Դեկտեմբերի 2-ին՝ տեղական ժամանակով ժամը 19:33-ին (Գրինվիչի ժամանակով ժամը՝ 15:33-ին), Հայաստան-Իրան սահմանային գոտում Մեղրի քաղաքից 7 կմ հյուսիս-արևելք, օջախի 10 կմ խորությամբ, գրանցվել է 2.8 մագնիտուդով երկրաշարժ: Էպիկենտրոնային գոտում ստորգետնյա ցնցման ուժգնությունը կազմել է 3-4 բալ: Երկրաշարժը զգացվել է Սյունիքի մարզի Մեղրի և Ագարակ քաղաքներում, Ալվանք, Նռնաձոր, Շվանիձոր գյուղերում` 3 բալ, ինչպես նաև Կապան քաղաքում՝ 2-3 բալ ուժգնությամբ։ [ԱԻՆ]
ԱԺ արտաքին հարաբերությունների մշտական հանձնաժողովի նախագահ Էդուարդ Աղաջանյանն անդրադարձել է Ալմաթիի հռչակագրի հետ կապված Սերգեյ Լավրովի հայտարարությանը՝ նշելով․ «Կարծում եմ՝ կարիք չկա մեկնաբանելու Լավրովի հայտարարությունը: ՀՀ դիրքորոշումը բանակցությունների վերաբերյալ և ՌԴ-ի հետ բանակցությունների ընթացքը, մանրամասները և դետալները հրապարակվել են: Կարծում եմ, որ ո՛չ Սերգեյ Լավրովն է որևէ նոր բան ասել, ո՛չ ես կարող եմ ավելացնել։ Կարծում եմ՝ Հայաստանի կողմից Ալմաթիի հռչակագրին հղում տալով՝ որևէ հնարավորություն չի կորսվել, դրա արդյունքում չի նշանակում, որ տևական ժամանակ անց հնարավորություն չի լինի կարգավիճակին անդրադառնալ։ Իրականում, հետագային թողնելու առաջարկը եղել է Ռուսաստանի կողմից, դրան հայկական կողմը համաձայնել է»:
Կովկասյան բանակցությունների գծով ավագ խորհրդական Ֆիլիպ Ռիկերը տեսաուղերձ է հղել՝ նշելով, որ ԱՄՆ-ն ամենաբարձր մակարդակում՝ ի դեմս պետքարտուղար Բլինքենի և խորհրդական Ջեք Սալիվանի, ներգրավված է և աջակցում է հայ-ադրբեջանական ուղիղ բանակցություններին։ «Մենք հանձնառու ենք Հարավային Կովկասում խաղաղ ապագայի ապահովմանը։ Խորապես հավատացած ենք, որ շարունակական ուղիղ երկխոսությունը (այսինքն՝ ոչ թե ռազմական գործողությունը, այլ դիվանագիտությունը) առանցքային է խնդիրների կարգավորման և համապարփակ, տևական խաղաղության և բարեկեցության հասնելու հարցում։ Բոլորս էլ գիտակցում ենք, որ սա դյուրին չէ, սակայն ես ցանկանում եմ կրկնել պետքարտուղար Բլինքենի դիտարկումը Միրզոյանի և Բայրամովի հետ հանդիպման ժամանակ. նա ասաց՝ ԱՄՆ-ն հանձնառու է անելու ամեն ինչ կայուն խաղաղության հաստատման ձեր ջանքերին աջակցելու համար»։
Վերջին շրջանում կրկին ակտիվացել են Լեռնային Ղարաբաղի Հանրապետության կարգավիճակի վերաբերյալ տարատեսակ քննարկումները, մեկնաբանությունները, կարծիքները, ինչն օբյեկտիվ գործընթաց է՝ հաշվի առնելով ադրբեջանա-ղարաբաղյան հակամարտության կարգավորման գործընթացում այս հարցի առանցքային բնույթը։ Արցախը չի լինելու Ադրբեջանի կազմում։ Հայաստանի և Ադրբեջանի միջև հարաբերությունների կարգավորումը, այդ թվում՝ երկու երկրների միջև սահմանների հարցի լուծումը, չի կարող և չպետք է կապված լինի Արցախի կարգավիճակի հետ։ Ադրբեջանի տարածքային ամբողջականությունը ոչ մի առնչություն չունի Լեռնային Ղարաբաղի Հանրապետության և նրա կարգավիճակի հետ։ [Արցախի ԱԳՆ]
