ՀՀ ԱԳՆ-ն դատապարտում է Ադրբեջանի սադրիչ գործողությունները և արձանագրում, որ դրանք կրում են պլանավորված բնույթ և տարածաշրջանում իրադրությունը շարունակաբար սրելու նպատակ ունեն: Ադրբեջանի ԶՈՒ ստորաբաժանումները ս.թ. մայիսից ապօրինի կերպով ներխուժել են ՀՀ ինքնիշխան տարածք և օկուպացրել ավելի քան 40 քառակուսի կիլոմետր տարածք: Այսօրվա միջադեպը տեղի է ունեցել օկուպացված այդպիսի հատվածներից մեկում: Մինչ օրս Ադրբեջանը չի արձագանքել զորքերի հայելային հետքաշման մասին ՀՀ առաջարկին, որը նոյեմբերի 26-ին ադրբեջանական կողմին է փոխանցվել նաև գրավոր: ՀՀ-ն Ադրբեջանին կոչ է անում զերծ մնալ սադրիչ հռետորաբանությունից և գործողություններից: [ԱԳՆ]
Մոսկվայում կայացել է տարածաշրջանային խորհրդակցական հարթակի ձևավորմանն ուղղված առաջին հանդիպումը, որին մասնակցել են ՀՀ, ՌԴ, Իրանի, Ադրբեջանի, Թուրքիայի ներկայացուցիչները՝ ԱԳ նախարարի տեղակալների մակարդակով։ Քննարկվել են հնարավոր համագործակցության շրջանակները, որոնք ներառել են տնտեսության, տրանսպորտի, մշակույթի և հումանիտար բնագավառներին վերաբերող հարցեր։ Վահե Գևորգյանը վերահաստատել է հայկական կողմի դիրքորոշումը, որ հարթակի օրակարգը պետք է միտված լինի տարածաշրջանային համագործակցության փոխշահավետ և փոխընկալելի օրակարգի ձևավորմանը՝ զերծ մնալով միջազգային այլ հարթակների, այդ թվում՝ հակամարտությունների կարգավորման մանդատ ունեցող ձևաչափերի գործունեության կրկնորդումներից։ [ԱԳՆ]
Մենք հանձնառու ենք ՀՀ-ում ժողովրդավարության ամրապնդմանը՝ ժողովրդավարական ինստիտուտների հզորացման միջոցով: Մենք ծրագրում ենք կառավարման բարեփոխումներ և այնպիսի քաղաքականությունների իրականացում, որոնք կձևավորեն հավատ ինչպես ՀՀ-ում, այնպես էլ արտերկրի մեր գործընկերների շրջանակներում։ Մինչև 2026 թվականը մենք նպատակ ունենք հասնել համեմատական ցուցանիշների շարունակական բարելավումների՝ մասնավորապես Համաշխարհային բանկի Կառավարման համաշխարհային ցուցիչի 50 միավորից հասնել 60-ի, և Թրանսփարենսի Ինթերնեշնլի կոռուպցիայի ընկալման ինդեքսի 49 միավորից՝ 60-ի: [Նիկոլ Փաշինյանի ելույթը՝ «Հանուն ժողովրդավարության» համաժողովին]
Քննությամբ պարզվել է, որ Վարդենիս համայնքի նախկին ղեկավարը, նպատակադրվելով ակնհայտ կեղծ տվյալների օգտագործմամբ, խաբեության եղանակով պետական բյուջեի միջոցներից խարդախությամբ գումարներ հափշտակել, կազմակերպել և խմբի կազմում իրագործել է պետության կողմից անապահով ընտանիքներին որպես նպաստ հատկացվող դրամական օգնության գումարներից առանձնապես խոշոր չափերով գումարի հափշտակություն: Նախնական տվյալներով՝ պետությանը պատճառված վնասը կազմում է ավելի քան 231մլն ՀՀ դրամ գումար։ [ՔԿ]
Դեկտեմբերի 10-ին ՀՀ արևելյան ուղղությամբ (Գեղարքունիքի մարզ) Ադրբեջանի ԶՈՒ ստորաբաժանումների ձեռնարկած նախահարձակ գործողություններին դիմակայելու ընթացքում զոհվել է ՀՀ ՊՆ N զորամասի ժամկետային զինծառայող, շարքային Վահե Վաղարշակի Մանասերյանը (ծնվ. 2002թ.)։ Եվս ութ զինծառայող վիրավոր է։ Վեց զինծառայողի վիճակը գնահատվում է ծանր, մյուս երկուսինը, համապատասխանաբար, միջին և թեթև։ [ՊՆ]
