Ադրբեջանի կողմից ապօրինի առևանգված երկու զինծառայողները կալանավորվել են․ Ադրբեջանի գլխավոր դատախազությունը հայտնել է, որ Հարություն Յուրիկի Հովագիմյանի և Կարեն Աշոտի Ղազարյանի նկատմամբ որպես խափանման միջոց ընտրվել է կալանավորումը:
Ադրբեջանի կողմից Հայաստանի երկու զինծառայողների անօրինական առևանգումը սեփական պարտավորություններից հետ կանգնելու փորձ է։ «Թվիթեր»-ում գրել է ՀՀ ԱԳՆ-ն։ «Կոչ ենք անում Ադրբեջանի իշխանություններին ազատ արձակել զինծառայողներին ու կատարել բոլոր ռազմագերիներին ազատ արձակելու պարտավորությունները` 2020թ-ի նոյեմբերի 9-ի հայտարարությանն ու միջազգային գործընկերների և կազմակերպությունների կոչերին համապատասխան»։
ՀՀ ՊՆ N զորամասի զինծառայողներ Հարություն Յուրիկի Հովագիմյանը և Կարեն Աշոտի Ղազարյանը մայիսի 26-ին` ժամը 18:30-ին, «Կամազ 43114» մակնիշի ավտոմեքենայով նույն զորամասի պահպանության տեղամասի՝ ՀՀ հարավարևելյան ուղղությամբ տեղակայված մարտական դիրքերից մեկին սնունդ են տեղափոխել, որից հետո դիրքից վերադառնալիս նրանց հետ կապը կորել է։ Նախնական տվյալներով՝ հակառակորդի զինված խումբը հատել է ՀՀ սահմանը և առևանգել զինծառայողներին: ՀՀ պետական սահմանն ապօրինի հատելու եւ ՀՀ ԶՈւ 2 զինծառայողներին առեւանգելու դեպքի առթիվ քրեական վարույթ է նախաձեռնվել։ [Քննչական կոմիտե]
Արտաշատից Գառնի տանող ճանապարհի 14-րդ կիլոմետրի հատվածում, դեպի Գառնի գնացող ուղեմասում, միմյանց են բախվել Գառնի գյուղի 42 ամյա բնակչի կողմից վարած «Վոլցվագեն Այդի 4» մակնիշի ավտոմեքենան և Վերին Արտաշատի բնակավայրի 38 ամյա բնակչի կողմից վարած «Վազ 2106» մակնիշի ավտոմեքենան։ Վթարի հետևանքով «Վազ 2106»-ի վարորդը տեղում մահացել է, իսկ նույն ավտոմեքենայի 6 ուղևորները, որոնց թվում 5-ը՝ երեխաներ, ինչպես նաև մյուս ավտոմեքենայի վարորդը, մարմնական տարբեր աստճանի վնասվածքներով տեղափոխվել են Երևան քաղաքի բժշկական հաստատություններ։ [Քննչական կոմիտե]
Ռուսական կողմը պատրաստ է շարունակել ցուցաբերել ամեն տեսակի աջակցություն հայ-ադրբեջանական կարգավորման ուղղությամբ և հույս ունի, որ Բաքվին ու Երևանին կհաջողվի ստորագրել խաղաղության պայմանագիրը, այս մասին ասել է ՌԴ արտգործնախարարի տեղակալ Միխայիլ Գալուզինը։ «Խաղաղության պայմանագրի ձեռքբերումը մեծապես կախված է կարգավորման բոլոր ուղիների առաջընթացից: Հենց դրան է ուղղված մեր աջակցությունը, այդ թվում՝ վիճելի հարցերին հավասարակշռված փոխզիջումային լուծումներ որոնելը, որոնք ձեռնտու կլինեն ինչպես Բաքվին, այնպես էլ Երևանին»,- նշել է Գալուզինը և պնդել, որ հինգշաբթի օրը Մոսկվայում կայացած բանակցությունները նպաստել են կողմերի միջև փոխըմբռնման բարելավմանը, մի շարք հարցերի շուրջ դիրքորոշումների մերձեցմանը: |azatutyun.am|