«Բաց հասարակության հիմնադրամներ - Հայաստան»-ը դադարեցնում է իր գործունեությունը որպես «Բաց հասարակության հիմնադրամներ» կազմակերպության ցանցի մաս։ 2023 թ․-ին կստեղծվի լիովին նոր, անկախ, տեղական կառույց, որի գործունեության ուղղությունների և ռազմավարության մասին կտեղեկացվի լրացուցիչ։ Այս նոր կառույցը մինչև 2025թ․-ը նվազող ֆինանսավորում կստանա գլոբալ հիմնադրամից։ «Բաց հասարակության հիմնադրամներ»-ը սկսել է գործունեությունը ՀՀ-ում 1997 թ․ -ին և մինչև օրս ավելի քան 63 միլիոն ԱՄՆ դոլարի ծրագրային աջակցություն է տրամադրել Հայաստանին՝ օժանդակություն ցուցաբերելով քաղաքացիական հասարակության խմբերի լայն շրջանակի, ներառյալ՝ հետաքննող լրագրողների, իրավապաշտպանների, ընտրություններն ու հանրային ծախսերը մշտադիտարկող կազմակերպությունների: [«Բաց հասարակության հիմնադրամներ - Հայաստան»-ի հայտարարությունը]
Արարատ Միրզոյանը ԵԱՀԿ գործող նախագահ Զբիգնև Ռաուին հետ հանդիպմանը կարևորվել է ԵԱՀԿ կարիքների գնահատման առաքելությունը Հայաստանում՝ հույս հայտնելով, որ այն կնպաստի լարվածության նվազմանն ու կայունության հաստատմանը: Նա ընդգծել է, որ ՀՀ ինքնիշխան տարածքներից ադրբեջանական ԶՈՒ դուրսբերումն ու առկա հումանիտար բնույթի խնդիրների հասցեագրումը հայկական կողմի համար առաջնահերթություններ են: Նախարար Միրզոյանը ներկայացրել է նաև Հարավային Կովկասում անվտանգության և խաղաղության հասնելու վերաբերյալ հայկական կողմի մոտեցումները։ [ՀՀ ԱԳՆ]
Հանդիպում են ունեցել Հայաստանի և Հունգարիայի ԱԳ նախարարները։ Արարատ Միրզոյանը և Պետեր Սիյարտոն պայմանավորվածություն են ձեռք բերել վերականգնելու լիարժեք դիվանագիտական հարաբերությունները՝ մտադրություն հայտնելով նոր էջ բացել հայ-հունգարական հարաբերություններում՝ հիմնված փոխադարձ վստահության և միջազգային իրավունքի նկատմամբ հարգանքի վրա։ Ի շարունակություն հանդիպման՝ երկու կառավարությունները ոչ ռեզիդենտ դեսպաններ կնշանակեն՝ ուսումնասիրելու հարաբերությունների զարգացման հնարավորությունները, հատկապես առևտրի, մշակույթի, կրթության և զբոսաշրջության ոլորտներում: [ՀՀ ԱԳՆ]
Չնայած ադրբեջանական կողմի հաճախակի սադրանքներին, մենք չենք դադարեցրել հարաբերությունների կարգավորման, բոլոր տրանսպորտային և տնտեսական կապերի ապաշրջափակման, սահմանազատման և սահմանայինանվտանգության վերաբերյալ մեր բանակցությունները։ Թույլ տվեք հստակ արձանագրել, որ Հայաստանը պատրաստ է ձեռնամուխ լինելու հաղորդակցության ուղիների ապաշրջափակմանը, երբ Ադրբեջանը համաձայնի, որ բոլոր ճանապարհները պետք է լիովին գործեն մեր ինքնիշխանության, տարածքային ամբողջականության և ազգային օրենսդրության ներքո։ [Արարատ Միրզոյանի ելույթը ԵԱՀԿ նախարարների խորհրդի 29-րդ նիստում]
ՀՀ ԱԳ նախարարը հանդիպել է ԵՄ արտաքին գործերի ու անվտանգության քաղաքականության հարցերով Բարձր ներկայացուցիչ Ժոզեպ Բորելին։ Զրուցակիցները գոհունակություն են հայտնել Հայաստան-Եվրամիություն գործընկերության դինամիկ զարգացման կապակցությամբ, մտքեր փոխանակել երկկողմ օրակարգի ընդլայնման շուրջ: ՀՀ ԱԳ նախարարն շեշտել է, որ Ադրբեջանի ոչ կառուցողական դիրքորոշումն ու առավելապաշտական նկրտումները խոչընդոտում են խաղաղության հասնելու նպատակով գործադրվող ջանքերին և նպաստում էսկալացիայի հավանականության բարձրացմանը: Շեշտվել է ՀՀ ինքնիշխան տարածքի նկատամամբ ադրբեջանական ագրեսիաների հետևանքների վերացման անհրաժեշտությունը: Զրուցակիցները կարևորել են ԵՄ դիտորդական առաքելության տեղակայումը Հայաստանում և քննարկել դրա գործունեությանը վերաբերող հարցեր: [ՀՀ ԱԳՆ]
