Իլհամ Ալիևը, ըստ նախնական տվյալների, 92,6 տոկոս ձայներով հաղթում է նախագահական արտահերթ ընտրություններում։ Ադրբեջանի ԿԸՀ-ից հայտնել են, որ ժամը 19։00-ի դրությամբ ընտրություններին մասնակցել է ընտրության իրավունք ունեցողների 76,7 տոկոսը (շուրջ 5 միլիոն մարդ): Ալիևին հաղթանակի առթիվ արդեն շնորհավորել են Թուրքիայի նախագահ Ռեջեփ Թայիփ Էրդողանը, Ուզբեկիստանի, Հունգարիայի ղեկավարները։

Հայաստանի Հանրապետության թիվ մեկ հերոսը հարկ վճարող քաղաքացին է։ Առանց նրա չկա այս մարմինը, չկա պետություն, չկա բանակ, չկա զինվոր, ոչ մի բան չկա։ Հազար անգամ ներողություն, խոնարհումս մեր հերոսների առաջ․ եռաբլուրը հարկ վճարող քաղաքացու հիմնադրած պանթեոնն է։ [Նիկոլ Փաշինյան] |tert.am| |tert.am|

Հայաստանի վարչապետ Նիկոլ Փաշինյանը ԱԺ ամբիոնից լրագրողական աշխատանքը վերագրում է «իրենց» թափանցիկ գործելակերպին, ուստի ստիպված ենք կրկին հիշեցնել, որ ՔՊ նվիրատուների ցանկը կուսակցությունը «Ինֆոքոմին» տրամադրել է ընտրություններից շուրջ 5 ամիս անց՝ Ինֆորմացիայի ազատության կենտրոնի՝ ՔՊ-ի դեմ ներկայացված դատական հայցից հետո։ 

Ես ինքս էլ տեսել եմ հրապարակումը, մենք էլ կուսակցության ներսում քննարկում ենք այդ իրավիճակները․ Փաշինյանը՝ «Ինֆոքոմի» հետաքննության մասին: Նրա խոսքով «բնականաբար մտադիր են պարզաբանել, հասկանալ, թե ինչի մասին է խոսքը կամ ինչը ինչի համար է տեղի ունեցել»։

Այսօր՝ ժամը 08։55-ին հրդեհ է բռնկվել Երևանի Վարդաշեն թաղամասի 6-րդ փողոցում գտնվող ուսումնական հաստատության դասասենյակներից մեկում: Հրդեհը մեկուսացվել է ժամը 09:11-ին, մարվել՝ 09:18-ին: Դասասենյակում այրվել է գույք: [ՆԳՆ ՓԾ]

Մենք չենք զրկում որևէ մեկին մանդատից, որովհետև նրան չենք սիրում, մենք չենք զրկում որևէ մեկին ավագանու մանդատից, որովհետև նա քաղաքային իշխանություններին շատ է քննադատում, մենք զրկում ենք ավագանու այն անդամներին որոնք ամենաշատը չեն մասնակցել քվեարկություններին: Օրենքն ասում է՝ բոյկոտե՛ք այնքան, մինչև 50 տոկոս քվեարկություններին մասնակցելը: Խնդրեմ, այն 50 տոկոսը բոյկոտեք, բայց բոյկոտի այդ անձրևանոցի տակ անգործություն մի՛ դարձրեք, որովհետև ավագանու անդամ լինելը պարտականություն է։ [Երևանի քաղաքապետ Տիգրան Ավինյան]

ԱԺ-ում քննարկվում է ՔՊ խմբակցության պատգամավորների հեղինակած ընտանեկան բռնության վերաբերյալ նախագծերի փաթեթը։ Գեղամ Նազարյանն առաջարկեց, որ հստակ նշվի, որ զուգընկերն արական և իգական սեռի ներկայացուցիչներն են, Զարուհի Բաթոյանն արձագանքեց․ «Մենք իրավասու չենք սահմանելու, թե մարդիկ ում են ընտրում իրենց զուգընկեր։ Ում էլ ընտրեն, ով էլ լինի այդ զուգընկերը, արգելվում է բռնությունը․․․ Հայաստանի Սահմանադրությունն ու գործող օրենսգիրքը որևէ մեկին չեն արգելում ազատորեն ընտրել իր զուգընկերոջը»։

«Ոսկու աշխարհ» առևտրի կենտրոնը անորոշ ժամանակով փակվել է. հայտնաբերվել են հրդեհային անվտանգության պահանջներին առնչվող խախտումներ: Այս մասին news.am-ին հայտնել են Քաղաքաշինության, տեխնիկական և հրդեհային անվտանգության տեսչական մարմնից՝ հավելելով, որ սեփականատեր Վաղարշ Աբրահամյանը վերստուգումներ անցկացնելու խնդրանքով դիմում է ներկայացրել՝ հավաստիացնելով, որ խախտումներն արդեն շտկվել են:

Հայկ Մարությանին զրկեցին Երևանի ավագանու մանդատից․ որոշումը քիչ առաջ կայացրեց Երևանի ավագանին։ «Հայկ Մարությանը 42 քվեարկություններից ներկա է եղել 0 քվեարկությունների»,- նախագիծը ներկայացնելիս ասաց ՔՊ խմբակցությունից Արմեն Գալջյանը՝ հավելելով, որ Մարությանը չի մասնակցել ո՛չ ավագանու նիստերին, ո՛չ հանձնաժողովի, ինչը օրենքով հիմք է մանդատից զրկելու համար։ Մեկ այլ որոշմամբ մանդատից զրկվեց նաև Նարինե Հայրապետյանը։

Հայկական կողմը հնարավոր է համարում մարտին Շվեյցարիայում Հայաստանի և Ադրբեջանի ԱԺ խոսնակների հանդիպումը՝ հավելելով, որ նման առաջարկ չեն ստացել։ Այս մասին Sputnik Արմենիայի հարցմանն ի պատասխան հայտնել են ԱԺ նախագահ Ալեն Սիմոնյանի գրասենյակից։ «Նման ձևաչափի հանդիպում ունենալը մեզ համար քննարկելի է»,- ասել են մամուլի ծառայությունից։