Մինչեւ 2025 թվականի հունվարի 1-ը Երեւանում գործարկվելու են միասնական տոմսային համակարգի վճարման միայն երկու ձեւ՝ էլեկտրոնային QR տոմս եւ ֆիզիկական QR տոմս։  «Ինֆոքոմ»-ի գրավոր հարցմանն ի պատասխան՝ հայտնել են Երեւանի քաղաքապետարանից։ Միասնական տոմսային համակարգի ներդրմամբ քաղաքային իշխանությունն ի սկզբանե վճարման բազմազանություն էր խոստանում։ Այսօր, սակայն, նշում է՝ վճարման մնացյալ ձեւերը նպատակահարմար է կիրառել տարբերակված տոմսային փաթեթների առկայության դեպքում։ Տոմսային փաթեթներն էլ, ինչպես հայտնի է, սկսելու են գործել 2025 թ․ հունվարի 1-ից։

Կալանավորվել են Շիրակի մարզպետարանի կրթության վարչության պետ Հրայր Կարապետյանը և Գյումրիի դպրոցներից մեկի տնօրենը, նույն դպրոցի փոխտնօրենը ձերբակալված է: Քննվող քրեական վարույթը կաշառք ստանալու և կաշառք տալու վերաբերյալ է։ [Հակակոռուպցիոն կոմիտե] |1lurer.am|

Զելենսկին հայտնել է Կուրսկում ռուսական ուժերի հակահարձակման մասին։ «Ռուսները սկսել են հակահարձակողական գործողությունները։ Այն ընթանում է մեր ուկրաինական ծրագրի համաձայն։ Ինչ վերաբերում է Բելառուսին, մենք նկատել ենք ուժերի կուտակում։ Դա երկար ժամանակ ենք տեսնում, այդ գործընթացը վերահսկելի է», - նշել է Զելենսկին Կիևում Լիտվայի նախագահ Գիտանաս Նաուսեդայի հետ մամուլի համատեղ ասուլիսում։ |azatutyun.am|

SpaceX-ը բաց տիեզերք դուրս բերեց առաջին մասնավոր անձին։ Միլիարդատեր Ջարեդ Այզեկմանը այսօր դուրս եկավ Dragon տիեզերանավից և մի քանի րոպե մնալով բաց տիեզերքում վերադարձավ տիեզերանավ։ Այդ պահին Dragon-ը գտնվում էր երկրից ավելի քան 700 կիլոմետր հեռավորության վրա և ուներ ժամում 25 հազար կիլոմետր արագություն։ Նախկինում բաց տիեզերք էին դուրս եկել միայն պրոֆեսիոնալ տիեզերագնացները։ |azatutyun.am|

«Դալմա Գարդեն մոլ» և «Ռոսիա մոլ» առևտրի կենտրոններում ռուբի առկայության մասին կեղծ ահազանգեր են եղել։ Այս մասին հայտնել են ՆԳՆ-ից՝ չպատասխանելով, սակայն, արդյո՞ք առևտրի կենտրոնններում գտնվող աշխատակիցներն ու քաղաքացիները տարհանվել են, թե՝ ոչ։ |factor.am|

Իսրայելական զորքերը ռմբակոծել են ՄԱԿ-ի կողմից ղեկավարվող Ալ-Ջաունի դպրոցը Գազայի հատվածի կենտրոնում, ինչի հետևանքով զոհվել է առնվազն 18 մարդ: Պայթյունի զոհերից վեցը Պաղեստինի փախստականների հարցերով ՄԱԿ-ի գործակալության՝ UNRWA-ի աշխատակիցներ են։ Նրանց թվում էր նաև մանկատան դպրոցի տնօրենը։ |news.am| |news.am|

Ադրբեջանի ՊՆ հաղորդագրությունը, թե իբր սեպտեմբերի 12-ին՝ ժամը 00։15-01։05-ի սահմաններում, ՀՀ ԶՈՒ ստորաբաժանումները կրակ են բացել սահմանագոտու հարավարևմտյան հատվածում տեղակայված ադրբեջանական դիրքերի ուղղությամբ, չի համապատասխանում իրականությանը։ [ՀՀ ՊՆ]

ՌԴ ԱԳ փոխնախարար Միխայիլ Գալուզինը և Հայաստանի հետ հարաբերությունների կարգավորման հարցերով Թուրքիայի հատուկ ներկայացուցիչ Սերդար Քըլըչը քննարկել են Հարավային Կովկասում խաղաղության հասնելու ուղիները։ ՌԴ ԱԳՆ–ն հայտնում է, որ երկուստեք հետաքրքրություն են հայտնել նաև «3+3» տարածաշրջանային ձևաչափի շրջանակում համագործակցության վերաբերյալ։ |arm.sputniknews.ru|

Սեպտեմբերի 12-ից նախատեսվում է Իսակովի պողոտա – Աթենքի փողոց – Հաղթանակի կամուրջ խաչմերուկում երթևեկության կազմակերպման փոփոխություն: Հաղթանակի կամրջի 2 երթևեկելի գոտիներից կթույլատրվի կատարել աջ շրջադարձ, մյուս 2 երթևեկելի գոտիներից կթույլատրվի կատարել ձախ շրջադարձ: Աթենքի փողոցում՝ դեպի Ծիծեռնակաբերդի խճուղի ուղղությամբ կազմակերպված հետիոտնային անցումը կտեղափոխվի Իսակովի պողոտայի սկզբնամաս: [Երևանի քաղաքապետարան]

Քանի դեռ իրավիճակը տարածաշրջանում ամբողջությամբ չի կարգավորվել, ռուս սահմանապահների դուրսբերումն Իրանի և Թուրքիայի հետ սահմաններից անտեղի է Հայաստանի անվտանգության տեսանկյունից։ ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով ՀՀ ԱԺ նախագահ Ալեն Սիմոնյանի հայտարարությունը, որ Հայաստանի իշխանությունները պետք է մտածեն Իրանի և Թուրքիայի հետ սահմաններին ռուս սահմանապահների ներկայության նպատակահարմարության շուրջ: «Այնպիսի տպավորություն է, որ Ալեն Ռոբերտովիչն այքնան էլ ուշադիր չի հետևել Նիկոլ Փաշինյանի մամուլի ասուլիսին։ 1992 թվականին Հայաստանում ռուս սահմանապահների ներկայությունը կարգավորող հիմնական փաստաթուղթը հանրապետությունում ռուսական սահմանապահ զորքերի կարգավիճակի մասին անժամկետ պայմանագիրն է։ Ռուս սահմանապահները բազմիցս ապացուցել են իրենց ներկայության կարևորությունը», - ճեպազրույցի ժամանակ ասել է Զախարովան: |azatutyun.am| |azatutyun.am|