#միՇնչով

Օհանավան համայնքի ավագ դպրոցի տնօրենը, պաշտոնեական դիրքն օգտագործելով, իր անվամբ դասաժամեր է ձևակերպել, որոնց վերաբերյալ փաստաթղթերը բացակայում են։ Այս ամենի հետևանքով դպրոցի բյուջեից յուրացվել է 1 միլիոն 200 հազար դրամից ավելի գումար։ Բացի այդ, տնօրենն առանց մրցույթ հայտարարելու, առանց հանձնման-ընդունման ակտերի, տեխնիկական բնութագրի, վճարման ժամանակացույցի փաստաթղթերի դպրոցի ջեռուցման համար մի քանի կազմակերպությունից ձեռք է բերել ընդհանուր 6 միլիոն 170 հազար դրամից ավելի դիզելային վառելիք, ինչի հետևանքով պետությանը պատճառվել է ծանր վնաս։[ՀՀ ոստիկանություն]
2020 թ. հունվարի 21-ին Ժնևում ՅՈՒՆԵՍԿՕ-ի կրթության միջազգային բյուրոյի խորհրդի որոշմամբ Հայաստանն ընտրվել է Խորհրդի ղեկավար կոմիտեի նախագահ 2020-2021 թթ. համար։|lragir.am|
Մենք միանշանակ պետք է անցնենք սպանդանոցային համակարգին. ԱԺ-կառավարություն հարցուպատասխանի ընթացքում հայտարարեց վարչապետ Նիկոլ Փաշինյանը։ Նա նշեց, որ բացի առողջապահական խնդիրներից, սա երկրի ստանդարտի վարկանիշի հարց է և որ, սպանդանոցների բավարար քանակ երկրում չկա, որովհետև այդ հարցը մշտապես հետաձգվում է։ Փաշինյանը նշեց, որ այսօր խորհրդակցություն է հրավիրել և տվել է հանձնարարական. մինչև փետրվարի 6-ը կառավարությունը կդիտարկի սուբսիդավորվող վարկերի և լիզինգային ծրագրերում այնպիսի կարգավորում անելը, որպեսզի սպանդանոցների կառուցման և անհրաժեշտ տեխնիկայի ձեռքբերման համար ստեղծվեն լավագույն պայմաններ։ |aysor.am|
Մենք խորությամբ տեղյակ ենք իրադարձություններին, որոնք սկսվել են Չինաստանում: Մի քանի ժամ առաջ ավարտվել է ԱՀԿ հատուկ ռեժիմով քննարկումը, որի ընթացքում որոշվել է, թե ինչպես է աշխարհն արձագանքելու այս նոր մարտահրավերին: Ժամը 22:00-ին տեղի է ունենալու հատուկ հայտարարություն, որին հետևում ենք: Մեզ մոտ տեղի է ունենում ժամանող ուղևորների ջերմաչափում: Այս պահին արձանագրված դեպքեր չունենք: Կորոնավիրուսի Հայաստան հնարավոր ներթափանցումը բացառելու նպատակով դեռ սահմաններ փակելու կամ ուղևորահոսքեր սահմանափակելու կարիք չունենք։ [Արսեն Թորոսյանը կորոնավիրուսի մասին] |armenpress.am|
ՀՀ ԱԱԾ նախկին տնօրեն Գեորգի Կուտոյանի մահվան օրը նրա Glock 34 ատրճանակի վրա խլացուցիչ չի հայտնաբերվել: [ՔԿ մամուլի քարտուղար Նաիրա Հարությունյան] |shantnews.am|
Նիկոլ Փաշինյանի որոշմամբ Գոռ Մելիքյանը նշանակվել է բարձր տեխնոլոգիական արդյունաբերության նախարարի տեղակալ
ԱԺ-ը երկրորդ ընթերցմամբ և ամբողջությամբ ընդունեց «ՀՀ քրեական դատավարության օրենսգրքում լրացում կատարելու մասին» և «Բանկային գաղտնիքի մասին» ՀՀ օրենքում լրացում կատարելու մասին» վերաբերյալ ՀՀ կառավարության օրենսդրական նախաձեռնությունը: Որոշման նախագծով ներկայացված հանցագործություններով հարուցված քրեական գործերով բանկային գաղտնիք կազմող տեղեկությունների ստացման համար սահմանված սուբյեկտային սահմանափակումը կվերացվի, և առանձին դեպքերում կստեղծվի հնարավորություն՝ ստանալու բանկային գաղտնիք կազմող տեղեկություններ առանց սուբյեկտային սահմանափակման: |lragir.am|
