44-օրյա պատերազմի ժամանակ Հադրութի շրջանի Այգեստան գյուղում 73 զինծառայողների զոհվելու դեպքի վերաբերյալ դատական քննությունն այսուհետ կշարունակվի առանց երկու մեղադրյալների մասնակցության։ Երեւան քաղաքի ընդհանուր իրավասության քրեական դատարնի Շենգավիթի նստավայրում շարունակվում է այս գործով դատաքննությունը․ այսօրվա դատական նիստի ժամանակ գործով մեղադրյալ, ՊԲ օպերատիվ բաժնի նախկին պետ Նվեր Մարտիրոսյանի պաշտպան Արման Բայադյանը միջնորդեց առանց իր պաշտպանյալի շարունակել հետագա դատաքննությունը, ինչը եւ նախագահող դատավոր Արտուշ Գաբրիելյանը բավարարեց։ Նախորդ դատական նիստին էլ մյուս մեղադրյալի՝ ՊԲ N զորամասի նախկին հրամանատար Գոռ Իշխանյանի պաշտպան Երեմ Սարգսյանն էր իր պաշտպանյալի վերաբերյալ նման միջնորդությամբ հանդես եկել, այն եւս բավարարվել էր։

ԱՄՆ-ն պատրաստվում է 52 մլն դոլար հատկացնել Հայաստանի ժողովրդավարությունն ու տնտեսությունը ամրապնդելու համար. լրագրողներին ասել Է Պետդեպարտամենտի ներկայացուցիչը՝ պատասխանելով ծախսերի պլանավորվող գումարի մասին հարցին։ |armeniasputnik.am|

Ռուսաստանի արտգործնախարարությունը մեկնաբանել է Մեծ Բրիտանիայի պաշտպանության փոխնախարար Ջեյմս Հիպիի հայտարարությունը․ «Մեզ արդեն չի զարմացնում այն փաստը, որ Լոնդոնում դադարել են թաքցնել հետխորհրդային տարածքում, այդ թվում՝ Հարավային Կովկասում իրենց բոլոր քայլերի հակառուսական էությունը։ Բայց Հիպիի խոստովանությունը նաև ուղղակի հաստատում է, որ Արևմուտքը ձգտում է Հայաստանը դարձնել գործիք տարածաշրջանում իր կողմից Մոսկվայի դեմ վարած քաղաքականության համար։ Այս իրավիճակը մտածելու առիթ է Երևանի պատասխանատու քաղաքական գործիչների համար»։ |armeniasputnik.am| |armeniasputnik.am|

Մարտի 7-ին armlur.am կայքը հրապարակել էր մի ցանկ, որտեղ նշված էր, թե ակադեմիական քաղաքում և դրանից դուրս կառուցվելիք կլաստերներից յուրաքանչյուրում գիտական որ կազմակերպություններն ու բուհերն են միավորվելու։ ԿԳՄՍՆ-ն այսօր հայտնեց, որ հրապարակված ցանկը «Ակադեմիական քաղաք» հիմնադրամի աշխատանքային նամակագրությունից արտահոսք է և վերաբերում է ստեղծվելիք կլաստերների աշխատանքային խմբերում ներառված կազմակերպություններին։ Իսկ  կլաստերների կառուցվածքը դեռևս մշակման փուլում է և հայտնի կդառնա հավանաբար 2025-ին։

Հունգարիայի վարչապետ Վիկտոր Օրբանը հայտարարել է, որ Թրամփը նախագահ ընտրվելուց հետո դադարեցնելու է ռազմական օգնությունը Ուկրաինային։ «ԱՄՆ նախագահի ընտրություններում հաղթելու դեպքում Թրամփը Ուկրաինային անգամ մեկ ցենտի ռազմական օգնություն չի տա։ Ռազմական օգնության դադարեցումը կօգնի կանգնեցնել պատերազմը։ Եթե Ամերիկան փող չտա, ապա եվրոպացիները միայնակ չեն կարողանա ֆինանսավորել այդ պատերազմը, և այդ ժամանակ պատերազմը կավարտվի»,- ասել է նա անցած օրերին Ֆլորիդայում Դոնալդ Թրամփի հետ ունեցած առանձնազրույցից հետո։ |azatutyun.am|