Նոյեմբերի 30-ին տարածվել էր օգտատեր Ռոման Բաղդասարյանի ուղիղ եթերից հատված, որտեղ նա մեղադրում էր Արցախի ՊԲ-ին և սպաներին պատերազմի ընթացքում կատարած սպանությունների, սպանությունների հրամաններ տալու և Մատաղիսում 200 մարդ սպանելու մեջ։ Դեկտեմբերի 3-ին էլ ֆեյսբուքյան մի կեղծ օգտատեր տեսանյութ էր տարածել, որտեղ երևում էր, թե ինչպես է մի սպա ծեծում և խոշտանգում երկու զինվորների։ Նա տեսանյութին կից գրել էր, թե «սա մեծ ապացույց է Ռոման Բաղդասարյանի համար»: Տարածվող տեսանյութը, սակայն, նոր կամ վերջին ժամանակների չէ, որևէ առնչություն չունի և չի կարող ապացույց լինել Ռոման Բաղդասարյանի խոսքերին, քանի որ այն 10 տարվա վաղեմության է, իսկ տեսանյութում բռնություն գործադրող սպան դատապարտվել է կատարած արարքի համար։
«Հայաստան» խմբ․ պատգամավորներ Մխիթար Զաքարյանը և Արթուր Սարգսյանն ազատ արձակվեցին «Վարդաշեն» քրեակատարողական հիմնարկից: ՍԴ-ն բավարարել է «Հայաստան» խմբակցության պատգամավորների դիմումը՝ արձանագրելով, որ անազատության մեջ գտնվող, պատգամավորի կարգավիճակ չունեցող անձը պատգամավորի կարգավիճակ ձեռք բերելու պահից, չի կարող պահվել անազատության մեջ: Մխիթար Զաքարյանը մեղադրվում է խուլիգանության, Արթուր Սարգսյանը՝ պաշտոնեական լիազորությունները չարաշահելու և պաշտոնեական կեղծիք կատարելու համար: Նրանք չեն ընդունում իրենց մեղադրանքները: |armenpress.am|
Մայիսի 13-ին Ն․ Փաշինյանը հայտնել էր, որ ՀՀ սահմաններից ներս գտնվում են շուրջ 250 ադրբեջանցիներ, իսկ նույն ամսվա 20-ին նա այլ թիվ էր ասել՝ 500-600։ Վարչապետի աշխատակազմը եւ ՊՆ-ն, սակայն, չեն ուզում հստակեցնել՝ վարչապետին ո՞ր գերատեսչությունն է ՀՀ ինքնիշխան տարածքում գտնվող ադրբեջանցիների թիվ տրամադրել։ Վարչապետի աշխատակազմից հայտնել են՝ Փաշինյանի հայտարարությանը հավելելու բան չկա, իսկ ահա ՊՆ-ն, հավատարիմ մնալով լրատվամիջոցների հետ աշխատանքում իր որդեգրած գործելաոճին, դարձյալ ըստ էության չի պատասխանել Infocom.am-ի գրավոր հարցմանը․ «Վարչապետին օպերատիվ իրավիճակի վերաբերյալ տեղեկատվությունը տրամադրվում է տարբեր խողովակներից, այդ թվում նաեւ պաշտպանական գերատեսչությունից»,- այսպես են պատասխանել հարցին։
Դեկտեմբերի 11-ից Ռուբինյանց փողոցից («Երևան Սիթի» սուպերմարկետի կողմից) ձախ շրջադարձով դեպի Պարույր Սևակի փողոց տրանսպորտային միջոցների երթևեկությունը ձախ եզրային 4-րդ երթևեկելի գոտուց կկազմակերպվի Տ2 տիպի լուսացույցի միջոցով: Միաժամանակ՝ լուսացույցների ազդանշանների տեսանելիությունը բարելավելու նպատակով նշված խաչմերուկում Ռուբինյանց փողոցի տրանսպորտային լուսացույցները երթևեկելի մասի աջ կողմից կտեղափոխվեն և կտեղակայվեն երթևեկելի մասի վերևի հատվածում: [ՀՀ ոստիկանություն]
Ադրբեջանական իշխանությունները գործում են միջազգային կանոնների հանցավոր խախտումներով և պատասխանատվություն են կրում այսօր՝ դեկտեմբերի 10-ին, Գեղարքունիքի մարզի Սոթքից Վերին Շորժա հատվածներում ադրբեջանական զինված հարձակումների հետևանքով ՀՀ զինծառայողներին հրազենային վիրավորումներ հասցնելու, նրանցից մեկին սպանելու՝ կյանքի իրավունքը դիտավորությամբ խախտելու համար: [ՀՀ ՄԻՊ]
