Արցախի Ազգային ժողովը չի ընդունում Արցախն Ադրբեջանի կազմում ճանաչելու Հայաստանի վարչապետի հայտարարությունը, ասված է խորհրդարանի արտահերթ նիստում ներկայացված հայտարարության մեջ։ Այդ հանձնառությամբ Հայաստանի ղեկավարը կոպտորեն խախտում է ՀՀ անկախության հռչակագրի ու Սահմանադրության ամրագրումներն Արցախի մասին։ «Եվս մեկ անգամ վերահաստատում ենք, որ Արցախի կարգավիճակն արդեն իսկ որոշվել է 1991թ. դեկտեմբերի 10-ի համաժողովրդական կամարտահայտությամբ, և որևէ իշխանություն իրավասու չէ այն բեկանելու։ Մեզ համար անընդունելի և առոչինչ են Արցախի Հանրապետության ինքնիշխանությունը, մեր ժողովրդի ինքնորոշման իրավունքը և դրա իրացման փաստն անտեսող Նիկոլ Փաշինյանի ցանկացած հայտարարություն և դրա հիման վրա կազմած որևէ փաստաթուղթ։ Արցախը երբեք չի հրաժարվելու իր պայքարի անշեղ ուղուց»,- ներկայացրեց Վահրամ Բալայանը։ |azatutyun.am|
Հայաստանի վարչապետը, անտեսելով Լեռնային Ղարաբաղի Հանրապետության հռչակագիրը , հրապարակավ հայտարարել է, որ Հայաստանը պատրաստ է ճանաչել Ադրբեջանի 86 600 կմ տարածքային ամբողջականությունը, որը ըստ Նիկոլ Փաշինյանի՝ ներառում է նաեւ Լեռնային Ղարաբաղը, սակայն Լեռնային Ղարաբաղի բնակչության անվտանգության հարցը պետք է քննարկվի Բաքու-Ստեփանակերտ երկխոսությամբ: Ի՞նչ իրավունքների, անվտանգության եւ երաշխիքների մասին կարող է խոսքը լինել, երբ Ադրբեջանն ապօրինաբար 162 օր Արցախը պահում է լիրակատար շրջափակման մեջ՝ շարունակելով 1980-ականներից Արցախի ժողովրդի էթնիկ զտման քաղաքականությունը։ [Արցախի ԱԺ նախագահ Արթուր Թովմասյան] |news.am|
Անընդունելի ու հակաօրինական են առաջին հերթին հենց Հայաստանի Հանրապետության կողմից Արցախն Ադրբեջանի կազմում ճանաչելուն ուղղված գործողություններն ու հայտարարությունները։ Արցախը Ադրբեջանի կազմում ճանաչող ցանկացած փաստաթուղթ ու հայտարարություն խիստ անընդունելի է։ Արցախի կարգավիճակի ու ապագայի վերաբերյալ ցանկացած որոշման գլխավոր սուբյեկտը հենց Արցախի ժողովուրդն է, մնացած մեծ ու փոքր դերակատարները ունեն իրավունք միայն իրենց դիրքորոշումները հնչեցնելու, բայց ոչ՝ Արցախի ժողովրդի փոխարեն որոշելու կամ Արցախը առևտրի օբյեկտ դարձնելու: [Արցախի պետնախարարի խորհրդական Արտակ Բեգլարյան]
Ռուս խաղաղապահները ԼՂ Մարտակերտի շրջանում հրադադարի ռեժիմի խախտման դեպք են արձանագրել. տուժողներ չկան: ՌԴ խաղաղապահ առաքելության հրամանատարությունը, հայկական և ադրբեջանական կողմերի հետ համատեղ, հետաքննություն են իրականացնում այս փաստի առնչությամբ: |1lurer.am|
Ռուսաստանը կշարունակի ՀԱՊԿ թեմայով Հայաստանի հետ երկխոսությունը: Ասել է Պեսկովը՝ մեկնաբանելով Փաշինյանի հայտարարությունը։ «Ընդհանուր առմամբ, ՀԱՊԿ-ն անդամ երկրների շրջանում հեղինակություն ունի, ցույց է տալիս իր արդյունավետությունը տարբեր իրավիճակներում: Ինչ վերաբերում է Հայաստանի վարչապետի հայտարարությանը, ապա մենք կշարունակենք երկխոսությունը մեր հայ ընկերների հետ։ Մենք նրանց հետ կխոսենք նաև ՀԱՊԿ-ի գործունեությանը մեր հետագա մասնակցության թեմայով»։