2019-ից պետպատվերի շրջանակներում ընդգրկված չարորակ նորագոյացությունների վիրահատական բուժման ծրագրով կատարվել է 4.428 վիրահատություն, 2018-ի 979-ի փոխարեն: Մոտ ապագայում կհայտարարենք կրծքագեղձի քաղցկեղի թիրախային թերապիայի մի կարևոր դեղամիջոցով բուժման ազգային ծրագրի, կրծքագեղձի քաղցկեղի սկրինինգային ծրագրի, ինչպես նաև ստացիոնար պալիատիվ ծրագրի մեկնարկների մասին։ [Արսեն Թորոսյան]
ԱԺ-ը երկրորդ ընթերցմամբ և ամբողջությամբ ընդունեց քրեական ենթամշակույթ կրող խմբի և անձանց՝ «օրենքով գողերի» վերաբերյալ օրենքի նախագիծը: Նախագծով նախատեսվում է քրեական պատասխանատվություն սահմանել քրեական աստիճանակարգության բարձրագույն կարգավիճակ տալու կամ ստանալու կամ պահպանելու համար: Քրեական ենթամշակույթ կրող խմբավորում ստեղծելու կամ ղեկավարելու համար, քրեական ենթամշակույթ կրող խմբավորմանը մասնակցելու կամ ներգրավելու համար: | armenpres.am |
2020թ.-ին կշարունակվի 4-րդ կարգի վթարային շենքերի բնակիչների վերաբնակեցման ծրագիրը: Երևանի քաղաքապետարանը նախատեսում է լուծել 4-րդ կարգի վթարային շենքերում ապրող շուրջ 130 ընտանիքների վերաբնակեցման խնդիրը: [Երևանի քաղաքապետարան]
Երևանի քաղաքապետարանի և Եվրոպական Միության միջև 2019 թվականի դեկտեմբերի 17-ին կնքվել է «Երևան, Վարշավա, Տիրանա մայրաքաղաքների համագործակցությունը վտանգավոր թափոնների կառավարման ընդհանուր մարտահրավերների շուրջ» դրամաշնորհային պայմանանագիր, որի հիմնական նպատակն է քաղաքային կառավարման համակարգային բարեփոխումներով ներդնել վտանգավոր թափոնների կառավարման նոր ու արդյունավետ մի համակարգ: Ծրագրի ընդհանուր բյուջեն կազմում է 5.326.377 եվրո: Ծրագրի ավարտին ակնկալվում է մի իրավիճակ, երբ Երևանում բոլոր հնարավոր վտանգավոր թափոնների առումով կլինեն վերջնական լուծումներ՝ կամ թափոնների վնասազերծման, կամ դրանց անվտանգ պահպանման համար: [Երևանի քաղաքապետարան]
Երևանի ավագանու «Իմ Քայլը» խմբակցությունը տարածել է հայտարարություն, համաձայն որի Ազգային Ժողովի «Լուսավոր Հայաստան» և «Բարգավաճ Հայաստան» խմբակցությունների կողմից՝ 2018թ.-ի սեպտեմբերից սկսած տարբեր սուբյեկտների կողմից Երևան համայնքին տրանսպորտային միջոցների և այլ գույքի փոխանցման, ծառայությունների մատուցման պայմանագրերի, ինչպես նաև Երևան համայնքի կողմից դրանց հետ կապված այլ անշարժ կամ շարժական գույքի փոխանցման, այդ թվում՝ գույքային, ինչպես նաև ոչ գույքային իրավունքների, շինարարության թույլտվությունների, արտոնությունների տրամադրման իրավաչափությունն ու կոռուպցիոն ռիսկերն ուսումնասիրող Ազգային ժողովի քննիչ հանձնաժողովի ստեղծումը հակասում է ՀՀ Սահմանադրությանը և «Ազգային ժողովի կանոնակարգ» սահմանադրական օրենքին: [ Երևանի ավագանու «Իմ Քայլը» խմբակցություն]
