Արդյոք անցումային արդարադատության գործընթացով է անցնելու նաև մինչև 1998 թվականի քաղաքական էլիտան

Infocom—ի ընթերցողներից մեկի հարցերից մեկն այն մասին էր, թե արդյոք անցումային արդարադատության գործընթացով են անցնելու նաև մինչև 1998 թվականի քաղաքական էլիտան, և բացի ներկա դատական իշխանության ներկայացուցիչները՝ նաև ներքին ուժային կառույցները և միջին օղակի բյուրոկրատիան։

Արդարադատության փոխնախարար Աննա Վարդապետյանը պատասխանեց․

«Անցումային արդարադատության գործիքակազմը կիրառող յուրաքանչյուր պետության առաջնային հարցերից մեկն է որոշել, թե ինչ ժամանակահատված է այդ պետությունը ընդգրկելու անցումային փուլի մեջ։

Այս առումով քաղաքական գործընթացի արդյունքում է որոշվելու։ Իհարկե, եթե մենք խոսում ենք իրավական մեխանիզմների մասին և վաղեմության ժամկետների մասին, դրանք հաղթահարվել չեն կարող քաղաքական գործիքակազմով։

Իսկ ժամանակահատվածը, որը դիտվելու է որպես անցումային, որոշվում է յուրաքանչյուր պետության կողմից ավտոնոմ, այս առումով որևէ միջազգային կառույց որևէ միջամտություն չի իրականացնում»։

x