Հայաստանը ԵԽԽՎ-ի կարևոր գործընկերներից մեկն է․ Լիլիան Մորի Պասկե

ՀՀ Ազգային ժողովի պատգամավոր Լենա Նազարյանը ֆեյսբուքյան իր էջում գրում է․ 

«Հայաստանը Եվրոպայի խորհրդի խորհրդարանական վեհաժողովի կարևոր գործընկերներից մեկն է, իսկ միմյանց միջև համագործակցությունը գերազանց է։

ԵԽԽՎ-ի նախագահ Լիլիան Մորի Պասկեն այսօր ասաց Ազգային ժողովում:

Հիշեցնեմ նաև, որ երկու օր առաջ Հայաստանի մոնիթորինգի հարցով ԵԽԽՎ-ի համազեկուցողներ Յուլյա Լավոչկինան և Անդրեյ Շիրցելը մարտի 12-14-ը Երևան այցի արդյունքներով հանդես են եկել հայտարարությամբ, որում բացառիկ դրական գնահատական են տվել ներկայիս կառավարող ուժի գործունեությանը՝ ասելով, որ Հայաստանի իշխանությունները հիանալի գիտակցում են փոփոխությունների հանդեպ բնակչության արտակարգ բարձր ակնկալիքները և այդ պատճառով կարևոր է, որպեսզի ներկայում անցկացվող բարեփոխումները հանգեցնեն որոշակի և շոշափելի արդյունքների:

Ահա, այսպիսի գնահատականներ ու հանձնառություններ են հնչում, երբ կառավարող ուժն իր գործով է զբաղված, իսկ միջազգային հարթակներում բոլորը գործում են ի նպաստ Հայաստանի շահերի»:

 

x