Վերաքննիչ քրեական դատարանը որոշեց «5-րդ» ալիքի սեփականատեր Արմեն Թավադյանին թողնել կալանքի տակ: |armtimes.com|
Կառավարությունը մտադիր է սահմանադրական փոփոխությունների նախագիծը պատրաստել և հանրաքվեի դնել այս տարեվերջին: Փոփոխություններով կիսանախագահական համակարգին անդրադարձ չկա։ Ես չեմ կարող ընդհանրապես բացառել, բայց մենք դատաիրավական ռազմավարությամբ նաև ականջալուր լինելով հասարակությանը ընտրել ենք այն հարցերը, որոնց կանդրադառնանք։ Հիմա եթե արտախորհրդարանական ընդդիմության կողմից կլինի առաջարկ, մենք պատրաստ ենք քննարկել։ Բայց ես փորձում եմ հիմա իմ կարծիքով կամ ընդհանուր կառավարության մոտեցումներով առաջնորդվել։ Իսկ մոտեցումները ամրագրված են դատաիրավական ռազմավարության մեջ։ [Ռուստամ Բադասյան] | lragir.am |
ՀՀ պետգույքի կառավարման վարչության պաշտոնատար անձինք, առանց իրավական հիմքի և պայմանագիր կնքելու, 2016թ. ՍՊԸ-ին առաջարկել են իրականացնել գույքի գնահատման աշխատանքներ: Արդյունքում ՍՊԸ-ի մասնագետը, հաշվի չառնելով գնահատվող գույքի նպատակային նշանակությունը, մակերեսը, կազմել է կեղծ եզրակացություն, որով 850.000.000 ՀՀ դրամ իրական արժեքով գույքը գնահատվել է 515.890.000 ՀՀ դրամ: Նշված գնահատման հիման վրա 17.05.2018թ. գույքը մրցութային կարգով 360.620.000 ՀՀ դրամով օտարվել է` պետությանը պատճառելով շուրջ 489.380.000 ՀՀ դրամի վնաս՝ առաջացնելով ծանր հետևանքներ: Հարուցվել է քրեական գործ: [Գլխավոր դատախազություն]
ԱԺ-ում քրեական ենթամշակույթ կրող խմբի և անձանց վերաբերյալ օրենքի նախագծի քննարկման ընթացքում ընդհարում տեղի ունեցավ անկախ պատգամավոր Արման Բաբաջանյանի և «Բարգավաճ Հայաստան» խմբակցության մի քանի պատգմավորների միջև: ԱԺ նախագահ Արարատ Միրզոյանը վեճի մասնակից պատգամավորների նկատմամբ կարգապահական միջոցներ ձեռնարկեց՝ զրկելով մինչև օրվա ավարտը դահլիճում գտնվելու իրավունքից։ |armenpress.am|
ՀՀ ԱԺ-ն առաջին ընթերցմամբ ընդունեց «Վարչական իրավախախտումների վերաբերյալ ՀՀ օրենսգրքում լրացումներ և փոփոխություն կատարելու մասին» օրենքի նախագիծը, որով առաջարկվում է տարբերակված մոտեցում ցուցաբերել այն դեպքերի համար, երբ զույգ համարանիշ ունեցող տրանսպորտային միջոցները երթեւեկում են առանց զույգ համարանիշի և այն դեպքերի համար՝ երբ բացակայում է համարանիշներից մեկը։ Գործող օրենքով տուգանքի չափը 200,000 հազար դրամ է։ Առաջարկում է մեկ համարանիշով երթեւեկելու դեպքում սահմանել 20 հազար դրամ տուգանք եւ երկու բալային միավորի հանում։ |armenpress.am|