Շիրակի մարզպետն ընդունել է Կարմիր խաչի միջազգային ֆեդերացիայի գլխավոր քարտուղարի գլխավորած պատվիրակությանը
22:55 - 10 դեկտեմբերի, 2021ՌԴ և Թուրքիայի փոխարտգործնախարարները քննարկել են Լեռնային Ղարաբաղում հուսալի կարգավորման խնդիրները. ՌԴ ԱԳՆ |tert.am|
22:41 - 10 դեկտեմբերի, 2021Ադրբեջանը պետք է ազատ արձակի հայ գերիներին. իտալացի 26 խորհրդարանականների կոչը |armenpress.am|
22:20 - 10 դեկտեմբերի, 2021Հայաստանն Ադրբեջանին կոչ է անում զերծ մնալ սադրիչ հռետորաբանությունից և գործողություններից. ԱԳՆ հայտարարությունը
21:54 - 10 դեկտեմբերի, 2021Դատապարտյալների հիվանդանոցում բուժում է ստանում կորոնավիրուսով վարակված 42 անձ
21:49 - 10 դեկտեմբերի, 2021ԱՄՆ-ը 20 միլիոն դոլարի օգնություն կտրամադրի Ուկրաինայի սահմանների ամրապնդման համար |tert.am|
20:54 - 10 դեկտեմբերի, 2021Երկու անձի մեղադրանք է առաջադրվել պետհամարանիշներ հափշտակելու և վերադարձի գումար պահանջելու համար
20:52 - 10 դեկտեմբերի, 2021Աշխատանքային այցով Վրաստանում գտնվող Հայաստանի ոստիկանապետին ընդունել է վարչապետ Ղարիբաշվիլին
20:47 - 10 դեկտեմբերի, 2021Ընդդիմության կողմից շրջանառության մեջ է դրվել նախագիծ, որով պահանջում են ԱԺ նախագահի հրաժարականը․Ալեն Սիմոնյան
20:43 - 10 դեկտեմբերի, 2021Խորհրդակցական հարթակի օրակարգը պետք է միտված լինի տարածաշրջանային համագործակցության ձևավորմանը. ՀՀ ԱԳ նախարարի տեղակալ
20:27 - 10 դեկտեմբերի, 2021Շիրակի մարզպետն ընդունել է Կարմիր խաչի միջազգային ֆեդերացիայի գլխավոր քարտուղարի գլխավորած պատվիրակությանը
22:55 - 10 դեկտեմբերի, 2021ՌԴ և Թուրքիայի փոխարտգործնախարարները քննարկել են Լեռնային Ղարաբաղում հուսալի կարգավորման խնդիրները. ՌԴ ԱԳՆ |tert.am|
22:41 - 10 դեկտեմբերի, 2021Ադրբեջանը պետք է ազատ արձակի հայ գերիներին. իտալացի 26 խորհրդարանականների կոչը |armenpress.am|
22:20 - 10 դեկտեմբերի, 2021Հայաստանն Ադրբեջանին կոչ է անում զերծ մնալ սադրիչ հռետորաբանությունից և գործողություններից. ԱԳՆ հայտարարությունը
21:54 - 10 դեկտեմբերի, 2021Դատապարտյալների հիվանդանոցում բուժում է ստանում կորոնավիրուսով վարակված 42 անձ
21:49 - 10 դեկտեմբերի, 2021ԱՄՆ-ը 20 միլիոն դոլարի օգնություն կտրամադրի Ուկրաինայի սահմանների ամրապնդման համար |tert.am|
20:54 - 10 դեկտեմբերի, 2021Երկու անձի մեղադրանք է առաջադրվել պետհամարանիշներ հափշտակելու և վերադարձի գումար պահանջելու համար
20:52 - 10 դեկտեմբերի, 2021Աշխատանքային այցով Վրաստանում գտնվող Հայաստանի ոստիկանապետին ընդունել է վարչապետ Ղարիբաշվիլին
20:47 - 10 դեկտեմբերի, 2021Ընդդիմության կողմից շրջանառության մեջ է դրվել նախագիծ, որով պահանջում են ԱԺ նախագահի հրաժարականը․Ալեն Սիմոնյան
20:43 - 10 դեկտեմբերի, 2021Խորհրդակցական հարթակի օրակարգը պետք է միտված լինի տարածաշրջանային համագործակցության ձևավորմանը. ՀՀ ԱԳ նախարարի տեղակալ
20:27 - 10 դեկտեմբերի, 2021