Արտաշատից դեպի Գառնի մրցումների մեկնող մարզիկները մայիսի 27-ին վթարի են ենթարկվել: Վթարի հետևանքով կա մեկ զոհ և յոթ վիրավոր: ՔԿ խոսնակ Գոռ Աբրահամյանի փոխանցմամբ՝ բախվել են «Վազ 2106» եւ մեկ այլ մակնիշի մեքենա։ «Վազ 2106»-ում են եղել մարզիկներն ու մարզիչները: Մահացել է մարզիկներից մեկի հայրը, որը նաև մարզիչ է եղել: Մարզիկներից երկուսի վիճակը ծանր է: Նախաձեռնվել է քրեական վարույթ։ |armenpress.am|
Մայիսի 26-ի՝ ժամը 19:00-ից որոնվող, մարտական հենակետեր սնունդ մատակարարող ՀՀ ԶՈՒ 2 զինծառայողներն են Հարություն Յուրիկի Հովագիմյանը և Կարեն Աշոտի Ղազարյանը: Ադրբեջանի կողմից նրանց ապօրինի առևանգման հանգամանքները բացահայտելու ուղղությամբ տարվում է լայնածավալ աշխատանք։ [ՀՀ ՊՆ խոսնակ]
Միջդիրքային ճանապարհին հայտնաբերվել է մայիսի 26-ին՝ ժամը 19:00-ից որոնվող ՀՀ ԶՈՒ 2 զինծառայողների կողմից շահագործվող թիկունքային մատակարարման ավտոմեքենան, որը բեռնված էր սննդով և ջրով՝ նախատեսված մարտական հենակետերի համար: Հայտնաբերված մեքենայում նաև առկա է զինծառայողներից մեկին ամրակցված զենքը, ինչը փաստում է, որ անգամ մեքենայից դուրս գալու և տեղանքում չկողմնորոշվելու դեպքում զինծառայողները չէին կարող դիվերսիոն նպատակներ ունենալ: Ադրբեջանի կողմից հայ զինծառայողների ապօրինի առևանգման հանգամանքները բացահայտելու ուղղությամբ տարվում է լայնածավալ աշխատանք: [ՀՀ ՊՆ խոսնակ]
Արցախի Հանրապետության նախագահ Արայիկ Հարությունյանը մայիսի 26-ին հրավիրել է Անվտանգության խորհրդի նիստ, որի օրակարգում Արցախի շուրջ ստեղծված ռազմաքաղաքական իրավիճակի հարցն է եղել։ ԱՀ նախագահի աշխատակազմից հաղորդում են, որ քննարկվել են արտաքին քաղաքական ու անվտանգային, ինչպես նաև շրջափակման հարուցած սոցիալական ու տնտեսական մարտահրավերներին առնչվող հարցեր: Նախագահը տվել է մի շարք հանձնարարականներ, որոնք վերաբերում են առկա հիմնախնդիրների լուծմանը՝ կարճաժամկետ և երկարաժամկետ կտրվածքով:
ՀՀ տարածքում ավտոճանապարհներն անցանելի են։ Գետափ-Մարտունի ավտոճանապարհի 7-րդ կմ-ին՝ Եղեգիս գետի վրա կառուցված կամրջի փլուզման վտանգով պայմանավորված՝ ճանապարհահատվածը միակողմանի երթևեկելի է։ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ [ՀՀ ՆԳՆ փրկարար ծառայություն]
Ապօրինի առևանգված երկու հայ զինծառայողները Ադրբեջանում կալանավորվել են