Սպանդանոցային պարտադիր մորթի վերաբերյալ որոշման դեմ բողոքող մարզի անասնապահների հետ համաձայնության եկանք այսօր՝ ժամը 18:00-ին, հանդիպել մարզպետարանում և քննարկել իրենց կողմից ներկայացված հարցերն ու խնդիրները: Հանդիպմանը մասնակից կլինեն նաև Արարատի մարզից ընտրված պատգամավորները: |Գարիկ Սարգսյան|
ՀՀ ԱԺ-ն երկրորդ ընթերցմամբ և ամբողջությամբ ընդունեց զինծառայողին ինքնասպանությանը դրդելու համար նախատեսված պատիժը խստացնող օրենքի նախագիծը:
ՀՀ ԱԺ-ն երկրորդ ընթերցմամբ և ամբողջությամբ ընդունեց «Օպերատիվ-հետախուզական գործունեության մասին» օրենքում փոփոխությունների օրենքի նախագիծը, որով հեռախոսային խոսակցությունները գաղտնալսելու հնարավորություն կընձեռվի նաև ՀՀ ոստիկանությանը: Կառավարությունը նախագծին տվել էր բացասական եզրակացություն: |armenpress.am|
ՀՀ ԱԺ-ն երկրորդ ընթերցմամբ և ամբողջությամբ ընդունեց օրենքի նախագիծ, որով խորհրդականի պաշտոն զբաղեցնելու համար օրենքով սահմանված տարիքը, որ 30 տարեկանն է, փոխարինվում է 25-ով, իսկ խորհրդականի պաշտոնի անձնագրով նախատեսված 5 տարվա աշխատանքային ստաժը՝ 3-ով: |armenpress.am|
Հրազդանի նախկին քաղաքապետը եւ հողաշինության բաժնի պետը, իրենց պաշտոնեական դիրքը ծառայության շահերին հակառակ օգտագործելով, 2006 թվականի մայիսին կազմակերպել են Հրազդանի Ջրառատ թաղամասում գտնվող 4 հեկտար մակերեսով հողատարածքի օտարման ձեւական աճուրդ։ Հիշյալ հողատարածքը իրական արժեքից ցածր գնով՝ 24․860․000 դրամով, փաստացի իրացվել է մի ընկերության սեփականատիրոջ։ Մեկ տարի անց նույն հողատարածքը գնահատվել է 537․500․000 դրամ ու ներդրվել նույն անձին պատկանող մեկ այլ ընկերության կանոնադրական կապիտալում, այնուհետեւ փոխանցվել մեկ այլ ընկերության։ [ՀՀ ոստիկանություն]
Մարդու իրավունքների պաշտպանի հանձնարարությամբ՝ աշխատակազմում ուսումնասիրվել է անասնաբույծների և մսավաճառների բողոքի ակցիաները, այդ թվում՝ նրանց պնդումներն այն մասին, որ Կառավարությունը համապատասխան պայմաններ նախապես չի ապահովել սպանդանոցների բնականոն գործունեության համար ։Հաշվի առնելով նշված բողոքները, ՄԻՊ-ը գրավոր հարցումներ է ուղարկել Կառավարություն, այդ թվում՝ Սննդամթերքի անվտանգության տեսչական մարմին։ [Մարդու իրավունքների պաշտպան]
Շրջակա միջավայրի նախարարության նախաձեռնությամբ «Կանաչ կլիմայի» հիմնադրամը հաստատել է «Կանաչ ֆինանասավորման գործիքների ընդլայնումը Հայաստանի Հանրապետությունում» դրամաշնորհային ծրագրի ֆինանսավորումը, որի շրջանակում իրականացնող մարմին է ընտրվել «ԱրմՍվիսԲանկ» ՍՊԸ-ն։ Դրամաշնորհը նախատեսված է ուղղել Հայաստանում «կանաչ» ֆինանսավորման իրավիճակի դիտարկմանն ու միջազգային լավագույն փորձի ուսումնասիրությանը։ Ծրագրի իրականացումը թույլ կտա նաև գնահատել ոլորտի կարգավորիչ դաշտն ու դրա արդյունքում ձևավորել առաջարկությունների փաթեթի նախագիծ։ [ՀՀ շրջակա միջավայրի նախարարություն]
