Ադրբեջանական կողմը կրկին ամբողջությամբ արգելափակել է Հայաստանից Արցախ մտնող միակ գազատար խողովակը։ Ցելսիուսի սանդղակով Արցախում -5 աստիճանի պայմաններում բնական գազի՝ վերջին օրերին արդեն որերորդ անգամ անջատումը մեկ անգամ ևս փաստում է, որ պաշտոնական Բաքուն Արցախի 120 հազար շրջափակման մեջ գտնվող խաղաղ բնակչության նկատմամբ, միջազգային հանրության թողտվության պայմաններում, վարում է բացահայտ ահաբեկչական քաղաքականություն։ [Արցախի տեղեկատվական շտաբ]
ՀՀ պաշտպանության նախարարն այցելել է 2-րդ բանակային զորամիավորում, որտեղ հրամանատարական կազմին է ներկայացրել զորամիավորման նորանշանակ հրամանատար, գնդապետ Գարեգին Պողոսյանին: Պապիկյանն այցելել է ինժեներասակրավորային վաշտի կացարանում բռնկված հրդեհի՝ ողբերգական դեպքի վայր: ՀՀ ՊՆ ռազմական ոստիկանության պետ, գեներալ-մայոր Աշոտ Զաքարյանը ներկայացրել է դեպքի առնչությամբ որոշ մանրամասներ։ [ՊՆ]
Կարմիր խաչի միջազգային կոմիտեի միջնորդությամբ և ուղեկցությամբ վեց հիվանդները տեղափոխվել են ՀՀ տարբեր մասնագիտացված բժշկական կենտրոններ։ ԱՀ առողջապահության նախարարության ենթակայության տակ գործող բուժհաստատություններում շարունակում են դադարեցված մնալ պլանային վիրահատությունները։ «Արևիկ» բուժմիավորումում 11 երեխա գտնվում է նորածնային և վերակենդանացման բաժանմունքներում: «Հանրապետական բժշկական կենտրոն» ՓԲԸ-ում 11 բուժառու գտնվում են վերակենդանացման բաժանմունքում, որոնցից 4-ը ծայրահեղ ծանր վիճակում են։
Եվրոպայի խորհրդում ՀՀ մշտական ներկայացուցչությունը Twitter-ում հաղորդել է, որ կառույցում ՀՀ մշտական ներկայացուցիչ Արման Խաչատրյանը փոխնախարարների խորհրդակցության ժամանակ հայտարարել է, որ Ադրբեջանի կողմից Լաչինի միջանցքի շրջափակումը Արցախի համար բերում է ծանր հումանիտար հետևանքների։ Ըստ հաղորդագրության՝ Հայաստանը ԵԽ Նախարարների կոմիտեին կոչ է անում վճռական քայլեր ձեռնարկել Ադրբեջանի կողմից ՄԻԵԴ-ի նշված ժամանակավոր միջոցների կատարումն ապահովելու համար։ |armenpress.am|
Փրկարար ծառայության գնդապետ Արսեն Սարոյանը «Հանրային հեռուստաընկերության» եթերում հայտնեց տեղեկություններ՝ զորամասի կացարանում տեղի ունեցած հրդեհի մասին. «Հիմնականում այրվել է նախասրահը, դրա համար զինվորները փորձել են մյուս կողմից փլուզել պատը և օգնության հասնել ներսում մնացած զինվորներին։ Ներսում եղել է 21 հոգի, նրանցից 14-ը հայտնաբերվել են մահճակալներին պառկած։ Մինչև փրկարարների հասնելը 6 հոգի դուրս է եկել այրվող շինությունից, նրանցից երեքը տեղափոխվել են հիվանդանոց։ Ենթադրում եմ, որ զոհված 15 զինծառայողներից 14-ը ծխահարվել են, նույնիսկ չեն հասցրել վեր կենալ մահճակալներից»։
Դատավոր Մնացական Մարտիրոսյանը նշանակվել է Երևան քաղաքի ընդհանուր իրավասության դատարանի Կենտրոն և Նորք-Մարաշ վարչական շրջանի նստավայրի նախագահի պաշտոնակատար։ «Հաշվի առնելով այն հանգամանքը, որ նախագահի հաստիքը թափուր մնալու ժամանակ նշանակվում է տարիքով ամենաբարձր դատավորը, այս պահին ժամանակավոր պաշտոնակատար է նշանակվել Մնացական Մարտիրոսյանը։ Նշենք, որ Կենտրոնի նստավայրում տարիքով ավելի մեծ էր Գագիկ Պողոսյանը, սակայն, նա հրաժարվեց պաշտոնից, ուստի, ինքստինքյան, նրան փոխարինեց նրանից հետո տարիքով ավելի բարձր Մարտիրոսյանը »,- պարզաբանել է ԲԴԽ լրատվության վարչության պետ Լիլիթ Շաբոյանը։
Ադրբեջանը Հայաստանի դեմ արբիտրաժային գործընթաց է սկսել՝ համաձայն Բեռնի կոնվենցիայի՝ Հայաստանին մեղադրելով իբր իր տարածքում շրջակա միջավայրին հասցված վնասի մեջ: Երկրի ԱԳՆ հաղորդագրության համաձայն՝ 2020թ. պատերազմից հետո Ադրբեջանի «ապացույցներ» է հավաքել առ այն, որ Երևանը «օկուպացիայի տարիներին» վնաս է հասցրել շրջակա միջավայրին։ Արբիտրաժային գործընթացի շրջանակում Ադրբեջանը պահանջում է պարտավորեցնել Հայաստանին դադարեցնել Բեռնի կոնվենցիայով արգելված բոլոր խախտումները և վճարել լիարժեք փոխհատուցում նախկինում օկուպացված տարածքներում շրջակա միջավայրի ավերման համար։ |aravot.am|