Լրագրողների հետ ճեպազրույցի ժամանակ հնչած հարցին, թե հնարավորություն կա՞, որ սկզբում գյուղերը հանձնվեն, հետո սահմանագծում լինի, ՔՊ խմբակցության պատգամավոր Վաղարշակ Հակոբյանը արձագանքեց. «Ցանկացած գործընթաց պետք է լինի տրամաբանության մեջ: Ցանկացած գործընթաց, որին պետք է համաձայնի Հայաստանը, պետք է բխի ՀՀ շահերից: Սահմանազատման գործընթացը ամբողջ աշխարհում որոշակի տարածքներում առաջ են գալիս, որոշակի տարածքներում հետ են գնում: Դա բնական պրոցես է: Այլ բան է, որ մենք պետք է ամեն ինչ անենք, որ ՀՀ պետական շահը բավականին արդյունավետ գործի: Մենք ունենք դրա բոլոր հնարավորությունները: Ես բացառում եմ որևէ գործողություն ՀՀ քաղաքացու թիկունքում ու որևէ գործողություն, որը չի բխում ՀՀ շահից»։ |news.am|

Սահմանադրական բարեփոխումների մասնագիտական հանձնաժողովը ունի սահմանադրական բարեփոխումների հայեցակարգի հաստատված նախագիծ։ Նախագծում «առկա են դրույթներ, որոնք վերաբերում են՝ պետության կառավարման ձևին, նախագահի լիազորությունների շրջանակին, Սահմանադրության 2-րդ և 3-րդ գլուխների տարանջատումը վերացնելուն և սոցիալական, տնտեսական ու մշակութային հիմնական իրավունքները մարդու հիմնական իրավունքների գլխում ամրագրելուն, Սահմանադրությամբ պետական և, հատկապես, ինքնավար մարմինների ստեղծման հնարավորությանը և դրանց կարգավիճակին, մի շարք պաշտոնների համար առաջադրվող քաղաքացիության և նստակեցության ցենզերին, Սահմանադրությամբ մասնավոր իրավունքի սուբյեկտներին պետական մարմինների լիազորությունների պատվիրակման հնարավորությունը նախատեսելուն։ [Արդարադատության նախարարություն]

Կարծում եմ՝ շատ մեծ շանսեր կան, որ առնվազն ևս 8 տարի գազի գինը կմնա նույնը, եթե շատ մեծ աշխարհաքաղաքական ու շուկայական փոփոխություններ տեղի չունենան։ Կառավարությունն օգտագործում է բոլոր հնարավորությունները, որ գազի գինը պահպանվի կամ լինի ավելի մատչելի։ [ՀՀ ՏԿԵ փոխնախարար Հակոբ Վարդանյան] |tert.am|

«Օսկար» կինոմրցանակի հանձնման 96-րդ արարողությունն ավարտվել է, բոլոր անվանակարգերում հաղթողներն արդեն հայտնի են։ «Լավագույն ֆիլմ» անվանակարգում հաղթող է ճանաչվել «Օփենհայմեր» ֆիլմը, «Լավագույն արտասահմանյան ֆիլմ» անվանակարգում՝ «Հետաքրքրությունների գոտի»-ն: Լավագույն դերասանուհի՝ Էմմա Սթոունը («Poor Things»), լավագույն դերասան՝ Քիլիան Մերֆին («Oppenheimer»), «Երկրորդ պլանի լավագույն դերասան» է ճանաչվել Ռոբերտ Դաունի կրտսերը («Oppenheimer»), «Երկրորդ պլանի լավագույն դերասանուհի»՝ Դիվայն Ջոյ Ռենդոլֆը («The Holdovers»)։ «Լավագույն ռեժիսոր» անվանակարգում հաղթել է Քրիստոֆեր Նոլանը («Oppenheimer»), «Լավագույն օրիգինալ երգ» անվանակարգում՝ What Was I Made For? երգը («Barbie»):

Մեծ Բրիտանիան «կաշխատի դաշնակիցների հետ՝ աջակցելու Երևանին ռուսական պատասխան սպառնալիքների դեպքում»․ ՄԹ զինված ուժերի նախարար Ջեյմս Հիպպի Նախարարը նշել է, որ Հայաստանը սառեցրել է իր անդամակցությունը ՀԱՊԿ-ին՝ հայտարարելով, որ Ռուսաստանը չի կատարել Հայաստանի նկատմամբ անվտանգային իր պարտավորությունները՝ նկատելով, որ սա դեռ չի նշանակում կազմակերպությունից պաշտոնապես դուրս գալ: |azatutyun.am|