Արցախի Հանրապետության նախագահի և Ազգային ժողովի հերթական ընտրությունների օր է հայտարարվում 2020 թվականի մարտի 31-ը: Հիմք ընդունելով Արցախի Հանրապետության ընտրական օրենսգրքի 97-րդ հոդվածի 3-րդ մասը, համապետական ընտրությունների քվեարկության օրը` 2020 թվականի մարտի 31-ի երեքշաբթին, հայտարարվում է ոչ աշխատանքային օր։ [Արցախի Հանրապետության ԿԸՀ]
2019 թվականին Հարկադիր կատարումն ապահովող ծառայությունը ընթացք է տվել 1 մլն 389 հազար 278 վարույթների, որոնց կատարման շրջանակում պահանջատերերի օգտին վերականգնվել է ավելի քան 35 մլրդ 881 մլն ՀՀ դրամ, որը գերազանցել է նախորդ տարվա համադրելի ցուցանիշը՝ շուրջ 25.73%-ով: ՀՀ պետական բյուջեի օգտին է վերականգնվել 13 մլրդ 690 մլն 509 հազար ՀՀ դրամ, իրավաբանական անձանց օգտին՝ 18 մլրդ 733 մլն 98 հազար ՀՀ դրամ, ֆիզիկական անձանց օգտին՝ 1 մլրդ 223 մլն 611 հազար ՀՀ դրամ, այլ (ոչ գույքային) բնույթի կատարողական վարույթներով՝ 1 մլրդ 471 մլն 852 հազար ՀՀ դրամ, իսկ հայցի ապահովման բնույթի կատարողական վարույթներով՝ 762 մլն 643 հազար ՀՀ դրամ:[Հարկադիր կատարումն ապահովող ծառայություն]
Պողոս Պողոսյանի մահվան փաստի առթիվ հարուցված քրեական գործով կայացված դատական ակտը նոր երևան եկած հանգամանքների հետևանքով վերանայելու համար Երևան քաղաքի դատախազությունում հարուցվել է համապատասխան վարույթ և քննություն կատարելու հանձնարարությամբ ուղարկվել ՀՀ ՔԿ ԵՔՔՎ ծանր հանցագործությունների քննության բաժին
Դիզելային վառելիքի ձեռքբերման նպատակով իրականացված պետական աջակցության ծրագրերով պետությունից առանձնապես խոշոր չափերով գումար վատնելու վերաբերյալ քրեական գործի նախաքննությունն ավարտվել է․ մեղադրանք է առաջադրվել Գյուղատնտեսության նախկին նախարար Սերգո Կարապետյանին, Սերժ Սարգսյանին, Բարսեղ Բեգլարյանին, ՀՀ նախկին գյուղատնտեսության նախարարի տեղակալ Սամվել Գալստյանին և նույն նախարարության աշխատակից Գևորգ Հարությունյանին։ Վերոնշյալ մեղադրյալների վերաբերյալ անջատված գործով նախաքննությունն ավարտվել է․ գործը մեղադրական եզրակացությամբ հանձնվել դատախազին` այն դատարան ուղարկելու միջնորդությամբ: [ՀՔԾ]
Փորձաքննությունների եզրակացությունները չեն ստացվել: Գեորգի Կուտոյանի դիակի վրա բռնության հետքեր չեն հայտնաբերվել: Քննության համար էական նշանակություն ունեցող մի շարք հանգամանքներ պարզելու համար նշանակվել են դատաբժշկական, դատագենետիկական, դատահետքաբանական, դատաձգաբանական, դատակենսաբանական փորձաքննություններ: Ձեռք բերված հրապարակման ենթակա տվյալների վերաբերյալ ՔԿ-ն հանդես կգա պաշտոնական հաղորդագրությամբ։ [ՀՀ ՔԿ տեղեկատվության և հասարակայնության հետ կապերի բաժնի պետ Նաիրա Հարությունյան] |armenpress.am|