00:00 - 28 մայիսի, 2023Չավուշօղլուն Քըլըչդարօղլուին մեղադրել է Հայաստանին հաճոյանալու փորձի մեջ |armeniasputnik.am|
21:30 - 27 մայիսի, 2023Արտաշատ-Գառնի ճանապարհին տեղի ունեցած վթարից տուժածներից 4-ը վերակենդանացման բաժանմունքում են․ «Սուրբ Աստվածամայր» ԲԿ
20:14 - 27 մայիսի, 2023ՀՀ ԶՈՒ զինծառայողների անօրինական առևանգումը սեփական պարտավորություններից Ադրբեջանի հետ կանգնելու փորձ է. ԱԳՆ
19:10 - 27 մայիսի, 2023Վրաստանի վարչապետը մեկնաբանել է Ռուսաստանի հետ ուղիղ չվերթների վերականգնումը |armenpress.am|
18:36 - 27 մայիսի, 2023ՄԻՊ Անահիտ Մանասյանը հանդիպել է Խծաբերդ-Հին Թաղեր բնակավայրերի հատվածում գերեվարված զինծառայողների հարազատների հետ
18:22 - 27 մայիսի, 2023Սերբիայի պաշտպանության նախարարը դարձել է իշխող կուսակցության ղեկավար |armenpress.am|
17:31 - 27 մայիսի, 2023Վերջին զանգի օրը պահպանվող հատուկ տարածք է տարվել 112 մեքենա. 102-ը վարել են անչափահասներ
17:21 - 27 մայիսի, 2023Արցախցու համար ամենամեծ կոչումը իր երկրում ապրելն է․ Արցախի թեմի առաջնորդը՝ շրջանավարտներին
17:04 - 27 մայիսի, 2023Կիևը հակադարձում է Մոսկվային՝ ներկայացնելով խաղաղության դիմաց սեփական պահանջները |azatutyun.am|
17:00 - 27 մայիսի, 2023Ապօրինի առևանգված երկու հայ զինծառայողները Ադրբեջանում կալանավորվել են
00:00 - 28 մայիսի, 2023Չավուշօղլուն Քըլըչդարօղլուին մեղադրել է Հայաստանին հաճոյանալու փորձի մեջ |armeniasputnik.am|
21:30 - 27 մայիսի, 2023Արտաշատ-Գառնի ճանապարհին տեղի ունեցած վթարից տուժածներից 4-ը վերակենդանացման բաժանմունքում են․ «Սուրբ Աստվածամայր» ԲԿ
20:14 - 27 մայիսի, 2023ՀՀ ԶՈՒ զինծառայողների անօրինական առևանգումը սեփական պարտավորություններից Ադրբեջանի հետ կանգնելու փորձ է. ԱԳՆ
19:10 - 27 մայիսի, 2023Վրաստանի վարչապետը մեկնաբանել է Ռուսաստանի հետ ուղիղ չվերթների վերականգնումը |armenpress.am|
18:36 - 27 մայիսի, 2023ՄԻՊ Անահիտ Մանասյանը հանդիպել է Խծաբերդ-Հին Թաղեր բնակավայրերի հատվածում գերեվարված զինծառայողների հարազատների հետ
18:22 - 27 մայիսի, 2023Սերբիայի պաշտպանության նախարարը դարձել է իշխող կուսակցության ղեկավար |armenpress.am|
17:31 - 27 մայիսի, 2023Վերջին զանգի օրը պահպանվող հատուկ տարածք է տարվել 112 մեքենա. 102-ը վարել են անչափահասներ
17:21 - 27 մայիսի, 2023Արցախցու համար ամենամեծ կոչումը իր երկրում ապրելն է․ Արցախի թեմի առաջնորդը՝ շրջանավարտներին
17:04 - 27 մայիսի, 2023Կիևը հակադարձում է Մոսկվային՝ ներկայացնելով խաղաղության դիմաց սեփական պահանջները |azatutyun.am|
17:00 - 27 մայիսի, 2023