Կարմիր Խաչի միջնորդությամբ և ուղեկցությամբ ընտանիքի հետ վերամիավորվելու նպատակով Արցախից Հայաստան է տեղափոխվել 4, իսկ Հայաստանից Արցախ՝ 1 մարդ: [Կարմիր խաչի միջազգային կոմիտեի հայաստանյան գրասենյակ] |armenpress.am|
2020թ. նոյեմբերի 9-ի եռակողմ հայտարարության 6-րդ հոդվածը, որը կարգավորում է Լաչինի միջանցքի հետ կապված հարցերը, միջանցքի անխափան գործունեության ապահովման հետ կապված Հայաստանի որևէ գործառույթ չի նախատեսում: Միջանցքի բնականոն գործունեությունն ապահովելն Ադրբեջանի և ՌԴ խաղաղապահ զորախմբի պատասխանատվությունն է: Իսկ ԼՂ ներքին կյանքի հետ կապված հարցերը ԼՂ իշխանությունների լուծման տիրույթում են, և այստեղ ևս ՀՀ իշխանությունը գործառույթ չունի։ [Արարատ Միրզոյան]
Բերդ քաղաքում խողովակաշար անցկացնելու համար փորված փոսում տեղի է ունեցել հողաշերտի փլվածք։ Փրկարարները քաղաքացու են դուրս բերել հողաշերտի տակից և մոտեցրել շատպօգնության մեքենային․ տուժածը հոսպիտալացվել է Բերդ քաղաքի ԲԿ, որտեղ արձանագրվել է վերջինիս մահը։ [ԱԻՆ]
Ադրբեջանական կողմը կրկին ամբողջությամբ արգելափակել է Հայաստանից Արցախ մտնող միակ գազատար խողովակը
21:35 - 21 հունվարի, 2023Ալեքսանդր Պետրակովը ժամանել է Երևան
21:12 - 21 հունվարի, 2023Ոստիկանության պարեկային ծառայության ստորաբաժանումներ են գործարկվել Արագածոտնի, Կոտայքի, Գեղարքունիքի և Տավուշի մարզերում
19:38 - 21 հունվարի, 2023Հունաստանում ՀՀ դեսպանը հունական հեռուստաընկերությանում բարձրաձայնել է ԼՂ միջազգային դիտորդական առաքելություն ուղարկելու հարցը
17:56 - 21 հունվարի, 2023Երևան-Արմավիր ավտոճանապարհին տեղի ունեցած վթարի փաստի առթիվ նախաձեռնվել է քրեական վարույթ
17:51 - 21 հունվարի, 2023Սուրեն Պապիկյանը տեսակցել է հրդեհի հետևանքով վիրավորված զինծառայողներին
17:44 - 21 հունվարի, 2023Արժանապատիվ արցախցու համար առնվազն նվաստացուցիչ է ընկալվում տրամադրվող օգնությունը շահարկելն ու որպես խղճահարության տեսարան օգտագործելը․ Ստեփանյան
16:58 - 21 հունվարի, 2023Տավուշի մարզում տրվեց Պարեկային ծառայության ստորաբաժանման աշխատանքի մեկնարկը
16:15 - 21 հունվարի, 2023Մինչև հունվարի 25-ը կմշակվի առկա սոցիալական լարվածությունը մեղմացնելու միջոցառումների ցանկ. Արցախի ԱԺ
16:07 - 21 հունվարի, 2023Գնել Սանոսյանը և Իրանի դեսպանը Սյունիքում մասնակցել են ենթակառուցվածքների ոլորտում ներդրումային ծրագրերին նվիրված համաժողովի
16:05 - 21 հունվարի, 2023Ադրբեջանական կողմը կրկին ամբողջությամբ արգելափակել է Հայաստանից Արցախ մտնող միակ գազատար խողովակը
21:35 - 21 հունվարի, 2023Ալեքսանդր Պետրակովը ժամանել է Երևան
21:12 - 21 հունվարի, 2023Ոստիկանության պարեկային ծառայության ստորաբաժանումներ են գործարկվել Արագածոտնի, Կոտայքի, Գեղարքունիքի և Տավուշի մարզերում
19:38 - 21 հունվարի, 2023Հունաստանում ՀՀ դեսպանը հունական հեռուստաընկերությանում բարձրաձայնել է ԼՂ միջազգային դիտորդական առաքելություն ուղարկելու հարցը
17:56 - 21 հունվարի, 2023Երևան-Արմավիր ավտոճանապարհին տեղի ունեցած վթարի փաստի առթիվ նախաձեռնվել է քրեական վարույթ
17:51 - 21 հունվարի, 2023Սուրեն Պապիկյանը տեսակցել է հրդեհի հետևանքով վիրավորված զինծառայողներին
17:44 - 21 հունվարի, 2023Արժանապատիվ արցախցու համար առնվազն նվաստացուցիչ է ընկալվում տրամադրվող օգնությունը շահարկելն ու որպես խղճահարության տեսարան օգտագործելը․ Ստեփանյան
16:58 - 21 հունվարի, 2023Տավուշի մարզում տրվեց Պարեկային ծառայության ստորաբաժանման աշխատանքի մեկնարկը
16:15 - 21 հունվարի, 2023Մինչև հունվարի 25-ը կմշակվի առկա սոցիալական լարվածությունը մեղմացնելու միջոցառումների ցանկ. Արցախի ԱԺ
16:07 - 21 հունվարի, 2023Գնել Սանոսյանը և Իրանի դեսպանը Սյունիքում մասնակցել են ենթակառուցվածքների ոլորտում ներդրումային ծրագրերին նվիրված համաժողովի
16:05 - 21 հունվարի, 2023