Մարդու իրավունքների պաշտպանի հանձնարարությամբ արագ արձագանքման խումբ է մեկնել Ոստիկանության Երևան քաղաքի վարչության Կենտրոնի բաժին մայրաքաղաքի Արամի փողոցում ակցիա իրականացնող մի քանի անձանց բերման ենթարկելու դեպքի առնչությամբ: Տեղի կունենան առանձնազրույցներ բերման ենթարկված քաղաքացիների հետ, կուսումնասիրվեն նրանց բերման ենթարկելու հիմքերն ու իրավունքների ապահովման վիճակը, ինչպես նաև այդ առնչությամբ կազմված փաստաթղթերը։[ՄԻՊ գրասենյակ]

Իսրայելն ու պաղեստինյան արմատական ՀԱՄԱՍ շարժումը համաձայնության են եկել Գազայի հատվածում մարդասիրական հրադադարը ևս երկու օրով երկարաձգելու շուրջ։ Այս մասին, ինչպես գրում է ՏԱՍՍ գործակալությունը, հայտնել է Կատարի ԱԳՆ պաշտոնական ներկայացուցիչ Մաջիդ բեն Մուհամմեդ ալ Անսարին։ |tert.am|

Հայաստանում էքստրեմալ տուրիզմը կարգավորող որևէ օրենք չկա, բայց գոյություն չունեցող իրավական պահանջները խախտելու համար մեղադրանք է առաջադրվել Դեբեդ գետի վրա ռաֆթինգ կազմակերպող ընկերության տնօրեն Վարդուհի Անանյանին, պնդում է վերջինիս փաստաբանը։ Ռետինե նավակում նկարահանող խմբից բացի, նաև հրահանգիչ է եղել, որը փորձել, բայց չէր կարողացել փրկել Արմինեին։ Փաստաբան Արտակ Ոսկանյանը աբսուրդ է համարում մեղադրանքը, նշելով, ռաֆթինգ կարելի է կազմակերպել միայն վարար գետի վրա։ Դա էքստրեմալ սպորտաձև է և Հայաստանում օրենքով սահմանված չափորոշիչներ ու պարտադիր պահանջներ չկան:

ԵՄ արտաքին գործողությունների ծառայության և Եվրոպական հանձնաժողովի ներկայացուցիչների պատվիրակությունն արդեն Հայաստանում է։ Այս մասին ՀՀ արտգործնախարարի տեղակալ Պարույր Հովհաննիսյանը գրել է X-ի միկրոբլոգում։ «Ուրախ եմ ողջունել Եվրոպական հանձնաժողովի և ԱԱԵԾ համատեղ փաստահավաք առաքելությունը` ուղղված Հայաստան-ԵՄ հարաբերությունների ամրապնդմանը։ Ակնկալում ենք արդյունքների վրա հիմնված և կենտրոնացած քննարկումներ գործընկերության մի շարք ոլորտներում»,– գրել է Հովհաննիսյանը։

Ոստիկանությունը Սարյան փողոցից բերման ենթարկեց նաեւ «Զանգ» շարժման նախաձեռնող խմբի անդամ Միքայել Նահապետյանին։

Հանդիպման ընթացքում Թուրքիայի ազգային պաշտպանության նախարար Յաշար Գյուլերը հայտարարել է․ «Ադրբեջան-Վրաստան-Թուրքիա հարաբերությունները ռազմավարական նշանակություն ունեն: Մենք աշխատում ենք Կովկասում կայունության համար։ Ադրբեջանն ազատագրել է իր հողերը օկուպացիայից։ Տարածաշրջանի երկրները կարող են ինքնուրույն լուծել իրենց խնդիրները։ Որպեսզի դա ցույց տանք միջազգային հանրությանը, մենք աջակցում ենք Երևանի և Բաքվի շփումներին։ Կարծում ենք, որ «3+3» հարթակը լավ ձևաչափ է խնդիրները խաղաղ ճանապարհով լուծելու համար։ Հայաստանը չի կարողանում ճիշտ գնահատել հնարավորությունը»։ |factor.am|

Այսօր Բաքվում եռակողմ հանդիպում է տեղի ունեցել Ադրբեջանի , Վրաստանի և Թուրքիայի պաշտպանության նախարարների միջև։Ինչպես հայտնում են ադրբեջանական լրատվամիջոցները, Ադրբեջանի ՊՆ-ից հայտնել են, որ քննարկվել է տարածաշրջանի անվտանգությանն առնչվող հարցրերը, ինչես նաև եռակողմ զորավարժությունների և վարժանքների շրջանակի ընդլայնման կարևորությունը։ |tert.am|

Բաքվի դատարանի կողմից շինծու մեղադրանքով 15 տարվա ազատազրկման դատապարտված արցախցի Վագիֆ Խաչատրյանը դատավճիռը բեկանելու վերաբերյալ բողոք է ներկայացրել վերաքննիչ դատարան։ [Վագիֆ Խաչատրյանի փաստաբան Ռադմիլա Աբիլովա]

Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար։ [ՆԳՆ ՓԾ]

Սամվել Բաբայանը նոյեմբերի 29-ին ներկայանալու է ԱԺ 44-օրյա պատերազմի հանգամանքներն ուսումնասիրող քննիչ հանձնաժողով։ Տեղեկությունը Factor.am-ին հայտնել են Բաբայանի մամուլի ծառայությունից։