպե առաջ ունենալ այնպիսի առողջապահական համակարգ, որը չլինի ապակենտրոնացված, չլինի ինքնուրույն որոշումներ կայացնող՝ հատկապես համաճարակի հիմքով արտակարգ դրության ժամանակ, այլ ունենա ընդհանուր ցուցումներով առաջնորդվող կառավարում։ [«Իմ քայլը» խմբակցության պատգամավոր Հերիքնազ Տիգրանյան]
Ավելին
Ռոբերտ Քոչարյանի փաստաբանները Վճռաբեկ բողոք են ներկայացրել։ Նրանք վիճարկում են վերաքննիչի դատավոր Արսեն Նիկողոսյանի՝ 2 միլիարդ դրամ գրավով Քոչարյանին ազատ արձակելու որոշումը։ Քոչարյանի փաստաբան Հայկ Ալումյանի խոսքով՝ Արսեն Նիկողոսյանն իր որոշման մեջ նշել է, որ իրենց պաշտպանյալը կարող է խոչընդոտել դատարանում գործի քննությանը՝ դատավարությանը մասնակցող անձանց վրա անօրինական ազդեցություն գործադրելու ճանապարհով։ Այս հանգամանքը Վճռաբեկ բողոքում մատնանշելու են փաստաբանները՝ պնդելով, թե դատավորը 2 միլիարդ դրամ գրավի փոխարեն պարզապես առանց որևէ խափանման միջոցի պետք է ազատեր Քոչարյանին։ |azatutyun.am|
Ավելին
Համացանցում տարածվել են «Թոքաբանության ազգային կենտրոնի» տարածքում գտնվող դիահերձարանի շենքի հարակից տարածքի լուսանկարներ, որոնցով ներկայացվում է, որ տարածքը աղտոտված է, իսկ դիմակների ու ձեռնոցների համար աղբաման չկա։ Այժմ տարածքը մաքուր պահվելուն ուղղված աշխատանքներ են ընթանում։ Այս պահին ընթանում են նոր դիահերձարանի շինարարական աշխատանքները և նախատեսվում է, որ ամենայն հավանականությամբ օգոստոսի 1-ից այն կսկսի գործել։ Հիշեցեմ, որ այս դիահերձարանում հնարավոր կլինի դիահերձել կորոնավիրուսային հիվանդությունից մահացած անձանց դիերը։ [Առողջապահության նախարարության մամուլի խոսնակ Ալինա Նիկողոսյան]
Ավելին
Ոստիկանությունը ներկայացրել է նախկին ոստիկանապետ Արման Սարգսյանին առնչվող ծառայողական քննության արդյունքները։ 07.07.2020թ. ՀՀ ոստիկանության պետի կողմից նշանակվել էր ծառայողական քննություն : Ծառայողական քննության ընթացքում պարզվել է, որ Հանրապետության տոնի կապակցությամբ, որպես խրախուսանք, ՀՀ ոստիկանության պետի հրամաններով զենքով պարգևատրվել է ոստիկանության 7 ծառայող: Արձանագրվել է, որ հիշյալ ծառայողների զենքով պարգևատրումները հիմնավորված են։ Ոստիկանության ծառայակիցների աշխատավարձը վճարելու համար 30 միլիոն դրամ դուրս գրելու վերաբերյալ մամուլում շրջանառվող հանգամանքի կապակցությամբ պարզվել է, որ տեղեկատվությունն իրականության հետ որևէ կապ չունի: [ՀՀ ոստիկանություն]
Ավելին
Արցախի Հանրապետությունում 2020 թվականի ապրիլի 12-ին հայտարարված և մինչև հուլիսի 11-ը երկարաձգված արտակարգ իրավիճակի ժամկետը երկարաձգվել է 32 օրով` 2020 թվականի հուլիսի 11-ից, ժամը 22:00-ից մինչև 2020 թվականի օգոստոսի 12-ը, ժամը 22:00-ը ներառյալ։[Արցախի Հանրապետության նախագահի աշխատակազմի տեղեկատվության գլխավոր վարչություն]
Ավելին