Ուժի մեջ է մտել «ՀՀ կառավարության և ՉԺՀ կառավարության միջև սովորական անձնագրեր կրող անձանց համար մուտքի արտոնագրի պահանջի փոխադարձության սկզբունքով վերացման մասին» համաձայնագիրը: Սա նշանակում է, որ ՀՀ ու ՉԺՀ քաղաքացիները ազատվում են մուտքի արտոնագրի (վիզա) պահանջից՝ երկրի տարածք մուտք գործելու ամսաթվից մինչև 90 օր ժամկետով: [Տիգրան Ավինյան]
Հայաստանի տարածքում ճանապարհային տուգանքների 9 բալանոց համակարգն առայժմ չի կիրառվի Արցախի քաղաքացիների վրա: Դա չի նշանակում, որ կարգազանցները չեն տուգանվի: Կան որոշակի խնդիրներ համակարգչային ծրագրի և օրենսդրության հետ կապված, որի շուրջ իրենք աշխատում են, և շատ հնարավոր է, որ առաջիկայում դա կիրառվի նաև Արցախի քաղաքացիների նկատմամբ։ [Արցախի ՃՈ պետի տեղակալ Արմեն Հարությունյան] |news.am|
Իրանցի խորհրդարանականներն առաջարկել են օրինագիծ, որով կոչ են անում կրճատել Մեծ Բրիտանիայի հետ դիվանագիտական հարաբերությունների մակարդակը։ Այն քննարկելու օգտին քվեարկել է խորհրդարանի 23 անդամ: Մեծ Բրիտանիայի հետ դիվանագիտական հարաբերությունների մակարդակը կրճատելու մասին կոչը Թեհրանի Ամիր Քաբիրի անվան համալասարանի մոտ կայացած հանրահավաքին Միացյալ Թագավորության դեսպան Ռոբերտ Մաքեյրի մասնակցության պատասխանն է: |news.am|
Կոտայքի մարզպետարանը ԱԱՏՄ-ի կողմից մարզի որոշ դպրոցների նկատմամբ վարչական վարույթի մասին պարզաբանում է ներկայացրել, որտեղ նշված է, որ մարզպետարանի ենթակայության (բացի Հրազդանի թիվ 10 ավագ դպրոցից) հաղորդագրության մեջ նշված դպրոցներում կենտրոնացված ջեռուցման համակարգեր չկան, դպրոցներում ջեռուցումն իրականացվում է գազի, փայտի կամ էլեկտրական վառարաններով, ինչը փաստացի, անհնար է դարձնում դպրոցներում ամբողջական և համաչափ ջերմաստիճանի ապահավումը։ Այդուհանդերձ, մարզպետարանի համապատասխան վարչության ներկայացուցիչներն ու անձամբ մարզպետը, պարբերաբար անակնկալ ստուգայցեր են իրականացնում դպրոցներ՝ իրավիճակին ծանոթանալու և այն վերահսկելու նպատակով։[ՀՀ Կոտայքի մարզպետարան]
ՀՀ վարչապետը ցավում է Գեորգի Կուտոյանի մահվան կապակցությամբ եւ ցավակցում Կուտոյանների սգակիր ընտանիքին:, նաև երաշխավորում, որ կառավարությունն իր լիազորությունների շրջանակում ամեն ինչ կանի Գեորգի Կուտոյանի մահվան հանգամանքները լիարժեք բացահայտելու համար։ [Վարչապետի աշխատակազմ] |armenpress.am|
