Բելառուսի առողջապահության նախարարությունն արգելել է «Արարատի կոնյակի գործարանի» արտադրանքի ներմուծումը, իրացումը, պահպանումն ու տարանցումը։Նշվում է, որ «Այրում» նռան գինու բաղադրության մեջ հայտնաբերվել է սինթետիկ ներկանյութ՝ ազորուբին։ Արտադրանքի ներմուծման և իրացման արգելքի պատճառը դարձել է սխալ մակնշումը, սննդային արտադրանքի տվյալների կեղծումը։ Առողջապահության նախարարության որոշմամբ՝ ամբողջ խմբաքանակը պետք է հանվի առևտրից ու ոչնչացվի կամ հետ ուղարկվի։ |tert.am| |tert.am|

Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են: Այս մասին X-ի իր միկրոբլոգում գրել է Հարավային Կովկասում և Վրաստանում ճգնաժամի հարցերով Եվրոպական միության հատուկ ներկայացուցիչ Տոյվո Կլաարը։ «Սահմանների սահմանազատման վերաբերյալ իրական բանակցություններ են անհրաժեշտ, և բոլոր տարածքային վեճերը պետք է լուծվեն խաղաղ ճանապարհով և համաձայնեցված գործընթացի շրջանակներում»,- ասված է Կլաարի գրառման մեջ: |factor.am| |factor.am|

Մոսկվայի Բասմանյան դատարանը կալանավորել է «Կրոկուսի» ահաբեկչության գործով անցնող ևս 3 անձի։Մոսկվայի Բասմանյան դատարանը ձերբակալել է «Կրոկուսի»-ում տեղի ունեցած ահաբեկչության գործով հինգերորդ մեղադրյալ Դիլովար Իսլոմովին, վեցերորդ մեղադրյալին` Ամինչոն Իսլոմովին, և յոթերորդ մեղադրյալ Իսրոյիլ Իսլոմովին, հայտնում է ՏԱՍՍ-ը։ Մինչ այժմ կա 7 ձերբակալված։ |tert.am|

Տավուշի ուղղությամբ ադրբեջանական զինուժի կուտակումներ չեն դիտարկվել, իրադրությունն առաջնագծում հարաբերականորեն կայուն է։ Սոցիալական ցանցերի որոշ օգտատերեր տարածում են ապատեղեկատվություն՝ շրջանառելով տեղեկություններ այն մասին, թե Տավուշի ուղղությամբ այս պահի դրությամբ ադրբեջանական զինուժի կուտակումներ են նկատվում: Հորդորում ենք չճշտված, իրականությանը չհամապատասխանող տեղեկություններ չտարածել: [ՀՀ ՊՆ] |factor.am|

Մակրոնը հայտարարել է, որ վերջին շրջանում Ֆրանսիայում «Իսլամական պետության» կողմից ծրագրվող մի շարք հարձակումներ են կանխվել։ «Վստահ եմ, որ Մոսկվայում մարտի 22-ին տեղի ունեցած հարձակման հետևում «Իսլամական պետությունն» է»։ Մոսկվայի կողմից Ուկրաինային այս հարձակումների համար մեղադրելը ցինիկ և ոչ արդյունավետ պահվածք է»։

Փաշինյանը հայտնել է, որ Կոբախիձեի հետ քննարկել են Հայաստանի ու Վրաստանի միջև սահմանազատման գործընթացի ակտիվացման հնարավորությունները։ Վարչապետն ընդգծել է նաև, որ Վրաստանի հետ համագործակցության շարունակական խորացումն ու ընդլայնումը ռազմավարական կարևորություն ունի ոչ միայն երկու երկրների երկկողմ հարաբերությունների, այլ նաև տարածաշրջանում կայունության և փոխշահավետ համագործակցության ապահովելու տեսանկյունից։

ԱԺԲ-ն հայտնում է, որ ոստիկանությունը վաղ առավոտից խուզարկություն է իրականացնում Ազգային-ժողովրդավարական Բևեռի աջակիցների բնակարաններում: Ազգային ժողովրդավարական Բեւեռի անդամ Տիգրան Մանուկյանը Aravot.am-ի հետ զրույցում հայտնել է, որ իրավապահները խուզարկության ժամանակ փնտրել են զենք-զինամթերք․ «Խուզարկություն իրականացրին, գնացին: Կարծես թե ամեն ինչ գնաց բնականոն հունով, թեեւ ինձ համար մի քիչ մութ բաներ կային՝ չէին թողնում, որ մենք նկարահանեինք իրենց, մենք երկար չհակառակվեցինք: Իմ ներկայությամբ են տունը խուզարկել, փնտրում էին զենք-զինամթերք. չգտան»:

Մոսկվայի Crocus City Hall-ում տեղի ունեցած ահաբեկչության հետևանքով զոհվածների թվում կա Հայաստանի Հանրապետության մեկ քաղաքացի։ [ՀՀ ԱԳՆ]

Մոսկվայի դատարանը երկու ամսով կալանավորել է «Կրոկուս»-ի գործով անցնող անձանցից չորսին: Նրանցից երկուսը ամբողջությամբ ընդունել են իրենց մեղքը։ Ահաբեկչության զոհերի թիվը հասել է 182-ի։ |tert.am|

Երեկ՝ ժամը 17։00-ի սահմաններում, նռնակներով զինված 3 անձ մոտեցել է ՆԳՆ ոստիկանության Նոր Նորքի բաժնի հերթապահ մասի բաց պատուհանին, սպառնացել ձեռքի նռնակներով պայթեցնել հերթապահ մասը։ Ոստիկանության ծառայողը փակել է պատուհանը, ինչից հետո անձը նռնակներից մեկը նետել է, և այն պայթել է մուտքի դռան դիմաց։ Որոշ ժամանակ անց (19։10-19:20՝ խմբ.) նռնակներով զինված 34-ամյա Ս․Հ․-ն վնասազերծվել է։ [ՆԳՆ]