Մեծ Բրիտանիան «կաշխատի դաշնակիցների հետ՝ աջակցելու Երևանին ռուսական պատասխան սպառնալիքների դեպքում»․ ՄԹ զինված ուժերի նախարար Ջեյմս Հիպպի Նախարարը նշել է, որ Հայաստանը սառեցրել է իր անդամակցությունը ՀԱՊԿ-ին՝ հայտարարելով, որ Ռուսաստանը չի կատարել Հայաստանի նկատմամբ անվտանգային իր պարտավորությունները՝ նկատելով, որ սա դեռ չի նշանակում կազմակերպությունից պաշտոնապես դուրս գալ: |azatutyun.am|

Բլինքենը և Ֆիդանը պայմանավորվել են միասին աշխատել՝ նպաստելու Հայաստանի և Ադրբեջանի միջև հավասարակշռված և տեւական խաղաղության համաձայնագրի հաստատմանը։ Թուրքիայի ԱԳ նախարարն ու պետքարտուղար Բլինքենը համակարծիք են եղել, որ դա կնպաստի տարածաշրջանային կայունությանը, համագործակցությանը և բարեկեցությանը:Այս մասին ասված է ԱՄՆ-Թուրքիա ռազմավարական մեխանիզմի յոթերորդ հանդիպման համատեղ հայտարարության մեջ։ |shantnews.am|

Վերջերս Հայաստան կատարած իմ այցի ժամանակ ես շատ բան իմացա ժամանակակից ռազմի դաշտում դրանց օգտագործման մասին։ Հիշեցնեմ, որ այդ երկրի զինված ուժերը հարձակման են ենթարկվել այն բանակի կողմից, որը զանգվածաբար օգտագործել է անօդաչու թռչող սարքեր, այդ թվում` «Բայրաքթար» ԱԹՍ-ներ: Նույն պատճառով մենք Հայաստանի հետ կհամագործակցենք պաշտպանական ոլորտում համագործակցության մասին երկկողմ համաձայնագրերի շրջանակում և Լեռնային Ղարաբաղի հակամարտությունից քաղած դասերի հիման վրա: Հունաստանը գիտակցում է այդ տեխնոլոգիաների կարևորությունը և ակտիվորեն աշխատում է ոլորտում իր կարողությունների ամրապնդման ուղղությամբ: [Հունաստանի պաշտպանության նախարար Նիկոս Դենդիաս] |1lurer.am|

Ադրբեջանի փոխվարչապետ Շահին Մուստաֆաևի գրասենյակի մամուլի ծառայությունից հայտնել են, որ «Ադրբեջանը չի ընդունում վերջին շրջանում հայկական ԶԼՄ-ներում կառավարական աղբյուրներից տարածվող տեղեկություններն այն մասին, որ Հայաստանի 31 գյուղերին պատկանող հողերը գտնվում են Ադրբեջանի օկուպացիայի տակ»։ Ադրբեջանը նաև պահանջում է ազատել «իր» 4 «օկուպացված» գյուղերը։ Հայտարարության մեջ նաև նշվում է, որ սահմանազատման գործընթացի շրջանակում կլուծվի նաև «Հայաստանի կողմից օկուպացված Ադրբեջանի 4 էքսկլավային» գյուղերի ազատման հարցը»։ |tert.am|

ՀՀ ԱԳ նախարար Արարատ Միրզոյանը Անթալիայի դիվանագիտական ֆորումին մասնակցության շրջանակում հարցազրույց է տվել թուրքական TRT World հեռուստաալիքին։ Պատասխանելով ապագայում ԵՄ-ին անդամակցության մտադրության մասին հարցին՝ նախարարն ասել է․ «Հաշվի առնելով այն բոլոր մարտահրավերները, որոնց մենք ստիպված ենք դիմակայել վերջին 3-4 տարիների ընթացքում՝ Հայաստանում ակտիվորեն քննարկվում են առկա նոր հնարավորությունները։ Գաղտնիք չեմ բացահայտնի, եթե ասեմ, որ այդ շարքում է նաև ԵՄ-ին անդամակցության գաղափարը. Հայաստանի ժողովուրդն ունի եվրոպական ձգտումներ, և ինչպես ասացի, մենք անցնում ենք գործընթացի միջով և կտեսնենք, թե ինչպիսին կլինի գործընթացի ավարտը, որն այս պահին ոչ ոք չի կարող վստահ լինել կամ կանխատեսել»։

Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և Քարի լիճ տանող ավտոճանապարհները փակ են: Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ Վարորդներին խորհուրդ է տրվում երթևեկել բացառապես ձմեռային անվադողերով։ [Փրկարար ծառայություն]