Ըստ նախնական տվյալների՝ 2019 թվականի դեկտեմբերի 9-ին Գ. Կուտոյանը ՀՀ վերադառնալուց հետո ժամանակավորապես բնակվել է հայրական տանը, սակայն ժամանակ առ ժամանակ այցելել է Պարույր Սևակի փողոցում գտնվող իրեն պատկանող բնակարան: Դեկտեմբերի վերջերին Կուտոյանը միայնակ այցելել է նշված բնակարան, որտեղ, ալկոհոլ օգտագործելուց հետո, օրինական կարգով իրեն պատկանող ատրճանակից 35 անկանոն կրակոց է արձակել հյուրասենյակի և խոհանոցի բաժանարար պատին: Կուտոյանը 2020 թվականի հունվարի 16-ին հայրական տան մոտակայքից տաքսիով ուղևորվել է իրեն պատկանող բնակարան՝ նախապես ընտանիքի անդամներին տեղեկացնելով այնտեղ երկու-երեք օր հանգստանալու իր մտադրության մասին: Հունվարի 17-ին նրա հարազատները, չկարողանալով հեռախոսակապ հաստատել վերջինիս հետ, գնացել են նշված բնակարան, որտեղ Կուտոյանի կինը հյուրասենյակում հայտնաբերել է նրա դին: [ՔԿ]
Հանրային ծառայությունները կարգավորող հանձնաժողովի նախագահ Գարեգին Բաղրամյանը նշել է, որ այս պահին գազի գնի շուրջ քննարկումները շարունակվում են։ Չի բացառվում, որ «Գազպրոմ Արմենիա» ընկերությունը կդիմի սակագնի վերանայման հայտով։ Գազի գնի հետ կապված սպառիչ պատասխան կլինի միայն այն ժամանակ, երբ փաստացի կունենան ընկերության սակագնի փոփոխության վերաբերյալ հայտ և կուսումնասիրեն։
Հայաստանի և Արցախի խորհրդարանների միջև հատուկ նիստ․ Ուղիղ
Դեպքի վայրի զննություն է կատարվում: Երբ բնակարան ենք եկել, դեպքի վայրում են եղել կինը և հայրը: Նախնական՝ այն, ինչ օպերատիվ ծառայողները ներկայացրին՝ կինն է դիակը հայտնաբերել: Դեպքի վայրի զննությանը մասնակցում են դատաբժիշկներ, որոնց զննությամբ կպարզենք քանի հրազենային վնասվածք է ստացել: [ՔԿ ՀԿԳ քննության գլխավոր վարչության պետ Արթուր Մելիքյանը՝ Գեորգի Կուտոյանի մահվան մասին] | armenpress.am |
Հատուկ քննչական ծառայությունում Ազգային անվտանգության ծառայության նախկին տնօրեն Գեորգի Կուտոյանը չի հարցաքննվել և որևէ դատավարական կարգավիճակ չի ունեցել: | armenpress.am |
Քիչ առաջ Երևան քաղաքի Պարույր Սևակի փողոցի բնակարաններից մեկում հայտնաբերվել է ԱԱԾ նախկին պետ Գեորգի Կուտոյանի դին՝ հրազենային վիրավորումով: [ՀՀ ՔԿ տեղեկատվության և հասարակայնության հետ կապերի բաժնի պետ Նաիրա Հարությունյան]
Արաբկիր վարչական շրջանի ղեկավարի տեղակալի պաշտոնը նախկինում զբաղեցրած անձը Վաղարշյան փողոցի կաթսայատներից մեկը՝ բազմաբնակարան շենքի կառուցապատման համար 2013թ․ կառուցապատողին առաջարկել է իրենից ձեռք բերել շուկայականից էականորեն էժան՝ 62 միլիոն ՀՀ դրամով` գործարքի դիմաց առաջարկելով կառուցվելիք շենքից Երևանի քաղաքապետարանի մի շարք իրավասու պաշտոնատար անձանց որպես կաշառք հատկացնել 430.000 ԱՄՆ դոլարին համարժեք 500մ2 ընդհանուր մակերեսով բնակարաններ, առևտրային տարածքներ՝ հակառակ դեպքում վերջիններիս անունից սպառնալով առավելագույնս խոչընդոտել տնտեսվարող սուբյեկտի ձեռնարկատիրական գործունեությանը։ Առերևույթ հանցագործության դեպքի առթիվ հարուցվել է քրեական գործ։ [ԱԱԾ]