Նիկոլ Փաշինյանը նշեց՝ չի բացառում, որ ՀՀ-ն կարող է դե յուրե որոշում կայացնել ՀԱՊԿ-ում անդամությունը դադարեցնելու կամ սառեցնելու վերաբերյալ, բայց դա տեղի կունենա միայն այն պարագայում, երբ մենք արձանագրենք, որ ՀԱՊԿ-ը դուրս է եկել ՀՀ-ից։ «Եթե մեր արձանագրումը լինի, որ ՀԱՊԿ-ը դուրս է եկել ՀՀ-ից, ՀԱՊԿ անդամի դե յուրե եւ ոչինչ չտվող կարգավիճակը ընդամենը մեզ խանգարելու է այլ երկրների հետ անվտանգային օրակարգ քննարկել։ Դուք գիտեք՝ ՀՀ-ն սպառազինության ոլորտում այլ առաջարկներ չի ունեցե՞լ, կամ հնարավորություններ այլ երկրներից սպառազինություն կամ ռազմական տեխնիկա ձեռք բերելու։ Իհարկե, էդ հնարավորությունները եղել են, բայց էդ հնարավորությունների փակ լինելը հիմանակում բացատրվել է ՀՀ-ի՝ ՀԱՊԿ անդամ լինելով։ Ասվել Է՝ դուք ՀԱՊԿ անդամ եք, ի՞նչ քննարկենք ձեզ հետ»,- ասաց Փաշինյանը։
Ես այդ մեջբերումից հասկացա, որ եկեղեցու որոշ ներկայացուցիչներ անցել են վիրավորական բառապաշարի, բայց ես չեմ պատրաստվում վիրավորական բառապաշարով հակադարձել․․․ Հայտարարության մեղադրանքներին չեմ հակադարձի մեղադրանքներով, որովհետև քաղաքական մրցակիցներին վիրավորելը ճիշտ ժանր չէ։ Ես հույս ունեմ, որ հոգևոր ճեմարանը ավարտած և բարձրաստիճան պաշտոններ զբաղեցրած բոլոր անձինք հոգևոր ճեմարան ընդունվելիս և ավարտելիս բավարար փաստարկներ և փաստեր ներկայացրել են իրենց հոգևոր, մարմնական, ընդհուպ մինչև սեռական առողջության վերաբերյալ: [Նիկոլ Փաշինյանը՝ Մայր Աթոռից հնչած հայտարարության մասին]
«86, 6 հազար քառակուսի կմ-ն ներառում է նաև Լեռնային Ղարաբաղը, բայց նաև պետք է արձանագրել, որ մենք ասում ենք՝ ԼՂ հայության իրավունքների և անվտանգության հարցը պետք է քննարկվի Բաքու-Ստեփանակերտ ֆորմատով»,-ասաց Նիկոլ Փաշինյանը՝ պատասխանելով հարցին, թե արդյո՞ք նշված տարածքը ներառում է նաև Արցախը և արդյո՞ք Հայաստանի կառավարությունը ճանաչում է Արցախը Ադրբեջանի մաս։ «Հայաստանի այսօրվա Կառավարությունը ինչ ասի, չասի, ՀՀ բոլոր կառավարությունները ճանաչել են Ադրբեջանի տարածքային ամբողջականությունը։ Ես ավելի եմ կոնկրետացրել, որ 86,6 հազար քառակուսի կմ տարածքային ամբողջականությունը Հայաստանը պատրաստ է ճանաչել և, մեր ընկալմամբ, Ադրբեջանը պատրաստ է ճանաչել ՀՀ 29,8 հազար քառակուսի կմ տարածքային ամբողջականությունը»,- ասաց Փաշինյանը։
ՀԱՊԿ առաքելությունը ՀՀ տարածքում չի գործում մի պարզ պատճառով․ ըստ էության չի մատնանշում՝ որն է իր պատկերացրած ՀՀ տարածաքը։ Երբ որ ՀԱՊԿ-ը դա հստակ կընդգծի պրոբլեմների 90 տոկոսը կվերանա։ [Նիկոլ Փաշինյանը՝ ի պատասխան Լավրովի հայտարարության մասին հարցին]
Նիկոլ Փաշինյանը պատասխանեց հարցին, թե արդյո՞ք իր որդուն հորդորել է հրաժարվել բողոքից․ «Ո՛չ, չեմ հորդորել իմ որդուն, որովհետև երբ որ առաջին խոսակցությունը տեղի է ունեցել այդ թեմայի վերաբերյալ, իմ որդին իր փաստարկներով զրկել է ինձ նման խնդրանքով դիմելու հնարավորությունից։ Երբ ես նրա հետ զրուցում էի, նա ասում էր՝ «ամբողջ նպատակը և խնդիրը այն չէ՞, որ ՀՀ-ում իրավական ձևերով լուծվեն հարցերը․ բա՞ ես հիմա ոնց արձագանքեմ էդ փաստին․ ենթադրենք ես էլ իմ ընկերներին վերցնեմ ինչ-որ պատասխան գործողություն անեմ, անհարգալից վերաբերմունքին անհարգալից վերաբերմունքո՞վ պատասխանեմ․ բնականաբար, դա անընդունելի է և ՀՀ-ում մարդիկ պետք է արձանագրեն, որ հարցերը պետք է իրավական ճանապարհով լուծել», և ինքը (Աշոտ Փաշինյանը-խմբ․) ինձ ասեց՝ «իմ ընկալմամբ, սա է եղել քո քաղաքական գործունեության ու պայքարի ամբողջ նպատակը և իմաստը», որից հետո ես չունեմ որևէ փաստարկ այդ կոչով կամ խնդրանքով նրան դիմելու»,- ասաց Փաշինյանը։