Նիկոլ Փաշինյանն ու Ֆիլիպ Ռիքերը քննարկել են ԼՂ հիմնախնդրին, այդ թվում՝ Ստեփանակերտի և Բաքվի միջև քննարկումների միջազգային մեխանիզմի ձևավորմանը վերաբերող հարցեր: Մտքեր են փոխանակվել Հայաստան-Ադրբեջան հարաբերությունների կարգավորման, տարածաշրջանային կայունությանն ու անվտանգությանն առնչվող այլ թեմաների շուրջ: Զրուցակիցներն անդրադարձել են նաև հայ-ամերիկյան ռազմավարական երկխոսության շրջանակում համագործակցությանը վերաբերող հարցերի: Կարևորվել է ԱՄՆ շարունակական աջակցությունը՝ Հայաստանում ժողովրդավարական բարեփոխումների արդյունավետ իրականացման գործում:
Պորտուգալիան և Կորեան փլեյ-օֆֆում են |tert.am|
21:25 - 02 դեկտեմբերի, 2022Ռուսական զորախմբի պատասխանատվության գոտում միջադեպեր չեն գրանցվել |armenpress.am|
21:10 - 02 դեկտեմբերի, 2022Հայաստանի բարձրադիր գոտիներում և Դիլիջանի ոլորաններում մառախուղ է
21:05 - 02 դեկտեմբերի, 2022Երկրաշարժ Մեղրիից 7 կմ հյուսիս-արևելք. զգացվել է Սյունիքի մարզի մի շարք համայնքներում
20:19 - 02 դեկտեմբերի, 2022ՀՀ ԱԳ նախարարի տեղակալը և Եգիպտոսի նորանշանակ դեսպանը քննարկել են տարածաշրջանային և միջազգային օրակարգի խնդիրներ
19:56 - 02 դեկտեմբերի, 20222018-2022 թթ. համայնքներում իրականացվել է շուրջ 90 մլրդ դրամ արժեքով 1897 սուբվենցիոն ծրագիր. ՀՀ վարչապետին է ներկայացվել ՏԿԵՆ կատարողականը
19:24 - 02 դեկտեմբերի, 2022Պուտինը հեռախոսազրույց է ունեցել Շոլցի հետ |armenpress.am|
18:02 - 02 դեկտեմբերի, 2022Ալմաթիի հռչակագրին հղում տալը չի նշանակում, որ հնարավորություն չի լինի Արցախի կարգավիճակին անդրադառնալ. Աղաջանյան |armenpress.am|
17:20 - 02 դեկտեմբերի, 2022ԱՄՆ-ն ամենաբարձր մակարդակում ներգրավված է և աջակցում է հայ-ադրբեջանական ուղիղ բանակցություններին․ Ֆիլիպ Ռիկեր
17:14 - 02 դեկտեմբերի, 2022Սուրեն Պապիկյանը ԳՇ պետի և Լոռու մարզպետի ուղեկցությամբ այցելել է բանակային զորամիավորումներից մեկը
17:06 - 02 դեկտեմբերի, 2022Պորտուգալիան և Կորեան փլեյ-օֆֆում են |tert.am|
21:25 - 02 դեկտեմբերի, 2022Ռուսական զորախմբի պատասխանատվության գոտում միջադեպեր չեն գրանցվել |armenpress.am|
21:10 - 02 դեկտեմբերի, 2022Հայաստանի բարձրադիր գոտիներում և Դիլիջանի ոլորաններում մառախուղ է
21:05 - 02 դեկտեմբերի, 2022Երկրաշարժ Մեղրիից 7 կմ հյուսիս-արևելք. զգացվել է Սյունիքի մարզի մի շարք համայնքներում
20:19 - 02 դեկտեմբերի, 2022ՀՀ ԱԳ նախարարի տեղակալը և Եգիպտոսի նորանշանակ դեսպանը քննարկել են տարածաշրջանային և միջազգային օրակարգի խնդիրներ
19:56 - 02 դեկտեմբերի, 20222018-2022 թթ. համայնքներում իրականացվել է շուրջ 90 մլրդ դրամ արժեքով 1897 սուբվենցիոն ծրագիր. ՀՀ վարչապետին է ներկայացվել ՏԿԵՆ կատարողականը
19:24 - 02 դեկտեմբերի, 2022Պուտինը հեռախոսազրույց է ունեցել Շոլցի հետ |armenpress.am|
18:02 - 02 դեկտեմբերի, 2022Ալմաթիի հռչակագրին հղում տալը չի նշանակում, որ հնարավորություն չի լինի Արցախի կարգավիճակին անդրադառնալ. Աղաջանյան |armenpress.am|
17:20 - 02 դեկտեմբերի, 2022ԱՄՆ-ն ամենաբարձր մակարդակում ներգրավված է և աջակցում է հայ-ադրբեջանական ուղիղ բանակցություններին․ Ֆիլիպ Ռիկեր
17:14 - 02 դեկտեմբերի, 2022Սուրեն Պապիկյանը ԳՇ պետի և Լոռու մարզպետի ուղեկցությամբ այցելել է բանակային զորամիավորումներից մեկը
17:06 - 02 դեկտեմբերի, 2022