Ազգային կինոկենտրոնի նախագծերը գնահատող փորձագիտական հանձնախմբերի կազմերում և ֆինանսավորում ստացած կինոնախագծերում կրկնվող անունների քանակը հիմք է տալիս պնդելու, որ ձևավորվել է արտոնյալ կարգավիճակ ունեցող մարդկանց շրջանակ: Միևնույն ընկերության մի քանի կինոնախագծերի, նույն կինոգործչի մեկից ավելի կինոնախագծերի ֆինանսավորման, հաղթող նախագծերում փորձագետի մասնակցության դեպքերը երկակի ստանդարտների կիրառման ակնհայտ դրսևորումներ են՝ նույն պայմանների պատճառով նախկինում ֆինանսավորումից զրկված այլ կինոընկերությունների հանդեպ: [ֆիլմարտադրողների հայկական ֆեդերացիա]
Ի պատասխան «Ինֆորմացիոն կոմիտե» տեղեկատվական ՀԿ-ի՝ Արարատյան դաշտի արտեզյան ջրերի խորքային հորերին վերաբերող հարցմանը, ՇՄ նախարարության աշխատակիցը սպառիչ և ամբողջական պատասխանի փոխարեն այլ տեղեկատվություն է տրամադրել, որի առիթով ՇՄ նախարարությունում նշանակվել է ծառայողական քննություն։ [ՇՄ նախարարի մամուլի քարտուղար Դավիթ Գրիգորյան]
Հոկտեմբերի 27-ի գործով ցմահ ազատազրկման դատապարտված Նաիրի Հունանյանը նամակ է հղել ՀՀ վարչապետ Նիկոլ Փաշինյանին: Այլ մանրամասներ հրապարակման ենթակա չեն: [ՀՀ վարչապետի աշխատակազմի տեղեկատվության և հասարակայնության հետ կապերի վարչություն] |armenpress.am|
«Գազպրոմ Արմենիա» ընկերությունում քննարկվում է գազի սակագնի վերանայման հարցը: Չի բացառվում, որ ընկերությունը կդիմի Հանրային ծառայությունները կարգավորող հանձնաժողով համապատասխան հայտով։ [Գազպրոմ Արմենիա] |armenpress.am|
ՀՀ սփյուռքի գործերի գլխավոր հանձնակատարի գրասենյակը 2020թ. իրականացնելու է պիլոտային ծրագիր, որի շրջանակներում սփյուռքահայ մասնագետները կհրավիրվեն և կաշխատեն Հայաստանի պետական մարմիններում՝ ոլորտային հետազոտությունների, ուսումնասիրությունների կատարման, համապատասխան առաջնային ծրագրերի, ռազմավարությունների մշակման և իրականացման ուղղությամբ: |armenpress.am|
Սպիտակի մի խումբ բնակիչներ, ովքեր ծեծի էին ենթարկվել Ստամբուլյան կոնվենցիայի ստորագրահավաք իրականացնող «Կամք» հասարակական նախաձեռնության հիմնադիր Վահագն Չախալյանի և այլ անդամների կողմից, դիմել են Հելսինկյան քաղաքացիական ասամբլեայի Վանաձորի գրասենյակ: Տուժածները դժգոհ են քննության ընթացքից։ [ՀՔԱՎ]
Կանադան, Աֆղանստանը, Մեծ Բրիտանիան, Շվեդիան և Ուկրաինան Իրանից պահանջում են փոխհատուցում՝ ուկրաինական ինքնաթիռի ոչնչացման համար: Այս մասին հայտարարել է Կանադայի արտաքին գործերի նախարար Ֆրանսուա-Ֆիլիպ Շամպանը՝ Լոնդոնում այդ երկրների ներկայացուցիչների հետ հանդիպման արդյունքները ներկայացնելիս: |armenpress.am|
Նախագահ Վլադիմիր Պուտինը հրամանագիր Է ստորագրել Ռուսաստանի Անվտանգության խորհրդի փոխնախագահի պաշտոն ստեղծելու մասին: Դրանում ասված Է, որ այդ պաշտոնում նշանակված Է Դմիտրի Մեդվեդևը:|armenpress.am|
Ռուսաստանի Պետդուման հաստատել է երկրի վարչապետի պաշտոնում առաջադրված Միխայիլ Միշուստինի թեկնածությունը: | 1lurer.am |
x