Արցախի ԱԺ-ում քննարկվում է վարչապետ Փաշինյանի հայտարարությունը մերժող ու քննադատող հայտարարությունը |azatutyun.am|
23:53 - 22 մայիսի, 2023Այլեւս հապաղելու ժամանակ չունենք, յուրաքանչյուր վայրկյանը թանկ է մեր ապագան փրկելու համար. Արթուր Թովմասյան |news.am|
23:35 - 22 մայիսի, 2023Թուրքիայում մեկ օրում երկրորդ երկրաշարժն է գրանցվել |factor.am|
22:42 - 22 մայիսի, 2023Արցախի ապագայի վերաբերյալ ցանկացած որոշման գլխավոր սուբյեկտը հենց Արցախի ժողովուրդն է. Արտակ Բեգլարյան
22:25 - 22 մայիսի, 2023Խաղաղապահներն արձանագրել են Արցախում Ադրբեջանի կողմից հրադադարի հերթական խախտումը |1lurer.am|
22:01 - 22 մայիսի, 2023Արցախի խորհրդարանը ժամը 23:00-ին արտահերթ նիստ կգումարի
20:38 - 22 մայիսի, 2023Ձերբակալվել է «Հանրային ձայն» կուսակցության նախագահ Արտակ Գալստյանի փաստաբանը |news.am|
19:21 - 22 մայիսի, 2023ՄԹ Եվրոպայի հարցերով նախարար Լեո Դոքերթին այցելել է Հայոց ցեղասպանության հուշահամալիր
18:49 - 22 մայիսի, 2023ՀՀ պաշտպանության նախարարը ԱՄՆ գործընկերների հետ քննարկել է համագործակցության և տարածաշրջանային անվտանգության հարցեր
18:41 - 22 մայիսի, 2023ՀՀ տարածքային ամբողջականության 29.800կմ²-ի մեջ Տիգրանաշենն ու Տավուշի 6 գյուղերը ներառված չեն․ Փաշինյան
18:32 - 22 մայիսի, 2023Արցախի ԱԺ-ում քննարկվում է վարչապետ Փաշինյանի հայտարարությունը մերժող ու քննադատող հայտարարությունը |azatutyun.am|
23:53 - 22 մայիսի, 2023Այլեւս հապաղելու ժամանակ չունենք, յուրաքանչյուր վայրկյանը թանկ է մեր ապագան փրկելու համար. Արթուր Թովմասյան |news.am|
23:35 - 22 մայիսի, 2023Թուրքիայում մեկ օրում երկրորդ երկրաշարժն է գրանցվել |factor.am|
22:42 - 22 մայիսի, 2023Արցախի ապագայի վերաբերյալ ցանկացած որոշման գլխավոր սուբյեկտը հենց Արցախի ժողովուրդն է. Արտակ Բեգլարյան
22:25 - 22 մայիսի, 2023Խաղաղապահներն արձանագրել են Արցախում Ադրբեջանի կողմից հրադադարի հերթական խախտումը |1lurer.am|
22:01 - 22 մայիսի, 2023Արցախի խորհրդարանը ժամը 23:00-ին արտահերթ նիստ կգումարի
20:38 - 22 մայիսի, 2023Ձերբակալվել է «Հանրային ձայն» կուսակցության նախագահ Արտակ Գալստյանի փաստաբանը |news.am|
19:21 - 22 մայիսի, 2023ՄԹ Եվրոպայի հարցերով նախարար Լեո Դոքերթին այցելել է Հայոց ցեղասպանության հուշահամալիր
18:49 - 22 մայիսի, 2023ՀՀ պաշտպանության նախարարը ԱՄՆ գործընկերների հետ քննարկել է համագործակցության և տարածաշրջանային անվտանգության հարցեր
18:41 - 22 մայիսի, 2023ՀՀ տարածքային ամբողջականության 29.800կմ²-ի մեջ Տիգրանաշենն ու Տավուշի 6 գյուղերը ներառված չեն․ Փաշինյան
18:32 - 22 մայիսի, 2023